رواية همسة وجع الجزء الثاني الفصل الخامس والثلاثون 35 بقلم اسماء العذب

 

رواية همسة وجع الجزء الثاني الفصل الخامس والثلاثون بقلم اسماء العذب

35

#همسه_وجع

#الجزء_الثاني

يَا مَنْ تُحبُّونَ الرسولَ محمدًا

صلُّوا على خيرِ الأنامِ وسلِّموا"ﷺ🕊️

♡_______________♡ 

مازن:يا بابا يا ماما بصوا لنا باقي ايه ....همسه سايبه رساله 

سعيد بسرعه وقلق :اقرا هي كاتبه ايه وبسرعه 

مازن: بابا وماما انا اسفه جدا علي اللي هعمله واللي عملته 

انا اكتشفت اني لعبت لعبه انا مش قدها وكل اللي بيحبهم هيتأذوا منها ...انا عارفه اني غلطت لكن صدقوني اني كنت بعمل كده من قهره وحر قه قلبي منهم ومن اعمالهم 

والنهارده انا عاوزه اعترف بكل اللي عملته ...لاني احتمال منشوفش بعض تاني ...بس المره دي بجد هيبقي غصب عني وعن كل خليه في جسمي 

الحكايه بدأت لما انا وهشام اتجاوزنا الحدود في فتره الخطوبه وكانت نتيجه التجاوز ده اني حملت منه 

وهو بكل خسه ونداله اتخلي عني ...انا اترجيته انه ميسبنيش لكنه رفض وبقي يط.عن في شرفي ويتهمني ان الطفل اللي في بطني مش منه واني اكيد كنت ماشيه مع حد تاني وكلام كتير من ده 

بعدها حسم قراره وقال انه تاني يوم هيروح لبابا وينهي معاه كل حاجه 

لكن لما جه تاني يوم انا اختفيت وما رجعتش البيت بعد ما اخدت الفلوس بتاعه الجهاز والفرح والدهب وكل الأوراق بتاعتي وقسيمه جوازي منه ....لاني قررت أن الطفل ده لازم يشوف النور واني مستحيل احاسبه علي غلط ابوه ...لكن شيطاني وسوسلي اني انهي حياتي 

وكنت هعمل كده فعلا لولا أن عصام صاحب هشام لحقني 

ولمة عمل كده اعترف بالحاجه اللي خلتني مصدومه ولحد دلوقتي في صدمتي 

عصام كان عامل زي إبليس فضل يوسوس في ودن هشام ويقنعه اني بنت مش كويسه ومنفعهوش بحجه ان عصام شافني الاول وهو اللي حبني الاول وهشام سرقني منه....حتي فكره التجاوز كانت فكره عصام عشان يثبت لهشام اني لو عملت كده ووافقت يبقي انا زي ما قال ....بنت مش كويسه ومنفعهوش والاحسن يبعد عني ....وهشام زي الدلدول عمل زي ما قال وسابني مع أنه كان عارف ومتأكد اني حامل منه لكنه خلع بشياكه بحجه البليد

عصام ساعتها حاول يخطفني والله وحده اعلم كان هيعمل فيا ايه لولا اني قدرت اهرب منه بعد ما اعترف لية بكل عمايله وأنه كان السبب الأساسي ان هشام يتخلي عني ....انا مش بقول كده عشان ابرأ هشام لان غلطته متتغفرش لكن لازم تعرفوا ان الخوف كله لازم يكون من عصام لانه إبليس وشيطان المهم

بعدها روحت لولاء وطلبت مساعدتها وهي حاولت تقنعني بكذا حل غير اني اهرب لكني خلاص كنت خدت قراري ...وتاني يوم بعت اخدت الفلوس بتاعه جوازي واشتريت تذكره لأول طياره خارجه مصر واللي كانت علي دولة الإمارات....

لما وصلت هناك مكنتش اعرف حد ولا اعرف هروح فين ولا هعمل ايه ....كان كل هدفي اني ابعد قبل ما كد يعرف او هشام يحكي لحد وسمعت اهلي تبقي في الارض بسببي ...مت يا ابويا ويا امي معملتش حاجه حرام انا عارفه انها كانت غلط لكن صدقوني امي لو كنت اعرف انها حرام مكنتش ابدا عملت كده...لكنها مكنش حرام وهو ده اللي خلي هشام الشيطان يقنعني 

والمهم ....بعد ما وصلت هناك كان فاضل معايا فلوس ...لكنها مكنتش هتكفي لفتره كبيره 

عشان كده طلعت علي اقرب صايغ وبعت نص الدهب وخلست النص التاني ...

والفلوس بتاعته كامت كويسه خصوصا انها بعمله البلد اللي انا فيها 

بعدها بقيت ادور لحد ما لاقيت فندق سعره معقول قعدت فيه يومين 

في اليومين دول مكنتش ببطل ادور علي شغل وسكن 

لحد ما ربنا بعت ليا واحده بنت حلال قابلتها وانا بدور علي شغل وقالتلي انها مصريه وساكنه في سكن مشترك مع بنات تانيين من جنسيات مختلفه 

وكلهم بيشتغلوا وسابو بلادهم واتغربوا عشان لقمه العيش....ووافقت انها تاخدني معاهم 

وفعلا روحت هناك وسكنت معاهم وكتر خيرهم خلوني اقعد.اول شهر مدفعي حاجه لاني كنت لسه مشتغلتش 

او مبثبتش في الشغل اللي بروحه لان أصحاب الشغل ده كانوا ناس ميعرفوش ربنا وكان غرضهم مني مش شغل وبس ...عشان كده انا كنت بسيب الشغل طوالي اول ما الاحظ ان صاحبه مش مظبوط 

في الوقت ده بطني كانت بدأت تبان وتكبر ....وكأن لازم الاقي شغل بأسرع وقت علشان هحتاج مصاريف كتير وادويه للحمل ....

عشان كده نزلت في يوم من طلعه الشمس وانا علي رجليا ولحم بطني وانا بدور علي شغلي 

وقلبي بيترعش من الخوف من نظرات الناس ليا ....كنت في بلد غريب معرفش فيها حد وخايفه 

ده غير تفكيري فيكم وانكم اكيد قلوبكم اتفزعت عليا وعلي غيابي 

وعلي آخر اليوم مكنتش لاقيت حاجه 

هشام كده قعدت في الشارع وانا حاسه اني تايهه وضايعه ....ودموعي بتنزل غصب عني 

لحد.ما لاحظت ان فيه حد واقف قدامي ولما رفعة وشي ليه كان راجل باصص عليا بشفقه ...وقد.ايه نظرته دي وجعتني وشايفني واحده مسكينه وغلبانه

عشان كده وققت بسرعه وانا بمسح دموعي وامشي لاني خفت يستغل حاجتي في حاجه تغضب ربنا 

لكنه نده عليا ولما سألني عن سبب زعلي قولتله اني بدور علي شغل وكنت حريصه اني اقوله اني سيبت كذا شغلانه لان اصحابها نكنوش يعرفوا ربنا و فلوسهم حرام عشان يعرف اني مش لقمه طريه ولا ممكن اطيعه في معصيه ....بعدها قلي اني ربنا بعتني ليه 

لانه عنده ابن صغير عنده حوالي سنه وأمه مش مهتمه بيه ابدا وسيباه للخدم وهو كان بيدور له علي مربيه وشاف فيا اني ينفع اكون مناسبه للشغلانه دي وحلف ليا ان نيته هير واني اقدر اجيب حد معايا يعاين البيت اللي هشتغل فيه 

وانا ساعتها اخدت بنتين من السكن ورحنا فعلا وشافت الولد وشوفت انه واللي اكتشفت انها مش مهتمه بيه ابدا وساعتها وافقت علي اشتغل ده خصوصا ان مرتبه كويس وهيساعدني...الولد كان اسمه زيد ....وابوه كان اسمه مشعل 

ايوه صحيح هو مشعل اللي فكرتوا فيه ...مشعل جوزي 

المهم اني روحت السكن واخدت حاجتي ووقعت البنات اللي هناك وشكرتهم ورحت سكنت في الفيلا بتاعه مشعل واخد بالي من ابنه وهناك بدأت بطني دأت تكبر وتبان اكتر وكله عرف اني حامل حتي لو ما قولتش لان ده كان واضح جدا 

بعدها مشعل سألني وقولتله اني مطلقه وحامل 

في الوقت ده كنت داخله علي الشهر السابع من الحمل 

وعن طريق ولاء عرفت ان هشام طلقني لاني كنت بتواصل معاها واعرف اخباركم منها 

المهم ان مشعل كان بياخد باله مني كويس اوي 

لدرجه ان الكل لاحظ كده حتي مراته هند اللي مكنتش بتقعد في البيت كتير لكنها ست وقدرت تعرف ان مشعل عينه من واحده تانيه والوحده دي كانت انا 

لكن مشعل كام من النوع الدوغري ومكنش بيحاول انه يسئ ليا او بقرب من بشكل وحش

واللي فهمته من تصرفاته انه مستنيني اولد عشان يقدر هو يتجوزني 

لكن هند كانت واقفه ليا بالمرصاد وبطلت تخرج بره البيت وقاعده عشان تشغل مشعل عني وتبعده 

لكن مشعل كان وقع خلاص 

لحد ما جه اليوم اللي صويتي ملا الفيلا كلها ونزلت مايه الراس. لاني دكتوره تحت التمرين مكنش صعب اعرف دن معناه ايه 

بعدها الاسعاف جت اخدتني علي المستشفى وطبعا مشعل معايا والل دفع كل التكاليف ووداني لأحسن مستشفى في المنطقه كلها 

وكانت الصدمه هناك اني اولد واجيب تؤم 

لاني طول فتره الحمل مكنتش عاوزه اعرف نوع الجنين لطني مكنتش اعرف انهم اكتر من واحد

بعدها روحت ولاني كنت لسه بكريه ومخلفه اتنين مكنتش باخد بالي من زيد لاني يادوب بأخد بالي من وعد ووليد...وهند لاقت أن دي حجه كويسه عشان تطردني 

عشان كده خلتني الم هدومي وكنت لسه همشي 

.لكن مشعل قابلني علي الباب واول ما عرف اللي هند عملته قوم البيت مقعدوش

ودب خناقه لرب السما مع هند واللي انتهت ان مشعل يرمي عيلها يمين الطلاق لما لاقها عماله تبحج وتقل ادبها 

وفي نفس اليوم مشعل عرض عليا الجواز 

انصدمت طبعا وحاولت رفض بأدب لاني كنت خارجه منها ره من علاقتي الاولي ومعنديش ثقه في اي راجل 

لكنه أصر عليا لحد ما قولتله 

اني مش ممكن اتجوز ابدا واني هعيش لعيالي وبس 

وحاولت اني اسيب الشغل عنده بعد الموقف ده لكنه جه واعتذر وقال انه كان عاوز يحميني من الناس ويوفر ليا سكن لية وأب لعيالي 

وانا قبلت اعتذاره...وبقيت اشتغل عنده 

وكملت سنتين في الوقت ده كان رجع هند تاني 

واللي بقت زي الجحيم في حياتي ...مكنتش بتسيبني في حالي وكانت دايما بتحاول تغلطني ...واتجنت اكتر لما عرفت ان مشعل كان عاوز يتجوزني 

ساعتها بقت عاوزه تطفشني بأي طريقه ممكنه 

لكني كمن بصبر عشان العيال ومحاولتش اشتكيها لمشعل ...وخوفت يحصل تصادم بينهم زي المره اللي فاتت ويكون السبب انا 

المهم انها في يوم اتهمتني بالسرقه وبلغت البوليس 

وكانت مخبيه مجوهراتها في هدوم العيال والبوليس لاقاها هناك ...وقبض عليا واخدني ظلم وانا دمعتي علي خدي 

ومن قسوه قلب هند رمت حاجتي وعيالي في الشارع وهم يا دوب عندهم سنتين ونص 

ومعرفش ايه حصلهم 

في الوقت ده مشعل كان مسافر ...لكنه كان وصي واحده من الخدم هناك تقوله علي كل حركاتي انا وهند وبلغته باللي حصل ...وكتر خيره جه ودور علي العيال 

كانوا في ملجأ...وكانوا هيترحلوا علي مصر ...لاني تقريبا كنت لابسه التهمه ...اصل انا البنت الغلبانه اللي جايه تشتغل وساحبه بلدها عشان الفلوس...وشوفت هناك حاجات محلمه اشوفها وطمعت فيها واخدتها 

وده طبعا السيناريو اللي الكل حطه من عنده ومحدش سمعني ولا حتي فكر انه يسمعني 

بعد ما مشعل جاب العيال 

راح بيهم البيت ومعرفش عنى ايه بالضبط لكنه جه وخلي هند تتنازل وخرجت...ومن ساعه ما خرجت قررت اني ابعد عن هند وشرها واشوف شغلانه تانيه

لكن مشعل ما وافقش وعمل حاجه محدش يتوقعها 

اشتري ليا بيت لوحدي انا وعيالي ولمة سألته ده ليه قال انه فتره مؤقته 

وعشان يخلني اقتنع جاب زيد معانا بحجه اني لسه بشتغل وباخد بالي من ابنه وانا سكت لاني بعدت عن هند واذاها...وعشان خاطر الولد المسكين ده 

بعدها مشعل رجعني البيت تاني اكتشفت انه عاوز يطلق هند يا قا/تل يا مقتو/ل 

والسبب انا 

وهو استغل الوضع وعرض عليا الجواز للمره التانيه 

لكني برضه رفضت ...والوضع ده معجبوش

بعدها بكام شهر لاقيت واحده من الخدم مصوراني وانا بتكلم مع مشعل ومنزله الصوره علي السوشيال وبتقول فيها ان ازاي البنات اللي زيي بيخربوا علي الستات المتجوزين ويياخدوا منهم اجوازهم...واني بسيب بلدي بحجه الشغل وانا جايه اصيد عريس يكون متريش ومعاه قرشين اعرف اسحب منه علي مزاجي وكلام من ده كتير 

بعدها كل الستات الفاضيه والي ملهاش لازمه غير القعاد علي النت وتخريب حياه الناس بيشتموا فيا ويشككو في أخلاقي 

واني اكيد مقضياها وبضحك علي مشعل...والضغط ده كله عليا واتهامي بالطريقه دي خلاني انا بنفسي اللي اروح لمشعل واعرض عليه الجواز واللي وافق فورا

لكن هز كان عارف انا عملت كده ليه ...وغصب عني مقدرتش اخليه يقرب مني ولا يلمسني ....لحد ما كملنا فوق السنه وانا مش مخلياه يقرب مني لأني خايفه وبقيت مش واثقه في الرجاله خصوصا بعد الجواز 

مع أن مشعل اثبت لي اكتر من مره انه كفء وينوثق فيه 

لكن اللي فيا فية

بحد ا في يوم حكيت له اللي حصل واللي مخليني متعقده من الجواز والعلاقات وكل الحاجات دي ....حرفيا قولتله علي كل حاجه وازاي سافرت وليه اصلا سافرت ..وعن هشام 

وهو سكت شويه لكنه رجع زي الاول ومعاملته متغيرتش...لحد ما عيالي كبروا وبقوا يفهموا ومدركين اللي حواليهم ...ساعتها طلبت من مشعل اني اسافر مصر وارجع اسوي الحسابات اللي هناك واخد.حقي من هشام واقوله علي عياله واحر ق قلبه عليهم ...خصوصا وولاء قالتلي انه كل ما يخلف عيل يموت منه

وغصب عني كنت عاوزه اشوف الكسره في عينه واشمت فيه واطمن عليكم كمان بس من بعيد 

وقررت اعمل كده فعلا واخدت الأذن من مشعل 

وقولتله اني عشان ابدا حساه جديده معاه يبقي لازم اسوي الحسابات القديمه 

ورحت المطار...لكني هناك قابلت الخدامه اللي 

شو هت صورتي واللي بعد اللي عملته اختفت تماما لكني شوفتها في المطار ومسكنا في خناق بعض 

وهناك كانت الصدمه وحكت ليا ان اللي طلب منها تشوه سمعتي هو مشعل نفسه 

عشان ابقي تحت الضغط وارضي اتجوزه...ساعتها اخدت صدمه تانيه كبيره في حياتي ونزلت مصر وانا مش مستوعبه ولا مصدقه...لدرجه اني مركزندتش في الطريق وعملت حادثه ...وللأسف فقدت فيها الذاكره فعلا ونش بهزر ولا بكدب ....لكن ولاء ولأنها دكتوره وعرفت اني وصلت مصر وعملت حادثه بقت تتابعني من بعيد لبعيد وعرفت تغير نتيجته الكشوفات 

وقالت فيها اني فقدت الذاكره نهائيا لكني كنت فقدتها بشكل مؤقت ورجعت ليا لما كنت بتمشي بالعكاز وصرخت ووقعت من طولي لان المشهد بتاع التلفزيون فكرني بأخر لقاء لية مع هشام لمة كنا متجوزين 

في الوقت ده كانت ولاء بتودع عصام ومفهماه انها معاه عشان تقدر تحميني منه ...وانا لمة رجعت لية الذاكره حطيت ايدي في ايدها وقررت اني انتقم من كل اللي ظلمني وخاني 

وكأن اولهم مشعل...لكني حبيت ابتدي بهشام لاني ممكن احتاج مشعل للآخر 

خصوصا ان بعد رجوعي هشام وعصام مبطلوش لعب وكل واحد فيهم عاوز يرجعني ليه ويخرب حياتي علي قد ما يقدر لدرجه ان عصام مره لما كنت فاقده الذاكره حاول يلعب لعبه وسخه اوي ويقول إن وعد ووليد مش عيالي واني متبنياهم ويرميهم في ملجأ ولا هشام ياخدهم ....وقررت العب نفس لعبتهم 

لكن للأسف اللعب جه فوق راسي ومطلعتش بخبث ودهاء عصام ...واللي كشف ولاء وعرف اني رجعت ليا الذاكره....ولما حبست هشام ....ايوه صح نسيت اقولكم اني عملت فخ لهشام وحبسته ومشعل كان حاضر لانه كان جزء من الخطه مع أنه مكنش يعرف حاجه انا كنت بستغله 

المهم اني لما حبست هشام...عصام حس بالخطر وقرر يجازف هو كمان وخطف عيالي....ايوه متستغربوش عصام هو اللي خطفهم ومش بس كده ده كمان خطف ولاء وهددني صراحه اني لو ما عملتش اللي هو عاوزه هيأذي كل اللي يخصني واولهم عيالي 

ساعتها انا عرفن ان اللعبه اتقلبت جد وإن كل اللي عملته اتقلب فوق راسي 

عشان كده انا كتبت الرساله دي وحكيت فتها كل حاجه 

عشان تبقو عارفين انا فين المره دي وايه اللي حصلي 

وياريت تسامحوني...انا حاسه ان النهايه قربت خلاص وإن هتطير فيها رقاب المره دي بجد بس الله اعلم رقبه مين هي اللي هطير 

انا روحت عشان اقابل عصام ...واحاول ارجع اللي يخصوني سالمين 

إدعولي 

ولو مرجعتش سامحوني 

واغفرولي 

♡_______________♡

همسه وصلت المكان المتفق عليه 

بعد شويه في عربيه لمكانها...وزي ما توقعت مكنتش تعرف سواقها....

السواق شاور لها لحد ما قربت منز الشباك 

همسه بجمود:انت اللي باعتك عصام 

السواق ببلطجه: اه يا ابله ...ادخلي يلا عشان اوديكي لمكان لعصام 

همسه بتحفز :هتوديني للمكان الموجود فيه عيالي وصحبتي ....عصام بتاعك ده ميخصنيش ولا يهمني بقرش

السواق برفعه حاجب:طب اركبي بس يا ابله ...ومتعطلناش....ولا مش عاوزه تشوفي الكتاكيت بتوعك ...دول شغالين عياط ومش مبطلين 

همسه بلهفه وقلق:هم كويسين...عملتوا فيهم ايه...طب هم اكلوا من ساعه ما خطفتوهم 

السواق بعضب:طب ىيه الغلط بس يا ابله ايه خطفناهم دي.....احنا بس اخدناهم عشان ابوهم لما يخرج يشوفهم ....يلا بقي هتركبي ولا ارجع من غيرك

همسه وققت بتردد ومهي مش عاوزه تركب معاهم لأنها مش ضامنه عصام ممكن يعمل فيها ايه لانه شخص مينوثقش فيه

لكنها افتكرت أن اكيد عيالها خايفين وولاء ممكن تتأذي وهي بنت لوحدها 

عشان كده اخدت قرارها وركبت معاه لكن في الكرسي اللي ورا ...احتياطي لأي حاجه 

السواق بخبث:كنت عارف انك هتعملي كده ....في جنبك كيس قماش اسود البسيه علي وشك

همسه بخوف:وده ليه 

السواق بجمود:اعملي اللي بقول عليه من سكات عشان منزعلش مع بعض ...ده حتي انتي باين عليكي مهمه وتخصي الباشا ومش عاوز ازعلك ...اخلصيي 

همسه نفزت اللي قاله ولبست الكيالي رأسها 

السواق بتحذير:لو شوفتك بتلعبي في الكيس او بتحاولي تعرفي احنا رايحين فين ...ممكن مسيطرش علي نفسي واعمل حاجه تندمي عليها 

انتي وعيالك وصاحبتك الصاروخ...فهمتيني 

همسه بخوف :فاهمه ..فاهمه ...وصدقني انا مش عاوزه اي قلق ولا مشاكل انا بس عاوزه عيالي وصحبتي وبعدها همشي ومش هبله عنكم ولا اجيب سيرتكم قدام حد صدقني 

السواق ضحك ضحكه عاليه وهو بيبص عليها بسخريه بعد جملتها الاخيره ولسان حاله بيقول وكأن دخول الحمام زي خروجه 

بعدها اتحرك بالعربيه وهمسه محاولتش انها تشوف هم رايحين فين 

وقلبها مش مبطل دق من الخوف ...وكل ما وقت حركه العربيه يزيد... يزيد معاه خوفها

لحد ما وقفت وسمعت السواق بيقول 

:يلا وصلنا شيلي الميس وانزلي براحه زي الشطوره 

همسه عملت زي ما قال وصلت وشافت نفسها في حته شبه مقطو عه وفاضيه 

بعدها مشت ورا السواق لحد ما دخلت وراه البيت وفي الجنينه هناك لاقت اللي مستنيها

همسه بخوف لكنها اظهرت القوه:انا جيت زي ما قولتلي

الفصل السادس والثلاثون من هنا

بدل ماتدور وتبحث علي الروايات خليها علي تليفونك وحمل تطبيقنا

تعديل المقال