رواية حكم اعدام امرأة خلف القضبان الفصل العاشر بقلم جمانه السعيدي
#حكم إعدام
امراة خلف القضبان
البارت العاشر والاخيررررر
جمانه السعيدي
سوسن...خلصن الساعتين واحنا ندبر ونخطط شلون راح نخلص من وليد
اجا وليد اخذني رجعت البيت
وليد...اني مامرتاح الإبراهيم
سوسن... ليش بله
وليد...اكو شي بينج وبينه
سوسن...شكو يعني شغل وبس بعدين شمعنا ابراهيم
جاي ادقق علي
وليد... اني اعرفج زين وتصرفاتج وياا وليد مو طبيعيه
سوسن... خلاص بعد لا تقبل اي حجز من ابراهيم
خل الولد بحاله جفي شرك ومايريد خيرك
وليد...اي هو هم هيج
سوسن دخلت للغرفه انام طبعا احنا كل واحد ينام بغرفه
هو يحب السهر ويبقى اليل كله ياكل وبحوس
واني اريد انام
كل واحد ينام بغرفه احسن وهو هم مايريدني اسمع اتصالاته واتفاقاته وياا الزباين
اني الحد هاي اللحظه مااعرف شكد ياخذ من كل واحد
ثاني يوم كعدت العصر مالكيت وليد اتصلت علي كال ساعه وارجع اتصلت على ابراهيم
سوسن...اذا فارغ جيب السم هسه وليد بعد ساعه ويرجع
ابراهيم...اي ربع ساعه اني يمج
تقريبا ٣٥ دقيقه واجا كال افتحي الباب انطاني السم من الباب ونزل خاف يجي وليد ويشوفه
جمانه السعيدي
حضرت الاكل وهو ماكو
اجا ورا اذان المغرب
سوسن...تتعشى كنت انتضر يكول اي حتى اخلي على ماعونه سم
وليد...لا اكلت برا
سوسن...بكيفك تعشيت اني وحدي كلت بكلبي مالك نصيب تموت اليله
وليد...حضري نفسك يله
سوسن...تريد جاي
وليد...لا
سوسن...كلت بكلبي شنو اليله قافل فد مره
وليد..يله نطلع
سوسن.. مالي مزاج اطلع اليله
وليد...شنو شنو مالج مزاج شلون يعني مالج مزاج
سوسن...دخلت الغرفه وقفلت الباب عليه
لو تموتني مااروح بس اطلعني بلشارع الف مكان اكدر اروحله كمت اندل مو مثل قبل عميه وكلشي مااندل
وليد..افتحي الباب اطلعي احسلج هذا كله بسب ابراهيم
هو الي طلع عينج لو هسه الحاجز ابراهيم جان
طلعتي عروسه تركضين كدامي ركض
سوسن... اعيط والم عليك العماره كتلك مااطلع يعني مااطلع
وليد.. هااا اتفقتي انتي وياا على شنو اتفقتو احجي خل اندل راسي من رجليه
سوسن...لا اتفقنا ولا شي اني اليوم تعبانه باجر اطلع وياك وين ماتريد بس اليوم استراحه
تعبت وليد انت مجاي تحس بيه
وليد...بسيطه بسيطه ياسوسن ماخليج تنولين الي ابالج
ابد اني وياج والزمن طويل
جمانه السعيدي
سوسن...دزيت رساله الإبراهيم
....تعاركنا
...ليش
...يريدني اطلع للشغل
...لا لا اطلعين شيريد يسوي خل يسوي
....اليوم مااكل بلبيت
...أليوم مااكل باجر ياكل اطلعي صالحي حتى ياامن بيج
سوسن.. مو هسه بعد اشوي
يمكن طلع من البيت يشك بيك يكول ابراهيم السبب
ابراهيم...خل يولي يطبه مرض
سوسن..راح انتضره واصالحه بعشى معدل منه للكبر كبل
ابراهيم...يستاهل
سوسن...شويت دجاجه تبلته بحامض وبهارات وخليت عليه سم
شويته على نار هادئه وكعدت انتضره اليله لازم كلشي ينتهي
الساعه ثنتين يله رجع للبيت
طلعت علي من غرفتي
سوسن...هلو حبيبي اني زعلانه منك ليش اتشك بيه
ترا اني عفت اهلي علمودك واي واحد ما يحلى بعيني من بعدك امسح رقم ابراهيم وبعد مااروحله ابد
اني وياك دم واحد حتلو اختلفنا نبقى واحد
وليد...شعجب
سوسن...مااحجي اله تمسح رقم ابراهيم وتحلف بعد ماترد علي شوف انت شكد اذيتني بس اني مااحس بلامان اله وياك اريد اكلك شي ماتعرفه
ابراهيم ما ينام وياي من اروح يبقى بس يسولف عليه
يمكن مو رجال ويستحي يحجي
وليد...اني مستغربج اليله
سوسن...كافي عتاب خل نصير حبايب بس عندي طلب زغير من اكلك اني تعبانه مالي خلك لا تبقى تلح عليه
قدر وضعي عاملني بحنيه تلكاني من ايدك هاي الايد هاي
وليد...الله يستر اليله تخوفين
سوسن...هاا اخوف راح ارجع مثل قبل ترا
وليد...لا خلاص اصالحنا
سوسن...تعال نتعشى شويتلك دجاجه وسويتها حامضه مثل ما تحبه
وليد...يالله اليله الرضا كله نازل عليج
اغسل واجي وراج
سوسن...دخل للصحيات واني كملت السفره باوعت الساعه
بالثنتين وثلث بليل
اتأخر بلحمام تقريبا بقا عشرين دقيقه
سوسن...يله يمعود الاكل برد
وليد اجيت...بطني توجعني اليوم يمكن مستبرد
طلع خليت الدجاجه كدامه
وليد اكلي وياي
سوسن...اني عزلت حصتي هاي ماأحب الدجاج كلش حامض اني حتى مو جوعانه بس على واهسك
وليد...مبينه تشهي هاي الدجاجه
سوسن...شويته على نادر هادئه لمن صارت ممروده مرد
اكل بلعافيه اني اخذت حصتي وكمت اكل
وليد...شويه مره
سوسن...ياا من كد ماونكعته بلحامض صارت هيج
ترا الدجاج مابي طعم اليمون ينطي طعم طيب
بدا ياكل وحتى مااخلي يركز بلطعم كمت اسولف علي
سوسن...مادام عايشن سوا لازم نحسن علاقتنا
اني مالي غيرك وانت مالك غير بعد ماكو مشاكل نرجع حبايب مثل قبل
اكل اتلث قطع بلضبط وبدأ شكله يتغير
صاح اخ بطني اخ بطني ماي ماي سوسن ناوشيني الماي
اباوع علي وهو يتالم ماحرك شي من مشاعري شكد اذاني الدرجه اي رحمه بكلبي ماكو علي
حاول ياخذ الماي اني اخذته منه
سوسن....موت موت تستاهل لو بيدي اموتك الف مره
دمرت حياتي موت ما تستاهل تعيش انت خنزير
موت خلصني خل ارتاح منك
باوع عليه وحاول يتقئ بس بدون فايده كام يرفس من الالم بقى اكثر من عشر دقايق وهو يرفس بلكاع
بعدين مات كام مايتحرك صار ازرك
شكد اني صايره قاسيه وكلبي انزعت منه الرحمه
كله بسبب وليد همزين مات وخلصت منه
جمانه السعيدي
دزيت رساله الإبراهيم
سوسن...مات وليد
ابراهيم....راح اجي اخذج حضري نفسج
سوسن...اخذت المفاتيح من وليد فتحت الميز لكيت عندا فلوس هواي ماعرف شكد اخذتهن طلعت ملابسي
خليتهن بلجطه شلت الاكل وخليته بجيس زباله
اجا ابراهيم اتصل عليه
سوسن....اوكف بعيد مااريد اي كامره تصورك اني اجيك
شلت الجنطه وجيس الزباله ونزلت خليت جيس الزباله بلحاويه ومشيت النهايه الشارع ابراهيم شغل لايت السياره وطفا صعدت ويااا
سوسن...خلصت منه
ابراهيم...مبروك حبيبتي
رحنا كبل للشقه وصلني ورجع لان مايريد ازهار تشك بي
غسلت وبدلت ونمت
الضهر الساعه بلوحده اندكت الباب كعدت على صوت الباب
اتوقعت ابراهيم اجاني بس ليش يدك الباب
ابجوز نسا المفتاح الباب تندك على كيف
اني فتحت الباب واني شفت المصيبه ابوي وعمي واخوي
اتلاثتهم رجعت ليوره اريد اطبك الباب ماكدرت ركضت
للبلكونه دخلت قفلت الباب اجا ابراهيم مناك
اني كمت اعيط الحكولي الحكوعليه ياناس
ابراهيم شافني من الشارع شكوووو
سوسن.. اهلي ابراهيم اهلي الحكلي طبعا همه يكسرون بلباب وإبراهيم رجع يجيب الشرطه اكو دوريه واكفه بلتقاطع كلش قريبه راسا كسرو الباب عليه
وسحلوني من شعري دخلوني جوا كلواحد يضرب بيه
بكل قوته علما اجت الدوريه اني فقدت الوعي من الضرب
لو ما الدوريه حان موتوني خلاص
الشرطه اخذت ابوي وعمي واخوي حبستهم
واني نقلوني للمستشفى ٣ ايام واني فاقده الوعي ومااعرف اني وين ايدي مكسوره رجلي مكسوره اكو رض بلجمجمه عيني مورمه ايدي الثانيه مملوخه اصبع بايدي مكسور بقيت شهر اتعالج بلمستشفى
بعدين حولوني على السجن
اما اهلي شلون عرفو مكاني ووليد من حضرتله العشى شك باامري اكو عندا صديق هو حاجيله على وضعنا من دخل الصحياة دزله رساله إذا اتصلت عليه ومارديت عليك
يعني صار وياي شي وعلى الاغلب سوسن وإبراهيم السبب
هذا الرقم تتصل على ابو سوسن وتنطي هذا العنوان
عنوان ابراهيم حتلو مالكها بيت ابراهيم اكيد ابراهيم يعرف مكانها وتعال للشقه خاف احتاجك
الولد باقي يتصل من السته الصبح للعشرة لمن مارد علي
وليد اجا للشقه دك الباب محد رد علي يتصل على وليد يسمع التليفون يدك بلشقه ومحد يجاوب مكسر الباب محد فاتحله اتصل بااهل سوسن
وحجالهم كلشي صار وياها ووين هي عايشه هي وحبيبه
تعالو شوفو بتكم وليد مايكدر عليه
اهل سوسن اجرو تكسي حديثه اقل الساعتين وصلو بغداد
راحو كبل على العنوان وهذا الولد راح جاب الشرطه
لان وليد مايرد علي بعد ما شوفهم رساله وليد اله اقتحمو الشقه لكو ميت داخله
هاي الأحداث سنة ٢٠١٩ نهايتها بعدها اجت أزمة كورونا
وهيج قضايا صعب التحقيق بيها بسبب الوباء
سوسن ...اعترفت بجريمته وحاولت اتبرء ابراهيم كد ماتكدر لان يعتبر محرض على الجريمه
بسبب الرسائل الي بينهم بس ازهار ماعافته خلت احسن المحامين حتى يحصل حكم مخفف
وسوسن برئته من الجريمه كالت اني طلبت مساعدته هو ماله دخل بلموضوع
انحكم سنتين مع وقف التنفيذ طبعا ازهار دفعت مبلغ خيالي حتى اطلعه من هاي المصيبه
اما سوسن... انحكمت سنة ٢٢ بلاعدام
برائيكم سوسن تستاهل الاعدام
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
