رواية همسة وجع الجزء الثاني الفصل الثالث والثلاثون بقلم اسماء العذب
33
#همسه_وجع
#الجزء_الثاني
يَا مَنْ تُحبُّونَ الرسولَ محمدًا
صلُّوا على خيرِ الأنامِ وسلِّموا"ﷺ🕊️
♡_______________♡
يا باشا ابوس ايدك سيبني في حالي ان قولتلك خلاص ختنازل علي المحضر
الضابط بحده:مدام همسه حضرتك مش بتكلمي عيل صغير ...انا عارف شغلي كويس وابو حضرتك قال لي علي الرساله ...واحب اقولك ان ده طلب عادي جدا من اي حد بيخطف او اي عصابه ...إن الموضوع ما يوصلش للبوليس...لكن احب اطمنك واقولك اني بعون الله هرجع عيالك صاغ سليم ومحدش قدر يلمس شعره منهم ..لكن حضرتك ياريت تتعاوني معانا
همسه ببكاء: يا افندم ارجوك افهمني انا مقدرش اخاطر بحياه عيالي ...وانا بعفيك من المسؤوليه دي وياريت تسبني اتصرف بمعرفتي
الضابط بتحفز:يعني ده اخر كلام عندك
همسه بأصرار: ايوه انا هتنازل عن محضر الخطف ومحضر التعدي بتاع هشام الزايد
الضابط وقف من مكانه وهو بيبص علي همسه برفعه حاجب وبيتكلم بشك:وياتري ممكن اعرف ايه اللي جد عشان تتنازلي وتحاولي تخرجي واحد المفروض انه حاول يتعدي حرمتك وتعدي عليكي
همسه بهمس: هو ..اصل ..اصل الموضوع انتا اتخانقنا يعني وانا استفزيته وفي ساعه عصبيه لما قرب مني انا مستحملتش ومسكت في خناقه
بس بما اني الحلقه الأضعف كان التعاطف معايا انا والكل افتكر اني انا المجني عليها مع اني انا اللي استفزيته
الضابط بعدم تصديق هز راسه :امممم...وياتري بقي ايه اللي جاب هشام علي العياده اللي صحبتك بتجهزها
همسه بتوتر:معرفش ...هو جه ورانا وحاول يتكلم معانا وانا اتعصبت عليه وقولتله كلام عصبه عشان كده المشكله دي حصلت
الضابط ببرود: طيب تمام زي ما انتي عاوزه المحضرين
هيتسجبوا النهارده وهسحبهم حالا عشان خاطرك انتي واستاذ مشعل...لان هشام فاضله أقل من ساعتين وهيتعرض علي النيابه
همسه بهدوء: شكرا جدة لحضرتك و....وشكرا يعني انك تفهمت موقفي وساعدتني
الضابط ببسمه لا معني لها :لا شكر علي يا مدام...ممكن حضرتك تفضلي بره مع الامين هو هينهي كل حاجه معاكي
همسه هزت راسها وخرجت وكان مشعل وعمر مستنيين بره بطلب من الضابط
الضابط بعد ما خرجت بمده بسيطه نده علي العسكري
اول ما دخل
الضابط بأمر :اول ما هشام الزايد يخرج تقول للأمين احمد لما يرجع انه يفضل تحت عنيه
انا همسه اللي لسه خارجه دي .. انا عاوز الأمين سعد ما يشلش عينه من عليها ويبقي عامل وي ظلها...ولما اشوف بقي هتعرف تزوغ ازاي هي والعصابه دي واشوف وراهم ايه
العسكري بطاعه :امرك يا فندم
♡_______________♡
مازن كان قاعد في كافيه ومستني وتكه او وتين زي ما بتحب
لانها رفضة انه يجي ليها البيت لأنها ساكنه لوحدها وميصحش راجل غريب يدخل عندها..وده كان واحد من الدروس اللي اخدتها في حلقه التحفيظ في المسجد ...إن اي راجل اجنبي عنها مينفعش تختلي بيه لوحدهم حتي ولو كان الأمر خير
بعد مده وتين وصلت
مازن ببسمه متوتره من شكلها الجديد عليه:اهلا وسهلا...ازيك
وتين بهدوء: الحمد لله حمدا كثيرا طيبا مباركا فيه...انت اخبارك ايه
مازن ببسمه إعجاب :بقيت كويس ...احم احم تشربي ايه
وتين :يا مازن سيبك من الكلام ده والمقدمات دي وادخل في الموضوع..انت قولت انك عاوزني في حاجه مهمه...ايه هي لاني بجد قلقت اول ما قولت كده...ايه حصل
مازن بتنهيده:اللي حصل صعب اوي ...ولاد اختي تؤم ولد وبنت يا دوب عندهم خمس سنين...انخطفوا ومش عارفين مين اللي خطفهم ..واختي زي ما تكون اتجننت ومش مبطله عياط ولا ندب
والكل خايف عليهم وحاطين ايدينا علي قلبنا مم الخوف
وتين بزعل وبغض:يا ساتر يارب ...انا بجد مش متخيله الناس اللي بتأذي طفل صغير دي قلبها بيطاوعها ازاي
مازن بسخريه:وهم لو كان عندهم قلب كانوا عملوا كده من الأساس
وتين:عندك حق ...طب انت شايف اني اقدر اساعدك اواي وانا لو اقدر مش هتأخر عليك صدقني
مازن بتوتر:يعني ...يعني انتي قبل كده كنتي قولتي انك عمك لواء في الشرطه
وأنه مش بيرفض لك طلب ...وأنه هو الي كان مقوي قلبك في موضوع السبق قبل كده
وتين بضيق:لو سمحت يا مازن ما تجيبش سيره الماضي...انا ما بصدق انسي
وايوه فعلا انا عمي لواء....وانا اكيد حتي لو مكنتش طلبت مني مساعده وانا كنت اعرف الحكايه دي ...كنت هطلب منه المساعده
وصدقني هخليه يعمل كل اللي يقدر عليه عشان يلاقيها
ومش هيعدي بكره غير وهم بأذن الله في حضن مامتهم
انت بس قول يارب
♡_______________♡
وعد ووليد كانوا قاعدين في اوضه نورها خافت وهم الاتنين مربوطين وقاعدين في الارض
وتقريبا مش مبطلين عياط من ساعه ما جم
وعد بصراخ :يامااااااما ...ماااااااما تعالي خودينا من هنا انا عاوزه امشي ...عاوزه ماما وبابا مشعل وتيته وجدو عاوزه ارجع لعيلتي
وليد ببكاء وبرأه: وانا عاوز ارجع لماما ...يا عمو ياللي جبتنا هنا خرجنا...احنا عاوزين ماااااااما..هات لنا ماما
بقي احنا عاوزينها
وعد بشهقات: علي فكره اللي انت بتعمله ده غلط يا عمو وربنا مش بيحبك كده عشان انت زعلته لما اخدتنا
وبعدتنا عن مامتنا..بس لو رجعتنا تاني ربنا هيحبك عشان احنا هنبطل عياط ونشوف ماما تاني ونفضل معاها .. رجعنا بقي يارب تخش الجنه
عصام كان قاعد بره هو وواحد تاني شغال معاه وهو سامع كل ده وبيتفرج علي التلفزيون ببرود
ومفيش شعره فيه اتهزت من صوت عياط الاولاد وصراخهم او رجائهم
أنا الراجل التاني فكانت دماغه ورمت من زنهم ودوشتهم (بالنسبة ليه)
الراجل بتأفف:بقولك لا زعيم ..ادخل علي العيال دي اسكتهم بمعرفتي ...دول اكلوا دماغي من زنهم ودوشتهم
عصام ببرود:تؤ تؤ تؤ...لا لا يا عبده يا حبيبي...حملك شويه علي العيال دي ..اصلهم يخصوني وصحتهم تعملي اوي
يعني مش عاوز خدش واحد بس يصيبهم وإلا هزعل ولما ازعل في ناس تانيه هتزعل وأولهم هيكون انت
يعني اركز كده في مكانك ومىكش دعوه بالعيال دي
انت اخرك تدخل لهم الاكل والشرب وتاخد بالك منهم عشان ميقدرش يتعرفوا علي حد مننا
عبده بعدم فهم:منكم مين بس يا زعيم
عصام كان هيتكلم بس الباب خبط
عصام شاور علي الباب بمعني دلوقتي هتعرف
وبسرعه ولهفه راح وفتح وحصل زي ما اتوقع
عصام بترحيب زائف: إتش...ايوه بقي هو ده الكلام ...خش في حضن اخوك يا جدع...كفاره
♡_______________♡
في نفس البيت الموجود فيه عصام وعيال همسه بس في اوضه تانيه
كانت مربوطه علي كرسي ولسه مصحيتش بعد الخطه اللي اخدتها علي دماغها غدر من عصام
ولاء فتحت عنيها براحه ووجع ضر.ب رأسها
اول ما فتحتهم واحر حاجه حصلت معاها هي اللي جات علي بالها
عصام خطفها زي ما خطف ولاد همسه
باااااااااااااااااااااس
وأخيرا متنسوش تقولو رأيكم في فصل النهارده
اعملوا طلب صداقة لصفحتي يا شباب لو سمحتوا
قربنا نخلص يا حلوين
حكايه همسه فاضلها كام فصل وتخلص
تفاعل بقي عشان خاطري وخاطر همسه اللي هنودعها
قريب
واسفه جدا عشان مبقدرش ارد علي التعليقات لكن حاليا انا بحاول ابعد عن الانترنت والسوشيال علي قد ما اقدر حفاظا علي حالتي النفسيه
يعني يا دوب بنشر الفصل واقفل وممكن افتح مرتين تلاته اشوف لو فيه حاجه كده ولا كده
وبس
بدل ماتدور وتبحث علي الروايات خليها علي تليفونك وحمل تطبيقنا
