رواية كدبه لا يمكن التخلص منها الفصل السادس 6 بقلم حنان أحمد

رواية كدبه لا يمكن التخلص منها الفصل السادس 6 بقلم حنان أحمد 

 الفصل السادس

في بيت عزت كانوا كلهم بياكلوا وفجأة رن تليفون حياه وردت وكانت خالتها امينه وقالت: الو ايوه يا خالتو عامله ايه

امينه: حياه انتي فين احنا واقفين قدام البيت عندك ومحدش عايز يفتح حياه قامت اتنفضت و وقفت والكل استغرب وبذات ملك وبعدين حياه قالت: ايه ازاي انتو جيتو 

امينه: ايوه انتو فين 

حياه: هو جدو معاكم 

امينه: لا انتو فين 

حياه اتنفست بارتياح وقالت: احنا جايين يا خالتو في طريق متققلقيش 

امينه: ماشي يا حياه ولما تيجي هتقوليلي انتي كنتي فين احنا هنستناكي تحت قدام العمارة

حياه: ماشي يا خالتو سلام بعد ما قفلت الكل بصلها باستغراب وملك قالت: في ايه يا حياه 

حياه : خالتو والعيله جم في البيت عندنا

ملك قامت اتنفضت و وقفت وقالت: هو جدو معاهم 

حياه: لا

ملك: الحمدلله

حياه: شكرا جدا يا عزت بيه علي العزومه الحلوه دي بس انا لازم امشي دلوقتي علشان عيلتي واقفه قدام البيت 

عزت : اكيد يا بنتي ومافيش داعي لشكر يا حبيبتي

كرمه قالت: حياه انتي هتيجي تاني مش كده حياه راحت ونزلت لمستواها وقالت : اكيد يا حبيبه حياه بس لازم اروح بسرعه علشان عيلتي مستنياني وخدي الرقم بتاعي اهو لو حبيتي تتصلي بيا وانا هرد عليكي علطول 

كرمه اخدت منها الورقه وحضنتها وقالتلها : هتصل عليكي فديو ماشي 

حياه ضحكت وقالت: ماشي اتفقنا وزي ما قولتلك في المستشفى تعملي ماشي 

كرمه: ماشي حياه حضنتها تاني وبستها من خدها وقالت : يلا يا ملك هنا اتكلم عزت وقال: ماينفعش يا بنتي تمشو لوحدكو مراد امير روحو وصلوهم  

ملك: مافيش داعي نتعبهم يا عزت بيه احنا هناخد تاكسي وخلاص

حياه: اه فعلا ما ينفعش يقوموا من علي الأكل احنا هناخد تاكسي 

عزت : انا قولت كلمه وهتتنفذ ماينفعش تمشو لوحدكو يلا يا مراد 

مراد: تمام يا بابا يلا يا أمير يلا يا بنات حياه وملك سلموا علي الي قاعدين كلهم ومشيوا وركبوا العربيه من وره ومراد بيسوق وامير راكب جنبه وصلو البنات البيت واول ما راحوا حياه وملك نزلوا وراحوا سالمو عليهم وحياه قالت: ايه المفاجأة دي وخالتو ياسمين كمان لا لا لا ايه النور ده كلو وسلمت عليهم وملك كمان سلمت عليهم وبعدين بكلان قال: كنتو فين في الوقت ده الوقت متأخر جداً انتو كنتو فين ومين دول الي معاكو 

حياه: ده مراد بيه وامير بيه الي بنشتغل معاهم في الشركة بس قاطعها مراد: بابا عزمهم على العشاء لأن بنت اختي اتعلقت بحياه جامد ولأن هي وقعت انهارده من السلم فكان لازم نعملها الي هي عايزه علشان متتعابش بكلان كان لسه هيتكلم قاعطه امينه وقالت: شكرا انكم جبتوهم ومخلتهمش يجو لوحدهم في الوقت ده من الليل

امير: العفو علي ايه احنا الي عايزين نتشكرهم علشان مرفضوش العزيمه 

امينه: طب ممكن انتو كمان مترفضوش العزيمه و تتفضلوا تشربوا شاي او قهوه

مراد: معلش خليها مره تانيه علشان انتو لسه جايين من سفر ولازم ترتاحوا امينه كانت هتعترض بس امير قال: مافيش اعتراض يا امينه هانم احنا مصريين انتو ارتاحوا دلوقتي وفي مره تانيه هنبقى نيجي 

امينه: وعد

امير ضحك وقال: وعد 

حياه: يلا يا خالتو انتو اكيد تعبانين حياه اخدتهم وتبقى ملك وراحت نحيت مراد وامير وقالت: شكرا جدا لانكم حاولتوا مترفضوش عزومه خالتي 

امير: هو احنا مش قولنا مفيش شكر ما بينا وبعدين احنا عزمناكم انتو تعزومنا ولا ايه 

ملك: معاك حق يا أمير بيه و ..

ملك كانت لسه هتتكلم قتاعطها ياسمين من شباك وقالت: ملك تعالي بتعملي ايه كل ده يلا يا ملوك 

ملك: حاضر يا خالتو والتفتت لمراد وامير وقالت: عن اذنكم وتصبحوا علي خير وطلعت جري وهي مش عارفه ماله امير وليه بيكلمها كده لانو ديما كان بيتكلم في حدود متعرفش ايه الي غيرو بس هتعرف قريب بعد ما مشيت امير قال بهمس : وانتي من اهل الخير يا قمر مراد بصلوا باستغراب وفهم هو بيفكر في ايه وقال: اركب العربيه يلا يا أمير بس امير كان ف عالم موازي سرحان مكان ما ملك مشيت ف مراد قال: اميييييير 

امير اتخض وقال: في ايه يا مراد بتزعق ليه 

مراد: بقالي ساعه بنده وانت مش عايز ترد 

امير وهو بيركب العربيه جنبه : على فكره انا مسمعتكش 

مراد وهو بيسوق العربية: وهتسمع ازاي وانت بتفكر في القمر 😉 

أمير ضربوا وقال: اسمها ملك يا مراد

مراد: اده اده وكمان بتغير 

امير: بغير ايه بس لا علشان يع 

قاطعه مراد وقال: ما تبررش علشان باين عليك امير نصيحه مني حدد مشاعرك بسرعه قبل فوات الاوان علشان متندمش وعلي فكرة بقي ملك ليقه عليك اكتر من يارا وانا مبسوط انك بدأت تكن ليها مشاعر لأنها هي الي تستحقك مش يارا لأن يارا بتستغلك بس يا أمير هي مش بتحبك واتمني تشوف ده قبل فوات الاوان

امير: حاضر يا اخي حاضر هحاول اعرف مشاعري وهحاول احددها حاضر وكملوا الطريق وهما رايحين بيتهم وفي بيت حياه 

ملك : ايه المفاجأة الحلو دي يا خالتو 

أمينه: شوفتي انا قولت لياسمين انكو هتفرحوا 

ياسمين: فرحوا اه فرحوا امال هما كانوا فين ما كانوا في انا بس عايزه افهم هي البنت دي معندهاش ام تهتم بيها ليه انتي الي روحتي يا حياه انا مش فاهمه

حياه: معندهاش يا خالتو معندهاش 

امينه: ازاي يعني

حياه: يعني مامتها وبابها ماتوا في حادث سير وهي كانت لسه عندها تلات سنين

ياسمين: لا حول ولا قوه الا بالله ماكنتش اعرف

حياه: يعني هي لو عندها ام تهتم بيها كان ايه الي خلاها تتعلق بيا بالسرعة دي 

ياسمين: مهو ده الي استغربتوا 

امينه: لا بس حبيتك بسرعه شوفتوا ازاي بنتنا تتحب بالسرعة دي زي القمر ما شاء الله

بكلان: طب ليه تروحو بيت متعرفهوش يا حياه في وقت متأخر زي ده ها ليه

حياه: يا صهري البيت مش غريب وبعدين ملك بتشتغل عندهم في الشركه من سنتين يعني تعرفهم ف مافيش مشكله وبعدين عزت بيه طلب والبنت أصرت ف ماعرفتش ارفض يعنى 

امينه: ما شاء الله ما شاء الله بنتنا بتعرف ازاي تحترم الكبير و ازاي تتكلم معاه ما شاء الله

حياه: شكرا يا خالتو المهم يلا ننام بقي علشان عندنا شغل بكرا ولازم اصحي بدري يلا يا ملك 

ملك: اه انا تعبت اوي اليوم كان كبير 

امينه: روحو يا بنات ارتاحوا واحنا هنام متقلقوش علينا تصبحوا علي خير 

ملك وحياه: وانتي بخير ودخلوا ناموا وبعد مدخلوا امينه ضحكت ففهموها بكلان وياسمين

ياسمين: لا يا اختي متفكريش في ده 

بكلان: ياسمين معاها حق يا حبيبتي

امينه: وفيها ايه الرجاله ما شاء الله طول بعرض ومهتمين ببنتنا وجبهوم لحد باب البيت ف فيها ايه 

ياسمين: هو علشان روحهم يبقي مهتمين بيهم هما عملوا كده علشان عيب أن يكون حد في بيتهم و يروح بليل ويسبهوهم عادي وهما اساسا الي عزمنهم 

بكلان : ايوه ياسمين معاها حق وبعدين هما عالمهم غير العالم بتاعنا ف بلاش تفكري في حاجه مش هتحصل وتعشمي نفسك يا حبي 

امينه: بكره تشوفو أن ماكنتش حياه لمراد ولا ملك لامير مش هيكون اسمي امينه بكره تشوفو

في اوضه حياه وملك 

ملك: شوفتي خالتو امينه كانت بتبص علي امير ومراد ازاي 

حياه: شوفت شوفت يا ستي علشان كده كنت بحاول نطلع علطول لو مكناش طلعنا كانت هتقول لمراد احنا طلبين ايدك لبنتنا حياه و ل امير احنا طلبين ايدك لبنتنا ملك 

ملك بضحك: ههههههههه معاكي حق والله بس انا موافقة

حياه: يا بنتي بلاش تكوني مدلوقه كده

ملك: شوفو مين الي بتتكلم فكره مهند 

حياه أضيقت من ذكر اسمه وقالت: ده راجل مش محترم انا الي كنت عاميه أما أمير فهو راجل وليه وزنه صح ولا ايه 

ملك: ونبي يا اختي انا مش فاهمه مالو بقالو يومين مش علي بعضو كل شويه يقولي مافيش شكر ما بينا ومتعطيش واضحكي خلي الشمس تنور و روقي كده انا حاسه ان الراجل اتلبس ولا ايه ده كان حطت حدود ما بينا ولا السد العالي

حياه: هههههههه مش يمكن لاحظ انك مزه وأعجب 

ملك: ياريت ونبي يا اختي ياريت 

حياه: مدلوقه مدلوقه يعني

ملك: يا ستي انا مدلوقه انتي مالك هو في حد يطول يبقي مدلوق على القمر ده 

حياه: ربنا يكون في عونك يا أمير يارب 

ملك: ليه شيفاني مجنونه ده انا حتي قمر 

حياه: بالستر قمر بالستر 

ملك: ممكن تسكتي خالص انا عايزه انام 

حياه: نامي يا حلوه م انتي مش قادره عايزه النهار يطلع بسرعه علشان تشوفي المزز😉

ملك حدفتها بالمخده وقالت: نامي يا حياه علشان مدربكيش نامي 

حياه ضحكت وبعدين ناموا هما الاتنين

في بيت عزت امير روح هو ومراد ودخل نام عند مراد كان رايح ينام بس قال يعدي علي كرمه الاول لقاها قاعده قدام الشباك وبتقول: اذيك يا بابا اذيك يا ماما وحشتوني اوي عارفين أن بقي عندي صاحبه حلوه اوي ولون عينها زيك يا ماما علشان كده حبيتها وحسيت اني بكلمك انتي اسمها حياه تعرفي هي الي قالتلي اكلمكوا كده وان لو كلمتكم هتسمعوني ولازم اكون مبسوطه علشان متزعلوش وانا بوعدك يا ماما انتي وبابا اني هحاول اكون مبسوطه علشان متزعلوش مني وكل يوم هاجي واكلمكم استنوني كل يوم يا ماما أنتي وبابا ماشي يلا تصبحوا علي خير علشان البنت الشطوره لازم تنام بدري علطول كل ده و مراد واقف بيسمعها وبعد ما خلصت دخل وقال: اميرتي لسه صاحيه ليه 

كرمه: هنام دلوقتي يا خالو 

مراد: طيب يلا يا اميرتي 

مراد راح بسها من خدها وغطها وبعدين دخل اوضته وفرد جسمه علي السرير وقعد يفكر في الي حصل النهارده وبيفكر اكتر علي ازاي حياه أثرت علي كرمه و في فتره قصيره وامير في الاوضه تانيه بيفكر هو ليه بقي بيهتم بملك اوي كده وليه بدق يحس بإحساس عمره ماحسو مع يارا وملك بدقت تفكر هل امير بدق يحبها ولا لا وحياه بدقت تفكر في حياتها الجديدة و ازاي هتنتقم من مهند اليل بدق يخلص والنهار يشقشق وكل واحد من ابطالنا بيفكر في حاجه غير التاني واحد بيفكر في الانتقام والتاني بدق يحب والتاني نفسه الي بيحبه يحبه والتاني عايز عيلته تعيش مرتاحة بس هل للقدر رأي آخر ؟ 

الفصل السابع من هنا