رواية همسة وجع الجزء الثاني الفصل العشرون بقلم اسماء العذب
20
#همسه_وجع
#الجزء_الثاني
يَا مَنْ تُحبُّونَ الرسولَ محمدًا
صلُّوا على خيرِ الأنامِ وسلِّموا"ﷺ🕊️
♡_______________♡
سمر كانت بترن علي عمر كتير وهي بتحاول بأستماته
انها تتواصل معاه عشان تخليه يرجع عن قراره لسبب انفصالهم
صحيح هي كانت كانت السبب
لكنها ندمت جدا وبتدفع تمن غلطها ده غالي جدا من معامله عيلتها ليها وبعد عمر عنها واحساس التشتت اللي مش مخليها عارفه هي عايزه ايه ولا تعمل ايه
وبسرعه البرق تأشيره وشها وحواجبها المفقوده اتفكوا
لما عمر رد علي مكالماتها اخيرا
سمر بلهفه:الو عمر ...مش بترد عليا ليه
عمر بصوت جامد رغم الوجع فيه:اسف كنت عامل التلفون صامت..خير فيه حاجه عشان بترني
سمر بلهفه واعتذار: ايوه كنت عاوزه اتكلم معاك بخصوص اللي قولته ليك لما كنت عندنا في البيت انا بجد اسفه و...
قاطعها عمر بجمود اكبر وهو بيتكلم بأختصار ورسميه شديده: انا اللي اسف لحضرت اني أديت نفسي اكبر من حجمها ...واسف اني لسه ما بعتش اهلي عشان يخلصوا
الموضوع...لكن وعد مني علي اخر الاسبوع كل شيء هيكون خلصان
انا عارف اني طولت ...لكن غصب عني مشغول شويه ومش عارف افاتح اهلي ازاي او اقول ايه
لكن لانك اتصلتي تستعجليني انا هسرع الموضوع علي قد ما اقدر
ولو قدرت ابعت اهلي بكره هعمل كده
واسف لحضرتك مره تانيه لو كنت سببت ليكي اي مشكله او حصل مني اي موقف بايخ زعلك
حقك عليا ....سلام
بعدها قفل من غير ما يسمع منها كلمه واحده
وهي من الصدمه ومن قسوه كلامه معرفتش تقول ايه
رجليها ما بقتش شيلاها وقعدت علي السرير وراها وهي مش مستوعبه اللي حصل
فجأه تتخطب وفجأه تانيه خطوبتها تكون مهدده بالفسخ...وكل ده في أقل من شهرين والادهي ان اللي هيسبها ده حبها بجنون
وهي كمان حبته
لكن قد سبق السيف العُزل
سمر وهي بتكلم نفسها بعدم تصديق: يعني خلاص كده ...خلاص مافيش عمر وسمر ...كل حاجه انتهت
انا ايه اللي عملته في نفسي دع...ايه اللي عملته ده
....لا لا انا اكيد بحلم وهصحي دلوقتي في اي لحظه
لا ده مش حلم ده كابوس ...ايوه لازم يكون كابوس
وإلا مستحيل حاجه زي دي تحصل
يعني الحب اللي فضلت احلم بيه من وتنسى طفله بتسمع افلام ديزني بتاعه الأميرات وكل قصص الحب والرومانسية اللي كنت بحلم بيها وات حبيبي يكون مميز ويحبني زي الأبطال ما حبو الأميرات
كل ده لما يحصل اجي انا في لحظه غباء واضيع كل ده
طب ليه انا غلطانه والله ومعترفه بغلطي
وموافقه اتعاقب عليه
لكن مش بطريقه دي
مش بالطريقه دي ....انا مش قادره عليها
معقول كلامي كان قاسي اوي ...بس عمر بيحبني المفروض كان يحاول علشان حتي
بس يحاول ازاي وانا انته الإهانات دب كلها
انا مني لله ...مني لله يارب اموت
يارررررررررررب اموتتتتتتتت ياااااااارب
بعدها ما حستش بنفسها غير والدنيا بتسوي في وشها واخر حاجه شافتها هي لمه أهلها حواليها من بعد صراخها اللي فزعهم
♡_______________♡
مازن كان قاعد في كليته لان في معاه محاضره بعد شويه
قرب منه علي وواحد من زملائه التانيين ويشارك في السبق برضه
علي بلوم:ازيك يا مازن...أومال فينك يعني مش بتسأل ولا بترن ولا حتي بترمي السلام ...ايه هو احنا بقينا أعداء ولا ايه مازن بص عليه بطرف عينه واتكلم ببرود وسخريه :وهو لازم انا اللي اسأل يعني ...وانت ايه مفيش لسان ...ولسه بتتعلم الكلام
علي بضيق: مقبوله منك ...انت برضوا في الأول وفي الاخر اخويا ...قول يبقي اخبارك ايه
مازن بص عليه برفعه حاجب: انهو اخبار بالضبط
علي بضيق اكبر:يا مازن بتكلم بجد اخبارك ايه ...انت بقالك فتره مش منتظم وما بتجيش غير محاضرات العملي...وشويه قليله بس من النظري...فيه حاجه حاصله ولا ايه
مازن ببرود:ولو فيه ...سيادتك بقي هتعمل ايه
علي بغضب :مالك يا مازن ما تتكلم عدل ياخي ...هو انا بشحت منك يا جدع ....فيه ايه حصل لده كله
قولتلي ابعد عنك في موضوع الشغل اياه وبعدت فتره لحد ما تصفي وتعدي
وادينا جيت تاني وبقولك حقك عليا وعلي راسي من فوق ....وشغل تاني مش هكلمك عنه ...لكن بلاش طريقتك دي وكأني عدوك
ياض ده احنا الناس فاكرينا اخوات من كتر ما احا قريبين من بعض
مازن بفتور:بص يا علي...انا لسه شايل ...وشايل جامد كماان ...ياريت لو تختفي وقت تاني لحد ما اصفي خالص ويمكن علاقتنا ترجع زي الاول ونبقي أصحاب
علي بسرعه وتصحيح: قصدك اخوات ...زي ما كنا دايما
مازن بتعب :سيبها لظروفها.... ممكن
علي :ممكن ...وحقك ...انا كنت لسه هديك وقتك عشان ترتاح اكتر ...لكن لمة عرفت الي حصل قولت لازم ابقي جنبك واخفف عنك
مازن بعدم فهم :وايه هو اللي حصل
علي بأستنكار ...انت ازاي يابني مش عارف ...وتكه لاقوها ا.نتحر.ت امبارح
مازن:....
♡_______________♡
عمر ومازن كانوا قاعدين في الاوضه بتاعتهم وكب واحد في عالم مختلف خصوصا عمر اللي حاسس ان قلبه خلاص داس عليه برجله وهو بيقول الكلام ده لسمر ....خلاص حي عمره راح منه
وكانت الضربه القاضيه من عنده هو ...حفاظا علي الباقي من كرامته
ومازن لحد دلوقتي مش مصدق ان وتكه راحت
راحت في غمضه عين ولحظه تهور
الاتنين قاموا بفزع علي زعيق امهم وابوهم مع حد علي الباب وزي ما يكونوا بيتخانقوا
خرجوا لاقو واحد وفاء بتزعق معاه وهي ماسكه ورق
وفاء بزعيق:انت اتجننت يا جدع انت ...ايه الورق اللي انت جايبه ده
ده انا اروح فيكم في داهيه علي المكتوب فيه
ايه فاكرينها سايبه وجايين تفتروا علي خلق الله
في الوقت ده خرجت همسه هي التانيه من اوضتها
همسه بذعر:فيه ايه ياماما..حصل ايه ...وليه بتزعقي
وفاء بلهفه وهي بتشاور عليها :اهي بنتي اهي...ومتجوزه واحد اسمه مشعل ...خليجي يبقي ازاي اللي في الورق ده صح
الراجل بوعيق هو التاني :يا ستي هو انا جايبه من عندي ...ده ظرف انا لا اعرف فيه ايه ولا مين اللي باعته انا كل اللي عليا اني اوصله وبس كده خلصت مهمتي
عمر بحده:احترم نفسك يا جدع انت واطي صوتك وانت بتكلمها ..ايه فاكر نفسك مين عشان تكلم ست البيت ده بالطريقه دي
الراجل بتبرير:ما هو يا استاذ من ساعه ما شافت الورق وهي بتزعق وتشتم فيا وانا ما ليش دعوه .. ازا بس بوصل الحاجه وهي دي شغلتي
عمر: طب خلاص اتكل انت علي الله ما دام خلصت شغلك
بعد ما الراجل مشي عمر قرب من أمه ومسك الورق اللي هي بتبص فيه بعد م تصديق وشاف المكتوب فيه
وكأن عباره عن شهادات ميلاد لوعد وولي. بأسم ابوهم الحقيقي
هشام حسن الزايد
عمر في سره :يا ليله سوده
بدل ماتدور وتبحث علي الروايات خليها علي تليفونك وحمل تطبيقنا
