رواية همسة وجع الجزء الثاني الفصل الرابع والثلاثون بقلم اسماء العذب
34
#همسه_وجع
#الجزء_الثاني
يَا مَنْ تُحبُّونَ الرسولَ محمدًا
صلُّوا على خيرِ الأنامِ وسلِّموا"ﷺ🕊️
♡_______________♡
:اييييه ...انت بتقول ايه يا عصام ...ايه اللي انت عملته ده ...وازاي تعمل كده
عصام بهدوء: يا هشام اهدي وافهمني ..مكنش في طريقه اخرجك بيها من الحبس قبل عرضك علي النيابه غير كده
هشام بعدم تصديق: تقوم تخطف عيالي وتهدد بيهم همسه
عصام بنفاذ صبر:يابني هو انا يعني خطفتهم عملت فيهم ايه ...ماهم زي الفل ومحدش جه ناحيتهم ولا قرب منهم ...وفي نفس الوقت كانوا سبب انهم يخرجوك من محنتك
هشام بتشتت وزعل: بس يا عصام دول أطفال وأكيد اتخضوا واترعبوا من اللي حصلهم....مره
واحده يبعدوا عن امهم ويلاقوا نفسهم مع ناس اغراب واكيد.انت والراجل اللي معاك ده مرضيتوش تدخلوا وتحاولوا تهدوهم لأنكم هتخافوا يتعرفوا علي حد منكم
عصام اتنفس بضيق وهو مش عارف يقنع هشام ازاي أنه يسيبه يعمل اللي هو عاوزه
عصام بتلون زي الحربايه:مكنش قدامي حل تاني غير كده يا صاحبي ...ويعلم ربنا ان مصلحتك هي مصلحتي واني عمر ما تمنيت ليك غير كل خير
هشام بصدق :هووانت هتقولي يا عصام ..منا عارف...انا بس صعبان عليا العيال اوي...دول حته مني واسه صغيرين اوي ومش حمل بهدله ولا كلام من ده
عصام: صدقني محصلش اي كلام من ده ابدا ...انت اكيد عارف اني عمهم وقلبي عليهم زيك تمام
هشام بتنهيده: اكيد عارف ...وعلي العموم اهو انا طلعت خلاص يلا نرجعهم لهمسه
عصام بمكر :نرجعهم لهمسه ازاي اذا كانوا هم اللي هيجيبوا همسه لحد عندك
هشام بعدم فهم :ازاي
عصام بخبث:اقولك
♡_______________♡
:بتقولي ايه اتنازلتي عن المحضر ...انت غياب عالك عنك طير برج من دماغك ولا ايه يا همسه
همسه بأصرار: ده انا عملت كده اصلا عشان عيالي يرجعوا لحضني من تاني
عمر بنرفزه: وهو لما انتي تتنازلي عن المحضر وتلغي البلاغ...عيالك هيرجعوا ازاي ...
همسه مقدرش تتحمل كميه الضغط من الكل وكميه الاسئله اللي اتسألتها من اول ما جت
عشان كده صرخت بعصبيه:اللى خاطف عيالي هددني ..اني لو مسحبتش البلاغ بتاعي هيأذي عيالي ...انتم مشوفتوش هو باعت ليا ايه...كلام مفيش ام في الدنيا تقدر تتحمله وتتخيل مشهد واحد من المشاهد اللي بيحكي عنها المختل الىي كاتب الرساله
كنت عاوزني اعمل ايه...استني لما يأذيهم وارجع بعدها اقول يا ريتني
سعيد:همسه معاها حق ...انا شوفت الرساله ...وعارف مكتوب فيها ايه ...وقلبي وجعني من الكلام لوحده
ما بالك بأختك المسكينه وهي بتقرب الكلام ده علي عيالها
انا اب واقدر احس بوجعها...وحسيت بوجع زيه قلل كده لما ضيعت بنتي لسنين وانا مش عارف فيها ايه ولا ايه اللي حصلها
وانوا عاوزينها تعرف ان عيالها ممكن لاقدر الله يتأذوا ومتسمعش كلام العصابه اللي خطفتهم
يبقوا بتحلموا بجد....همسه يا بنيت اعملي اللي الناس دول بيقولو عليه ...عشان نضمن سلامه العيال وانا معاكي والكل برضاهم او غصب عنهم هيكونوا معاكي
ومتقلقيش انا في ضهرك
مازن بحب وقوه: وانا كمان في ضهرك يا همسه ...في ضهرك لآخر يوم
عمر بحب :وانا كنت واكون دايما معاكي وسندك وضهرك
مشعل :يا زين ما قولتم والله ...وأنا كمان بضهرج وقراري نفس قرارج تمام
وفاء بغلب:وانا زيهم يا بنتي معاكي ...المهم العيال يرجعوا ويكونوا بخير
♡_______________♡
همسه كانت هتتجنن وتتواصل مع ولاء بأي طريقه
لأنها فاكره مكالمتها معاها وانها اول ما عرفت ان عيالها اتخطفوا علي طول عرفت مين اللي عمل كده وقررت أنها تروح لعصام وتهدده ومش هترجع غير والعيال في ايدها
لكن من ساعه ما قالت كده ومحثلش حاجه وولاء مش باينه
وده بحد ذاته مخلي همسه قلقانه اكتر من ناحيه عيالها ومن ناحيه تانيه صاحبتها الي في مقام اختها واللي مش عارفه ايه حصلها وقلقانه من رد عصام لانه مجنون وردود أفعاله غير متوقعه
كل دي كانت افكار وصرا.عات جوه عقل همسه واللي مخلياها مش علي بعضها
ومفيش عندها اي صبر او عقل انها تهدي عشان حتي تعرف تفكر
كل الي بيجي دماغها افكار بشعه جدا من خوفها علي اللي يخصها
.......
بعد شويه
همسه كانت لسه علي حالها ومستنيه اي اتصال أو رساله من الخاطف
ومع انها متأكده مليون في الميه انه عصام لكن مكنتش عاوزه تسبق الأحداث وتعمل شوشرة هتيجي عليها بخسارة خي وعيالها
لحد ما اتبعتت رساله علي تلفونها من نفس الرقم بتاع الخاطف
ولحسن حظها صوت الرساله مكنش عالي ومحدش اخد باله
عشان كده راحت علي البلكونه بلهفه وقلق
وكان محتوي الرساله كالآتي
:برافو عليكي شطوره اوي يا همسه سمعتي الكلام واتنازلتي عن المحضرين
كده اضمنلك ان عيالك مش هيتأذوا طول ما انتي بتسمعي الكلام
ندخل بقي علي الخطوه التانيه
حضرتك بقي هتيجي بكره علي العنوان اللي هبعته ليكي كمان شويه
اهم حاجه انك تيجي لوحدك ومن غير ما تقولي لاي حد مهما كان هو مين وإلا ساعتها هتزعلي اوي اوي
وانا اضمنلك ده بنفسي
ومش علي عيالك الكتاكيت بس
لا كمان علي صحبتك حبيبتك لولو القمر
يووووه يقطعني لا هو انا مقولتش
مش ولاء مشرفه عندي
ااه والله زي ما بقولك كده موجوده عندي في الحفظ والصون ...وانا كمان عارف ان الذاكره رجعتلك ومن زمان بس مطنش عشان عارفك انتي وصحبتك
غُلب وهُبل اوي
دلوقتي بقي بكره تيجي زي الشاطرة علي العنوان وطل من ليه حق هياخده
سلام يا همس
♡_______________♡
تاني يوم الصبح الكل بقي يدور علي همسه
لكن وكأن الزمان بيعيد نفسه همسه مش موجوده ومحدش عارف راحت فين
لحد ما الكل انتبه علي مازن الي جاي عليهم وهو بينادي علي الكل بلهفه
مازن:يا بابا يا ماما بصوا لنا باقي ايه ....همسه سايبه رساله
سعيد بسرعه وقلق :اقرا هي كاتبه ايه وبسرعه
مازن:......
الكل بصدمه اييييييييييييه
باااااااااااااااااااااس
بدل ماتدور وتبحث علي الروايات خليها علي تليفونك وحمل تطبيقنا
