 |
رواية كدبه لا يمكن التخلص منها الفصل الخامس 5 بقلم حنان أحمد
الفصل الخامس
مراد كان لسه هيرد على حياه لكن قطعه رنت تليفونه و طلع أبوه فرد : الو ايوه يا بابا
عزت: كرمه وقعت من علي السلم يا مراد ورجالها وجعها واحنا دلوقتي في المستشفى
مراد: ايه ازاي ده حصل
عزت: أما تيجي يابني هبقي احكيلك
مراد: طب تمام انا جاي فورا
حياه: في حاجه يا مراد بيه
مراد: بنت اختي وقعت من علي السلم ولازم اروح المستشفى
حياه: محتاج اجي معاك
مراد: اه تعالي بسرعه يلا
حياه: حاضر يا فندم
في نفس الوقت الي مراد رد فيه علي التليفون كانت ملك بتقدم القهوه ليارا راحت يارا مكعبله ملك راحت القهوة وقعت عليها يارا بصراخ: اي الهبل الي عملتيه ده انتي عاميه يابت انتي
ملك بتأسف : مكنتش اقصد يا يارا هانم انا اسفه بس انا اتكعبلت و قطعتها
يارا بعصبيه: هو الي مكنتيش تقصدي انتي عاميه يعني ملك كانت لسه بتتكلم امير رد: مخلاص يا يارا ماهي قالت انا اسفه يارا كانت لسه هترد بس قطعهم مراد وهو داخل وبيقول : امير كرمه وقعت من على السلم وهما دلوقتي في المستشفى
امير: ايه ازاي ده حصل
مراد: تعالي بسرعه هنفهم كل حاجه اما نروح نزلو جري كلهم ف شافتهم ليلي وقالت : مراد امير في ايه بتجروا كده ليه
امير: كرمه وقعت من على السلم
ليلي: ايه طب انا هجيب شنطتي واجي بعربيتي بسرعه
امير : طب ماشي سلام وكان لسه هيروح عند عربيه مراد إلا أن قطعته يارا وهي بتقول: انا هروح اغير هدومي بسبب العاميه الي مشغلها عندك
امير: لولا أني مستعجل كنت علمتك ازاي تتكلمي عدل علي موظفه بتشتغل عندي بس انا متأخر وبعدين..قطعه مراد وهو بيزمره بالعربيه فراح ناحيته امير وركب واول ما ركب مراد قال: هي يارا مش جايه
امير بضيق: لا هتروح تغير هدومها علشان وقعت عليها القهوة
مراد: طب ماشي وساق باقصي سرعه عندو و وصل عند المستشفى واول ما وصل راحو كلهم عند الغرفه الي فيها كرمه ودخلوا واول ما دخلوا مراد قال: كرمه كويسة
كرمه: انا كويسه يا خالو متقلقش
راح عندها مراد وحضنها وقال: ينفع تقلقيني عليكي كده ممكن اعرف ايه الي حصل
كرمه: والله يا خالو ما كنتش اقصد كنت نزله علي السلم وفجأة اتكعبلت وقعت علي رجلي ولما جيت هنا الدكتور قال إن رجلي اتجزعت
مراد: مش المفروض ناخد بالنا اكتر من كده ولا ايه يا اميرتي
كرمه: انا اسفه يا خالو مش هعمل كده انت مش زعلان مني صح
مراد: لا يا اميرتي انا مش زعلان منك انا زعلان عليكي علشان انا بحبك اوي بس اوعديني تخلي بالك من نفسك بعد كده ماشي
كرمه: حاضر يا خالو وحضنتو وهو حضنها راح ادخل امير وقال: ايه الخيانه دي هو انا مليش حضن انا كمان ولا ايه ولا مراد بس الي بيتحضن ولا انتي بتحبي اكتر مني
مراد: اه بتحبني اكتر منك عندك مشكله
امير: خلاص انا مش هكلمها تاني وهمشي
كرمه زقت مراد وقالت: لا يا خالو انا بحبك تعالي وفتحت درعتها وحضنتو
امير: وخالو بيموت فيكي يا احلي اميره بس متحضنيش البارد ده تاني احضونيني انا بس وحبيني انا بس
كرمه: لا انا بحبكو انتو الاتنين وبعدين انت مش بتحكي قصه قبل ما انام هو بيحكيلي
امير: يعني انتي بتحبي علشان بيحكيلك قصه
كرمه: وطي صوتك احسن يسمعك
الكل ضحك على طريقه كرمه ولحظه كرمه اتنين واقفين فقالت: مين الي واقفه جنبك دي يا طنط ملك
ملك: دي اختي الكبيره حياه يا كرمه
حياه: بس متقوليش كبيرة لتفتكر اني كبيره ده هي سنه واحده
الكل ضحك 😂 ومراد ابتسم راحت حياه ناحيه كرمه وقالت: انا حياه ممكن نبقي صحاب ومدت ليها اديها
كرمه مدت اديها وقالت: طبعا طبعا هحطك في القيمه بتاعت الاصدقاء
حياه ضحكت وقالت: ده يشرفني جدا أن كرمه هانم تبقي صحبتي
كرمه: بس متقوليش هانم انا اصغر منك بكتير
حياه: ههههه خلاص يا ستي كرمتي تنفع
كرمه حطت اديها علي خدها علي انها بتفكر وقالت: اممممم كرمتي ماشي مش وحش قوليه وخلاص اهو احسن من هانم وانا اقولك حياتي ماشي
حياه عملت نفس الحركة الي كرمه عملتها وده اده أن كرمه تضحك والموجدين كمان يضحكو وقالت: اممم ماشي حلوه مش وحشه موافقة
هنا ادخل مراد وقال: حياه مساعدتي الجديدة حياه ده بابا عزت ودي امي دينا
حياه: مرحبا عزت بيه مرحبا دينا هانم
دينا وعزت في نفس الوقت: مرحبا يا بنتي
مراد: طب تعالي معايا يا امير نطلب إذن من دكتور للخروج
دينا: ممكن يا ملك تيجي معايا الحمام
ملك: اه طبعا طبعا يا دينا هانم اتفضلي
عزت: وانا هروح معاك يا مراد وامير خليكي انتي هنا يا بنتي مع كرمه
حياه: حاضر يا عزت بيه
بعد ما هما مشيو مراد راح عند الدكتور وخد إذن والبقية راحوا ناحيه العربية علشان يستنو مراد ومراد رجع علشان ياخد كرمه وحياه في نفس الوقت قالت: اومال بابا وماما فين يا كرمه ليه مجوش معاكي
كرمه : ماما وبابا في الجنه يا حياتي
حياه: اممممم تعرفي بابا وماما بتوعي كمان في الجنه
كرمه: بجد يعني انتي مبسوطه و لا زعلانه
حياه: لا مبسوطه وزعلانه في نفس الوقت اقولك ليه
كرمه: ليه
حياه: فرحانه علشان هما في مكان احسن من المكان الي احنا فيه لأن الجنه دي حاجة جميله اوي وزعلانه علشان هما مش معايا وسبولي مسؤليه كبيره عارفه هي ايه
كرمه: ايه
حياه: أنهم سبولي اختي اربيها واخد بالي منها بس عارفه هما قالولي ايه قبل ما يموتو
كرمه: ايه
حياه: خلوني اوعدهم اني هكون مبسوطه طول حياتي واخلي ملك كمان مبسوطه ومنزعلش علي فراقهم ونكمل حياتنا عادي علشان منزعلهمش وكمان علشان هما بيبقو شيفنا من فوق ف لازم نكون مبسوطين
كرمه: وانتي عملتي زي ما هما قالولك
حياه: يعني بحاول اكون مبسوطه علي اد ما اقدر عارفه اقولك علي سر
كرمه: ايه
حياه: انا حصلت معايا مشكله من كام يوم عارفه عملت ايه
كرمه : ايه
حياه : وقفت في البلكونه و كلمتهم وقولت انا مش هحزن لأن ماما ديما كانت بتقولي الي بيروح بيبقي خير لينا علشان كده انا حاولت ومعيطش خالص وهما كده هيكونو مبسوطين وفرحانين علشان انا مش بزعل فاهمني يا كرمتي
كرمه: فاهمكي يا حياتي
حياه: علشان كده انا مش عايزكي تعيطي خالص وكمان وقت ما تكوني عايزه تتكلمي معاهم اقفي في الشباك عندك وكلميهم وقوللهم الي انتي عايزه وبعدين نامي وهتشوفيهم في الحلم
كرمه: بجد
حياه: جد الجد يا روحي
كرمه: شكرا يا حياتي انك موجوده معايا
حياه: في أي وقت عايزه تتكلمي معايا انا هكون معاكي تمام
كرمه: تمام مراد كان واقف وسامع كل الكلام الي حياه قالتو وفرح أن كرمه بعد كده مش هتفتقد أهلها ولو افتقدتهم هتكلمهم زي ما حياه قالت وفي الوقت الي خلصت حياه في كلام هو دخل وقال: اميرتي عامله ايه دلوقت
كرمه: رجلي بتوجعني شويه بس مكنتش حسه بالوجع علشان حياتي معايا تعرف يا خالو حياه برضو بابها وامها في الجنه وادتني طريقه اكلم بابا وماما فيها
مراد: بجد طب ابقي اديني الطريقه دي ماشي
كرمه: حاضر يا خالو
مراد: طب يلا علشان تاتا وجدو مستنين بره
كرمه : يلا
مراد شال كرمه وطلع و حياه طلعت وراه ولما راح نحيتهم شاف ليلي ومهند جم ( جايين يجو دلوقتي انا مش فاهمه اده) ليلي راحت نحيت مراد وقالت: حمدالله على السلامه يا كرمه
كرمه: الله يسلمك يا طنط ليلي
مهند: حمدالله على السلامه
كرمه: الله يسلمك
مراد: يلا علشان نروح
كرمه: خالو ممكن حياه تيجي معانا واحنا بنروح الكل بص علي حياه وبذات مهند وليلي الي استغربت ليه طفله تتعلق بحد لسه عارفه
مراد : يا حبيبتي خالو امير هيوصل ملك وحياه علي بيتهم علشان الوقت اتأخر
كرمه: لو سمحت يا خالو تيجي تتعشى معانا بس وبعدين تمشي انا حبيتها اوي يا خالو
حياه: وانا كمان حبيتك يا حبيبتي بس علشان الوقت اتأخر وانتي لازم تريحي هبقا اجيلك في وقت تاني
كرمه: لا انا مليش دعوه انا عايزكي تيجي معايا مراد كان لسه هيتكلم بس قطعه عزت وقال: خلاص يا بنتي تعالي اتعشي وابقي خلي مراد يوصلك علشان خاطر كرمه
حياه بصت لمراد هز رأسه بمعنى ماشي فقالت: بما أن الكل عايزني يبقي مقدرش اقول لا وركبت في العربيه من وره وجنبها ملك وكرمه وادام بيسوق مراد وامير جنبه وعزت ودينا هيجو بالعربيه بتعاتهم بسواق وليلي ومهند راحو وراهم في بيت عزت كانو قاعدين كلهم علي السفره وبياكلو فجأة جه اتصال لحياه وردت و.........
بدل ماتدور وتبحث علي الروايات خليها علي تليفونك وحمل تطبيقنا
