 |
رواية بيت الخبازه الفصل الثاني عشر 12 بقلم زهرة الرمان
بسم الله الرحمن الرحيم
السلام عليكم ورحمه الله وبركاته
#بيت_الخبازه........#البارت١٢
بقلمي زهره الرمان
خديجه:وصيت استبرق على اخواتها وطلعت اركض للمركز قشعم ماله أحد وفقير
وصلت هناك صار الضهر وإني اسأل بالرايح والجاي ماكو نتيجه
لكيت واحد بره بيده اوراق سألته
عرفته محامي
سواها گمره وربيع هسه ادخل اصلخ واذبح
واجيبه الج أول مرة فرحت بعدين گال انطيني على الحساب القاسمه الله
يااا اكلك شوف شنو قضيته
أي ادخل اقرا شمسوي واجيبلج التفاصيل وإني أحل قضيته يمي هو شمسوي
هذا الرطن كله وانت حتى ماتعرف شنو مسوي وما تدري يناسب اختصاصك اكلتني حاصل فاصل
وخر مني
بقى يلح عطت بوجهه مااريد وخر
اجه شرطي بباب المركزخيرج خاله
ولك يمه بعد عمري ابن أختي هنا ماخذينه يكولون لكو غراض نقص وهو حارس عليهن فدوه اريد بس اشوفه
اشوف ضابط اليحقق وياه
الشرطي: أمي هسه الضابط طالع وماكو أحد ب٢تعالي روحي ارتاحي
خديجه:زين بلا أمر عليك بس ادخل شوفه اريد اشوف قشعم حتى لو دقيقه
كسرت خاطره ما شنو دخل واول أخذ اسمه وراح واجه كال امشي وياي
دخلنا لكيته كاعد بالكاع يمه قشعم
قشعم:خاله خديجه اجيتي
خاله والله كلشي مماخذ ولا ماد ايدي
خديجه: اعرفك متسويها بس منو شمر هالبليه عليك
قشعم: ماعرف ماعرف
خديجه:شنو هالغراض كلي بإسم صاحبهن واروحله ننطي فلوسهن ونطلعك
قشعم:خاله اجهزه كمبيوتر غاليه جديده
خديجه :ياربي اروح واشوف
قشعم: لأ خاله ابد لاتوصلين هناك
خديجه: أنت مو متأكد ما مسوي شي
قشعم:وتراب أبوي ما ماخذ كشر من المخازن حتى يومياتي بقن جوه فراشي
خديجه:يصير خير الله موجود الخلص يونس من بطن الحوت يخلصك من هالشده لاتخاف يمه
طلعت وإني اكول كلما الكا غصن بيه فياي الدنيا تلوحه وتاخذه هذا الولد فايدني ومواقفه حلوه وياي
رحت للسايلوات فلوسه بفراشه اجيبهن واشوف منو مسؤول هناك بلكي الكا صوره حل
رحت بوجهي ما رجعت للبيت
مكان كلش جبير ناس داخله وناس طالعه وسيارات حمل شي يمشي وشي يحمل وناس تصيح هوسه لزمت ولد صغير سألت منو صاحب هذا السايلو
اشر على مكتب وراح يركض يشتغل
ماعرفت بقيت ادور وصلت لباب المكتب الاشرلي عليه ورا الجام وأحد كاعد على ميز وثنين يمه دكيت الباب الكاعد على الميز كال فوتي أختي
سلمت ردو السلام إلا الكاعد على الكرويته محجه
إلي على الميز ؛تفضلي
خديجه: إني جايه على صاحب هذا المكان
رائد(إلي على الميز):شتردين منه احجي
خديجه: على قشعم ابن أختي ماخذينه للمركز صدك ما يأخذ ولا يمد ايده هذا فقير ووين يوديهن وحتى لو افترضنه اخذ صدك هو حتى يومياته جوه فراشه لهسه روحوا لمكانه وتلكونهن
ماعنده مكان يروحله إلا يمي
رائد: أنتي شصيرين منه امه
خديجه:بمقام امه
رائد:قشعم مؤتمن على غراض هسه إني أمنتيني على هاي وتجين ثاني يوم اكلج ماكو تتهمين منو غير أمنتيها عندي
قشعم ما شفنه منه شئ مو زين بس هاي غراض بالوف وميات مبالغ قويه
خديجه: الموجودين ميحجون بس على الميز توقعته هو صاحب المكان
اجه صوت من الكاعد على صغحه التخم
حجي نافع: انتي شصيرين منه بالضبط
خديجه:كلت بمقام امه
حجي نافع:مو مقام شتصيرين منه
خديجه:,شيفرق الاعودله ردت اطلع إلي على الميز صاح وراي الحجي هو صاحب المكان وهو يكدر يطلعه
التفتت عرفت ذاك هو صاحب المكان...ردت أمشي حجه
حجي نافع:الاعرفه امه متزوجه وابوه ميت أنتي منين ولعلمج إني قشعم احبه وما اصدك يبوك بس هالفتره يسهرون يمه شباب سرسريه وكلناله كول اسماؤهم ما قبل يكول ما شفتهم أخذوا شي يعني هو حماهم وهمه سايفين
شنسويله
لذلك أريد اعرف منو أنتي إلي محترگ گلبج عليه
خديجه:باعتبار گرايب بيبته
رائد:هاا أنتي الخبازه إلي اطبخين للعمال
خديجه: أي صاحوا ولد اجه جاب محفظه قشعم وطلعت كلت اروحله اكله يبلغ عنهم يحققون وياهم حتى يعرفون منو بأك الغراض
رجعت للبيت اباوع على فلوسه شئ بسيط وباكيت جكاير تشرب جكاير قشعم أوف
بقيت بحيره اجت أم رحمن لأن جايه ملاگيتني
أم رحمن:خيه كالن البنات رايحه للسايلوات شلون رحتي لسايلو حجي نافع
خديجه:ليش علمود قشعم شلون اخليه ينسجن وهو بهالعمر ويخرب مستقبله
أم رحمن:,مو هذا المكان ماتروحله نسوان خيه
خديجه: وإني هم مثل ما رحت رجعت ماكو نتيجه
بقيت للضهر رحت للمركز لكيت حجي نافع كبالي
ما حجيت وياه حاجيت الشرطي ما قبل ادخل
بقبت كاعده برا اخذتله فلوس وسويتله اكل
كلت للشرطي كال إني اوديهم بقيت برا ردت نتيجه ماكو شوي واجه حجي نافع باتجاهي
تعالي اوصلج لبيتج
خديجه:مشكور لاتوصلني
حجي نافع:كعدتج هنا مابيها فايده إني بلغت على إلي جانو وياه بليل سهرانين وأن شاء الله يطلع ما عنده شي هو لايشرب ولا يتعاطى بس الشله الوياه تعبانين وألف مره كلت لايدخلون بس قشعم غشيم وما ياخذ النصيحة شكد هو شاغول ما يتعاجز وخدوم لهذا ما اعاقبه عليهم بس همه سبب دخلته هاي هاي ويله هسه خل اوصلج
خديجه:ما اريد اروح تيسر أنت الله وياك وخلفله عليك
خليته يروح رجعت للشرطي مقبل اروح امنته يدخل الفلوس والجكاير والاكل اله ورجعت بقيت يومين وحايره ما اكدر اروح لولايتي علمود نقل مدارس البنات لأن ماكدر اعيف قشعم
وگف وياي بأول يوم جيتي لبغداد ويركض للأطباء وياي واعيفه بهاي الشده ماكدرت أم رحمن كالت يحتاجله محامي شلون منين المحامي والمحامي ميريد فلوس دلتني على محامي رحت عليه
المحامي:مازال بعهدته الأمر يكون لازم يضهر أما سرقه
أو عدنه ثغره ماطول بعده بالمركز وما حايلين اوراقه للقاضي اكو حل التسويه مع صاحب المكان
واروح لهذا حجي نافع لالا يولي هذا
رجعت شبه مأيسه شفت سياره جبيره بباب بيتنه فتحت الباب لكيت حجي نافع گبالي
خيير
حجي نافع: أن شاء الله خير منتظر تجين
خديجه : خير عندك خبر لقشعم
حجي نافع:بناتج حلوات الله يحرسهن الج طالعات عليج
خديجه:, شنو دخلت جوه
حجي نافع: لأ هنه فتحن الباب سألت عنج
خديجه: شتريد حجي
حجي نافع:تردين قشعم يطلع
خديجه:, طبعا اريده يطلع
حجي نافع:يطلع اليوم اذا حابه
خديجه: إذا بيدك الحل خليه يخلص من السجن قبل لا يحيلون اوراقه للقاضي
حجي نافع:بس ما سالتيني غير اكو طريقه حتى يطلع قشعم
خديجه:شنو الطريقه
حجي نافع:شي يفيد قشعم ويخليج ما تنجبرين تخبزين وطبخين للعمال ولا حتى اطلعين للباب البيت معززه مكرمه ببيتج ويوصلج التردينه
خديجه: شلووون يعني
حجي نافع: إني اريدج على سنه الله ورسوله بس زواج منقطع لأن عندي عائله وزوجه
خديجه:شنووو زواج ؟؟؟؟
روح حجي لشغلك إني الزواج كله ما اقبل بيه انوب تريده منقطع
اصعد سيارتك ولا تخليني اشوفك بباب بيتي بعد
حجي نافع:غيرج تتمنى اشاره مني رح تتندمين لأن هذا العرض ما يتكرر ولا طبعي اكرر طلب
خديجه: وإني طبعي كلمتي وحده وما اثنيها روح منا وما اريد اشوفك ببابي
دخلت مستهضمه ومخنوگه بالعبره
صيده سهله يتوقعني
كلكم خونه رجال يشوف المره بعد ما يهتم إذا عنده زوجه أو عائله تف عليك حجي نافع
بقيت بيومها كلشي ما اشتغلت ولا خبزت خلصتها افتر
صار اليوم ثالث اليه لا خبز ولاطبخ اخذت فلوس مني استبرق كالت اجيب مسواك رفضت مطلعين ماكو طلعه من الباب
بقيت ثاني يوم اجت ام رحمن
ام رحمن:شنو قصتج لأ من رحتي تنقلين بناتج ولا تخبزين ليش هيج الله يفك شدته بس هاي بناتج يريدلهن لكمه علي عامل بيت السيد اجه يسأل رجعت الخبازه
خيه اخبزي والله كريم
خديجه:ماكدر نحلان جسمي أم رحمن تعبانه روحي
سيد موفق:مسلم بويه روح تجيب حطب وادزه لنفس البيت
رجعت للبيت وينج علويه
علويه:بلي سيد
سيد موفق:شوفي هاي الخبازه خاف تنور الطين متعب اشتريلها تنور حديد وقنينه غاز مو تگولين ما قبلت فلوس إني اذكر أمي الله يرحمها چانت تتعب من تنور الطين
خديجه:اجت صفا كالت أجوا جابو حطب
صعدو فوك إني ما رحت يمهم اعجن بالغرفه
للعصر اجت ام رحمن كالت العلويه تريدج
رحت لبيت السيد ووياي ام رحمن دخلتنه جوا سلمت
علويه:ام استبرق مقبلتي تاخذين فلوس فالسيد كال اشتروا تنور ستيل هذا الحديد وياه قنينه غاز يجوز تنور الطين متعب عليج اخبزي للعالم بس هاا السيد لأ خبزته بتنور الطين
شنو رأيج
خديجه: إني ممنونه منج ومن السيد بس ما بحاجته تنور الستيل تنور الطين تعلمو عليه هنا الناس طعمه اطيب وما مقصرين انتم صاحبين فضل جاي تجيبولي حطب المثلي يخبزلكم ببلاش
علويه:بلاش شلون الفضل لله حبيبتي متأكدة ممحتاجته زين نشتري وخلي احتياط مبقى شي للشته يجوز تحتاجينه
خديجه: لأ والله ما احتاجه وإذا احتاج انتم مو بعيدين ويعمر هالبيت
علويه: شتحتاجين لاتترددين
طلعنا منهه وتشكرناها
وصلت ام رحمن لبيتها وفكرت لو كايله للعلويه على قشعم
ردت ارجع بس كلت منا وهيج يصير مغرب الصبح ارجع لها
الصبح أول ما اجه علي عاملهم انطيته الخبز صار هو يجي
شويه كملت بقيه الخبز كلت لاستبرق تسوي ريوك رحت لبيت السيد اقدم رجل وارجع رجل ماحب اطلب أي شيء من أي احد دكيت الباب طلع علي
سلمت عليه وكتله اريد العلويه
شويه واجت العلويه
صباح الخير علويه أعتذر بهيج وكت جايه
علويه: صباح الخير لالا عادي ادخلي
خديجه:, لأ تسلمين اجيت عندي طلب يمكم وماعرف بلكي السيد بعلاقته يعرف حل
علويه:كولي خير
خديجه: سولفتلها كلشي عن قشعم
علويه:وهسه بعده بالسجن
خديجه: أي والله
علويه روحي للبيت ويجي السيد ويشوف موضوعه هاج هنا اكتبيلي رقمج
خديجه:ماعندي تلفون
علويه: إني ادز عليج يلا تعالي تريكي وياي
خديجه: لأ لأ عافيه وهنا اروح اتريك وي بناتي
علويه:كم بنت عندج
خديجه: ثلاثة الله يحفظ اولادج
علويه: الله يحفظهن الج
خديجه:رجعت للبيت استبشرت خير السيد مبين عنده علاقات وحتى العلويه جوابها برد گلبي من كالت كلشي اله حل سهله أن شاء الله
بعد اربعه ايام....
دزت العلويه عليه
علويه:السيد كلف اكثر من شخص لكن الموضوع بيد صاحب المكان هذا ما قبل عرض عليه السيد ينطي فلوس الاغراض والله رفض
وهسه دز عليه جماعه عرف ونفس الشي رجعهم
چنا نتمنى نساعده بعد طفل خطيه
خديجه:رجعت شبعت بچي وانعل واسب بحجي نافع فهمت لأن رفضت وطردته سواها عناد
والله لو ماعرف شسوي ما اقبل
يا نذل
رحت لقشعم
قشعم:خاله ليش رايحه للسايلوات موو كتلج لاترحين كلهم نواقيص وسرسريه هناك
خديجه:, وإذا همه هيج ليش تشتغل يمهم ليش
قشعم:لو لاكي مكان اشتغل جان عفتهم والله كم مره تركتهم اشتغلت عماله اشتغلت اسلك مجاري بس هنا يوميتهم صارت تكفيني اشوف انواع واشكال وما أتأثر ولا اندمج وياهم والله سوالف متسولف
خديجه: أنت بس كلي ليش ناهينك من شباب يسهرون يمك وانت ما راد
قشعم:خاله يا شباب منيلي صحبان
يجون جماعه إسناد رائد وإستاد مخلد
وإني عليه بس اباوع شسوي يسهرون ويشربون ووو
خديجه:ء؛وشنووو
قشعم:عوفج منهم
خديجه:احجي شيسوون همه يجوز بايكين الاجهزه وشمروها برأسك
قشعم:خاله حتى بصوت ناصي نسوان يجيبون
خديجه:وعلمود اليومية قشعم تبقى يم هالزبايل مااا اجيت ببيت ابوك وكعدت شبيك شبيك
قشعم:خاله ما كو شغل بس هذا مال الليل شسوي
خديجه: إني إلي شسوي شسوي فهمني
قشعم:معليج خاله وديري بالج تروحين
لحجي نافع لو لاستاذ رائد
خديجه:ليش
قشعم:مو خوش اوادم بالشغل همه زينين وياي بس سوالفهم الموزينه على رواحهم اعرفهم نفسهم دنيه ماريدج تروحيلهم
خديجه: رجعت واكول هذا حاج بيت الله ما اصدك يساوم على حياه شاب النذل
رجعت امشي بطريق البيت هاي مشيه استبرق طولها العصر كلش وين رايحه خاف مو هي لأ هي
وصلت يمها استبرق درت وجها هي شوفه لزوجها مخليه كحله وحمره وإني روحي طايره من جسدي على قشعم سحلتها للبيت
وكتلتلها والزايره تصرخ ومروه ساده اذنها واستبرق هم تصرخ
شلون اطلعين وإني نهيتج شلون تخلين مكياج بوجههج بنيه بيت وبديره غرب احنن وما على راسنه والي تردين العالم تأكل وجوهنا شلون ولج
بقيت ادك والطم
شعرها منفوش وكاعدين تعبت گلبي كام يخفگ مثل السعفه
وهي كعدت على الدرج خلت وجها يين رجليها تبجي
وكلامها شسويت اني مو صغيره
دكيت على رجليه ووكفت شوفي تسمعيني ولج تمشين عدل خير على خير ما تمشين على الاكوله وحق النبي اوديج لعمامج وهمه يربونج ويزوجونج احسن الدور مكياج وطلعه من وره امها هاي شتريد
هااا فهمتج وعلمتج أنتي جبيره عيب اطلعين الصايه الضيكه ممنوع تنلبس اليشوفج ميكول حلوه لأ يكول مستهتره لأن ماعدها أم علمتها
وهسه علمتج وذنبج برگبتج بس اموت وما اخليج تزلين
من اموت اطلعي وحطي حمره
نامت بدون عشا ماهتميت اريدها تكبر وتعقل اريدها تسندني الدنيا بره وحوش بغداد ناس متعرف ناس من انلطخ بسمعتي شيخلصني وشماتي واكفين منتظرين زلتي ووگعتي
يوم ورا يوم وصارت محاكمه قشعم انحكم سنتين بقيت اللطم اجيت للبيت كله بسببي ساعه اكول لو متزوجته منقطع وانوب الطم شلون شلون اسوي هيج
ثلاث ايام لأ إني ولا البنات نكدر ناكل لو أنام على هلخبر
مر شهر على طول اروح لقشعم
وبدا الدوام وصيت أم رحمن على زايره سنيه والصبح نطلع
كعدت لكيت زايره سنيه تبجي متريد صفا اخذها وتبجي بصوت
شلون يربي
قنعتها تروحين ويانه
ماتقبل
استبرق: إني ما اكمل دراسه مبطله
خديجه: أنتي تردين تعاندين لو شنو
استبرق:مااا احب المدرسه كوه نجحت كوه خلص مابيه حيل الدراسة
خديجه:شتىردين استبرق
استبرق:ماريد الدراسه يمه والله تنقلين واتعبين وإني ارسب ماحب اقرأ
خديجه:مستقبلج بالدراسه إني لو مكمله لو عمدي راتب اتبهذل هيج
استبرق: وإني تختلف نظرتي ما اريد الدراسة
صفا: وإني هم يمه
خديجه:صخام الصخمج خديجه أنتي شبيج
صفا:هي إني طلعت شويه ألف سؤال سألوني تريدن اداوم مدرسه حتى يحطني بالوسطه ويضحكن عليه
خديجه:منو يكدر يضحك عليج غير تخبلين أنتي
صفا:ماريد يمه
خديجه:ولجن الدراسه تعلم تغتح العقل
تساعدج بدنياج وإني الف حلگ وراي تريدن يكولون ما دبرت تسويهلهن مستقبل
تنتضرن رجل ينطيجن والعطيه مال الرجال مو منيه ولج استبرق هاي أنتي تعلمين اختج لو تخربين مخها
تسنديني لو تصيرين عليه والزمن
مو بكيفجن اداومن باجر الله يحاسبني عليجن انتن متعرفن هسه مصلحتجن باجر إذا اعيفجن تعاتبني ليش ما خليتنه گوه ندرس من تشوفن البحلچن طبيبات او مدرسات او نافعات بشغل وهنه جانن وياجن ما اسامح ولا اسمح تنطمن واداومن وتنجحن كوه
تركت الزايره امانه يم ام رحمن
رحت لولايتي.وصلت للمدرسه بوجهي وإني جايبه ورقه بس لازم نقل من تربيه لتربيه مشيت بالمعامله
صارت ورا الضهر وإني اسحل بالبنات گوه.رحت لأمل رحبت بيه
وسالتني شنو تبقين ببغداد
. أي ابقى
وهاي نهايه ٢٠٠٤...
الشهر ١٠ بقيت ببيت أمل اربع أيام
وجان الروتين متعب كلش
وصيتها تخلي زوجها يأجر بيتي
على معرفته وكلفنهم يرحون لعيالي يبلغونهم بايجار البيت من يحصلون مؤجر
بهاي الايام البقيتها يمها تحاول أمل تحجيلي عن اخواني سديت الموضوع وياها ماعندي اخوه بس من كالت لهسه رافد ما لاكينه
كلت عساه باردئ حال هجم بيتي وضيع مستقبل بناتي
رجعت للمدرسه مال استبرق وهي آخر شي اخذها واروح لتربيه بغداد بعد
طلعت من المدرسة وياي ابن أمل عنده سياره وكال شوكت ما تروحين لبغداد اوصلكم ماريد أشوف أحد من عيالي بس سألت اسامه إبن أمل عن عيالي
كال هدوء ماكو شي بيومها طاشه التلفونات الخلويه
واسامه كال خاله اجيبلج خط وتلفون ألف وميه نعرف اخبارج نتصل
هو چبير اولاد امل مهندس بعده يدرس خطبتله بنت أم ماجد ومن يكملون دراسه يزوج
واشوفه تلفونه باذنه ويضحك
راح وجاب خط وتلفون ألف وميه واستبرق والبنات استلمنه بسرعه تعلمن عليه إني ما عرفتله وضافو ارقام وعلم البنات شلون يتصل ولازم نخليله رصيد
رجعت لبغداد من الصبح دخلنه لكيت صينيه ام رحمن بعدها بحطه اديها مماكله شي زايره سنيه يمه وينها دورنا افترينا لكيناها بفراشها متخربطه تخبلت ركضت احرك بيها ونشيلها إني والبنات ورحت اجرت تكسي وشالها ويانه أبو التكسي كلت لاستبرق ابقي يم خواتج وصفا طگت من البجي عليها وحتى استبرق وإني اركض لا خاله لأ زايره سنيه تعلمنه عليج لاتروحين
وصلنه للمستشفى واركض اخذوها للطوارئ فحص وطبيب فايت وطبيب طالع صعدوها بغرفه ثانيه وإني وراها
أريد أحد يكلي عنها شي ماكو چلبت بممرضه سألتها
خاله هسه الطبيب يكلج
شويه واشرلي الطبيب فوتي
ها دكتور شبيها
الحجيه مضروبه جلطه بس خفيفه يعني هسه هي عدت الجلطه والحمد لله ما ماثره على أعضائها بس تقيدوا بالأكل إلي اكلج عنه وهم علاج هذه تستمر عليه ومشافايه أن شاء الله
أول ما فتحت عيونها ورا ساعه ونص شافتني غمتني هههه
ها خاله
وين شردتي واخذتي حميده وجشعم عساج بالحارج
خاله منا المرضى صوتج احنه مو بالبيت جبتلها عصير وكعكه كالت جوعانه
مال الصگع ترحين وتاخذينهم كلهم وخليتوني جويعانه
رجعت لكيت أم رحمن واكفه بالباب عود جايه تشوف زايره سنيه وتسولفلها استبرق نزلتها وياي فرشنالها وهي عاطت حميده تعاي ليه شمامه الروح بقت حاضنه صفا وصفا تبجي وتسال بيها موجوعه تكلها لأ بس من خذو دمي فلك الهطرهم ولج غير باكو دمي كلها تبوك حراميه
وين جشعم وين ضميتيه يل...... تغلط الزايره
تصيح عليه
ام رحمن:خيه ارتاحي البوم وباجر تخبزين لبيت السيد والضحى هيج العلويه تريدج
خديجه:خير شتريد
أم رحمن:ما گالت بس كالت خل ام استبرق تجيني
فكرت تريد تنطيني مساعده وإني مقرره بداخلي ما أخذ فلوس من أي احد
ثاني يوم خبزت وخبزت هواي عندي ناس تريد صارت بالعشره كلت اروح لبيت السيد لأن اليوم جمعه ماكدر اروح للتربيه
وصلت لبابهم
دخلني علي لبيتهم كال العلويه تكول خل تجي للصاله دخلت للبيت هاي أول مرة افوت لبيتهم جوه سلمت عليها وسالتني عن زايره سنيه
وراها كالت عدنه عزيمه واريدج وياي
يعني بالعزايم تعرفين اطبخين صح
خديجه: أي أعرف
علويه:خلص لعد بأي عزيمه تجيني بالايام العاديه ما احتاج طبخ لأن السيد مياكل إلا من ايدي بس تعرفين العزيمه تريد مساعده
خديجه:حاضره بأي وقت
علويه:هسه بمعوده الضهر عازم السيد
كلتلها ارجع اوصي بناتي على الزايره وارجع كالت جيبي بناتج
مقبلت تعذرت أخاف على بناتي ماريدهن يتعلمن على دخله البيوت
رجعت غيرت ملابسي ووصيت استبرق رغم گلبي ينغزني منها خاف تطلع خاف تتصرف غلط
ورجعت لببت السيد
ماطول إني اشتغل العلويه بس تنطيني تعليمات شون تريد الشي وتراقب بشغلي
قبل صلاه الضهر وكمل الاكل كله وعلى ترتيب الرادته شويه وسمعت صوت رجال إني بالمطبخ اجه السيد بس ماشافني ولا شفته دخل الخطار واحنه محضرين كلشي بديت اصب كملت ترتيب كالت تعالي لهاي الغرفه خل يجون شباب يأخذون الاكل
دخلتني بغرفه بيها بس كنتور صغيره
انتضرنا شويه اخذوا الأكل لبست عبايتي ردت اطلع بالي يم بناتي كالت ابقي
لا علويه بناتي مناك وحدهن مقبلت كالت تعالي وخلتني اصب أكل عرفت إليه كلتلها على كدنه أخذ شسوي بيه هالكد رفضت أخذ زياده
سيد موفق:طعم الأكل كلش طيب منو رتب وياج.ام هند
علويه: لأ دزيت على خديجه الخبازه
نضيفه ومرتبه واكلها كلش طيب
هي احق بكم فلس لأن لاتقبل بمساعده نشتريلها ولا تقبل بصدقه
سيد موفق: عاشت ايدج
منا وهيج خليها تجي تساعدج إذا ارتاحيتيلها
علويه:,عدها بنات ماتكدر تتواجد يمي هواية بس مثل اليوم عزيمه ادز عليها
وعيونها مليانه ماقبلت حتى تأخذ اكل كوه خلت وعلى كد بناتهه ماقبلت بزياده
خديجه: رجعت وبيدي غدا لبناتي وانطتني فلوس كالت اجره طبخج هاي مو تصدق تعبج
ولكيت استبرق فوك بالسطح
اجيت من ورا ع كيف اشوف شنو تسوي ورا البيت ساحه وعماره ومحلات
وشباب وهي بلا ربطه سحبتها بس هالمره ما ضربتها شفت تعاند أكثر من اضربها ولازم اسحبها واكسبها اليه بعمر مراهقه وكلت لا تنحرف بتي من اضغط عليها
اخذتها من ايدها صبيت للزايره ولصفا ومروه متاكل إلا أني اوكلها
كعدتها اولكل بمروه وخليت لكمه بحلك استبرق استغربت
استبرق:شنو بالغلط خليتي بحلكي
خديجه: لأ إني اريد اوكلج بيدي
استبرق:شعجب إني شنو هم صفا لو مروه
خديجه: وإني اوكلهن لأن صغار انتي الچبيره أنتي عوني وتدرين الدنيا عوجت وياي
استبرق:يمه أنتي تحبيني ؟
خديجه: أنتي أول فرحه اليه وجانت أمي تكول اليحبها ربها ينطيها أول خلفتها بنيه معليكم بالولد ويشيل اسم ابوه
الينفع الاهل بنيه أول خلفتهم
شلون ما احبج احبج بكد النفس هذا البروحي بس تشوفيني اداري نفسيه صفا بسبب شكلها ومروه شفتي حالتها مريضه أنتي اختهن الجبيره الاعتمد عليج إذا كلشي يصير عليه وشفتي محد فادني كلها ضدنه
أنتي وياي تركضين تشيلين همي وجنتي تعاركين وراي من أحد يتعدى شبيج يمه هسه
شبيج احجيلي ششغل بالج لأ تتوقعين الام يكدرون اولادها يضمون عليها حتى من نظره تعرف كلشي تعرف اليحجي الصدك والجذب بس نوبات اغشم روحي
يمه استبرق البنيه شرف اهلها بتصرفاتها ولا تكولين هنا منو يعرفنه وبغداد وبيها انفتاح وحرية غلط الصح وين ما جان صح والغلط وين ما جان غلط لأ هذا يتجمل ولا هذا يتلوث
بولايتنه يمه
بكلمه چذب ياما بنات راحن وياما خربت عوائل بكلمه استهان صاحبها بيها لا تتهاونين بسمعتج أبد
بنيتي إذا عندج أي شيء أي شيء
لاتخافين كليلي وإني هاج
طلعت اصبعي السبابه عهد وياج شتكولين ما اخوفج بس انصحج وانطيج حق الاختيار هاا
بقت متردده ومن خليت اصبعي على اصبعها سحبته
كالت خوش عهد بس لا تعارضين ع كلشي اكلج
خديجه: لأ ما اعارض
استبرق:زين إذا هيج إني اريد اشتغل
خديجه:شنو الشغل
استبرق:معمل مال بسكت
خديجه:شعرفج بالمعمل ووين لكيتي
استبرق:,هاج شوفي رأسا حواجبج انرفعن وعيونج خنزرن ماكول وكمت
سحبت ثوبي كعدتني
خديجه:احنه تعاهدنه بس لازم كلشي تكولين جاي اسالج شلون عرفتي درب المعمل ووين احجيلي تفاصيل وما اعارض
استبرق: أنتي عاهدتيني
خديجه:أي
استبرق:تذكرين الخشب الجبته
خديجه: أي اذكر
استبرق:هناك رجال يعني مو جبير هوه بكبر قشعم يمكن لأ اكبر شويه
كال إذا تحبين تساعدين امج اكو معمل وبيه أكثر العمال بنات وقريب اركب نفرات سياره وحده بتقاطع.....
خديجه: وشلون عرفتي ركبه النفرات
استبرق:موو رحت شفت المعمل
خديجه: ورحتي وحدج
استبرق: لأ هو الرجال راح وياي
خديجه: وهنا حسيت بخطوره وخوف فقدت بقيت الطم واعيط ترحين وي رجال غريب ماخفتي ما كلتي يسويلي شي يطلع مو معمل ولج شلون
بقت تركض منا ومنا لأ بمه والله خوش انسان.فلك الفلكج خديجه ع هاي المصايب
