رواية كدبه لا يمكن التخلص منها الفصل الثالث عشر 13 بقلم حنان أحمد

 رواية كدبه لا يمكن التخلص منها الفصل الثالث عشر 18 بقلم حنان أحمد 

 الفصل الثالث عشر

وقفنا لما ملك كانت بتحكي ل امير اللي حصل بينها وبين يارا وبعدين بصت على امير وقالت: امير بيه انت مصدقني صح قول انك مصدقني

امير هنا واخيرا اتحرك من مكانه ووقف قصدها وفجأة رفع أيده وضربها بلقلم يارا اتصدمت من رده فعله دي وملك اللي صدمتها متقلش عن يارا بالعكس دي تزيد بتحسس مكان خدها ومش مستوعبه بصتلو بعيون مدمعه بس هنا هو اتكلم وقال: مكنتش اعرف انك بالواقحه دي عايزه تفرقيني عن حبيبتي انتي مين اصلا علشان اصدقك ها تطلعي مين ولا علشان انا اتعملت معاكي بأسلوب حلو هتفكري اني معجب بيكي ها امير كان بيتكلم من وره قلبه مش قادر ومش مستوعب اللي بيحصل وافتكر كلام يارا لما جاتلو المكتب قبل ما ملك تخش فلاش بااااااااااااك يارا: حياتي انت فاضي دلوقتي

امير بضيق: لا يا يارا مش فاضي بشتغل

يارا: بس انا عايزه اتكلم معاك في موضوع مهم

امير بزعيق: هو مش انا قولت مش فاضي اجلي موضوعك كمان شويه مش مهم دلوقتي عندي شغل 

يارا بتمثيل العياط : علي فكره اللي بيحصل ده ظلم انا مش فاهمه انا عملت ايه عارف لو ملك هي اللي دخلت كنت سبت كل اللي في ايدك وسمعتها

امير هيدي شويه وقال: اتفضلي قولي اللي انتي عايزاه علشان عندي شغل وبسرعه

يارا: انا سمعت ملك بتكلم حد في التليفون

امير: وايه المشكلة يعني هو حد قالك أنها مش زي البشر وبتتكلم في التليفون

يارا بضيق: مش ده اللي أقصده كنت اقصد أنها بتتكلم مع حد وبتتفق معاه عليك

امير بنفاذ صبر: يا الله منك يا يارا هو احنا مش خلصنا من الموضوع ده قولتلك اني بثق فيها وهي مستحيل تخني 

يارا : بس هي خانتك 

امير بزعيق: ممكن تبطلي هبل بقي 

يارا: هتصدقني يعني هتصدقني وبدأت تحكي الكلام اللي كانت بتقوله بس علي اساس ان ملك بتقوله وبعدين قالت: وانا واجهتها وجيت اقولك علي الحقيقة

امير بيبصلها ومش مصدق كلمه من اللي هي قالته وقال: خلصتي اعتقد خلصتي اللي كنتي عايزه تقولي 

يارا بصتله بضيق: برضو مش مصدقني صح

امير: قولتلك انا بثق فيها ومستحيل ثقتي تتهز ف مهما عملتي وقولتي مستحيل اصدق ف لو خلصتي كلام ممكن تتفضلي تطلعي بره 

يارا بصتلو بصدمه بس بعدين افتكرت حاجه وابتسمت بخبث وقالت: علشان كده انا جبت الدليل

امير بصلها مش فاهم حاجه وقال: دليل ايه مش فاهم 

يارا طلعت تليفونها وقالت: التسجيل ده هيسبت اذا كنت كدابه ولا لا وسمعته التسجيل اللي ملك بتقول فيه أنها هتعمل ايه حاجه علشان تفرق بين يارا وامير وبعد ما امير سمعه اتصدم ازاي ملك تقول كده وازاي بتتكلم بالعصبية دي يعني معقول يارا عندها حق وأن ملك فعلا مش بتحبه قعد علي كرسي المكتب وهو مش مستوعب حاجه بااااااااااااك امير: لو مكنتش يارا قالتلي على حقيقتك ماكنتش اعرف انك كدابه ومخادعه 

ملك بتبصله بصدمه مش مستوعبه وعيونها فيها دموع ولوم كبير من ناحيته وهو شاف اللوم ده في عيونها وحس أن قلبه بيوجعه جامد بس بعدين ملك اتكلمت بوجع وقالت: عارف انا صعبانه عليا حالتك دي وانك مصدق الطرف ال غلط بس بعدين هتندم يا أمير بيه هتندم وتعرف كمان انا مبسوطه اني انا اللي شوفتك علي حقيقتك واني كنت مخدوعه طول السنتين اللي فاتو وكمان زعلانه علي قلبي الي الي ماقدرتش تقول حبك بس بعدين كملت كلامها وقالت: بما أن كل واحد عرف التاني علي حقيقته يبقي مافيش داعي اني اكون هنا حست بحرقه في قلبها وان هي مش قادره تسيبه بس هو غلط في حقها وده الصح كملت والدموع في عينها وبصت في عيونه وقالت: انا هقدم استقالتي لأن مفيش داعي لوجودي هنا 

يارا هنا ابتسمت أنه خلاص مافيش عائق بينها وبين امير بس أضيقت لما سمعتها بتقول وكانت ملك بتبص في عينه : وأتذكر اني قولتلك هتندم يا أمير بيه وهتعرف الحقيقه بس بعد فوات الاوان وطلعت من المكتب كله وهي حاسه ان خلاص مش قادره اخدت شنطتها وتليفونها وطلعت بره الشركه وهي بتعيط بحرقه وقلبها بيوجعها اوي نرجع تاني عند مكتب امير وبعد ما ملك مشيت يارا قالت: تقصد ايه انك هتندم هي البت دي خرفت ومش عارفه بتتكلم مع مين ولا ايه 

امير بضيق: لو سمحتي يا يارا سبيني لوحدي دلوقتي

يارا: بس 

قاطع كلمها امير وقال: يا تسبيني يا هطلع انا واسبلك الشركه كلها

يارا بضيق: لا وعلى ايه انا هامشي سلام 

يارا مشيت وامير قعد يفكر في كلام ملك واد ايه قلبه واجعه لما شافها بتعيط بس كمان قلبه واجعه لما عرف انها خاينه بس سؤال هنا هل فعلا ملك خاينه ولا هيندم زي ما هي قالت ده السؤال اللي كان بيتردد في عقل امير

ملك روحت البيت مخنوقه ومش قادرة تتنفس وعينها حمره من كتر البكاء روحت واول ما شفتها امينه كده جريت عليها وقالت: حبيبتي مالك وليه عينيك حمره كده

ملك بخنق: مافيش حاجه يا خالتو لو سمحتي سبيني لوحدي دلوقتي انا هطلع انام 

امينه: اسيبك ايه اللى انتي بتقولي ده وبعدين ماله منظرك انتي الصبح كنتي مبسوطه مالك دلوقتي

ملك افتكرت الصبح واد ايه كانت مبسوطه ولما حكت ل اختها كانت طايره من الفرح بس دلوقتي عرفت امير علي حقيقته ومستحيل تسامحه علي جرحه لكرمتها بشكل مستحيل وافتكرت لما ضربها بلقلم وهنا غصباً عنها دموعها نزلت ف امينه اتكلمت وقالت: يا حبيبتي مالك بس فهميني في ايه وليه بتعيطي انا قلبي بيتقطع عليكي

ملك بدموع: مافيش حاجه يا خالتو انا بس شوفت حادثة وانا جايه ف افتكرت بابا وماما وبس ف انا مش هقدر اتكلم ف ممكن تسبيني دلوقتي عايزه اطلع ارتاح شويه 

امينه: خلاص يا حبيبتي اعملي اللي انتي عايزاه

ملك سبتها وطلعت وقعدت تعيط كتير قلبها بيوجعها مش قادره تستوعب اللي حصل ونفسها ده يكون كابوس وتفوق منه عند ابطلنا وكانوا بيتعشوا في الجنينه تحت القمر ف مراد بيبصلها وبيبتسم وبعدين قال: حلو الاكل مش بطال يعني 

حياه: مش بطال ايه ده تحفه قعدت تقول هتسعدني وانت عملت الاكل لوحدك وخلتني اتفرج وخلاص والحاجه الوحيده اللي عملتها هي السلطة

مراد ابتسم وبص لسلطه ورح اكل منها وقال بهمس: والسلطه احلي حاجه اصلا انتي متعرفيش انا بحب السلطه اد ايه وبص في عيونها وهي بصتلو واتكسفت وبعدين كملت اكل وقالت : على فكره انا مكنتش اعرف انك بتعرف تعمل اكل لا وما شاء الله الاكل تحفه 

مراد ابتسم وقال: يعني عجبك 

حياه بصتلوا وبسرعه قالت: جدا 

وهو بص لعيونها وقال: اهم حاجه انو عاجبك قعدوا يكملو اكل وبعدين قاموا وشالو الاكل و حياه عملت قهوه ورجعه قعده تاني مكان ما كانوا قعدين تحت القمر مراد وهو بيشرب القهوة وبيستمتع بيها وهي لحظت ده ف ابتسمت فهو عرف أن هي لحظته ف قال: تعرفي أن القهوة بتعاتك حلوه اوي طعمها غريب بحس انك بتحطي حاجه فيها 

حياه بهزار: بحط صوابعي هحط ايه يعني 

فهو تلقائيا مسك ايديها وباس صوبعها وهي اتكسفت وبصتلو جامد وهو قال: إذا كان كده ماشي انا قابل 

حياه ضحكت وقالت: انت بجد صدقت اني بحط صوابعي

مراد باستغراب: وليه لا ما انا لسه بايسهم وطلعوا حلوين

حياه اتكسفت وبعدين قالت بهمس: بحط حاجه فيها زي التوابل كده ماما كانت بتحضرها وانا اي حد قريب مني بحطها له

مراد: يعني انا قريب منك 

حياه بصتلوا كتير وقالت: اللي يخليني احكي قصه حياتي واحكي عن بابا وماما لحد فده يؤكد اني بوثق فيه ثقه عمياء

مراد ابتسم وقال: يعني انا اول واحد تشاركيه حكايتك

حياه ابتسمت بخجل وهزت دماغها بمعني اه 

مراد ابتسم وفرح من جواه أن هو أول راجل تشركه حاجه زي دي وبعدين اتكلم وقال: وانا كمان 

حياه: وانت كمان ايه 

مراد قرب منها وهمس: وانا كمان اول مره اشارك حياتي مع وحده وبما اني شركتها يبقي الوحده دي مميزه عندي اوي 

حياه بصتلوا وعيونها اتعلقت في عيونه وهمست: بجد

مراد ابتسم وقال: جد الجد كمان

 بعدين بعد عنها وندم انو بعد وحس أنو عايز يفضل قريب منها اوي مش عايز أنها تبعد عنه خالص وبعدين بص عليها لقها بدفي أيدها ف قلع الجاكيت اللي كان لبسه ولبسها وهي قالت: مش مهم عادي خليك لبسه علشان ماتبردش 

مراد: لا خليكي لبساه انا كويس كده 

فقالت: شكرا

بصلها وقالها: العفو

 فهي قالت: القمر شكله حلو اوي انهارده صح وبصتلو ف راح بص في عيونها وقال: حلو بس دي يجنن حياه فضلت بصه في عيونه كتير وقالت بتلقائية: تعرف أن عيونك حلوه اوي 

مراد ابتسم بمكر وقال: بجد وايه كمان 

حياه عرفت انها عكتها واتكسفت وقالت: اقصد يعني لونهم حلو اوي وشبه البحر متفهمهوش كده شويه تحس أن المياه بتاعته دفيا وفيها امان وساعت تحس انو بسبب غضبه هيغرقك

مراد: اممممم مكنتش اعرف ان عيني حلوه اوي كده بس بدأت احبها اوي من الكلام اللي قولتيه حياه ابتسمت وسكتت وبعدين لفت وشها تتفرج علي القمر ونجوم وهو بيتفرج معاها وبدأ يقولها اسامي النجوم وهي بتسمعله باستمتاع وفرحانه لحد ما غلب عليهم النوم وهما مكانهم ناموا وهما في حضن بعض ناموا وكل واحد بيفكر في التاني واد ايه هو بدأ يحس بمشاعر ل التاني ناموا ومن هنا بدأت قصه حبهم هتبقي ملينا مصاعب بس هل في النهاية هيوجهوا كل المصاعب دي و هيبقوا مع بعض ولا للقدر رأي آخر ؟ 

الفصل الرابع عشر من هنا