رواية وحيد أمه الفصل الثالث 3 بقلم رحاب القاضي

 رواية وحيد أمه الفصل الثالث 3 بقلم رحاب القاضي 

#وحيد_أمه

_الحلقه الثالثه

ــــــــــــــــــــــــــــــــــــــــــــــ 

هقوم اعمل ليكي كوباية شاي حلوه.. 

سميه _

يا بنتي بدل ما تتعبي انتي هقوم انا اعمل.. 

اسمااء _

لا لا ولا تعب ولا حاجه يا ماما انا الدكتور قالي اقوم اتحرك حركه خفيفه عادي..

_دخلت اسمااء المطبخ وعملت ليها شاي وطلعت حطته قدام سميه وقالت بهدوء.. 

اسمااء _

الشاي اهو يا ماما وجيبت ليكي بسكوت كمان معاه.. 

سميه ابتسمت وردت عليها وقالت_

تسلم ايدك يا حبيبتي تعالي اقعدي بقي وما تتحركيش تاني.. 

اسماء وهي بتمثل التعب _

معلش يا حماتي هدخل ارتاح جوه شويه ومحمد علي وصول اول ما يجي هطلع ونقعد سوا، انا كمان عملت الاكل ما تتعبيش انتي... 

سميه بهدوء _

ماشي يا بنتي وبعد كده انا هعملك كل حاجه... 

_دخلت اسماء اوضتها وقفلت الباب بالمفتاح، وبعد شويه جه محمد ولما شاف مامته قاعده قدام التلفزيون سالها وقال.. 

محمد _

ايه يا ماما اومال فين اسماء؟.. 

_قبل ما ترد عليه اسماء في اوضتها فضلت تصوت وتقول ببكاء.. 

اسماء _

محمد انت جيت تعالي شوف امك عملت فيا ايه.. 

_وفتحت الباب وجريت اتخبت فيه، واتصدمت سميه من شكلها هدومها مقطعه وشعرها مفرود.. 

محمد بقلق _

مالك يا اسماء وايه اللي عمل فيكي كده يا حبيبتي؟.. 

ردت عليه اسماء وقالت ببكاء _

اسال امك اللي استغلت ان ماما ما جاتش النهارده وطلعت جابتني من شعري وكانت عايزه تنزل ابننا.. 

سميه ردت عليها بسخريه وقالت _

والله مش مستغربه من اللي بتعمليه ده، انا استغربت من طريفتك من شويه.. 

محمد بعصبيه _

هي وصلت لكده. يا ماما انا بجد مش هقدر اخليكي تقعدي معاها في بيت واحد.. 

سميه بدموع ردت عليه وقالت _

ده بدل ما تقول ليها ان امي مستحيل تعمل كده.. 

اسماء بحده _

ايوه قولي كده بقي انتي مش بتحبيني وبتعملي كده عشان توقعي بيني وبين جوزي وتخليه يطلقني، انتي لا فرحتي بيا لما اتجوزني ولا لما عرفتي اني حامل ليه كده انا عملت ليكي ايه حسبي الله ونعم الوكيل فيكي.. 

محمد بحده _

بس يا اسماء اسكتي.. 

_خبط الباب وراح محمد فتح وكانت ام. اسماء اللي لما شافت بنتها بالمنظر ده قضلت تصوت وقالت.. 

ام اسماء _

ياللهوي ياا بنتي مين اللي عمل فيها كده، اكيد امك.. 

محمد بقلق _

خلاص يا حماتي ما حصلش حاجه.. 

اسماء بكت وقالت لامها _

خديني معاكي يا ماما، دي كانت عايزه تنزل ابني انا مستحيل اقعد. معاها في بيت واحد.. 

ام اسماء بحده _

هي كلمه ومش هكررها امك ما تقعدش مع بنتي والا كل واحد يروح لحاله، انا مش مستغنيه عن بنتي.. 

_بصت سميه لابنها واستنته يدافع عنها باخر امل جواها، بس هو خزلها زي كل مره وقال.. 

محمد بضيق _

لو سمحتي يا ماما لمي حاجتك وانا هشوف ليكي مكان كويس تقعدي فيه... 

اسماء بحده _

اوعي كمان هتكون هتاخد الفلوس اللي شيلاها لمصريف الولاده والبيبي وهتجيب ليها بيها شقه.. 

بكت سميه وقالت _

انا مش عايزه منكم حاجه، انا اقعد في الشارع ولا اقعد عندكم يوم واحد تاني.. 

_دخلت سميه تلم حاجتها وكان محمد مدايق علي امه، بس خوفه علي زعل مراته وحماته خلاه مش قادر يتكلم، فا قربت منه ام اسماء وقالت بخبث.. 

ام اسماء _

بص يا ابني انا مش قصدي ترمي امك في الشارع لا ده ما يرضيش ربنا، انا هقولك تاخدلها الاوضه اللي عندنا علي السطوح واهي تبقي تحت عنينا.. 

محمد بحزن _

حااضر يا حماتي.. 

_وراحت سميه وقعدت في الاوضه بتاعت السطوح وفضلت تبكي وقالت.. 

سميه بحزن _

انت شايف لوحدك حالي ياارب، انا مش هدعي علي ابني ولا هغضب عليه، بس عشمي فيك كبير يفوق علي حقيقة مراته وحماته ويرجع ابني اللي ربيته تاني.. 

_بعد شويه الباب خبط وقامت سميه وفتحت وكانت ام اسمااء، اتنهدت سميه بضيق وقالت.. 

سميه _

خير عايزه ايه؟.. 

ام اسماء بحده _

ابنك ما دفعش الاجار وشرطنا عشان تقعدي هنا تنزلي تمسحي سلم العماره والمدخل وتنضفي الدنيا كلها... 

‌_اتوقعت ام اسمااء انها هتتعصب، بس استغربت لما قالت سميه بهدوء وموعها علي وشها.. 

سميه _

حاضر يا ام. اسماء، دقيقه اغير هدومي واجي وراكي.. 

شدتها ام اسماء من ايدها وقالت _

لا انتي كده زي الفل تعالي معايا.. 

_نزلت سميه وفضلت تمسح في السلم ومدخل العماره، وكانت الناس وهي داخله او خارجه يدوها بالخمسه جنيه والعشره جنيه وهي ما ترضاش تاخدها، وبعد شويه صعبت عليها نفسها وقعدت علي السلم وفضلت تبكي ونفسها صعباانه عليها اووي.. 

_وفجأه لقيت ان في مايه مش نضيفه اتكبت عليها فا قامت بسرعه وقالت بعصبيه.. 

سميه ـ

ايه ده ازاي تكبي عليا مين انتي؟.. 

ردت عليها اسماء مرات ابنها وقالت بشماته _

قولت اجي اسلم عليكي واطمن عليكي يا حمااتي ههههه.. 

جات مامتها من وراها وبصت لسميه وضحكت وقالت _

هههه يا جاتك ايه يا اسماء ده انتي خليتي شكلها مسخره اووي، تعالي بس بينا عشان ما نتأخرش علي الدكتور.. 

اسماء بخبث قالت _

ايوه يا ماما يلا عشان ما نتأخرش وكمان احمد عازمنا علي الغدا في مطعم حلو اووي.. 

_نزلو هما الاتنين وهما بيضحكو، وطلعت اسماء خمسه جينيه ورمتها علي الارض وبصت لسميه بسخريه وقالت.. 

اسماء _

خدي اهو لله ادعيلنا بقي هههه.. 

_مشيو من قدامها وكملت سميه مسح السلم وطلعت اوضتها اللي علي السطوح وفضلت تبكي وهي زعلانه جدا..

_وقامت مسحت دموعها وفتحت الباب اللي كان بيخبط، ولقيت قدامها ابنها محمد اللي قال ليها بحده.. 

محمد _

عامله ايه يا امي؟.. 

بصت ليه بسخريه وقالت _

امك هو انا لو امك وحتي غلطت ترميها الرميه دي، روح يا ابني من هنا شوف حالك ونسايبك وانا مرتاحه هنا بعيد عن نكد مراتك وامها.. 

محمد بحزن _

نكدهم هما برضو يا امي ولا انتي اللي اا.. 

سميه بحده زعقت فيه وقالت _

بلا انا بلا هما وحقي اللي عند مراتك وامها انا فوضت فيه امري لله اما انت ربنا يسامحك ويهديك وينور بصيرتك علي الحقيقه.. 

_خلصت كلامها وقفلت الباب في وشه وهو نزل ركب التاكسي مع مراته وحماته، وقال ام. اسماء وهي بتمثل الحزن.. 

ام اسماء _

والله يا محمد يا ابني برغم كل اللي حصل الا اني قولت معلش وجيت علي نفسي وطلعت قول ليها تنزل تاكل معايا ونقعد نتكلم سوا ويمكن نتصالح قامت طردتني وقفلت الباب في وشي..

اتنهد محمد بضيق وقال ليها _

حقك عليا انا يا حماتي معلش..

اسماء بضيق _

معلش يا محمد بس انا ما قدرتش اطلع معاك اسلم عليها بعد اللي حصلي منهاز.. 

محمد بحده رد عليها وقال _

طيب خلاص وخلينا نروح مشوارنا.. 

اسماء بحزن _

انت مش قولت انك هتغديني في مطعم حلو النهارده.. 

ابتسم ليها وقال _

حاضر يا حبيبتي اللي تشوفيه.. 

_وفعلا راحو كشفو علي الحمل بتاعها وكون كويس جدا، وبعدين رجعو البيت.. 

ــــــــــــــــــــــــــــــــــــــــــــــ 

ـ تاني يوم الصبح نزلت الست سميه من نفسها ومسكت جردل المايه ودلقته علي السلم وفضلت تمسح فيه ودموعها ماليه عينيها، في الوقت ده كان نازل ابو اسمااء رايح شغله ولما شافها بتعمل كده قرب منها وقال بضيق.. 

ابو اسماء _

ايه يا ست انتي اللي بتعمليه ده؟.. 

ردت عليه سميه وقالت _

خير مراتك وبنتك قصرو معايا في حاجه جاي حضرتك تكملها.. 

ابو اسماء بحده _

انا مش فاهم انتي بتتكلمي عن ايه، بس ازاي تمسحي السلم كده انتي عايزه الناس تقول علينا جايبين حمات بنتنا نشغلها عندنا في العماره.. 

سميه ردت عليه وقالت _

يعني ايه هو مش محمد ابني ما دفعش الاجار وانا هشتغل هنا لحد ما ادفعه.. 

اتنهد ابو اسماء بضيق وقال _

روحي يا ستي اقعدي في اوضتك. ابنك دفع ايجار ست شهور مقدم، منهم لله مراتي وبنتي انا والله لو اقدر اتكلم معاهم كنت اتكلمت وعاتبتهم، بس انتي عارفه دول ما يقدرش عليهم غير ربنا.. 

سابت سميه اللي كانت بتعمله وطلعت فوق _

حسبي الله ونعم الوكيل، حسبي الله ونعم الوكيل.. 

ــــــــــــــــــــــــــــــــــــــــــــــ 

_في شقة محمد واسماء، راح محمد شغله واوا ما صحيت اسماء كانت مامتها اللي قالت ليها.. 

ام اسماء _

معلش يا بنتي مش هقدر اجيلك النهارده عندي دور برد واخاف اعديكي وانتي حامل.. 

ردت عليها اسماء وقالت _

عادي يا ماما انتي اصلا مجهزه ليا كل حاجه من امبارح، المهم انتي خلي بالك من صحتك.. 

_قفلت اسماء مع مامتها وجات تقوم من السرير حست بالم جامد في بطنها والالم بقي بيزيد اووي وهي مش قادره تتحرك ولا حتي تصرخ وفضلت تتالم لحد ما فقدت الوعي، ولما رجع محمد وشافها كده وكمان كانت بتنذف اخدها بسرعه وراح المستشفي وكلم اهلها عشان يجي والكل كان قلقان جدا.. 

طلع الدكتور وساله محمد بسرعه وبقلق وقال _

خير يا دكتور مراتي وابني عاملين ايه؟... 

رد عليه الدكتور وقال بحزن _

للاسف احنا خسرنا الجنين يمكن لو كانت جات بدري شويه كنا عرفنا ننقذه بس المدام كويسه، والف سلامه عليها.. 

مشي الدكتور ونزلت دموع محمد وقال _

الحمد لله علي كل حال.. 

ابو اسماء _

ربنا يعوض عليك يا ابني.. 

_فجأه سمعو صوت صويت اسمااء جوه، دخلو كلهم عندها بسرعه ولقيوها عماله تبكي وتصوت بشكل مش طبيعي وتقول.. 

اسماء _

ابني كان هنا معايا انا شوفته امك خدته يا محمد عشان تنتقم مني انا شوفتها، ابني كان هنا انا عايزه ابنييي.. 

_حالو يهدوها والدكتور رجع تاني واداها حقنة مهدأ، ولما سالوه عن حالتها قال بحزن.. 

الدكتور _

واضح انها اتعرضت لصدمه عصبيه شديده وده اتسبب انها دخلت حاله نفسيه سيئه.. 

ام اسماء ببكاء _

طيب هي هتفضل كده كتير يا دكتور؟.. 

رد عليها الدكتور وقال _

دي حاجه بتاعت ربنا، ادعولها ربنا يتم شفاءها علي خير.. 

بكي ابو اسماء وقال _

كان متخبي ليكي فين ده بس يا بنتي.. 

ام اسماء وهي بتبكي _

انا السبب في كل ده، انا اللي عملت فيها كده؟.. 

مسح محمد دموعه وسالها وقال _

قصدك ايه بالكلام ده يا حماتي، اتكلمي؟.. 

ردت عليه ام اسماء وهي بتبكي وقالت _

انا اللي علمتها القسوه علي حماتها اللي هي امك خليتها تفتري عليها وتطفشها من البيت مع ان امك لو كانت موجوده معاها النهارده كانت بنتي مخسىتش ابنها وكان زمان عقلها لسه فيها.. 

اتعصب محمد وقال _

يعني ايه، يعني امي مظلومه وانتي وبنتك اللي افتريتو عليها، انتو اللي خلتوني اطرد امي من البيت واعاملها بالطريقه دي لييه كل ده عملت ليكم ايه هي؟.. 

بكت ام اسماء وقالت _

انا السبب انا اللي خليتها تكرها عشان بنتي تعيش لوحدها.. 

قال ليهم محمد بحده _

انا يعلم ربنا كنت هفضل باقي علي اسمااء لحد ما تقوم بالسلامه، بس بعد اللي حصل لامي بسببكم انكم كنتو سبب في انها تغضب عليا واخسر ابني بسبب عقاب ربنا ليا علي اللي عملتو فيها يبقي بنتكم ما تلزمنيش... 

ابو اسماء مسح دموعه وقال بسخريه _

ما ليش عين ارد عليك يا ابني واللي انت شايفه صح اعمله.. 

قال محمد بحده _

الصح ان بنتكم طالق مني بالتلاته، وربنا يعينكم علي بلاءكم.. 

_سابهم ومشي وراح بسرعه للاوضه اللي كانت قاعده فيها امه وخبط علي الباب واول ما فتحت ليه اترمي في حضنها وهو بيبكي وقال.. 

محمد _

سامحيني يا امي اعملي فيا اللي انتي عايزااه حقك والله بس سامحيني.. 

طبطبت عليه سميه وقالت بدموع _

مسمحاك يا حبيبي، بكره لما تبقي اب هتعرف ان ابنك ده مهما عمل هتزعل منه بس مش هتقدر تقسي قلبك عليه.. 

محمد بحزن _

ما خلاص بقي ابني راح لاني للاسف اختارت ليه وحده ما تستاهلش تبقي ام اصلا.. 

دمعت عيون سميه وقالت ليه _

ربنا يعوض عليك خير يا حبيبي.. 

قتم محمد وقال ليها _

تعالي يا ست الكل يلا عشان ترجعي بيتك يا حبيبتي... 

سميه بهدوء _

حاضر يا حبيبي هقوم الم حاجتي.. 

ـ وبعد ١٢ سنه دخل محمد البيت وهو راجع من الشغل، ولقي مامته قاعده بتلاعب في ابنه الصغير اللي عمره عشر سنين.. 

محمد _

يا ماما انتي بقيتي تقومي وتقعدي بالعافيه، والواد ده شقي.. 

طلعت ناهد مراته من المطبخ وقالت بحده _

شايفه يا ماما بيقول علي ابني شقي، انا مش هرد واسيبك انتي تردي عليه... 

سميه بحده _

مالكش دعوه بحفيدي حبيبي يتدلع علي جدته براحته.. 

ضحك محمد وقال _

ماشي يا ماما راحت عليا خلاص.. 

قربت منه ناهد مراته وقالت _

سيب ماما وحفيدها لوحدهم وما تبقاش عزول وادخل غير هدومك لحد ما اجهز الغدا عشان نتغدي كلنا سوا.. 

ابتسم ليها محمد وقال _

ماشي يا حبيبتي ربنا يخليكي ليا.. 

ــــــــــــــــــــــــــــــــــــــــــــــ 

وفي النهايه👇👇👇👇

_* اللهم احفظ جميع الأمهات .....

افتكر امك وهيا بتسهر عليك حين لما تتعب...

 افتكر امك لما تتأخر بره البيت وهيا قلقانه عليك ومش يتطمن ولا تنام غير لما ترجع...

افتكر امك لما تسافر بعيد عنها والدموع في عينها ودعواتها ليك الدائمه..

ولما ترجع من سفرك مش هيفرح حد زي ما هي فرحت بيك وبدخولك عليها

افتكر انك اول ما تدخل البيت من غير ما تكون محتاج اي حاجه، بتقول فين امي

_اللهم اجعلني بارا لهما ورزقني رضاهم يا كريم يا رحيم.. 

في الاخر ان ننسي ان الجنة تحت اقدام الامهات

ــــــــــــــــــــــــــــــــــــــــــــ

#بقلم_الكاتبه_رحاب_القاضي

لمتابعه روايتنا زورو قناتنا على التلجرام من هنا