 |
رواية في حي راقي من أحياء الشرقية الفصل الثالث 3 بقلم شمس صلاح
# الفصل الثالث.
ترجل من سيارته الفارهه بطوله الفارع وكتفه العريض فكان وسيم وهو يرتدي بدلته الرصاصيه وقميصه الابيض فخطف انظار الفتيات والرجال ايضا ولما لا وهو يسير بكل ثقه وبرود ومن هيبته يدل على أنه شخص مهم. صعد الي المصعد فاستقبله سعيد سكرتيره الخاص وهو يقول بإبتسامه /اهلا وسهلا بيك ي فندم نورت الشركه.
ياسين وهو يتفحصه من تحت نظارته السوداء/شكرا ي.................
سعيد/سعيد.......سعيد يافندم سكرتيرك الخاص.
ياسين /اه شكرا يا سعيد ممكن تقولي فين مكتبي.
سعيد /مكتب حضرتك في الدور الاخير اتفضل يا باشمهندس في الاصانصير وانا هوريه لحضرتك وقولك جدول اعمالك.
صعد كلا من ياسين وسعيد في الاصانصير وقال سعيد/الناهرده هيكون في اجتماع لرؤساء مجلس الإدارة عشان يعنوا حضرتك انت وال باشمهندسه سلين والمفروض ان الاجتماع يكون بحضور رئيس الشركه الام بإمريكا لكن حالته الصحيه الايام دي مش كويسه عشان كده ابنه هو اللي هيجي هو وكبار المهندسين اللي في المجموعه.
ياسين/سيبك من دا كله انا عارف كلامك ده كله..... كلمنى شوية عن ال باشمهندسه بتعتك دي.
سعيد بإستغراب/المهندسه سلين.
ياسين بإستخفاف /اه هى.
سعيد بنفس إستغرابه/ حاضر......... اسمها سلين الصياد اظن عندها 26 سنه.دارسه في امريكا بتشتغل هنا من اول ما اتخرجت اثبتت شطرتها في كذا مشروع وكانت بتترقى بسرعه عشان مهرتها لدرجه ان الإدارة في أمريكا كانت عايزها تشتغل معها بس هي رفضت ولما الأستاذ سامى طلع المعاش هو والأستاذ محمد خلوهها تمسك الإدارة مكان الاستاذ سامي وهي البنت الوحيده في عيلتها وعندها اخ توأم اسمه سليم واخ اصغرمنها اسمه سامر وولاد عمها كلهم ولاد بس.
ياسين بإستغراب وذهول /في اي اضافه كمان ولا حاجه.
سعيد بسرحان /اه وجميله اوووووى ثم أكمل بتنهيده ومش مرتبطه.
ياسين بنفس استغرابه /انت يبني ايهالحاله اللى انت فيها دي؟! وايه كمية المعلومات اللي جمعها عنها دي كلها.
سعيد بحرج /لا والله عادي يعني دي معلومات بسيطه
ياسين /امممم................. وفي نفسه هو قال من عائلة الصياد اكيد عائلتها هيا الي وصلتها للمنصب دا ماهو كله هنا ماشي بالوسطه.
هكذا اقنع نفسه فهو كان يعتقد نفسه الوحيد الذي في هذا السن ووصل الي هذه المكانه.
توقف المصعد عند الطابق العاشر من هذه الشركه الضخمه او ناطحة السحاب بمعنى ادق ودخل الى مكتبه وقد اعجبه ذوقه كثيرا.
سعيد /تأمر بحاجه تانيه ي باشمهندس
ياسين /لا شكرا. وياريت لما يجي وقت الاجتماع قولي.
سعيد /حاضر وتركه وذهب.
تطلع ياسين من زجاج مكتبه على هذه الابراج العاليه بشرود.
في الشرقيه
وصلت سيلا الي مكان عملها بكل حماس فهي تعمل على مشروع جديد مع شركه عالميه مأكد سيكون انجاز لها ونجاح اخر في الcv الخاص بها
سيلا/صباح الخير ي بشمهندس حازم هو صحيح اللى سمعته دا؟
حازم /صباح النور...... وإيه هو اللى سمعتيه؟!
سيلا /انه هنشتغل مع شركة مينيول ناشونال العالمية.!
حازم /اه ي ستي بعتولى امبارح وقالولي تتشرف شركة مينيول ناشونال بالعمل مع شركة الفا في مشروعها الجديد.
سيلا بحماس /وااااااااو 🤩 الشركه دي كبيره جدا ومجرد انك تمر من قدمها بس تبقي دخلت في التريخ ما بالك لما تشتغل معاها.
حازم بضحك /ههههه...... تبقي خرجت من التاريخ .
سيلا لنفسها /يخربيت دم امك بس مضطره اسايره واضحك يمكن يخدننى معاه وارو..........
قاطع حازم تفكيرها/مش مضطره تضحكي عشان اخدك معايا انتي كدا كدا جايه ههههه
سيلابفرحه /بجاااااااد....... الله انا فرحانه قوييييييي
حازم بقلش رخم /فرحانه عشان هتيجي ولا عشان مش هتضحكي هههههههههه
سيلا لنفسها /هو الراجل ده ضارب ايه على الصبح وجاي....... واكملت بتفكير بعقلها الذي لم يكبر منذ ان كانت في الخامسه من عمرها /ممكن يكون اكل طعميه فاسده او ممكن يكو.........
حازم/سلسبيلا روحتي فين هو السؤال صعب كدا؟!
سيلا بتوهان هو السؤال كان ايه؟!
حازم وهو يهز راسه بيأس منها /لا مفيش.... يلا روحي على مكتبك عشان تشربي قهوتك وتفوقي كدا عشان انا شاكك انك لسه نايمه.
سيلا /ماشي........... اه صحيح قبل ما انسي هو احنا هنبدأ المشروع امتي؟
حازم / كمان اسبوع ان شاء الله هنسافر نتفق على التفاصيل ونبدأ المشروع.
سيلا /اوك....... سلام
في القاهره عل النيل نذهب الى سلين التي فاقت من ذكرياتها على هذا الشخص الذي وضع يده على كتفها. نظرت اليه وهي تقول.........
سلين كنت واثقه انك هتيجي
هو بإبتسامه حنونه /طبعا لازم اجي لما تكون سيلي حببتي زعلانه لازم اكون جمبها....... مالك ي سلين. ايه اللى رجع فتح الماضي تانى.
احتضنته سلين وهي تقول /الماضي عمر ما إتقفل ي سليم.
سليم /برضو يحببتى بتوجعي قلبك بيه ليه.
سلين بغصة حلق /انا اترقيت ي سليم بقيت اصغر رئيس مجلس إدارةل أكبر شركه اجنبيه فى مصر. الكل باركلي ما عدا هو وامبارح كنت ماشيه بالصدفه سمعت عمو عزيز وهو بيقول لإبراهيم مش هتبركلها تخيل يرد عليه يقوله ايه؟
سليم بحزن على اخته/ايه؟
سلين /متترقي ولا تتزفت لتكنش بتدينا حاجه وانا معرفش.............طول عمره مادي مبيفكرش غير في الفلوس تعرف انت اليوم اللي اهني فيه قدام فريده وزمايلي في المدرسه في الوقت دا كنت زعلانه منه جدا وكنت مستنيه يجي يصالحني ويقولي معليش غصبن عنى وانا اسف لكن معملهاش وفضلت اسبوع في اوضتي مستنياه يجي ومجاش وبالرغم كدا فكرت مع نفسي وقولت هو الكبير ومينفعش يجيلي حتي لو غلطان اروحله انا وأعتبه وبعدين اقوله انى مسمحاه ويخدني في حضنه وفعلا روحت له بس يرتنى ما روحت.
Flash back
نزلت سلين من غرفتها وتوجهت الى غرفة المكتب التابعه لجدها لتصالحه وما إن جائت لتطرق على الباب وجدته مفتوح قليلا ووجدت بالداخل جدها ووالدها وعمها عزيز. كانت ستذهب لاكن سمعت جدها وهو يقول /ونا مالى حابسه نفسها ولا لاء هو انا اللى كنت قولتها تعمل كدا يعنى.
وليد /لأ طبعا ي بابا حضرتك مقلتلهاش لكن هي واخده على خاطرها منك حتي انى جيت اسألها هي زعلانه منك ليه مرضيتش تقولى حتى سليم رفض.
ابراهيم بقسوه /انا بقي هقولك ليه دا كله عشان ضربتها بالقلم عشان مرضيتش تعتذر لبنت السفير. كنت عايزني اعمل ايه يعني لما المشروع بتعنا الوزير دا يرفضه عشان خاطر السينيوريتا بنتك.
وليد ولم يستوعب بعد /انت ضربت بنتي قدام الوزير وبنته عشان رفضت تعتذر طب ليه وانت عارف انها لو كانت غالطانه كانت اعتذرت لإنها بتعترف بغلطها عل طول وطلاما رفضت تبقي مش غلطانه وانتى المفروض كنت تقف جمبها.
ابراهيم /واللهي بقي غلطانه مش غلطانه انا عملت الصح عشان خاطر عائلتي.
وليد بإستنكار /الصح؟!.......... الصح انك تهين كرامة بنتى ومش هي كمان من العيله يعني كرامتها من كرامة العيله ولا إيه.
ابراهيم بنفي /لاء هي بنت والبنت كرمتها بتبقي من كرامة جوزها ولحد متتجوز هي عاله علينا.
وليد بعدم تصديق انا مش قادر اصدق ولا كلمه من اللى انت قلتها بقى هو دا تفكير رجل الاعمال ابراهيم باشا الصياد هه........ بص بقى عشان انا بقالي فتره كبيره شايف تعاملك مع بنتى وساكت وبقول جدها بس طلاما انت مش معتبرها عاله عليك يبقي من دلوقتى ملكش دعوه بيها انا بنتي تاج بحطه فوق راسي وسعادتها من سعادتي ومن الناهرده متقولهاش اي كلام يجرحها ثم اكمل بقوه نابعه من شعوره بالقهر من اهدار كرامة ابنته / ولو دا حصل انا هسيب البيت وهمشي.
وقف ابراهيم وطرق على المكتب بقوه وقال بغضب /انت بتهددنى ي وليد بتهدد ابوك.
وليد /انا مبهددش انا بنفز وسبق وعملتها قبل كدا لما كنت بتعامل هدي وحش ومعنديش مانع اسيب البيت تاني.
ابراهيم وقد اصبح غضبه هو المسيطر بقي بتهددنى عشان واحده مش محترمه وقليلة رباااااايه
وليد /ابراهيم باشا انا مسمحش لحضرتك تتكلم كدا علي بنتي والكلام خلص لحد كدا. وخرج وتركه
اسرعت سلين تختبأ حتي لا يراها والدها وتكتم شهقاتها بيديها ولا تدرى كيف حملتها ساقيها الى غرفتها وفجأ توقفت عن البكاء وقالت / مش انت بتعتبرنى عاله.......... مش انت بتعتبرنى مش حفدتك........ مش انت بتعتبرني واحده مش محترمه...... خلاص وانا من اليوم دا مش هعتبرك جدي انا معدتش سلين ابراهيم الصياد لا انا من الناهرده سلين الصياد وبس
Back
سلين وهي تبكي بحضن اخوه انا كنت بعمل دا كله عشانه..... عشان يشوفني..... كلامه كسرنه قوى بس بعد اللي قاله خلاص....... انا مش هفرض نفسي عليه.
سليم /معاكى حق انتى مش محتجاه احنا كلنا جمبك وبنحبك ولو هو عايز يحبك يبقي هو اللى كسبان ولو مش عايزيبقي هو اييييه.......
سلين بعفويه /خسران.
سليم بسماجه /لأ كسبان بردو هههخخخخه
سلين بغيظ /هيهيهيهي خفه........ متعرفش تفضل كويس ساعه عل بعضها لازم على طول رخامتك تظهر......... يلا سلام انا راحه عل الشغل وتركته وهو يضحك علي غيظها
