رواية همسة وجع الجزء الثاني الفصل الثانى والثلاثون بقلم اسماء العذب
32
#همسه_وجع
#الجزء_الثاني
يَا مَنْ تُحبُّونَ الرسولَ محمدًا
صلُّوا على خيرِ الأنامِ وسلِّموا"ﷺ🕊️
♡_______________♡
عصاااااااام ...عصااااام افتح الباب ده اخلص
ولاء كانت بتصرخ بعلو صوتها وهي بتخبط علي باب شقه عصام
واللي فتحلها ببرود وبسمه بارده مستفزه
عصام بتفاجأ مصطنع وبرود:ايه ده يا لولو مالك يا قلبي بتزعقي ليه
ولاء بهدير وصوت عالي:ياخي جاك وجع في قلبك تقعد تشتكي منه الباقي من عمرك
عصام بزعل مصطنع واستفزاز: ااااه تصدقي قلبي وجعني من كلامك ...بس هعمل نفسي مسمعتش حاجه وابقي احسن منك
ولاء دخلت البيت زي الرصا.صه وقفلت الباب وراها وهي بترفع صباعها بتحذير في وش عصام
ولاء بحذير :متسوقش العبط عليا يا عصام وقولي ايه اللي عملته ده
عصام ببرود ورفعه حاجب: ايه...عملت ايه ياتري .....يكونش قصدك عشان راكن عربيتي صف تاني ...متقلقيش مفيش ونش بيعدي من هنا
ولاء بصراخ هز اركان البيت كله:عصاااااااااام.....اتكلم عدل وقولي وديت العيال فين ....احنا متفقناش علي كده....رجع العيال يا عصام وإلا
وعلي غفله زمن دون سابق إنذار ولاء كانت لاصقه في الحيطه وراها بعد ما عصام زيها بعنف وهو ماسك وشها جامد بايده
قرب وشه من وشها وهسهس قدامها:وإلا ايه هااا...وإلا ايه قولي ....هتقولي لهمسه ولا هتبقي عني
لا لا خليني احذر هتحكي للكل اني سبب كل اللي بيحصل واني كنت السبب اللي خلي هشام يسيب همسه وهي حامل ويخرب حياتها
وطبعا همسه المفروض مش فاكره حاجه فا الكل المفروض يصدقك وتطلعي منها انتي وصحبتك زي الشعره من العجين ...مش كده؟؟؟
ولاء كانت حاسه بخنقه من قربه ومن انفاسه اللي بتخبط في وشها لدرجه ان بطنها قلبت وحست بالقرف منه ومن قربه
لحد ما جمعت كل وقتها وقته بعيد عنها ولسه بتبص عليه بقرف
عصام ببسمه جانبيه ورفعه حاجب :الله...ده القطه بقت تخربش ...ايه يا لولو مش خايفه ولا ايه
ولاء ببغض وكره :وهو انا لما هخاف...هخاف منك انت
يا ...ولا بلاش
عصام :لا قولي قولي عاوز اسمع هتقولي ايه
ولاء بهدوء مزيف:عصام لو سمحت انا جايه هنا وانا علي اخري ...لو سمحت رجع عيال همسه...دي هتتجنن عليهم بالمعنى الحرفي
دي من ساعه ما عرفت انهم اتخطفوا وهي مبطلتش صراخ وبكا وعويل
عصام بصدمه مصطنعة: انتي بتقولي ايه بس ...عيال همسه اتخطفوا ...لا حول ولا قوة الا بالله العلي العظيم...وده مين عديم القلب اللي عمل كده ..لا بجد الناس مش عارف ايه اللي جرالها
وبعدين انتي جايه تتهميني انا..ايه كنت مسجل خطر ولا سوابق يا حبيبتي
ولاء بوعيد:ياخي ياريتك كنت واحد منهم ...لكن انت شيطان ...شيطان كبير اوي ...ياخي ده انا اشك ان الشيطان نفسه بيتعلم منك ومن عمايلك
رجع العيال يا عصام ..التمله دي محدش يعملها غيرك ....رجال عليك دول مجرد أطفال ملهمش ذنب في اي حاجه
عصام ببسمه واثقه :بصي يا ولاء خليني نتكلم جد شويه...وياريت لو نتكلم علي المكشوف
عشان قلبي بيقولي ان اللعبه دي خلاص قربت تخلص
انا عرفت
ولاء بعدم فهم:عرفت ايه
عصام برفعه حاجب: امممم ..عرفت ايه ...عرفت ايه يا واد يا عصام ....ممكن مثلا ...انا بقول مثلا يعني اكون عرفت انك متفقه عليا
وطول الفتره اللي فاتت دي انتي اللي كنتي بتفشلي معظم الخطط
وعرفت كمان ان همسه نفسها مشتركه معاكي في ده كله
سكت شويه وهو بيضحك وكمل:ههههه...اصلكم طيبين خالص...فاكرين ان الحركتين اللي عملتوهم دول خالو عليا
لا وايه مره واحده بقيتي عاوزه انتي اللي تحطي الخطط وتنفذيها بنفسك والحماس اكلك اكل
هههههه...غبيه ....عيبك انك غبيه ...انا همسه دي طيبه ...طيبه اوي ....هو اي نعم انا معرفش ازاي لحد دلوقتي هي ازاي افتكرت كل حاجه ....بس مش مهم
أصلها قريب هتعرف بيتي وتبقي في حضني وابقي اسألها انا براحتي
ولاء كامت بتسمع كل اللي بيتقال بصدمه كبيره
لحد ما قدرت تسيطر علي اعصابها
وحاولت تبان واثقه وثابته قدر الامكان
ولاء بسخرية: بجد ما فيش حد غبي زيك يا عصام
يعني انت بجد كنت فاكر اني انا ممكن في يوم اتأمر معاك علي همسه
إني ممكن احط ايدي في ايدك انت عليها
واني اقعد انقلك أخبارها وحياتها واللي بتعمله بره البلد وانا اصلا اللي مسفراها
طب انت ذكائك المحدود وتفكيرك البرئ خلاك تعتقد إني لو كنت بعمل كده فعلا وحاطه ايدي في ايدك زي ما بتقول كنت هستني ليه لما همسه ترجع واني ازا اللي أقنعها ترجع
طب انت ختي ما سألتش نفسك انا ليه بعمل كل ده ...أو حتي ليه بحاول اساعدك
لا ..لا انت طلعت اغبي مما أتصور بجد
ومادام كله بقي علي المكشوف واكشفلك انا بقي شوبه ورق من اللي عندي
اللي كنت شاكك فيه صح
همسه فاكره كل حاجه وانا من اول ما انت جيت وحاولت تبان انك طيب بقي وانك شمعه تحتر.ق لأجل الاخرين عشان تعرف توصل لعمسه بره مصر أو علي الاقل تعرف اخبارها
انا وافقت وعملت نفسي مصدقاك وانا عارفه نيتك ايه
وفي نفس الوقت كنت بوصل اللي بتقوله والي بتعمله كله لهمسه
وازيدك من الشعر بيت ...انا اللي ساعدت همسه عشان هشام يتقبض عليه عشان نخلص منه علي الاخر
وكنا بنخطط اننا نلبسك انت التاني تهمه زيه بحجه انه صاحبك وانك جاي تهددنا
لكن ما شاء الله عليك سبقتنا انت المره دي
لكن ملحوقه المره الجايه
دلوقتي بقي ...قولي فين عيال همسه يا عصام
وإلا اللي هيحصل لمش هيعجبك نهائيا وصدقني انا ممكن ابهرك باللي ممكن اعمله
♡_______________♡
عيالي ...عاوزه عيالي يا ناس والله ما عاوزه حاجه غيرهم ...هاتوهم ليا ومش عاوزه حاجه تانيه
همسه كانت بتردد الكلمات دي من ساعه ما عرفت ان عيالها اتخطفوا
كان الكل متجمع حواليها ومعظم.الاهل والجيران عرفوا وبيحاولوا يواسوها
وفاء كانت حضناها وهي بتبكي معاها وتنوح هي التانيه
وفاء ببكاء: خلاص يا حبيبتي مشعل وعمر راحوا يعملوا بلاغ وأكيد البوليس هيعرف يجيبهم
بعدها حضنتها بحب وفي لحظه نست كل زعلها منها وكل حاجه حواليها بعد أما شافت دمعتها وقهرتها علي عيالها
بعد كام دقيقه دخل مشعل وعمر
وقفت همسه ووفاء بسرعه
وفاء بلهفه: هااا ..عملتوا ايه
همسه ببكا وشحتفه: فينهم...فين العيال ...وين وعد ووليد انوا مش قولتو أن البوليس هيجيبهم هم فين
عمر بزعل:همسه اهدي ...احنا عملنا بلاغ
ولأن مشعل شخص مش عادي وهو اللي مقدمه بصفته جوزك الموضوع اتاخد جد اوي
والضابط والوحده بتاعته راحوا معانا وعاينوا المكان اللي اتاخدوا منه وشافوا تسجيلات الكاميرات وقالوا انهم شاكين في حاجتين ...إما اللي يكون خطفهم يكونوا عصابه بتخاف العيال وتطلب فديه من أهلهم ودس سهله
هيتصلوا ويطلبوا الفديه ولما تدفع يرجعوا العيال تاني
والاحتمال التاني هو...هو
عمر سكت ومحدش يكمل
همسه بصوت عالي: هو ايه كمل قولي فيه ايه
مشعل كمل بدل عمر :وإما يكون في عداوه شخصيه بين الخاطفين واهالي الأطفال
وهاي بتكون وايد صعبه ...لانوا الدافع مو فلوس وممكن الموضوع بوصل لمراحل خطره
همسه بضياع ودموع زي الشلالات: يعني ايه...يعني ايه ...يعني ايه ...حد يقولي ...حد يرد عليا ...انا كل اللي عوزاه عيالي مش عاوزه حاجه والله ...خليهم ياخدوا كل حاجه....كل اللي هم عاوزينه لكن يرجعوا ليا عيالي ....دول صغيرين ومش هيفهم حاجه واكيد خايفين والناس اللي خطفتهم بتعاملهم وحش وممكن يأذوهم...انا عوزاهم
عمر قرب عليها بزعل وتأثر وهو حابس دموعه بالعافيه
وحضنها
عمر بهمس :كل حاجه هتكون كويسه وعيالك هيرجعوا يا حبيبتي...انتي بس ادعينا وقولي يارب وهو مش هيرد خايبه ابدا بأذنه
همسه ببكا وهي بتدفن وشها في حضن عمر:يارب ..ياااارب ...يارب احفظ لي عيالي ورطعهم ليا سالمين
عمر بهدوء: همسه الضابط بره وعاوز يسألك كام سؤال عشان يعرف يحقق كويس...مستعده تشوفيه
همسه قامت بسرعه وهي بتمسح دموعها بعنف
همسه بقوه: اي حاجه ممكن تكون في ان حبايبي يرجعوا ولو بنسبه واحد في الميه انا مش هتردد اعملها ...دخل الضابط يا عمر خليه يشوف شغله
♡_______________♡
لو عاوزه عيالك يرجعوا خلي جوزك واخوكي يسحبوا البلاغ بتاعهم وقولوا ان العيال لاقت
وإلا مش هتشوفيهم مره تانيه غير وهم جث.ث
وهنبعتهم ليكي بالحته
مره رجل مره ايد مره راس وانتي وحظك بقي
اما لو مش عاوزه ده يحصل نفسي اللي قولتلك عليه
ده اولا
ثانيه بقي الشكوي اللي مقدماها في هشام تتسحب النهارده ويخرج قبل ما يتعرض علي النيابه
واستني مننا مكالمه
رساله كانت اتبعتت علي موبايل همسه خلت كل خليه في جسمها ترتجف منها ومن كلماتها واللي عرفت ان صاحبها مش بيهزر وممكن فعلا انه يأذي أطفالها
وققت وهي حاسه بدوخه وحتي مش قادره تدي اي رد فعل...وحست ان صوتها اختفي واتخشر جوه حنجرتها ومش قادره تخرجه
عشان تتكلم او تطلب مساعده اي حد من اللي حواليها
وللأسف السعيد لاحظ كده وعلي غفله خطف الموبايل من ايد همسه واللي كانت هتوقعه اصلا لان اعصابها ارتخت وبقت حاسه ان مفيهاش اي أعصاب ولا اي تحكم في جسمها
سعيد اخد منها الموبايل وقرأ الرساله اللي اتبعت وعيونه اتوسعت بصدمه من المكتوب
وقلبه وجعه وجع عظيم علي وجع بنته ومن زعله علي احفاده
وهو مين هيخاف عليها اكتر من امها وابوها
ومين هيحس بوجعها غيرهم وهم اكيد اتوجعوا قبل كده علي فراقها لسنوات
سعيد حس بدوخة ووجع في قلبه من قسوه الكلمات والتعبيرات اللي في الرساله
ومن فكره ان احفاده اتخطفوا ودي لوحدها تفزع وتوقف التفكير نهائيا
سعيد ببكاء ودعاء: يااااااارب.....ياااااااارب ....يارب انت العالم بحالنا يارب
بدل ماتدور وتبحث علي الروايات خليها علي تليفونك وحمل تطبيقنا
