رواية زواج على خفيف الفصل الثانى عشر بقلم ليل ادم
بعد مرور أربع أيام
عمر : ألو
مها : اي يا عمر
عمر : حصل
مها : مضا على العقد
عمر : مضا و بصم كمان هو أنا بهزر
مها : حلو اوي في واحد هيكلمك اسمه استاذ منير التعامل هيكون من خلالك انت بلاش عادل يعرف اي حاجه عن منير لو وصل ل منير باظط اللعبة
عمر : نفسي افهم اللعبه اللي وقعت فيها دي
مها : تقدر تنسحب لو حابب ياعمر
عمر : لالالا مفيش منه الكلام ده أنا صحتي جت على الراجل اللي اسمه صالح ده
مها : طب روح الوقتي الباب بيخبط
عمر : ماشي
مها : ثواني ياللي على الباب جايه
عادل : العيال فين
مها : في اي انت بتخبط كده ليه
عادل : أنجزي كنت دخلت عليكي قصر الرئاسة يعني العيال فين
مها : لما تتعلم الأصول أبقا اسأل عليهم ( وقفلت الباب في وش عادل )
عادل : كده طب يا مها مكنتش أشتري البيت ده و أرميكي في الشارع أبقا مش جدع
مها : قصدك تبقا مش راجل
عادل : خلينا نشوف
مها : خلي نفسك طويل يا عادل علشان سنين الفقر اللي عدت عليك متعلمتش منها حاجه
عادل : مش عايز اتعلم منها أصل أنا مش ناوي ارجعها تاني إنما انتي للأسف رجعتي بسرعه اوي
مها : ( ضحكه بصوت عالي وبعدت عن الباب )
عادل : أضحكي اوي اللي جاي كله نكد
في جانب آخر
منير : ألو
عمر : مين معايا
منير : أنا استاذ منير يا استاذ صالح
صالح : اه تمام اي المطلوب
منير : انت أخدت عقود العمل وكل البنود من مدام مها صح كده
صالح : الورق كله تمام
منير : تمام مع حضرتك ١٤ قطعه سكنية تقدر تبدأ فيهم من بكره توصيل التشطيب ل خمسين في المائة يطلع ليك مستخلص بنسبه ٧٥ في المئه تمام
صالح : تمام
منير : وصل حضرتك دلوقتي صور العقد على الوتس أب
صالح : اه فعلاً تمام
منير : منتظرين حضرتك في الموقع بكره أن شاء الله
صالح : تمام تحت امرك
منير : سلام
صالح: مع السلامه
عمر : ( اعمل اي أنا الوقتي منا مش عارف )
مها : ألو يا عمر
عمر : أنا استاذ منير كلمني ومش عارف اعمل اي الوقتي
مها : جالك صوره من العقود على الوتس صح كده
عمر : حصل
مها : طب خد الصور روح مكتب عادل يعملك تحويل بنص المبلغ اللي هتشطب بيه هو مش شريك ليك
عمر : ايوه اللي هو كام
مها : عشرين مليون
عمر : يا دين النبي
مها : ( بصوت عالي) انت عبيط ولا اي
عمر : اي بس في اي
مها : يعني واحد زاي صالح عناني يسمع عشرين مليون جنيه يفتح بوقه ويستعجب ذاي ما حضرتك عملت كده انت مجنون
عمر: لا هحاول أكون متماسك قصاد الأرقام اللي بسمعها دي
مها : اتفضل روح اعمل اللي قولتلك عليه
عمر تمام
في جانب آخر كان فعلاً عمر تقابل مع عادل في منزل عادل وعرض عليه صور العقود
عادل : معقول الكلام ده يعني الناس دي بمجرد ما نطلع خمسين في المائة من تشطيب العمل يطلع لينا ٧٥ فالمئه نسبه
صالح : مش بقولك فرصه لا تعوض
عادل : أنا عايز اروح الموقع ده
صالح : إحنا هنبدا من بكره أصلا يا استاذ عادل
عادل : حلو اوي
صالح : بس الاهم محتاج منك تحويل بنكي علي رقم حسابي ده
عادل : تمام كام المبلغ
صالح : عشرين مليون جنيه
عادل : كام
صالح : عشرين مليون جنيه مالك يا مستر عادل
عادل : المبلغ ضخم اوي أنا قولت هتقولي خمسه سته مليون إنما عشرين
صالح: ( قام وقف) هو حضرتك بتهزر معايا ولا اي هو صالح عناني هيجيب شريك ليه من أجل الخمسه سته مليون بتوعك اتفضل
عادل : اي ده
صالح: عقودك معاك اهي الغي كل حاجه ما بنا بعد اذنك
عادل : استهدا بالله بس ( ومسك ايد صالح عناني)
صالح : مستر عادل الكلام انتها انت أستهزئت بيا
عادل : لا عاش ولا كان اللي يستهزء ب حضرتك يا مستر صالح ياعم أنا آسف ليك بس والله حرفياً المبلغ المتاح تحت أيدي الوقتي ١٥ مليون جنيه وليك عندي في اقل من شهر اجمعلك ٥ مليون الباقين اتفقنا
صالح: لا هاخد ١٥ دول ونصيبك في الشراكه أد عطائك المادي
عادل : يعني ينفع يعني يا مستر صالح يعني مش هتشيل شريكك لمده شهر
صالح: خلاص يا عادل مفيش حاجه اتفضل ابعت الفلوس على الحساب ده ولما توصل الرساله نتقابل في الموقع
عادل : ربع ساعة وتكون عندك الرساله
صالح: تمام سلام
عادل : سلام
بعد مرور ساعه من نزول عمر من منزل عادل
عمر : ألو
مها : وصل يا عمر
عمر : هو اي اللي وصل
مها : الفلوس وصلت
عمر : يابنت الصايعه هو الحساب ده بتاعك
مها : أما كنت هسيب نفسي ل واحد زايك يا عمر
عمر : دماغ شغاله برضوه
مها : عمر انت محامي ومش محتاجه اقولك ان حضرتك نصبت و انتحلت شخصية واحد تاني لحد ما أغتلست ١٥ مليون جنيه تمام
عمر : مش فاهم حاجه هيا كده يعني يا مها
مها : تلعب تحت طوعي عيني ليك ياعمر تركب فوق كتافي بسبب اللي حصل ده هبيعك في اول محطه ولو حابب تلعب جرب
عمر : لالا على اي مش مستاهله كده كده انا مرضي معاكي
مها : تمام بكره تجيب عادل وتنزل بيه الموقع
عمر : حاضر
مها : سلام
مها : ( أخدت أولادي ل منزل جديد محدش يعرف عنه حاجه كنت بجهز في طول الفتره اللي فاتت ورجعت أمارس حياتي الطبيعية خلاص مبقاش ليه لازمه اقعد هنا اكتر من كده وجهزت نفسي علشان انزل الموقع تاني يوم لأن عادل لازم يكون موجود على مكتبي محتاجه اشوف لون وشه بعد ما يعرف أنه أتنصب عليه )
في اليوم التالي
عادل : مستر صالح أنا على باب الموقع حضرتك فين
صالح : للأسف الشديد مش هقدر اكون معاك النهارده تقدر حضرتك تدخل الإدارة تعرف تفاصيل الشغل علشان نعمل دراسة جدول محترمه نقدر نحقق بيها أعلا أسهم نجاح لينا
عادل : تمام مفيش مانع ( أثناء الحديث شاف استاذ منير في الموقع)
عادل: اي ده
صالح: اي يا استاذ عادل في حاجه
عادل: في حاجه اي هو الموقع ده تبع مين مين المالك بتاعه
صالح : معرفش بس اسم الشركه MAZ
عادل: منا عارف ومعرفتش اوصل لاسم صاحب الكمبوند اقفل يا مستر صالح اقفل
صالح: تمام ماشي سلام
عادل : ( نزل من العربيه راح زاي المجنون ورا استاذ منير )
عادل : تعالي انت بتعمل اي هنا
منير : استاذ عادل عامل اي
عادل : انت بتعمل اي هنا قولي الموقع ده بتاع مين هو مش نبيل مات والشركه صفت شغلها
منير : اه طبعاً
عادل : أما أنت تبع مين
منير : تبع شركة MAZ
عادل : هو مين MAZ ده هو سر شويبس
منير : يا مستر عادل تقدر تطلع الإدارة فوق كده كده صاحب الشركه فوق تقدر تروح تقعد معاه
عادل : اروح مروحش ليه وسع كده
منير : اتفضل