 |
رواية بيت الخبازه الفصل العاشر 10 بقلم زهرة الرمان
بسم الله الرحمن الرحيم
السلام عليكم ورحمه الله وبركاته
#بيت_الخبازه .......#بارت١٠
بقلمي
*زهره الرمان*
عزيزه: راحت خديجه واخذت البنات وعلگت فوك ببيت واثق
إبن واثق مراهق وفجرت كلمه خديجه لاسماء صعدت تحقق ودقق ونسمع الصايح
رحت للديوان لكيت حامد مخلي ايده على راسه ومدنك
اعرف مقهور
ها خويه شني قصتك تبقى هيج خليها ترتاح وترد وين تروح
حامد:ماعرفت اصون امانه حاجم
عزيزه: لأ شنو هالكلام
حامد:حقج ما سمعتي خديجه شكالت
تكلي صار سنه شبعنه مهانه واذيه من نسوانكم
عزيزه: خويه محترك دمها هاي صارلها سنه والله كدامي حتى من يشتكن البنات تسكتنهن وهي حيل تهابك وتحترمك بس ما يحرگ گلب المره إلا زوجها يخونها
ويزوج عليها إني حاسه بيها كل الصار بسبب لأن سمعت متزوج وإلا وداعتك جان لأ همها لأ ايمان ولا أسماء ولا أي أحد
حامد:منو گللها
عزيزه: بجوز عرفت من اختها گرايب خلود رجلها وأول وتالي تدري
حامد:روحي الها لبيت اختها واكعدي وياها وشوفي خاف تحتاج شي
عزيزه:خل ترتاح يومين واروح
بقينا كم يوم سألت عمار حتى ياخذني الها گال راحت لبغداد رحت لاختها كالت هناك خالتها
حامد: شلون تروح لبغداد وشعدها هنآك
عزيزه:علمود بتها مروه صابره حالتها صعبه
خديجه: أول ما دخلنا
بعدنا بالممر البيت ريحته كفختنا تلعب النفس مال رطوبه مجاري مينعرف
وصلنا لهناك مطبخ مكشوف السگف گباله غرفتين وصحيات مشتركة بابهن مزنجر وتعبان
وحده من الغرف مخلين بطانيه لبابه ماكو باب نص البيت مكشوف ووصاخه فضيعه
أمشي ونتعثر بزباله وبزازين متروس البيت عايشات وياها
قشعم:خاله تره زايره سنيه متقبل أحد يبقى يمها ومتقبل أحد يشيل أي شيء
وهذا الكلام خالتي سنيه تسأل بيه ولك جشعم هاي منهي منهي
خديجه:شويه وبقت لازمه صفا وتمسح بوجها وتلعب وياها مثل طفله نستني وما حجت گلت لقشعم بنتي مروه مريضه واني جايه من محافظة......
ابقى يم خالتي فتره
قشعم:هي بعد وفاه ابوي الله يرحمه بقيت إني وأمي يمها بس بدت تخرف وتنسى بس قويه
متقبل أحد يكول على أبوي مات
وطردتنا متقبل نعيش وياها عيشت نفسها لوحده بين يوم ويوم اجيها أمي هم تجي جانت بس من تزوجت أمي صارت صعبه إني ما مخليها اجي واروح
بعد احسن إذا تقبل
زايره هاي بت مريم تريد تبقى يمج
زايره سنيه:وهايه تبقى يمي تلعب وياي
خديجه:لازمه بصفا وتمسد على شعرها وتتبسم هايه حميده تكول
حميده منو
قشعم يجوز على بتها الميته بس ميته وهي صغيره سامع أمي تسولفلي
أي زايره هاي تبقى يمج
خاله خديجه تجيها ساعات تصير اصحى من كل صاحي وتسولف سوالف مال معدلين وخاف تگلب عليج هذا عنوان الكراج الاشتغل بيه حارس إني بيه
ودي عليه اجيج شتحتاجين إني هناك
انشغلت تماما وي صفا افتريت بالبيت ثلاجه مخليها بيها مواعين
المجمده بيها ملابس
المطبخ بيه بوري مي ينگط
الحيطان كلها زواحف
خفت على البنات
صفا أول مرة خافت منها وتسحب بنفسها من خاله سنيه
بس شاورتهاا لأ تخافين هاي مره چبيره ما تأذي بالعكس حبتج
بس إني گلت لايتمرضن بناتي
تعالي استبرق نرجع احسن
استبرق:وين نرجع يمه ليا جحيم
انضف البيت ونگعد
خديجه: صحيح اذا ع القذاره هاي تنظف بس قذارة الگلوب تگثر ما يفيد بيها معروف جا شدي ايدج خلينه انظف ونعدل
ماطول خالتي مشغوله وي صفا ومروه من الطريق تعبانه رأسا نامت أول ما خليتها على دوشك بالغرفه كالت رريحه ريحه
تتنحس من أي شئ غريب أو مكان ماترتتحله
بس مضطره
بدينا إني واستبرق انظف وخالتي سنيه بالحوش كاعده كلساع نمر نشوف صفا
صفا:هي شكلها عجوز بس حركاتها تخوف تتصرف مثل طفل
طلعت من جيبها قطعت بسكت وگالت اكليها والنوب ظلت تسولف لي بعدين كالت راح اسوي لج اخلي لج حنه وخلي شعرج محلب واخلي شعرج گرنفل وراح اسوي لج گصايب انا اول مره خفت
بعدين شويه شويه حسيتها حنونه بساعه احسها تفتهم كل شيء ساعه احسها طفله
امي تروح وترجع علي هي واستبرق ينظفن وشيلن بالوساخه
وهي تطلع بسكتايه وتگول لي اكلي لا حد يشوفها اكلي لحد ياكلها منج
خديجه:بقينه ساعتين لكينأ گواني خلينه بيها شكو نفايات
غفت صفا على رجل خالتي سنيه تفلي بشعرها لحد ما اطمأنت صفا وغفت التفتت وعاطت حيل
حرراميااات ...براااب......
بوااااگاات يهلعالم تعالولي هذني يردن يكتلني باگن كلاطتي الليرات
خديجه: استبرق تضحك وإني اريد اسكتها ماكو كعدت مفزوعه صفا
كلت راح تلم الجوارين علينه محد اجه
شويه ودخل قشعم
بس انطاها فلوس قليله عمله بسيطه
ضحكت وسكتت
ضحك
قشعم:هااا بگتن كلاطتها الليرات
خديجه:شنو القصه قشعم
قشعم:بضحكه خاله من تبقى تسوي هيج لو تنطيها فلوس لو سويلها أكل تسكت
وهاي جايبلكم للقاسمه الله واعذريني
ع الاكل البسيط المفروض اضيفكم بشي احسن بس على كد يوميتي
خديجه:قشعم لو ١٦/١٧عمره بعده صغير بس متحمل مسؤوليه اكبر من عمره بقيت اتشكر منه وما قبلت بعد يجيب اكل كعدنه ناكل إني والبنات وخاله سنيه تاكل وتعبث مثل الطفل واحنه نراقب بهدوء خلينها براحتها
أول ليله ماكدرت انام ابد صارت قبل الفجر بشويه كعدت خاله سنيه وإني اباوعلها نومت صفا يمها گوه قنعنه صفا
لأن گال قشعم مازال حبت صفا وتتوقع حميده راح تسكت منكم تخليكم يمها امشوا على ميها
كعدت بالحوش وإني اباوع شسوي
غسلت ع شكل وضوء بس مو وضوء تام وكملت لفت شيلتها وتباوع منا ومنا وصاحت حيل اكعد يلغافل واذكر الرازق
وبدت تصلي كعدت ورحت يمها
تقرا
بسمك اللهم يارحيم حمدلله ربك يعالمين رحمانك يارحيم هيج تقرا السوره بدون سوره ثانيه ركعت وسجدت وكالت سبحاني ربك العله
بهاي الكيفيه كلام مقطع بعدها يم الحوش وصاحت امداااهم أي والله امداهم وتغمم بالباب الخارجي
حركات ممترابطه بس تضحك غصبتني اضحك إلي نسيت الضحك
ثاني يوم كعدنا لكينه بالحوش صينيه بيها دبس وراشي وجبن وخبزتين
منو جابهن
كعدت خاله سنيه الضاهر متعوده على هاي الصينيه
باوعتنه التريد تاكل تطيني دينار
بس حميده تاكل مني
ضحكنا اخذت البنات وكعدت اطيتها فلوس ضحكت مثل الاطفال وضمت الفلوس قسمت الخبز وبقت هي توكل بصفا
للضهر يلا اجه قشعم
ردت ايعلمني شلون اروح على عنوان الطبيب والمركز وين السوك منين نجيب احتياجاتنه
حجالي كل التفاصيل
قشعم:خاله وإذا على المسواك إني اجيبلكم يوميتي تكفيني وتكفيكم
خديجه: لأ يمه وليدي إني باقيه فتره هنا لازم اعرف شلون اروح وارجع واشتري احتياجاتنه وأنت يوميتك الك
بديت أول ايام اروح للسوك قريب كلش على بيت زايره سنيه
واجيب احتياجاتنه
بقيت اسبوع كلت ل قشعم شوكت يخلص شغلك عرفت هو شغله بلليل ويبقى بالنهار عنده كرفان ينام بيه قبل العصر يكدر يجي يشبع نوم ويجي اتفقت وياه ياخذني بس أول مرة للمركز وللطبيب حتى أعرف الطريق
قشعم: خالتي اكو نفرات واكو تكسي
خديجه:,خلي نروح نفرات حتى اندل الطريق
ورحت للمركز صفا واستبرق بقو يم بيت خالتي رغم خايفه عليهن بس أمني قشعم أن حتى الجوارين يعرفونها تصيح تهوس ميرحون الها محد يدخل وثانيا حتى أكل يودون يخلولها تصدقا فلا تخافين صفا غيرتها
خديجه:وصلنا للمركز وهواي سرا ازدحام
سكرتيره كالت عدكم ملف انطيتها الورقه إلي انطوناها أول مرة
شافتها وكالت شويه وادخلون
بقينه لحد ما صاحو باسم مروه فتنا للطبيب وياه طبيبه كشفوا عليها وحولوها
كالت الطبيبه افضل ثلاث ايام بالاسبوع لازم تجيبيها حتى عقلها يبقى نشط وتمشين على مسار العلاج
بس اخذوا مبلغ مني وكالو كل شهر لازم ادفع مثل مدرسه قبلت ماعندي حل
رجعنا قشعم وصلنا للباب سمعنا صراخ دخلت خايفه يمه يناتي لكيت زايره سنيه واكفه على الدرج بالحوش درج فوك الصحيات وتصرخ احتررركنا حريجه ولكم طفونه هاي حرگتنه.واستبرق وصفا ميتات ضحك
يااا شبيها ولجن
استبرق:مابيها يمه نكتت البساط كله تمن وبزازين اجن شو زايره سنيه كالت شمرتي جمره نار تردين تحركيني
خديجه:وتضحكين
استبرق:يمه شوفيه والله محبوبه تضحك
بقينا ايام ميقبل قشعم اروح وحدي يساعدني بس هو يوميته بسيطه إني گوه انطي يتسوك عرفت بعدين اكل ياكل نوبات ونوبات ينسى الأكل
قهرني خدوم ومؤدب
شوف يمه منا ورايج تجي تاكل هنا واخليلك أكل تاكله بليل
صار يجي وفرح باكلنه يتغدى ويانه ويسولفلنه على خاله سنيه وعن أمه
عنده كسره بگلبه بس ميضهر بسبب امه الي تزوجت وما تسأل عنه وابوه المات
قشعم:خاله تشوفين هاي زايره سنيه
حنينه حيل وجانت متدينه حيل أمي تسولفلي تكول عمره ما أمرتني على كلاص مي وإني چنته جانت تكول لأمي كفي رجلج وبس
وما فوتت صلاه فجر تكول امي
وهي طبعاً جانت تشتغل
خديجه:شتشتغل
قشعم: اوووووو لو تسولفلج أمي
تكول مره أبوي هارب وسجنوه وبقينه محتارين
تكول أمي ماحسينه إلا زايره سنيه جايبه طشت بيه لحم وبقت تبيع
لحد ما ىطلع أبوي ورجع للوحده مالته
وراها اشتغلت ببيت مسيح تنظفلهم وتغسل
من مات أبوي هي فقدت وخرفت بس جسمها قوي كلش والمنطقه هنا كل يحبونه يسمونها العلويه وهي لا علويه ولا شي
خديجه: سبحان الله كل قوي للزمان يلين
عرفت هواية امور صح هي خالتي بس مجنت اعرفها عنها لأن احنه بمكان وهي بمكان
تتصرف مثل الجهال وتصحك البنات صفا الجانت تخاف منها بقت تلزم بثوبها
واليوم رحت للمركز إني وقشعم
وكالت المشرفه على حاله مروه هاي مجموعه العاب لازم تجيبيها إلا ودلتني مكتبه اخذهن الها كالت يحفز دماغها حتى لأ يتأخر ادراكها
اخذت منهن والباقيات انطيت اسماءهن لقشعم وانطيته فلوس راح يجيبهن على فراغه دخلت للبيت إني وقشعم ومروه كتله اكل وباجر جيب الالعاب لكينه استبرق مخليه صفا وزايره سنيه بطشت جبير وتسبح بيهن وتلعب خاله سنيه عاطت صفاا قشعم اطلللع لاتفوت روووح
مر شهر على كعدتنا يم خالتي سنيه تعودنا والبيت إلي ريحته جانت مزعجه للبنات احس تأقلمن عليها
اما إني الليله كعدت فتحت الجنطه مالتي شفت الفلوس العندي بدن يخلصن
شغل اشهر مال المحل مال حاجم بدن يخلصن احس بغداد كلشي ييها غالي حتى المخضر كراوي السيارات أو إني لأن ما متعوده إلي بيدي فلوس واصرف
شسوي إذا خلصن بقيت بليلتها افكر
بعدين كلت على الله
الصبح تعودنا ناكل على عياط وهوسه زايره سنيه وصفا اندك الباب مو وقت قشعم منو اشرت لاستبرق إني افتح الباب لبست عبايتي وفتحت الباب بوجهي عزيزه وعمار
ما تفاجات لان إني گلت لأمل اليسال عني يعرف وين إني
رحبت بيهم وخليتهم يدخلون بعتبه الباب نزله قويه گلتلهم انتبهوا على الباب دخلو بقت استبرق مفهيه
وخالتي سنيه بقت تصرخ حميده ذوله منهو
صفا كالتلها اهلنه اهلنه تعالي
صايره إذا اروح للطبيب لو لأي مكان وادخل تسأل منهو انتن صفا تعلمت تكللها اهلنه اهلنه تسكت كعدن على الدرج واباوع على عزيزه وعمار يباوعون على البيت ما اهتميت كلت لاستبرق سوي جاي كال عمار تعالي عمو مانريد
عزيزه:بقيت اتلفت على وضعيه البيت خرابه مو بيت وريحه الرطوبه والبنات كاعدات عادي
شنو الموضوع خديجه خيه
خديجه:يا موضوع عزيزه
عزيزه: هذا البيت الساكنين بيه شلون
خديجه: مثل الناس العايشين بهذا البيت عايشه
عزيزه:ليش بعد اختج ببيت اخوانج معززه مكرمه ليش هيج تبهذلين بناتج وروحج مو بيت هذا خرابه
خديجه:مو خرابه هذا البيت إلي لأول مرة بناتي يضحكن ويتحركن براحتهن واذا ع البيت لأن قديم
فياما بيوت جديده وناسها داخلهم حاويات
وهاا اقسم ما اقصدكم ماشفت سوء لأ منج ولا من حمويني بس شوفه عينج منو اخلي أيدي على جتافه يوگعني بنگره
إني مرتاحه هنا عزيزه ومروه جاي اخذها للمركز
عزيزه: شلون كدرتي تروحين وترجعين
خديجه: تعلمت
عزيزه:وهاي المره
خديجه:خالتي سنيه سمعها ونضرها ضعيف بس حبت البنات وهذا بيت ابنها محد عدها وكاعده وياها
عزيزه:ماكدر ابقى اكثر بس هذا الضرف من حامد وكل شهر يوصلج مبلغ وهاي ملابس للبنات اشتريتهن إني الهن
وأتمنى ترجعين لولايتج وبينه طريق بعيد ومتعب ومنا وهيج تجي المدارس
خديجه:دفعت بيدها الضرف
ماا محتاجه فلوس عندي خير من الله
وإذا على الرجعه اكيد ارجع لبيتي بس تفض سالفه الثار والكاتل والمكتول
بس ما رجع إذا ما اطيب بتي
عزيزه:ماريد اعاتب بس ليش ملگاج وكلمتج مو مثل قبل تكليلي الكاتل والمكتول مو گان المكتول حاجم زوجج
خديجه :حاجم أبو بناتي وبس العشره والطاعه والوفه جان يكول احيي احيا تموتين اموت جنت اشوفه ايه ما تتچذب
جنت اشوفه مرايا صافيه ما تغش
جنت اشوفه شمس ما تتغطئ بكذب
تصوري ما مصدكه روحي هيج البشر يتغير بليله ويوم احس تغيرت بسبب حاجم
عزيزه:اني ما اصدك خديجه التحجي چنتي تحبين حاجم الكل يحسده عليج
خديجه:قصدج عميه قصدج غايب عن وعيي.
عزيزه:تعالي بهاي الغرفه اسولفلج
خديجه:تصدكين ما عاد يثير اهتمامي الموضوع لأن بقت غصه عتب اليه لحاجم وين الكاه واعاتبه ليش
عزيزه:اسمعي كلشي مني ورح تعذربنه
خديجه:اعذره ؟؟ احس هالرجال ما اعرفه
عزيزه:بس الماتعرفينه حاجم ما تزوج لأن نزواني او علمود الولد لو حبآ بالزواج ورب العرش حاجم يحبج وما حب غيرج وما فضل أحد عليج ولا يوم يقبل احد يجيب سيرتج بحرف مو لأن تزوج معناها هو مو خوش انسان ولا لأن ما گلج معناها خاين
بس لأن يجوز يخاف ع شعورج وبنفس الوقت مكدر يضم عليج مراد تختلط حياته وياج بحياته بزواجه الثاني واسمعي القصه مني
رسول جان شريك حاجم ويدخل ويطلع على بيته ومأمن بيه اجاه مره لكه عيال خلود هادين على بيت رسول
وشارك ودافع
بعد فتره سولفله
عنهم
مات زوجها بالبيت بفراشه
وعدها ولد عنده ضمور العضلات البؤري الحاد
مرض وراثي يكون الطفل أول ما انولد طبيعي وراها بده صعوبه بالبلع والتكلم وحركه اليدين والرجلين وبعدين صار تقصر الأطراف
زوجها توفى والضاهر عنده مرض وراثي مشابه لابنه بس يختلف بالنخاع الشوكي بس مكالو لاهل خلود عدهم وراثه من توفى زوجها وعرفت سبب الوفاة واجهتهم وعرفت ابنها وزوجها عدهم الوراثه وما كالو
تبرو من الطفل جان رسول مقدم هجره وسافر أمنها لحاجم تزوجها حاجم
خديجه:, وأنتي بهذا الشئ تردين اعذره شنو بس حاجم بالدنيا حتى يأخذ خلود اخوج جذب عليه كال استر عليها عدها مصيبه ماكال هيج وحلفني ما احجيلكم ولا لااهلي طلع الكل يدري وإني مغيب عقلي صايره مضحكه للكل وهو عايش ومتزوج ومخلف وهسه تكليلي نقذها
يا نقذها وهو شمرني ببير اضلم ايام هاي السنه وإني شايلته سر وخايفه الكتلو من طليقته طلعت اختي واهلي وانتم كلكم مشاركين بالسر
لعلمج انتم ادورون على كتال حاجم
بس بالحقيقه إني المتت وعايشه هسه علمود بناتي وإذا ضغطوا عليه والله اطيكم ياهن واهج ما تلكولي طريق خلوني اعيشهن كلكم شاركتوا بموتي فكافي عزيزه خلي شويه خاطر الج يمي ماكدر اغثج
عزيزه:حسيت شكد متألمه مكدرت ابرر اكثر خليت الضرف وطلعت ركضت استبرق كالت عمه اخذيهن عفيه
باوعت عليها ولج عمه إني عمتكم اهلكم مطلوبين منه
استبرق: لا عمه تبقون عمامنه بس هاي الفلوس ما نريدهن عدنه
خديجه:ينفخ راسي من اذكر حاجم ما مرت ليله ما احجي عليه واعاتبه
ماريد أي شيء يذكرني بيه بعد
ابدي من جديد بدون مساعده احد
تأكدت بعد رح تقل جياتهم عليه لأن حسستها كارهه أي طرف منهم
فكرت بليل لازم بالفلوس الباقيه اسوي بيهن شئ يعيشنه
اجانه ثاني يوم قشعم
بديت أسأله
شنو ممكن هنا نكدر نسوي شئ يطلع فلوس
قشعم:هنا المنطقه بيها محلات وكاعده تتشوفين السوك قريب
ماعرف بعد نفكرنه بشي
بليل ونسولف إني واستبرق
كالت يمه نشتري مكينه خياطه وأنتي تعرفين تخيطين
خديجه:محد يعرفنه هنا منو يخيط نريد شئ كون فلوسه قليله واطلع مصرفنه راح يجي راس الشهر ولازم ننطي قسط المركز
بقيت بليلتها حايره وما نمت للصبح ألف فكره تجي بس فلوسي قليله
كعدنه نتريك واليوم زايره سنيه هادئه بدون أي صوت كعدت متعودين تصرخ وتلعب اليوم هادئه استغربنا بقت تحارشها استبرق
استبرق: زايره شوفي البيت احترك
خديجه: اشش ولج
زايره سنيه:هاا المشعننه لازم ترديلج نتف اجي اهلس ذني عطوبج لو تناهجين تگاگين ترديلج رجل
خديجه: يااا خاله ها خاله
زايره:ولطامه
خديجه: البنات ميتات ضحك على حجيها
يلا تريكو وراي روحه للمركز
لبست عبايتي وحذرت استبرق اجه قشعم
ردته ياكل كال لأ بس لفه اريد كاعده صفا بعده على الصينيه سوتله لفه وطلعنه
استبرق:لملمت الصينيه وصفا تلعب يم زايره سنيه
صاحت المشعننه
ضحكت هاا زايره
بس تفاجأت كلامها موزون وحسيتها طبيعية
كالت تعاي دكي ذاك الباب كولي اريد ام رحمن
استغربت هاي وحدة من سوالفج المانعرفه زايره انوب ادك الباب على الناس شيكولون
من ما قبلت كالت انه رايحه خفت عليها بس بقيت ارقبها وساحبه صفا بيدها يربي أمي وصتني لبست ربطه أمي ركضت وراها دكت الباب صحيح طلع لها طفل عاط بيبي اجت زايره سنيه وراها اجت مره اكبر من امي شويه سلمت عليها طبيعي وسالتها شو اخبارج شلونج الزايره التفت لگتني وراها عاطت وللي للبيت لاينباگ المشعننه
ضحكت شيبوكون زايره
أم رحمن كالت انتم بنات بتها كالو اجيتو سكنتوا يمها زين سويتو هاي بيبيتج بالف زلمه
سكتت زايره سنيه بالف زلمه رجعت
شوي واجت ام رحمن وياها
وجايبه گونيه طحين وراحت
صاحت عليه
تعالي المشعننه تعرفين تخمرين لو بس كركر وفاتحه كشرتج لأ والضروس
بقيت صافنه شنو اخمر زايره
زايره سنيه:جيبي هاي المعجنه ولج ذيج
حطيهه هنا
استبرق:زايره شنسوي بيها
زايره سنيه ولج تعرفين تعجنين لولا
صفا:ولج استبرق بيبي سنيه كالت للمره اطينه كونيه طحين واكولي لحبايب منه اشتروا خبز منا وهيج
استبرق:وتريد اعجن ووين نخبز إني ماعرف اعجن
زايره سنيه:تعاي اقري مالت الكرسي بالقران نوب القلهو الله احد ومدي ايدج بلطحين وانه اعلمنج
استبرق:ووين نخبز
زايره سنيه:فوك بتنور الطين يلعوبه المشعننه موش هاي حميده دشوفيها شلون مسنعه
استبرق:وشلون نشعل التنور
فتحت الكونيه وخليت طحين
وعجنت كمت اجيبه منا واودي منا وهي تصب على ايدي مي صار شو مثل الشوربه هذا عزا شنسويله هسه
كالت خليه يختمر
انتضرنا ساعه ساعتين اجت مره كالت عدكم خبز كالو
كلتلها خاله بعدنه ما خابزين بس فرحت
سمعت زايره سنيه المره
صعدت تركض وخلت سعف وخشب مكسر بالتنور وادور على نفط وين الدبه وتصيح بأعلى صوتها منهو باگ دبه النفط
واجت أمي
خديجه: دخلت على صوت زايره سنيه تصرخ وين الدبه منهي باگتها امج ام عيون ناطه لو أنتي المشعننه
شكوو شبيكم
دخل قشعم وياي
سولفتلي استبرق وشوفتني العجين وشفت الطحين واستبرق تكمز يمه همزين اجيتي اشعلي التنور اجو ناس يردون خبز راح نشتغل
صفنت شخليتي للعجين
كالت كلشي ما خليت
لعد شون يختمر وضحكت مسويته شوربه ميصير وما بيه لاملح ولا خمره بس الاستغربته شلون زايره سنيه فكرت وسوت هيج سالتها
كالت اخير من ضالات تردمن بالبيوت الله اليدري شسون
قشعم:زايره هاي بتج ميصير هيج تحجين تروح للطبيب
زايره سنيه:خل تشغل تنور الطين وجبتلها طحين وخلها تخنس من الدرابين والجداوه
خديجه:خاله ما اجدي إني
قشعم:خاله ترا الزايره بسبب فقدها لابوي ووحدتها تغيرت يعني نوبات اشك هي مو بعقلها وإلا شلون وحده بحالتها تروح لام رحمن وتجيب طحين وتوصيها اليريد خبز
معناها انتي والبنات رجعتوها للحياه
خديجه: وهسه شلون برأيك هالشي نبهني خوش شغله بس لازم أتأكد من هاي ام رحمن ومنين حطب وإني ماخابزه بتنور الطين صعدت فوك وشفت التنور حلو وجبير
أول شي سويته رحت لام رحمن سلمت عليها وطلعت تعرف خالتي سنيه من سنين كالت إني مستعده بأي شيء اساعد تشكرت منها وعرفت هي جانت ادز اكل لخالتي سنيه والطحين كالت عدنه وكاله بيعيها ووفيني وانطيج طحين كلما تخلصين والبيع المنطقه كلها تشتري منج لأن يمنه مخبز بس خبزه مو شي وهنا اكثريتهن موضفات ميلحكن يخبزن
رجعت متفأئله بكلامها
وتوكلت على الله
