رواية همسة وجع الجزء الثاني الفصل التاسع والعشرون بقلم اسماء العذب
28
#همسه_وجع
#الجزء_الثاني
يَا مَنْ تُحبُّونَ الرسولَ محمدًا
صلُّوا على خيرِ الأنامِ وسلِّموا"ﷺ🕊️
♡_______________♡
همسه بتلا عب: هشام معايا...اسفه قصدي دكتور هشام
هشام بهيام:ايوه انا يا همسه هشام ...تعرفي انك لما بتنطقي اسمي بحس بلذ ه وكان صوتك بيطربني طرب
ده انا لو متع/صب وسمعت صوتك بس أهدأ وابقي عال اوي
همسه بكسوف ودلع مصطنع: يا هشام ...قصدي يا دكتور بتكسف متقولش كده
هشام بمزاح: هو احنا مش اتفقنا ننادي بعض من غير تكليف يعني انتي تقوليلي يا هشام يا شومي يا إتش...خلي البساط أحمدي ومتحبيكهاش بقي
وانا كمان اقولك يا همسه ...هموسه ..همستي
وكده يعني
همسه بأرتباك مصطنع:علي فكره عيب كده يا هشام...يووووه قصدي يا دكتور هشام
هشام بضحك:خلاص ...خلاص ....
بعدها حمحم وهو بيتكلم بجديه:همسه انتي اكيد عرفتي اني ابو عيالك...وإن فيه شيء مشترك بينا ..وإن وعد ووليد عيالي زي ماهم عيالك
همسه نبره صوتها اتحولت تماما بعد اللي هشام قاله ومثلت عدم الفهم والانهيا ر
همسه ببحه حزن حقيقه:انا نفسي اعرف بس اذا كنت انت ابو عيالي ...ايه اللي وصلنا للحاله دي ...وايه اللي مخليك مش معترف بيهم ومحدش عارف انهم عيالك انت وكانوا فاكرين انهم عيال مشعل
هشام بحزن ووجع:صدقيني يا همسه..دي كانت غلطه غلطتها وندمان عليها ولحد دلوقتي بتحاسب عليها من بعدك عني انتي وعيالي اللي اتحرمت من شوفتهم
همسه بغصه وندم:وايه اللي وصلنا لكده ...ايه هي الغلطه دي يا هشام ومين فينا اللي كان غلطان ..لو سمحت جاوبني انا من ساعه ما عرفت وانا منش بنام الليل والعيال بقو كبار وقادرين يستوعبوا اللي بيحصل حواليهم ...وممكن يعرفوا بالغلط وينصد.موا
عشان كده لازم اوصل الموضوع ليهم بطريقه مناسبه
هشام اتنهد بتعب وهو مش عارف يبتدي منين ...أو حتي يقول ايه..
ياتري يقولها علي الحقيقه كامله ولا
يكدب عليها زي ما بيعمل دايما
ولا يقول جزء من الحقيقه ويألف الباقي من دماغه
همسه بألحاح:هااا يا هشام قولي فيه ايه واللي عمل فينا كده...انت اكيد عارف اني مش فاكره حاجه
هشام بتوتر: بصي هو مش هينفع في الموبايل...لازم نتقابل عشان اعرف اشرحلك كويس
همسه ببسمه جانبيه شيطا.نيه: وهو ده اللي انا عوزاه ...انا هقولك علي عنوان ياريت تيجي عليه بكره الساعه خمسه المغرب
هشام بلهفه: قولي ..وخمسه بالثانيه هكون هناك وهفهمك كل حاجه
همسه بجمود قالت علي العنوان وكملت:طيب لحد بكره ياريت حضرتك متتصلش علي الرقم ده تاني وياريت لو تمسح المكالمه عشان ده تليفون واحده جارتنا وخايفه تحصل مشاكل
هشام :حاضر متقلقيش أنا هقفل منك وامسح الرقم زي ما قولتي
همسه بكره:طيب سلام بقي لحد بكره يا دكتور
ومن غير ما تستني رده كانت همسه بتقول المكالمه
بعدها طلعت تلفونها الحقيقي ورنت علي شخص تاني
همسه ببرود:ايوه ...ازيك يا مشعل
مشعل بلهفه:بخير الحمد الله همسه ...شلونك انتي وشلون احوالج بالبيت
همسه بتنهيده: الحمد لله كويسه ...والأوضاع في البيت بقت اهدي شويه
مشعل بعتاب :انا مو قولتلج تجين معي لحين السفر
همسه بضيق:مشعل لو سمحت انا فيا اللي مكفيني ومش ناقصه تقطيم...وبعدين أنت اخدت العيال معاك ...وانا لازم اقعد في البيت لحد التوتر اللي فيه ما يخف ...المهم....
مشعل بأنتباه:اي نعم قولي
همسه: هو انت لسه في مصر ولا سافرت
مشعل بسرعه:لا طبعا لساتني بمصر ...وانا قولتلج بخبرك قبل السفر ...بس اني حاليا قاعد بالبيت اللي مأجره قريب من بيتج
همسه :حلو اوي ...انا عاوزه اقابلك بكره ضروري ممكن
مشعل بسرعه وفرحه:اكيد ممكن..برسلك السائق لعند البيت يجيبج ويجي
همسه بسرعه ورفض:لا لا ...مش هينفع عندك ..بص انا هبعتلك لوكيشن تيجي عليه بكره الساعه خمسه ونص المغرب ...ماشي
مشعل بحيره وعدم فهم مع انو مو فاهم شي...بس تمام يلي تبيه ...خمسه ونص بكون في المكان
همسه ببرود :طب سلام بقي اصلي مشغوله
مشعل بسرعه :انتبهي على حالج همسه ....مع السلامه
همسه قفلت وهي بتتنهد بثقل...
بعدها رفعت عيونها وكانت مليانه خبث زايد و ابتسامه شيطا.نيه بحته مرسومه علي وشها
همسه بفحيح: من بكره بقي اللعب هيبقي علي المكشوف...و طريق العذ.اب أوله خطوه هتخطوها بكره ...ومنسيتكش يا عصام دورك محفوظ بس الصبر
همسه رفعت عينها لاقت ولاء وصاحب الكشك متنحين بالمعنى الحرفي فيها وكل واحد فيهم فاتح بقه ببلاهة شديدة وهم بيحاولو يفهموا حاجه من اللي اتقال
همسه ببرأه: ايه؟؟؟؟
بدل ماتدور وتبحث علي الروايات خليها علي تليفونك وحمل تطبيقنا
