رواية همسة وجع الجزء الثاني الفصل الواحد والعشرون بقلم اسماء العذب
21
#همسه_وجع
#الجزء_الثاني
يَا مَنْ تُحبُّونَ الرسولَ محمدًا
صلُّوا على خيرِ الأنامِ وسلِّموا"ﷺ🕊️
♡_______________♡
بعد ما الراجل مشي عمر قرب من أمه ومسك الورق اللي هي بتبص فيه بعد م تصديق وشاف المكتوب فيه
وكأن عباره عن شهادات ميلاد لوعد وولي. بأسم ابوهم الحقيقي
هشام حسن الزايد
عمر في سره :يا ليله سوده
مازن راح جمبه وهمس في ودنه بريبه: هو انت اللي هملت كده يا عمر
عمر بص له نظره ناريه واتكلم بهمس هو التاني وهو بيضغط علي اسنانه بغيظ: وهو انا هكون بتفق معاك ازاي نصلح الوضع ونلحقه من ناحيه ومن الناحيه التانيه هكون بلعب من وراك عشان أفضح همسه بالطريقه دي .. مازن اخرص خالص متتكلمش كلامك بيعصبني
وفاء بصوت عالي اكتر :انتوا هتقعدوا تبصوا لبعض ومحدش هيرد عليا ...ايه اللي مكتوب في الشهادات دي ....ازاي يعني العيال عيال هشام ....ازاي وهشام مطلق همسه من سنين
سعيد بحده:انتي بتقولي ايه يا وفاء حسبي علي كلامك بنتك واقفه وممكن دماغها يتعب من اللي انتي بتقوليه ده
وفاء بتوهان:ما همسه عرفت انها كانت مخطوبه قبل مشعل لهشام ...عرفت من فتره معقوله كمان
عمر بخوف :من اللي عرفها
وفاء: ولاء هي اللي قالت لها لما كانوا قاعدين مع بعض ...وإن الكلام جاب بعضه وعرفت بالصدفه
سعيد بعدم تصديق وهو بيبص في وشوش الكل :وهي ولاء ما لقت حاجه غير دي تقولها لهمسه ...ما في حاجات كتير غيرها تقولها
وفاء وقفت للحظه بتتنفس وهي بتحاول تهدي نفسها وترتب أفكارها اللي اتلخبطت بعدها اتكلمت بهدوء ظاهري:دلوقتي انا عاوزه اعرف الشهادات دي حقيقيه ولا مزوره
عمر بكدب وهو بيتحاشي النظر لامه:واحنا هنعرف منين يعني يا أمي احنا اتصدمنا زينا زيك ....بصي شوفي الجواب اللي جاي مع الشهادات مين اللي باعته
وفاء عملت كده بلهفة وسرعه
لكن ملامح وشها اتحولت للخيبه لما ما لقتش حاجه تعرفها مين بعت الجواب اللي فيه الشهادات
وفاء بخيبه امل :مش مكتوب اسم ولا عنوان حتي ...ولا حاجه تعرفنا مين اللي بعت الجواب ده ... بس انا لازم اعرف ...للزم اعرف والنهارده قبل بكره
كل ده بيحصل حوالين همسه وهي في عالم تاني تماما ...وكأن حد جاب جردل مايه ساقعه ودلقه عليها
جسمها تلج ومبقتش عارفه تقف علي بعضها من التوتر والخوف اللي صابها
وهي بتسأل نفسها مليون سؤال
مين اللي بعت الجواب ده ...عصام ولا هشام
طب أهلها هيعملوا ايه دلوقتي
وهي نفسها هتعمل ايه
هس مكنتش مخططه ان أهلها يكتشفوا بالطريقه دي
كانت عامله حسابات تانيه
لكن كل حاجه جت علي دماغها لما حصل عكس اللي خططت له
ايا كان الىي همى كده فهو هيدفع التمن غالي والموضوع دع مش هيعدي بالساهل
سعيد بحيره وقلق:طب احنا هنعمل ايه دلوقتي ...همسه وفاقده الذاكره ومش هتفتكر حاجه ...يعني مفيش فايده من سؤالها
همسه فاقت من شرودها علي كلام ابوها
وللحظه اتنفست براحه ان الموضوع ممكن يتغطي عليه
همسه بأندفاع: اكيد الشهادات دي مزورة يا ماما...انتي نسيتي مشعل ان هو جوزي وابو عيالي ...اكيد اللي عمل كده فيه عداوه بينه وبين مشعل وعاوز يخليه يخسر مكانته عندنا
عمر بسرعه وكذب :ايوه صح كلام همسه صح ...شوف مع انها مش فاكره حاجه ...بس احساسها دليلها وأكيد مش هتوه من أبو عيالها
بعدها اندفع مازن يكمل وصله الكذب :ايوه صح كلامهم منطقي جدا ....يعني ازاي العيال مش عيال مشعل وهيكون متعلق بيهم كده ...طب ازاي اصلا هيكون عارف ان همسه مش فاكره حاجه وميخطرش علي باله أنه يقولنا ان دول مش عياله ...لا لا يا ماما المووضوع فيه إن والظاهر كلام عمر صح
:بس بابا مشعل م هو ابونا الحقيقي يا خالو ...احنا بابا الحقيقي مسافر
عمر وهمسه ومازن عيونهم برقت وهم بيبصوا وراهم علي وليد واللي قاله....ووفاء شهقت بعدم تصديق هي وسعيد
همسه بزعيق وانفعال:انا مش قولت خليكم في الوضه ايه اللي خرجكم دلوقتي
الاتنين كشوا في بعض لان من النادر جدا لمة همسه ترفع صوتها عليهم
وعمر بص عليهم بغيظ وهو بيحاول يتمالك نفسه لحد ما جات له فكره ممكن تنقذه
عمر بسرعه: ماما...بابا احنا لو عاوزين نقطع الشك باليقين ....يبقي نستني مشعل لحد ما يجي ...هو علي العموم جاي كمان كام يوم ...احنا نستني لحد ما يجي وبعدها نعرف منه كل حاجه
:حياكم الله بالخير
مازن:😱
همسه:😱
عمر :😱
التلاته بصوت واحد: احييييييه ...مشعل
♡_______________♡
عيله إيمي كانوا قاعدين معاها في الوضخ بعد ما اتنقلت لاوضه عاديه..لتها قعدت فتره تحت الملاحظه لانه كان عندها مشاكل في الرحم كان ممكن تخلي العمليه تفشل لانها اجهضت مره قلى كده وولدت مرتين والطفلين ماتوا
دخل الدكتور عليهم للفحص بتاعها
ناهد بتوتر :ها يا دكتور...ايه الاخبار
الدكتور بعمليه: النتايج قدامي كويسه جدا ومبشره وجسمها مستجيب للتخصيب علي عكس أجسام تانيه ...انا هحطها تحت الملاحظه يوم كمان لو ما حصلش حاجه ...يبقي العمليه نجحت و نستني اعراض الحمل تظهر عليها ...وساعتها هناخد طريق تاني اصعب شويه ...عموما هنخلي كل شىء لوقته
زيزي بفرحه:يعني بكره لو إيمي بقت كويسه يبقي هي خلاص كده حامل
بدل ماتدور وتبحث علي الروايات خليها علي تليفونك وحمل تطبيقنا
