رواية همسة وجع الجزء الثاني الفصل الثلاثون بقلم اسماء العذب
30
#همسه_وجع
#الجزء_الثاني
يَا مَنْ تُحبُّونَ الرسولَ محمدًا
صلُّوا على خيرِ الأنامِ وسلِّموا"ﷺ🕊️
♡_______________♡
وفاء بعدم استيعاب بعد سمر واهلها ما خرجوا :ايه اللي حصل ده بالضبط يا عمر ...انا مش فاهمه ايه اللي انت عملته ده ولا كنت بتفكر في ايه بالضبط
عمر بهدوء: يا ماما الموضوع بسيط انا وسمر مش متفقين وعلاقتنا من الاول كانت فاشله ...ايه استني لأمتي ..لحد ما اتجوز انا وهي ونخلف عيل معقد من المشاكل الي هيشوفها مننا ... ونطلق بعدها وهو عقده تزيد مش كده
سعيد بحده: ولما انت مش مرتاح معاها كمت طاير من الفرحه ليه لما خطبتها...يابني ده انت لما بتكون بتتكلم معاها عيونك بتطلع قلوب ..ايه كل ده كان وهم ولا سوء فهم مننا
عمر بضيق:يابابا لو سمحت سيبوني علي راحتي ...
مازن بسخرية وهورافع طرف شفايفه بتشنج: وانت كده مرتاح يا ضنايا
عمر بحده: مااازن... اتكلم معايا بأدب شويه انا اخوك الكبير
مازن بغضب وزعيق:انت اللي اعقل الكلام اللي بتقوله الاول ايه فاكرنا هُبل ومش واخدين بالنا انك زعلان لا هتمووووت من الزعل لأنك سيبت سمر ...رغم انك بتحاول تمثل غير كده ...لكن للأسف انت فاشل في التمثيل يا عمر عشان كده كدبتك ما خلتش علينا شوفتك واحده تانيه
وفاء بزعيق وهي فقدت اعصابها من عيالها وعمايلهم
:بس أنت يا مازن...سيبهولي انا بقي ...ايه ياعمر كبرت وبقيت تاخد قرارت لنفسك وتلعب ببنات الناس بحجه ان ده قرارك وإن ده اختيارك ومش عارفه ايهلا فوق كده وصحصح معايا شويه...انت هتقولي علس السبب اللي خلاك تعمل كده ...ومن قبل ما تحور انا النهارده يا قا/تل يا مقتو/ل وهعرف يعني هعرف
♡_______________♡
تاني يوم
همسه حضرت كل حاجه واستنت هشام علي احر من الجمر
ولاء بقلق:يا همسه الموضوع كل مادا وعمال يكبر ...وممكن انا وانتي نروح في الرجلين
همسه بسخريه:ما انا رايحه في الرجلين من زمان ...انتي بس متقلقيش حتي لو حصلت حاجه انا مستحيل اجيب سيرتك في اي حاجه...يلا بقي اختفي انتي
ولاء بقلق شديد:ربنا يستر منك ومن عمايلك
معداش دقايق وهمسه سمعت صوت جرس الباب
اتأكد أن حجابها مضبوط وشكلها حلو وبعدها رسمت ابتسامه واثقه وفتحت الباب
هشام اول ما شافها تلقائيا البسمه ارتسمت علي وشه
همسه ببسمه صفرا: اهلا اهلا يا دكتور هشام اتفضل
هشام بحب :ما قولنا بلاش دكتور دي وقلبها هشام علي طول
همسه ببسمه متكلفه: ماشي يا سيدي...اتفضل بقي اي هشام
هشام دخل وبص حواليه كانت شقه جاهزه لكن من غير اي عفش
هشام بأستغراب هو ايه المكان ده
همسه بمكر:دي العياده اللي هتفتحها ولاء وليه بتوضب فيها ...ايه قلقت ولا ايه
هشام بسرعه:لا طبعا انا بس استغربت من شكلها
همسه كانت وصلت للكراسي الموجوده هناك وقعدت عليها
همسه بهدوء: اتفضل اقعد
نفذ هشام الي قالت عليه
همسه بترقب :قولي بقي ...ايه اللي حصل وفرق بينا زمان...عاوزه اسمع هتقول ايه وايه دفاعك
هشام بتوتر: هو انتي حد قلك حاجه ولا ايه
همسه بهدوء أقرب للبرود: لا بس انا اصلي كنت بدردش انا وولاء شويه ...ولما سألتها اجنا سبنا بعض ليه...قالت حاجه مكنتش اتوقعها
هشام بقلق وتوتر:قالت ايه
همسه بجمود:قول انت الاول وانا هحكم علي كلامك انت وهي ..اتفضل المايك معاك
♡_______________♡
:الو...الحقني يا عصام انا اتقبض عليا
عصام بعدم فهم: اتقبض عليك ازاي يا هشام ...انت بتعزر ولا ايه
هشام بصياح:وهو في هزار في المواضيع دي ...الحقني بقولك ...دول بيقولو اني هتعرض بكره علي النيابه لان الضابط بيقول التهمه لبساني
عصام :يا هشام اهدي وفهمني علي مهلك ..تهمه ايه ومين اللي متهمك اصلا ...وايه اللي حصل وخلاك توصل لكده
هشام بضياع :همسه هي اللي بلغت عني ...نصبت ليا فخ وخلتني أقع في فخها
عصام بهدوء: بص انا هجيب محامي واجي عندك دلوقتي وانت تفهمنا انا وهو ايه حصل وهحاول
اطلعك ... لاني مش فاهم حاجه منك...قولي انت في قسم ايه
هشام بتشتت:انا في قسم .....
عصام :طيب اهدي انا مسافه السكه هكون عندك اطمن
هشام بأطمئنان:طول ما انت في ضهري انا متطمن
بدل ماتدور وتبحث علي الروايات خليها علي تليفونك وحمل تطبيقنا
