 |
رواية كدبه لا يمكن التخلص منها الفصل الرابع عشر 14 بقلم حنان أحمد
الفصل الرابع عشر
تستيقظ حياه وهي حسه بحد مأيد حركتها ف بتشوف مين بتلاقي نفسها نايمه في حضن مراد وهو حضنها ف بتتصدم وبتتكسف وبتفتكر هما ناموا ازاي بس اخر حاجه فاكرها أن هما كانوا بيتكلموا عن النجوم وهنا هي ابتسمت وافتكرت كل اللي حصل بينهم امبارح وكانت مبسوطه اوي بقرب مراد بشكل ده ف بتبصلو وهي بتبتسم وبتمسك وشه بكف أيدها وبتقول : اد ايه انت حلو وانت نايم مافيش تعصيب مافيش برود تحس انو وانت نايم دي طبيعتك دي حقيقتك اللي بتحاول تخبيها وبعدين بعدت عنه وحالوت تقوم من غير ما تصحيه لانه لو صحي هي هتكون مكسوفه اوي من قربهم ده ف بعدت عنه والحمد لله نجحت وبعدين طلعت علشان تاخد دوش وتجهز وهو بعد ما هي مشيت فتح عيونه وقال: هي دي حقيقتي فعلا واحسن حاجه أن انتي اللي اكتشافتيها وابتسم وقام هو كمان يجهز نفسه في الاوضه بتاعته
نروح بقه عند امير صحي من النوم هو اصلا معرفش ينام من اللي حصل حس أن قلبه بيوجعه وحس كمان أنه ظلم ملك قام خد دوش يمكن يفوق وطلع اعد يفكر هيعمل ايه حس أنه مخنوق اوي ومش عايز يروح الشركه طالما ملك مش فيها مبقاش عايز يشتغل ولا عايز يطلع من الاوضه كل اللي هو عايزه أن يشوفها حاسس انو مش عايز حاجه في دنيا دي غيرها هي حاسس أنه ظلمها وظلمها اوي كمان قاطع تفكيره صوت رساله في تليفونه بص لقه رقم غريب فتحه ولقاه صور ل يارا مع حد غريب لابس قناع على وشه وبتديه فلوس هنا امير اتصدم من اللي شافه وحس أنو فعلا ظلم ملك قام خد مفاتيح عربيته وركب وساق رايح علي بيت ملك وهو سايق كان بيتصل ب ملك
ملك كانت قاعده بتفطر سمعت رنت تليفونها استأذنت من خلاتها وقامت تشوف مين بتصل افتكرت أن حياه هي اللي بتتصل راحت مسكت تليفونها وبصت لقت امير هو اللي بتصل قلبها بدق يدق اوي بس بعدين افتكرت لما ضربها و دموعها لمعت في عينها وقالت: مش هرد انت جرحتني وانا مستحيل اسامحك
امير في عربيته عمال يرن علي ملك وهي مش راضيه ترد عليه وقال: ماشي يا ملك مترديش بس انا لازم اعرف ايه اللي بيحصل من ورايا وراح وصل عند بيتها وزمر بالعربيه هي سمعت صوت حد يزمر تحت بصت لقت امير تحت ( ملحوظه عربيه امير مفتوحة من فوق ولونها احمر) اتصدمت اول ما شافته وقلبها بدق يدق بسرعه وهو شافها وشاور ب أيده راحت بصتلو وافتكرت اللي حصل ف بعصبية قفلت الشباك والستاره ولقته بيرن عليها ف مردتش بعدين بعت رساله وقال" انتي مش عايزه تردي وقفلتي الشباك في وشي يبقي متزعليش لما اطلع علشان انا هطلع دلوقتي" ملك كانت لسه هترد عليه وتقوله ميطلعش لقت حد بيرن الجرس جريت وقالت انا هفتح يا خالتو
ياسمين باستغراب: خلاص ماشي مالك متوتره كده ليه
ملك بتوتر : ولا متوتره ولا حاجه
الجرس عمال يرن
ملك: خلاص انا هفتح
ملك راحت فتحت لقت امير فعلا بصتلو وقالت بصوت واطي علشان محدش يسمعها: انت ايه اللي جابك هنا
امير اول ما ملك فتاحتلو بص لقاها لبسه بجامه جميله اوي كانت عبارة عن بنطلون واسع لونه اسود وتشيرت واصل لنص بطنها ولونه أسود برضو وعمله شعرها ديل حصان ومنزله خصلتين علي وشها فكانت جميله اوي ملك لحظت أنه بيبصلها اتكسفت وبعدين قالت: ممكن تمشي من هنا مش عايزه حد يشوفك وبذات خالتو امينه مش عايزها تعرف بلي حصل علشان هتدايق
امير ادايق لانه هو السبب بس بعدين قال: ملك انا عايز اتكلم معاكي
ملك بصتلو وقالت: انا اسفه مافيش كلام بينا
امير : ملك لو سمحتي
ملك قاطعته بعصبيه بس بصوت واطي علشان محدش يسمعها: انا قلت مافيش كلام بينا ودلوقتي انت مش مديري يعني مش هتقمرني انت دلوقتي بقيت زيك زي اي حد ماشي في الشارع
امير ادايق لأنها بتشبه بأي حد بص في عينها وقال: انا اي حد يا ملك
ملك كانت هتحن بس بعدين قالت: لو سمحت يا أمير بيه روح من هنا انا مش عايزه اتكلم في حاجه
امير: بس انا عايزك تساعديني في حاجه
ملك باستغراب: نعم وانا مالي ملقتش حد تاني يساعدك وبعدين اساعدك بمناسبة ايه انا مالي بحضرتك انا كنت مجرد سكرتيره وكملت بوجع وخنق وقالت: اتجاوزت حدودها دلوقتي انا ولا حاجه ف لو سمحت روح من هنا كفايه
امير كان لسه هيتكلم بس قطعه امينه وجايه نحيتهم وبتقول: اي يا ملك ليه لسه واقفه عندك يا حبيبتي بس لمحت امير ف قالت: امير بيه اتفضل يا بني
ملك: لا يا خالتو هو كان جاي يقولي علي حاجه بخصوص الشغل بس وهيمشي علشان مراد بيه مش في الشركه ف لازم هو يروح
امينه : ايه اللي انتي بتقولي ده عيب كده ازاي الراجل يجي لحد هنا ومنضيفهوش
ملك كانت لسه هتعترض بس سمعت امير: بيقول لا ما فيش داعي امينه هانم انا كنت ماشي دلوقتي
امينه: ازاي يا ابني كده انت لازما تدخل وما تعترضش انت المره اللي فاتت قلت انك مش هتعترض على العزومه دلوقتي ادخل يا امير عشان كده عيب ما ينفعش تعترض انت قلت انك هتدخل ف يلا
امير كان لسه هيعترض بس امينه شاورت بايديها على اساس ان هو يدخل فما عرفش يعترض وقال: خلاص تمام انا هاخذ قهوه بس وهمشي
امينه: قالت ما فيش مشكله يا حبيبي انت لو تتغدى معانا يبقى فيك الخير
امير قال: لا لا ما فيش داعي يا امينه هانم انا كنت همشي اساسا وكنت عايز اتكلم مع ملك في موضوع فهشرب قهوه واخدها ده اذا سمحتي ان احنا نتكلم علشان محتاجه بس في موضوع في الشغل
امينه:اه طبعا خدها ما فيش اي مشكله اساسا هي ما كانتش بتعمل اي حاجه مش محتاجها عادي يا حبيبي
امير: شكرا جدا يا امينه هانم
ملك كانت متغاظه من خالتها علشان خلتها تروح مع امير وهي ما كانتش عايزه تروح معاه امير دخل وهما قداملو قهوه وقعد معاهم شويه نرجع تاني عند حبايب قلبنا وهم مراد وحياه
حياه اخذت الدش ونزلت لقيت مراد بيجهز السفره علشان يفطروا فراحت وقالت: صباح الخير
فراح مراد قال: صباح النور انا جهزت الفطار هنفطر ونروح نحضر الاجتماع هم اتصلوا بيا وقالوا ان سليم بيه هيكون موجود في المطعم اللي كنا فيه الساعه 12:00
حياه قالت تمام خلينا نجهز علشان نلحق نروح نحضر الاجتماع في مكان تاني في الشركه هنلاقي ليلى قاعده في المكتب بتاعها وراح دخل عليها مهند وقال: صباح الخير يا وردتي
ليلى بخنق:صباح الخير
مهند بتساؤل: مالك يا حبيبتي انت متضايقه ليه هو ما عجبكيش الخروجه بتاعه امبارح ولا ايه ده احنا كنا حتى في مطعم جميل ولا انت مش عاجبك ممكن نغير المطعم ونروح مكان ثاني لو انت عايزه
ليلى بضيق: لا يا مهند النهارده المفروض مراد هيجي علشان نحدد موعد لسليم بيه علشان يجي الشركه ونستلم المشروع
مهند: طيب يا حبيبتي انا هروح اجهز الملفات علشان اكيد مراد هيبقى عايزها عايزه حاجه مني
ليلى: لا شكرا
مهند: طيب انا هروح اجهز الملفات سلام ومشي مهند من مكتب ليلى
في بيت حياه كان امير قاعد خلص القهوه وقال: امينه هانم ممكن اخذ ملك لاني محتاجه في موضوع مهم بخصوص الشغل
امينه: طبعا يا حبيبي خدها بس اولا مش عايزاك تقول لي امينه هانم ممكن تقول لي خالتي امينه لاني ما بحبش حد يقول لي هانم دي وبعدين انت مش غريب طبعا ولا ايه
امير :طبعا طبعا بس طالما انا مش هقول هانم يبقى انت تقولي لي امير بس من غير بيه تمام
امينه: تمام كده اتفقنا وقام امير وملك ونزلوا ركبوا عربيه امير واتحركوا ووقفوا عند البحر
فملك اتكلمت وقالت: ممكن اعرف انت جايبني هنا ليه امير :قلت لك عايزك تساعديني ملك اساعدك في ايه مش فاهمه واساعدك ليه اساسا وبخصوص ايه
امير: بخصوص يارا
ملك: يارا هانم هه وانا لازمتي ايه بقى ان شاء الله يعني انا هعمل ايه وهساعدك ازاي
امير: انا اسف على تسرعي امبارح بس يارا سمعتني تسجيل بتقولي انك عايزه تفرقيني انا وهي وقعدت تقول انك عايزاني عشان الفلوس والكلام ده والهبل ده وعايزك وعايزه تحتلي على الشركه وانها سمعتك بتكلمي حد في التليفون وبتقولي كده انا في الاول قلت لها ان انا بوثق فيك بس لما سمعتني التسجيل انا اتعصبت ولما انت جيتي اكدتي كلامها بانها هي اللي عايزه تخوني مش انت وهي قالت الكلام ده بالظبط انك هتيجي وتقولي الكلام ده انك عايزه تفرقينا فلما جيتي واكدتي الكلام ده انا اتعصبت انا عارف ان رد فعلي غلط وبعتذر
ملك كانت سمعاه ومصدومه من الي يارا عملته بعدين قالت: والا خلاك تعتذر دلوقتي يعني انت دلوقتي بتثق فيا ولا حضرتك نسيت كلامك امبارح وان انا واحده وقحه وبتدخل في علاقتكم وضربك ليا بدون اي وجه حق ايه اللي مخليك متأكد ان هي اللي خاينه وهي اللي غلط
امير: علشان قلبي هو اللي بيقول كده ملك انت اشتغلتي عندي لمده سنتين وما شفتش منك حاجه وحشه ولا انك خاينه والكلام الفاضي ده انا عارف اني اتسرعت وصدقت يارا وعارف اني غلطت في حقك وبطلب السماح وعايزك تساعديني انا النهارده في حد غريب بعث لي مسج كانت يارا بتدي فلوس لحد لابس قناع في وشه انا لما شفت كده استغربت وشك اتاكد بانك مش انتي الخاينه وهي اللي خاينه عشان كده انا محتاج مساعدتك عايزه اعرف ايه اللي حصل امبارح بالظبط وهل اللي حكيتيه ده الحقيقه ولا لا ملك كانت سمعاه وبصيت له كثير بعدين قالت...........
بدل ماتدور وتبحث علي الروايات خليها علي تليفونك وحمل تطبيقنا
