 |
رواية بيت الخبازه الفصل الثالث عشر 13 بقلم زهرة الرمان
بسم الله الرحمن الرحيم
السلام عليكم ورحمه الله وبركاته
#بيت_الخبازه .......#البارت١٣
بقلمي * زهره الرمان*
الاستسلام في وقت المعركه يجعلك فريسه للعدو
خديجه:مجنت احسب لأمور رح اتعبني
العيشه مو خبزه وسگف العيشه ان تكون بكرامتك عايش تمشي ما ادنك راسك تنام ما تخاف من تضلم بشر
العيشه تريد شده حزام وعيون مفتوحه حتى بوقت النوم لأن مسؤوليه الي عدها اولاد مو تأمنين اكلوا وشبعوا ولبسوا ونظيفين
الأهم بداخلهم كون تعرفين شيفكرون على شنو يغذون عقولهم بشنو يفرحون ويرتاحون ما تأمنين بكلامهم من يكولون احنه مابينه شئ يجوز ورا الما بينه شي امراض وعقد بداخلهم
ليله خلصتها افكر استبرق فقدت ملهمها بالحياه ابوها وبعد ما عرفته متزوج فقدت صورته البخيالها قدوه بالنسبه الها
وفهمت هسه صايره تغار من اهتمامي باخواتها
لازم اهيأ عقلها باهميتها انطيها اكبر من حجمها واخليها تتحمل مسؤوليه
رحت للمدرسه وسويت التسجيل كالت المديرة ل استلمتيلها كتب من مدرستها
نعم ست
كالت الأحد اداوم بنتج وعكس دوامها الابتدائيه دزي وثيقتها وخليها هم اداوم
طلعت بوجهي للبيت
تعالي استبرق
وجها مخنوك وضايجه
اليوم أنتي الجبيره لازم أول وحده اشتريلج ملابس مدرسه والعصر لصفا
شفتها فرحت لبست واجت تركض اخذتها للسوك كلتلها شنو بنفسج لبس اشتري وإني أحاول اساعدها بالاختيار
وما خليت بنفسها أي شيء تكول اريد مرطب شفه والله يمه مابيه لون
أي تخلينه بليل الصبح لا
رغم ميزانيتي كلش محدوده حاولت احسسها أن كلشي تريده اكدر اوفره ماريدها تحتاج شئ ودوره بغير مكان عاطفه او حتى ماديات تفرق عدها لأن مراهقه
الصبح خبزت لبيت السيد وحاليا هم لزمت مطعم اجهزهم خبز وجبتين وهواي خبز
خففت على استبرق الشغل وثكلت وقتها بالشي التحبه تريد تحس هي عدها مكانه وتاثير
تعالي استبرق عيفي المواعين وانجانه العجين
عيفهم وجيبي ورقه وقلم ومنا وهيج أنتي يمج الفلوس وأنتي تحسبين شكد صرف الطحين وتضمين الفلوس يمج
وأنتي تشوفين احتياجات البيت
وبنفس الوقت مروه بديت اسأل النسوان اليجن ياخذن خبز عن أطباء ومكانات مخصصه لحاله مروه
ولكيت طبيب ورحت اله واطاني تعلبمات لازم اعلمها على الالوان والأشياء حولها حتى لا يخمد عقلها
وعرف هي قوية بالرياضيات كال
احولج على مكان رح يهتمون بيها مدرسه بيها صف لحاله بنتج
رجعت وشتريت سبوره وغراض تعليميه لمروه
........ نعمان الفلوس حاضره بس اريدك تسحبلي حسن
نعمان:,حسن عقله ضارب شبيك حتى شرب مايشرب وكاضيها زيارات ذابها على الله هليام
رشيد:زين مافهمت ليش هيج تحول ولا تكلي بسبب موت اخوه
نعمان: والله شكلك من آخر مره باگوا محل وانعرفو طفر رافد شو تفركشو كلمن صار بدرب
حامد: يعني منو برأيك القتل ابن عويد الدفاع
رشيد:حسن الأحيمر
حامد:بس إلي خلو الجثه رويفد وذاك الساقط مو
رشيد:الضاهر هيج لأن العرفته حسن كاتله بدون قصد مدافع وضاربه
بس رويفد نذل راد يخلص من الجثه يندل بس بيت حاجم بلاه بيه
حامد:اريد تشوفلي ثنين ثرثارين يكعدون قريب على سعد ابن عويد الدفاع ويشمرون هذا الكلام يمهم من تعلك راح نعرف بيت الدفاع منو منهم حرك حاجم
خديجه:كل جمعه. نوبات الخميس اروح لبيت السيد عدهم عزيمه
اساعد واطبخ واجي وتعامل العلويه كلش حلو تحترم بس هي فضوليه بطريقه مؤدبه تحب تعرف كل تفاصيل حياتي إني أحاول اخفي الاشياء إلي ماريدها تظهر
وأول شئ سألته ليش ما بقيتي قريبه على اهلج او أهل زوجج وحجتي علمود بنتي مروه عرفت حالتها
كالت اريدج تجيبينهن فد يوم
بس إني اتعذر على طول
اليوم كملت جان خميس
علويه: اوكفي خديجه
باجر جمعه وماعدهن مدرسه بناتج تجيبيهن وتجين وحتى الزايره تجيكم سياره تروحون وياانه للمزرعه
هم يتونسن البنات يغيرن جو وهم هناك اطبخين الغدا عدنا ضيوف
خديجه:,بس بناتي وزايره سنيه ما كدر اخذهم
علويه ،: لأ خديجه خليهن يطلعن شويه وأعرف تكولين الزايره تخاف معليج مسلم يمنه وعلي أنتي بس حضري نفسج والبنات ومعليج
رجعت كلت لبنات صفا كالت عدهم بنات
لأ يمه ماعدهم
استبرق..يمه شنو تريدنه نخدمهم
لأ يمه كالت اريدهن يغيرن جو ويتونسن مزرعه جبيره وحلوه توصفها العلويه
بس مشكله زايره سنيه شلون
الصبح خبزت لبيت السيد وعلي بالباب كال تحضرو ساعه ونمر عليكم تكول العلويه
لبست خالتي سنيه وهي تسال ها وين ماخذتني تردين اطميني بنگره موو
واستبرق تحارشها أي راح نلفج نشمرج بدجله الخير
