رواية عشق اولاد النمر (غرام النمر 2) الفصل التاسع عشر19 بقلم جنه ياسر

 

رواية عشق اولاد النمر (غرام النمر 2) الفصل التاسع عشر بقلم جنه ياسر

وصلوا جاسر وغرام واولاده الخمسه وحمزه 

جاسر كان يركض وخلفه غرام والولاد وكلهم منهارين وخايفين علي عشق ... بذات غرام كانت تبكي علي ابنتها بخوف وتذكرت ليله وفاة عبدالله والدها كان نفس المشهد كأنه يتعاد مره اخري ...

وصعدوا الي الطابق الأعلي وقابلهم دكتور ايمن ...جاسر توجهه له بلهفه وقال : عشق بنتي فين ..وحصلها اي 

دكتور ايمن نظر لهم بحزن ولم يرد علي جاسر .

ماسه توجهت الي دكتور ايمن وقالت : ما ترد يا دكتور فين عشق اختي واي اللي قولته لي بابا في الموبايل ده .... فهمنا اي اللي حصل ..

دكتور ايمن اخذ نفس عميق ثم نظر لجاسر و قال بحزن : مش عارف اقولها ازاي ...بص يا استاذ جاسر انت راجل مؤمن واكيد هتفهمني ...بنتك للأسف جايه هنا المستشفي كانت مقت*وله كانت متصا*به أصابه عميقه جدا حاولنا علي قد ما قدرنا ان احنا ننقذها بس هي كانت ميته ومستجبتش لينا خالص....البقاء لله و ادعولها ..وانتو لازم تبلغوا الشرطه ...شدو حيلكم ..

الجميع نزل الكلام عليهم مثل الصاعقه لم يصدقوا كانت غرام هتقع لاكن اسد واسر ركضوا نحوها مسكوها ...

ماسه نظرت لدكتور ايمن بذهول والدموع نزلت من عيونها بصدمه لم تستوعب هل قصده بالكلام هذا...

اختها عشق وله احد اخر كانت ترجع للخلف وتهز رأسها يمينا ويسار...

واصتدمت في حمزه ...نظرت لحمزه 

وقالت بصدمه وبكاء : حمزه انت سمعت اللي انا سمعته هو قصده بكلام ده عشق اختي وله حد تاني ..

قطع كلام ماسه ...بصراخ همس. 

همس رجعت للخلف وجلست علي الارض 

وصرخت : لاااااااااااااا عشششق لاااا ده كدب عشق الصبح كانت معايا لاااااا يا عششششق 💔

وجاسر انقض علي دكتور ايمن وقال بصراخ : انت اي اللي بتقوله دا ....انت قد الكلام اللي قولته قصدك بمين اللي اتقت*لت وجايه هنا م*قتوله ....اااانت ازاااي تقول كده ...عشق بنتي فين .....يا عشششششق ...اكيد مش بنتي اللي قصدك عليها...بنتي لسه كانت معايا من كام ساعه. ...انطق فين بنتي والله لو مانتطقتش بالحقيقه لكون دفنك في مكانك ....انت متعرفش انا مين و ممكن اعمل اي ...

كان جاسر بيخنق دكتور ايمن ....ووجه احمر وعيونه كانت حمرا بشده ...حمزه لاحظ اختناق الدكتور ذهب مسرعا وحاول يجذب جاسر ويبعده ..

حمزه بصراخ : اهدي يا عمي الراجل بيتخنق ..

جاسر نظر لحمزه ثم بكل قوه لكمه لكمه قويه في وجهه ..لدرجه حمزه نزف من فمه ...

وقال بهستريه : محدش يقولي اهدي فين بنتي ...محدش يصرخ بنتي عايشه ....عشق بنتي مماتتش أقسم بالله اللي هيقول غير كدا لاهقتله ...اخرسسسوا

غرام نظرت لجاسر ببكاء ثم توجهت له ووقفت امامه 

وقالت بصراخ : انت السبب ...انت السبب يا جاسر  

وكملت بوجع وكانت تضربه علي صدره : لو ببنتي حصل ليها حاجه ...مش هسامحك طول عمري ...سبق وبابا مات بسببك انت ودلوقتي جه الدور علي بنتي ..

جاسر دموعه لاول مره تنزل ..نظر لغرام بوجع وكسره هو الاخر ...

اسد ذهب الي غرام وقال بدموع : ماما اهدي انتي اي اللي بتقولي ده ..

غرام كانت تنظر لجاسر بانكسار ووجع ثم نظرت لدكتور ايمن... 

وقالت بوجع : عاوزه اشوف بنتي ...هي فين ..

د/ايمن : في ..في المشرحه لسه مدخلنها ..

شهقت غرام ووضعت يدها علي فمها وكانت بتبكي بشده وهزت رأسها يمين ويسار ...

وقالت : آآآآآآه بنتي  ...

جاسر نظر للدكتور ايمن وقال : مين الي جاب عشق هنا ... اكيد مجاتش لوحدها ..

دكتور ايمن بلع ريقه ثم قالت : في حد جابها وبعدين راح في الأول شكينا ان قريبكم ..بس كان شكله  غريب...

جاسر بشر : اسمه 

د/ ايمن : معرفش بصراحه هو فضل واقف لفتره قليله وبعدين مشي ...

جاسر ذهب وكان ضاغط علي يده... 

غرام قالت : جاسر انت رايح فين  

جاسر قال وهو لم يلتفت لغرام : رايح اشوف بنتي.. 

غرام ركضت خلفه واسر جلس علي الارض هو الاخر كان بجوار همس وكان يبكي علي اخته ولم يستوعب كان معاها الصبح قبل ما يذهب علي الشركه و في حضنه...حمزه ذهب الي اسد وكان هو كمان كان بيكبي مثل الطفل... حمزه رفع يده علي كتفه.. 

وقال : اسد خليك اقوي من كدا لازم تقف جمب اخواتك وكمان لازم تبلغ عيلتك.. 

اسد بوجع : اقولهم اي انا مش مصدق اللي انا في لسه كانت امبارح معانا وبترقص في يوم وليله تروح مننا... 

طيب هما اقتلو*ها ليه ومين اصلا يستجري يعمل كدا..... وليه عشق بذات طول عمرها ما اذت وله جرحت حد طول عمرها كانت في حالها انا حاسس اني في كابوس وهصحي منه..

حمزه طبطب عليه وقال :  شد حيلك يا اسد انا حاسس بيك كويس... 

اسد نظر له بوجع ثم ذهب ليبلغ العيله... 

وماسه كانت جالسه بجانب اخواتها اسر وهمس... وحضناهم وكانوا الثلاثه يبكون بحرقه ...

🤎🤎🤎🤎🤎🤎🤎🤎🤎🤎🤎🤎🤎🤎🤎🤎

في المشرحه كان جاسر وغرام دخلوا والاتنين كانوا ينظرون الي السرير الذي نائمه عليه عشق وكان في غطاء علي وجهها..

كانت غرام تقرب بخطوات بطيئه وتدعي ان تري احد اخر غير عشق تتمني ان ابنتها تطلع عايشه ...

وصلت الي السرير ثم زالت الغطاء ورأت عشق ..

شهقت وبكت بشده وقالت : لاااا بنتي عشق ...

جاااسر قرب علي غرام ووقف بجاورها وكان ينظر لعشق . 

ثم همس بوجع : عععشق بنتي قرب يده وكانت ترتجف 

ولمس وجهها عيونها وجنتها شفتيها شعرها  كل شئ ولم يستوعب ..

ثم قال : لااااااا دي مش بنتي يا غرام انا استحاله اتوه عن بنتي ....دي مش بنتي ..

غرام صرخت : اسكت مش عاوزه اسمع صوتك بنتنا راحت بسببك اكيد بسسب شغلك قولتلك مترجعش قولتلك فكر في ولادك

وكملت بوجع :  بس انت اناني يا جاسر ومش بتفكر غير في نفسك وبس .... 

صرخ جاسر عليها : بسسسس كفايه حرام عليكي ....هي زي ما هي بنتك ..بتكون بنتي وأقسم بالله ما هسيب الي عمل كدا هجيبه حته لو كان تحت الارض همو*ته ومش هرحمه ...

غرام نظرت لعشق : استفادوا اي لما قتل*و ورده بريئه زيها ذنبها اي طب كانوا اقتلو*ني انا وسبوها هيا...

جاسر جلس علي الارض وضم ركبته وكان يبكي 😢 

ثم خبط رأسه بقوه علي الحائط. 

وقال : عندك حق يا غرام اكيد انا السبب ....سبق واتخطفتي وكان ممكن تموتي وكان بسببي والغول مات بسببي.....عشق قبل كدا اتخطفت وبردوا كان بسببي ...ودلوقتي ماتت واكيد بسببي .. انا فعلا اناني ومش بفكر غير بنفسي ...

غرام نظرت له ثم نظرت لعشق بوجع وكانت لسه هتمسك الغطاء وتضعه علي وجهها كان جاسر ماسك يدها ...

جاسر  : اوعي تغطيها بنتي مامتتش ....بنتي عايشه مش كدا يا عشق....ابوكي جه قومي يا عشق .... نمرك جه يا عشق قومي ...

ثم صرخ : عشششششق قومي متسبنيش..   

عااااااااااااااا اللي عمل كدا فيكي هيمووووت والله ما هرحمه ازاي  يتجرء ويقتل بنت النمر ...

ثم نظر لعشق وكمل بنبره وجع : دي قتل قطعه من روحي وقلبي ....

ثم مسح دموعه وملامحه تغيرت  الي ملامح الجمود ليتوعد بالانتقام...ثم قرب علي عشق وقبل جبينها

ثم خرج وكانت العائله وصلوا ونديم قرب علي جاسر ...

وقال : هو اللي اسد قاله لينا ده صح فعلا عشق اتقتلت طب مين عمل كدا ...

جاسر نظر لنديم وكانت عيونه تطق شرار : معرفش مين بس  هعرف مين وهقتله بأيدي وادفعه تمن وجعي علي بنتي ...

نديم بحزن طبطب عليه ثم قال : هنجيبه يا نمر وهنحاسبه صدقني خليك واثق في ربنا ...

جاسر : ونعم بالله ...

غرام كانت خرجت هي الاخري  وديلان وتاج وسيلا ركضوا نحوها ...

ديلان ببكاء : شفتيها يا غرام هي عشق فعلا وله حد تاني ..

غرام نظرت لها وقالت ببكاء : هيا يا ديلان هي بنتي ...هي نور عيني اقتلوها وخدوها مني ..ااااه استفادو اي لما حرقوا قلبي عليها لو تشوفيها نايمه زي ملاك وشها ابيض وشكلها حلو اوي محلوي اوي ....ليه بس كدا يارب تخدها مني  ..

شهد قربت عليها وقالت : احمدي ربنا يا بنتي اكيد ربنا لي حكمه باللي حصل ده ....مكنتش اتخيل اني حفيدتي تموت قبل مني بس ده قدر ومكتوب احمدي ربنا ....وربنا يصبرنا يارب 

غرام همست بوجع : الحمدلله راضيه بس انا موجوعه اوي ....مش قادره انا مش مصدقه اني هدفن بنتي واودعها.... راحت قبل ما افرح بيها زي كل البنات مشوفتهاش بالفستان الأبيض...اااه .

اما ديما كانت بتبكي لم تصدق ان صديقتها وبنت عمها راحت كانت هي اخر موجوعه عليها كانت منهاره ...

قالت بوجع : ليه يا عشقي تسبيني ....مش كنا متفقين اننا نكمل حياتنا مع بعض ونتجوز ونخلف وعيالنا يكونوا أصحاب زي ما احنا عملنا ليه بس روحتي و سيبتيني....

ثم نظرت الي اسر ورأته جالس علي الارض كان يبكي 

توجهت له وجلست بجانبه ووضعت يدها علي ذراعه..

وقالت : اسر 

اسر نظر لها وكان وجهه كله دموع 😢 كان يبكي بشده 

قال بوجع : حسيت ...انا حسيت بيها ساعتها قلبي وجعني وقررت اتصل بيها بس مردتش اكيد كانوا قتلوها والصبح كانت حضنتي اوي كأن كان آخر حضن كأن بتودعني ....ثم خبط رأسه في الحائط ...

وقال بوجع : ليه اقتلوها ...اقتلوا أجمل انسانه علي وجهها ارض كانت بريئه وكانت بتحب الناس كلها .....وكانت بتحبك اوي يا ديما ..

ديم بكت بشده وقالت : وانا كمان بحبها مكنش ليا أصدقاء غيرها ليه اقتلوها ليه حرام عليهم ...

"نذهب لهمس كانت هي الاخري جالسه وبتبكي وفاتحه الهاتف علي صورتها هي وعشق  ...

ثم يامان قرب عليها وقال : همس انتي كويسه ...

اهدي هي محتاجه دلوقتي مننا الدعاء ... 

همس نظر له ثم ضغطت علي شفتيها وهزت رأسها يمين ويسار بوجع وقالت : هي مامتتش اصلا يا يامان .  قلبي بيقولي كدا ...بيقولي انها عايشه صدقني هي مامتش وعايشه استحاله تسبني هي وعدتني انها علطول هتكون معايا ...اصلا الصبح كنا مع بعض اللي جوا دي مش عشق ... اصلا هما بيعيطوا ليه عشق عايشه انا عماله اقول لاسر كدا وهو مش مصدقني ...صدقني انت يا يامان عشق مامتش عشق عايشه.  مصدقني صح ..

يامان نزل دموعه هو الاخر وزعلان علي همس وكمان تذكر أيامه مع عشق وتذكر حبه لها ...

يامان فجاءه لم يقدر واخذ همس وحضنه وبيملس علي شعرها  ...

ثم قال : طيب اهدي مصدقك ...

ثم غمض عيونه بقوه وبكي...

اما ماسه قررت تدخل لتري عشق في المشرحه وحمزه كان معاها . دخلت وكانت بترتجف بشده وخائفه ثم قربت علي عشق وزالت الغطاء ثم صرخت عندما رأتها ..

ماسه : لاااااااا عشق اختي اأاااه لاااا استحاله عشق قومي لو بتحبيني قومي ارجوكي ...

حمزه كان واقف وينظر لماسه وقلبه حن ولم يتحمل بكائها وصراخها ثم فجاءه جذبها له بقوه واخذها في احضانه وبيملس علي شعرها بحنان ...

حمزه : اهدي يا ماسه خليكي اقوي من كدا ..

ماسه مسك ذراع حمزه وضغطت وكانت بتبادل حضنه حمزه ثم صرخت : انا مش قادره عششششق...

ثم فجاءه زقت حمزه بقوه ونظرت له نظرات شك ..

وقالت له بوجع : انت اللي ..قت.قتلتها عشان توجع قلب بابا مش كدا ليه حرام عليك قولتلك بلاش تأذي حد من عيلتي انا عندك ليه عملت كدا ..

حمزه : انتي بتقولي اي انا معملتيش حاجه زي كده وله قربت علي اختك ...

ماسه : كداب انا هقول لبابا واخلي يقتلك ويدفعك التمن غالي .. 

حمزه مسكها وجذبها بقوه وقال : قولتلك مش انا اللي عملت كده انا مقدر اللي انتي في ...اهدي ..

نظرت له ثم قالت بوجع : انا تعبانه اوي يا حمزه انا موجوعه عااااا ثم ذهبت الي عشق وحضانتها ...

وقالت : يا عشق قومي بقي كفايه هزار قومي انتي بتعملي فينا مقلب انا عارفه مقالبك كويس جدا قومي ارجوكي ...

قطع كلام ماسه بدخول الممرضين ..

ثم قالت واحده منهم لحمزه  : انا اسفه احنا لازم ناخدها عشان نبدأ نغسلها ..

حمزه هز رأسه ثم جذب ماسه : يلا يا ماسه تعالي ..

ماسه ببكاء : لااااا اوعي يا عشق ارجوكي قومي عشققققق 

جذبها حمزه وخرجها الي الخارج وكانت بتصرخ ...

🤎🤎🤎🤎🤎🤎🤎🤎🤎🤎🤎🤎🤎🤎🤎🤎

بعد ساعه كانوا بيصلوا علي عشق صلاة الجنازه ...

وكانوا في مسجد قريب من مقابر الشاذلي .....غرام أصرت انها تدفن عشق مع والدها عبدالله والدتها ورد كانوا في الركعه الثانيه وجاسر كان ينظر الي النعش ⚰️ الذي فيه بنته لم يستوعب ان هو يصلي علي ابنته صلاة جنازه لم يصدق وكان عيونه تبكي لم تقف نهائي...وبعد دقائق نهوا صلاه الجنازه وجاسر واولاده الثلاثه ونديم والياس وادهم ... حملوه النعش وكان وخرجوا وتوجهوه الي المقابر .....وهم ذاهبين كان ظهر شريط حياته مع عشق ضحكتها وهزرها ولعبها ظهر امامه كل حاجه يخص عشق من اول ما اتولدت لحد ما رأها الصبح ...كان يبكي وموجوع ولأول مره يظهر ضعفه ....ويبكي بهذا الدرجه ..

"ثم تذكر مشهد لها .....

" فلاااااااااش بااااااااااك "

كان جاسر يدخل غرفه عشق وتوجهه الي الشرفه وفتحها ثم قامت عشق بفزع وصرخت و جاسر استغرب من حالتها و ذهب لها بسرعه وكانت عشق تبكي وخائفه وكانت تصبب في عرق وجسدها يرتجف ...جلس جاسر 

وقال بلهفه : مالك يا عشقي فيكي اي ...

عشق ارتمت في احضانه وبكت ثم قالت : شفت حلم وحش اوي يا بابا ..

جاسر بعدها عن حضنه ثم وضع يده علي وجنيتها ويداعبها بلطف ثم قال : و اي الحلم اللي مخليكي منهاره بشكل ده ..

عشق ببكاء : حلمت انك سبتني يا بابا وروحت ..

جاسر ابتسم لها وقال : بس اهدي يا حبيبتي ده مجرد حلم ....وانا قولتلك قبل كدا اني مش هسيبك وبعدين هسيبك وهروح فين ...

عشق حضنت جاسر ثم قالت : انا بحبك اوي يا بابا .

جاسر حاوطها بذراعه وقال : وانا كمان بحبك يا عشقي ..

"باااااااك "

جاسر قال بوجع : اهو انتي اللي روحتي و سيبتيني يا عشقي ...كدا سيبتي بابا حبيبك وروحتي  

"وبعد دقائق كانوا دخلوا مقابر الشاذلي ...

وبدأوا يدفنوا عشق وجاسر كان هو اسد نزلوها لتحت في القبر ليضعوا عشق...وجاسر نظر لعشق 

وقال : مع السلامه يا بنتي ....والله لهعرف مكان اللي قتلك واقتله ... وهوجعه زي ما وجعني ...ثم خرج جاسر من القبر وبدأوا يقفلوا ...

وغرام فجاءه جلست علي ركبتها وصرخت.  

: لاااااا يا عششششق  بننتتتتي لااااا 

ديلان وسيلا جلسوا بجانبها وطبطبوا عليها .. 

سيلا بحزن : بس يا غرام بلاش تصوتي حرام ...ادعيلها هي محتاجه دلوقتي مننا الدعاء...

غرام بوجع : مش قادره انا عاوزه بنتي .....اهئ اهئ 

مع السلامه يا بنتي امانه عليكي تسلميلي علي بابا وماما ...انا قريب هاجي ليكم  عندي احساس ان هحصلكم ....اه يا حرقه قلبي عليكي يا بنتي الله ينتقم منهم يارررب توجع قلب اللي وجعني علي بنتي يارب انت قادر علي كل شئ خد حق بنتي وبااابا يااارب💔💔 ..

ديلان ببكاء : خلاص يا غرام ارجوكي كفايه قطعتي قلبي ...

كان اسد جالس عند قبر عشق وينظر له ..  

ثم شرد وتذكر لها مشهد كانت دائما حنونه علي اخواتها 

"فلاااااااااش بااااااااااك "

كان اسد يعمل علي اللاب توب الخاص لي وكان في غرفته ..وكان سرحان في احد ....

فجاءه عشق دخلت و قالت : بخخخخ 

اسد اتخض وقال : مش تخبطي يا عشق ...

عشق قربت علي اسد وجلست علي المكتب ...

وقالت بمكر : كنت سرحان في مين يا اسد ..

اسد بتوتر : انا ..سرحان في اي وبعدين اي الدخله المخابرات دي ..

عشق بمكر : كدا يا اسدي هتخبي علي عشق حبيبتك بليز اقول كنت سرحان في اي..منا مش هسيبك غير لما اعرف ..

اسد : لا مش هقولك ..

عشق : بطل رخامه قولي بقي ....الموضوع في بنت 

ثم ضحكت ورفعت حاجبها عدة المرات ..

اسد ضحك ثم قال : هقولك بس صدقيني يا عشق لو عرفت انك حكيتي لحد لهكون معلقك علي الباب الاوضه.  

عشق ابتسمت : لا صدقني سرك في بير محدش هيعرف يلا بقي قول حمستني ...

اسد قال : انهارده كنت رايح اقابل رعد صاحبي وكنت مستني وفجاءه لاقيت بنت جميله خبطت فيا من غير ما تقصد بس اااه يا عشق كانت جميله اوي اول مره بنت تجذبني كدا ...

عشق: هييح واي كمان يا اسد بيك كمل ...

اسد قال : كانت عيونها جميله وبريئين احم قصدي يعني ...المهم اعتذرت ليا وبعدين لاقيت راجل بيشدها وبيزعق ليها ويقول كلام ليها جارح ...طبعا انا اتعصبت ان ماسكها بالطريقه دي روحت شدتها ووقفتها ورا ضهري .. 

عشق بمشاكسه : هااا وبعدين روحت بقي ضارب الراجل وبقيت في نظر البنت بطل مش كدة...

اسد ضحك : اه عرفتي منين ...

عشق بغرور : يابني انا اصلا مخرجه مسلسلات تركية انا المفروض مكاني مش هنا بس الله يسامح النمر اااه لو يوافق ان اسافر تركيا ....مش عارفه ممكن اعمل اي المهم كمل .  

اسد : مفيش ركبتها معايا العربيه وتعرفنا طلعت اسمها حور وبتكون ارمله وعندها ولد ...بعدين وصلتها علي بيتها ومشيت روحت قبلت رعد ...بس كدا 

عشق : اوووف اسد وحور....لايقين علي بعض جدا ...

اسد : انتي عبيطه يا عشق دي مجرد يعني بنت أعجبت بشكلها يعني مش لدرجه ان هتكون معايا ... اصلا انا مش بفكر اتجوز دلوقتي خالص وكمان الله اعلم بقي هشوفها تاني وله لا ..

عشق بغمزه : هتشوفها يا استاذ روميو وهتحبوا بعض و انا خلاص جوزتكوا في خيالي وكمان خلفتوا عشق الصغننه هههه ..

اسد ضحك : مجنونه والله قومي نامي ...وبحذرك تاني يا عشق اللي حكيته ليكي ميطلعش لحد

عشق : يابني من امتي وانا  بطلع سر من اسراركم ...انا بقيت حاسه اني بكون صندوكم الأسود ههههه تصبح على خير يا اسدي ...

اسد : وانتي من اهله..

ذهبت عشق وكانت هتخرج لاكن وقفت عندما اسد نادي عليها ...

عشق التفتت ونظرت له وقال : خير يا روميو 

اسد ذهب لها وحضانها ثم قال : بحبك اوي يا عشق بجد انتي اكتر حد من اخواتك بحب اتكلم معاها ...مش عارف ان هعمل اي في جوزك المستقبلي اللي هيخدك مننا ..ده انا ممكن اقتله لو قرر يخدك مننا 

عشق سرحت وقالت مع حالها  : هو يجي بس الاول هيييح امتي بقي يجي ويخطفني ويعيشني قصه من قصص الروايات والمسلسلات التركيه  ..

اسد : عشق روحتي فين ...

عشق قالت : مروحتش...وانا كمان بحبك يا اسدي وانا استحاله هقدر ابعد عنكم حته لو اتجوزت ...

" بااااااااااك " 

فاق من شروده علي احد يضع يده علي ذراعه ..

كانت حور قالت : اسد ..

اسد نظر لها وارتمي في حضنها وبكي بشدة 

حور : بس اهدي يا حبيبي ...هي دلوقتي في مكان احسن وان شاء الله ربنا هياخد حقها ..

اسد نظر لها وقال بشر : انا مش هسيب حق اختي لو بابا معرفش يجيبه انا هجيبه وهقتل اللي عمل كده فيها ...

حور : ماشي اهدي شويه قوم معايا لازم تكون اقوي من كدا وخليك جمب اخواتك ومامتك قوم يا اسد ..

اسد قام وحور ساندته وذهبوا اتجاه غرام ...

🤎🤎🤎🤎🤎🤎🤎🤎🤎🤎🤎🤎🤎🤎🤎🤎

في المساء في قصر النمر...كان جاسر واقف في الحديقه ويستقبل الناس التي كانوا يأتوا ويعزوا...وفي القصر من الداخل كان النساء يعزوا غرام ...

عند جاسر كان واقف ثم أتي احد زميله من للشرطه 

ثم سلم علي جاسر وقال : شد حيلك يا سيادة العقيد 

البقاء لله ..

جاسر نظر له وقال بتوهان : شكرا يا حسام اتفضل ادخل ...

حسام وقف وقال : متقلقش يا جاسر احنا مش هنسيب حق بنتك وهنعرف مين عمل كدا وهنجيبه وهنحسبه ...

جاسر نظر له بشر : انا بنفسي هجيب حق بنتي ....سبق وسكت وخليت الشرطه تحاول تجيب حق الغول ...ومحدش اتحرك وجابه واتقفلت القضيه علي كدا بس انا المره دي هتحرك لوحدي ومش هستني حد ...

حسام : بس

جاسر : اتفضل يا سيادة رائد ادخل واقعد ..

دخل حسام زجلس علي مقعد ثم إلياس كان واقف بجاوره وطبطب علي ذراعه. ..

قال : جاسر لو حاسس نفسك تعبان اطلع ريح وانا واخوك ادهم هنقف مكانك.   

جاسر قال ببرود : محدش هياخد عزاء بنتي غير يا إلياس ..

ثم جاسر نظر ليونس وقال له : بابا لو سمحت روح ارتاح انت من الصبح واقف علي رجلك ..

يونس بحزن : لا يا بني انا كويس خليني واقف معاكم.  

جاسر : بابا لو سمحت بلاش عند ادهم تعالي سند ابوك وخلي يقعد ويرتاح ...

ادهم بالفعل سند ابيه يونس وذهب الي مقعد وجلس يونس عليه ...

ثم أتي رحيم وعائلته ورحيم ويان توجه الي جاسر وبراءة روميساء توجهوا الي الداخل ...

رحيم قرب علي جاسر ثم قال : البقاء لله يا جاسر شد حيلك ...

جاسر : البقاء لله وحده...اتفضلي يا رحيم ادخل اقعد ..

                    ****************

في الداخل بالاخص في الريسبشن كانت غرام جالسه علي الاريكه وبجانبها سيلا وديلان ....وكانت ماسكه ملابس عشق التي اخذتها من المشفي ...وكان الملابس غرقانه دم ...كانت بتملس بيدها علي الملابس بوجع ...

ثم براءه توجهت بحزن الي غرام و مدت يدها لغرام  ..

و قالت لغرام : البقاء الله يا غرام شدي حيلك ..

غرام لم تنظر لاحد وله ترد علي احد هي كانت في دنيا ثانيه ..

ديلان ابتسمت ثم مدت يدها لتصافح براءه 

وقالت : أهلا وسهلا يل براءه اتفضلي ...معلش غرام مش مركزه زي مانتي شايفه حالتها ..

براءه  : ربنا يصبرها حقيقي انا لما سمعت الخبر مصدقتش...بجد استفادوا اي لما يقتل*وا بنت زي الورد زي عشق ان شاءالله ربنا هيجيب حقها ...

ديلان ابتسمت وقالت : يارب ادعيلها ...اتفضلي نورتي ..

سيلا نظر لغرام وقالت : غرام حبيبتي كفايه بقي ...ارجوكي انتي كدا مش هترجعيها قومي معايا عشا ترتاحي.  

غرام : لا مش عاوزه ...

ديلان : ماتسمعي الكلام يا غرام..

صرخت غرام : قولت مش عاوزه اروح لمكان سيبوني في حالي بقي ...

              

                     ***********  

عند ماسه كانت في غرفتها ونائمه علي الفراش وكانت ماسكه برواز صغير كان في صورتها وصوره عشق كانوا مع بعض .. وكان حمزه واقف في الشرفه ويتحدث مع أحد في الهاتف . .

حمزه بصوت واطي : قولتلك يا ساره حصلت ظروف ومش هعرف اسافر هفضل اعيد كلامي كل شويه ..

ساره : ماشي يا حمزه عرفت ان بنت النمر اتقتلت انا و تيتا فيروز عرفنا الخبر  ...ومش قادره اوصف فرحتي ربنا جاب حق امنا .. 

حمزه : ساره هكلمك تاني سلام دلوقتي.  .

ساره بكره : ههههه روح اجري ليها والله ما عارفه هي عملت ليك عمل وله اي خليك ورا بنت النمر وانسي انتقامك لماما وبابا هاااا يا حمزه.  

حمزه قفل السكه ثم وضع هاتفه في جيبه ...وتوجهه الي ماسه وجلس علي الفراش.  

وقال : ماسه ..

ماسه نظرت لحمزه ثم نظرت الي البرواز مره اخري ...

حمزه قال : ماسه انتي من الصبح مكلتيش حاجه قومي كلي اكيد اختك مش هتكون مبسوطه بحالتك دي ..

ماسه قالت بغضب : ملكش دعوه انت شاغل نفسك بيا لي ...روح وامشي من هنا اصلا انت السبب 

حمزه : انا مقدر اللي انتي في وهسيبك بايته مع اهلك لمده اسبوع بعدين هتيجي معايا سامعه ..

ماسه : لا مش هاجي وهطلق منك ..

حمزه وهو يجز علي اسنانه : متستفزنيش انا بحاول اتعامل معاكي بلطف بلاش تخليني اوريكي وش ميعجبكيش. 

ماسه قالت :  منا شوفته وعرفت حقيقتك ....روح من هنا انا مش طايقه اشوفك ...

حمزه ابتسم وقال : انا رجعت في كلامي انا واجب عليا ان اكون جمبك وقت الشده وله اي يا مدام ماسه القيصري ...

ماسه نظرت الي الصنيه التي كانت فيها فواكه كان فيها سكين قامت وتوجهت نحو الصنيه ثم اخذت السكين ووجهتها اتجاه حمزه .. 

وقالت : اقسم بالله لو ماروحت من هنا لاكون اقتلك واخلص منك وانا مجنونه واعملها ..

حمزه قام وقرب عليها ثم مسك يد ماسه التي كانت في يدها السك*ين وقربها من صدره بقوه

وقال : تمام اعمليها وشوفي اللي هيجري ليكي ..

ماسه بعدت يده ثم رفعت السكي*ن وكانت لسه هتضربه حمزه  دخل عليهم اسر ...وحمزه بسرعه اخذ السكي*ن من ماسه وخباها ...

اسر باحراج : انا اسف مش قصدي اخش كدا ...بس ماما تعبانه اوي وعاوزين يا ماسه تشوفيها ...

ماسه بخضه قالت : ماما ...

ثم ركضت الي الخارج واسر ركض خلفها ..وحمزه وضع السكين مكانها وذهب خلفهم ...

🤎🤎🤎🤎🤎🤎🤎🤎🤎🤎🤎🤎🤎🤎🤎🤎فيلا نديم وسيلا ذهبوا بعد ما سيلا اتطمئنت علي غرام وانها بخير ... ديما ذهبت علي غرفتها وروح ذهبت خلفها 

دخلت ديما غرفتها وكانت تنظر الي الحائط التي متعلق عليها صورها هي وعشق ...

وقالت ببكاء : كده يا عشق تسبيني...كده يا صديقتي تروحي ااااه لو اعرف مين اللي عمل فيكي كدا...هتوحشيني اوي يا عشق

ثم ارتمت حالها علي فراش ثم شرددت في ذكريتها مع عشق ...

"فلاااااااااش بااااااااااك "

كانوا عشق وديما جالسين مع بعضهم في غرفه عشق وديما جالسه علي كرسي ارجوحه وعشق كانت جالسه علي الفراش وتتفرج علي مسلسل التركي المتوحش...

عشق   : شوفتي يا بت يا ديما يامان وحلوه يامان ..

ديما لوت شفتيها وقالت : ياختي روحي بالمسلسل اللي زهقتيني منه ...علفكره هو مش حلو اوي ده اخوكي اسر احلي منه بكتير ..

عشق نظرت له بمكر وقالت : لا والله اسر احلي بكتير دلوقتي عرفتي ان حلو ...

ديما لقلقت في الكلام وقالت : قصدي ...بقلك يا عشق اي رأيك اغير لون شعري من احمر لذهبي ويكون زيك 

عشق قالت بغمزه : اهربي اهربي ...لا طبعا متغيريش لون شعرك واسكتي بقي خليني اشوف يامان...اه لو بس اسافر تركيا واتجوز واحد تركي واخطفه علي هنا ...

ديما : خيالك واسع اوي وتعالي هنا هو انتي بتعرفي اصلا تتكلمي تركي عشان تتجوزي واحد تركي ...

عشق : اه امال ...حته بصي هوريكي 

قامت عشق وعملت حركات بيده وقالت : لك شو هالعيون يا ديما لك تؤبرني جمالك ....كيف حالك يا اختي وكيف زوجك ...هلا اجاني اتصال من اسر اخي يجول لي أني  ...

ديما جلست علي الارض وكانت تضحك بشده ...

وقالت : ااااه بطني مش قادره هو انتي فاكره كده انك بتتكلمي تركي ده بيكون تركي مدبلج ههههههه 

عشق بغيظ : طيب استني انتي عاوزه مترجم استني هقولك ... الله يصبرني عليك يا ديما ....أنييي حضري ليا الغداء هههههه لا بجد ده انا بروفيشنال في التركي مقولكيش ...

ديما : ااه مش قادره انا بقالي كتير مضحكتيش كدا ...

عشق : شوفتي المسلسل خلص بسببك ...اوووف انا قايمه اجيب حاجه أكلها  ...

بااااااااااك 

ديما كانت تبكي وتتذكر أيامها مع عشق ومزحها ثم غطت في النوم ..

🤎🤎🤎🤎🤎🤎🤎🤎🤎🤎🤎🤎🤎🤎🤎🤎

في اليوم التالي في قصر النمر في غرفه غرام وجاسر 

كانت غرام نائمه وجاسر كان واقف امام الشرفه..

فاقت غرام وفتحت عيونها وقالت بهمس  : عشق بنتي ...

جاسر اول ما سمع صوت انين غرام ذهب لها وجلس علي فراش ثم قال : غرام انتي كويسه ..

غرام نظرت له بوجع وقالت : لاااا مش كويسه انا عاوزه بنتي يا جاسر...

جاسر نظر لها ثم قال : وحياتك عندي لهدفعهم تمن غالي وهجيب حقها تالت ومتلت .... هوصل للقاتل ومش هرحمه ...

غرام : لو حصلك حاجه انت كمان مش هقدر اعيش يا جاسر كفايه بقي اللي راحوا مني ...

جاسر اخذ غرام في احضانه وبيملس علي شعرها...

ثم دق الباب ودخل اسر وكان ينظر علي الارض ...

بعد جاسر غرام ...وغرام قالت : في حاجه يا اسر ..

اسر : جاي اطمن عليكي يا ماما انتي كويسه ...

غرام : كويسه الحمد الله يا اسر 

ثم قال اسر : و انت يا بابا كويس ..

جاسر نظر له ثم قال : بحاول اكون كويس خلي بالك من  والدتك واخواتك انا رايح مشوار ..

ثم خرج جاسر واسر جلس علي فراش ونام علي رجل غرام ..ثم بكي بشده ...

قال اسر : معرفتيش انام صورتها مش عاوزه تروح من خيالي ....عشق وحشتني اوي يا ماما ...

غرام هي الاخري بكت ووضعت يدها علي رأسه وملست علي شعره وقالت : ادعلها يا اسر ..

ثم اسرح شرد وتذكر مشهد لها ثم ابتسم ....

"فلاااااااااش بااااااااااك "

كانت عشق في غرفتها وجالسه علي الفراش وكانت تقرأ روايه ...

ثم دخل اسر وكان حامل بوكس شوكلاته  ..

وقال : يا مساء الخير علي اجمل عشق في الدنيا ...

عشق نظرت له ثم لوت شفتيها ونظرت الي الكتاب التي كان في يدها ...

اسر قال : امممم شكلك لسه مقصوصه مني ..

عشق بزعل : اه واتفضل روح من هنا ...

اسر بمكر : طب مش عاوزه تعرفي اي اللي في البوكس اللي انا ماسكه ده ..

عشق : لا مش عاوزه...

اسر بمكر : خلاص اروح بقي ادي همس البوكس الشوكلاته اللي كنت جايبه ليكي ...

عشق انتفضت من مكانها وقالت : اي شوكولاته لا استني هات البوكس انا هخده ...

اسر ضحك وقال : مش هتخدي غير لما تقولي انك مش زعلانه مني خلاص  ...

عشق كانت تنظر للبوكس ثم قالت : ماشي يا اسر انا مش زعلانه يلا هات بقي البوكس ...

ثم فتح البوكس ووقعه الشوكلاته التي كان في علي عشق وكان كميات كتير عشق صرخت بفرحه ...

عشق بفرحه : ههه الله بجد شكرا يا اسر ..

اسر توجه لها ثم حاوطها بذراعه ...

وقال بحنان  :  مهنش عليا انك تنامي زعلانه مني 

عشق قبلته في وجنته وقالت : بجد بحبك اوي يا اسر ..

اسر : وانا بموت فيكي ...يلا بقي تعالي شغلي لينا المسلسل ونتفرج مع بعض وناكل الشوكلاته مع بعض ..

عشق : لا يا بابا محدش هياكل حاجه من الشوكلاته بتاعتي انا هاكلها كلها لوحدي ...

اسر : هتاكلي كل ده لوحدك  يعني مفيش واحده لاخوكي حبيبك.  

عشق : لاااا 

ثم طلعت له لسانها ثم زقته الي خارج الغرفه ...

واسر ضحك علي طفولتها ثم خرج  ...

بااااااااااك...

كان اسر غض في النوم علي رجل والدته ثم قامت غرام براحه عندما رأت اسر نام وخرجت الي الخارج وتوجهت الي غرفة عشق ثم فتحت الباب وفتحت النور ونظرت الي الغرفه وكانت بتبكي قربت من الفراش بتاعها وبدأت تلمس الفراش ومكتبها التي كانت تذاكر عليه ...

بدأت غرام تنظر للغرفه وكل شئ بألم...

وقالت : معقول في يوم وليله تروحي مننا كدا....يارب تصبرني علي فراقها ...

🤎🤎🤎🤎🤎🤎🤎🤎🤎🤎🤎🤎🤎🤎🤎🤎

نذهب الي جاسر كان في المقابر وواقف امام قبر عشق وكان جالس و يقرء لها قرأن بصوت جميل ثم صدق...ثم عيونه دمعت و قال  : انا مش عارف ان هكمل حياتي ازاي من غيرك بجد اتمني اقفل عيني وافتحها القيكي قدام عيوني ....بس عارفه انا مطمن عليكي عشان انتي مش لوحدك اولا انا عارف انك في مكان حلو وكمان معاكي جدك عبدالله اكيد هياخد باله منك صدقوني انتو الاتنين لقريب هدفع التمن اللي قا*تلكم  وخدكم مني ...

ثم قام. وخرج الي خارج المقابر ورأي نديم واقف امامه ...

نديم قال : كنت عارفك انك هتكون هنا ...

جاسر : خير يا نديم عاوز اي ...

نديم ابتسم : عرفنا اول طرف الخيط ...اللي قت*ل عشق هو نفسه اللي ق*تل الغول يا جاسر هو نفس الشخص ..

جاسر قرب وقال بشر : عرفته هو مين ...وفين مكانه ..

نديم : لا للأسف لسه بس متخافش هنعرف حسام بصراحه مش ساكت وبدأ يتحرك واحنا كمان هنتحرك وهنعرف مين ...

قطع كلام نديم برنه هاتفه برقم رد عليه ...

وجاسر كان ينظر حواليه ثم رأي فتاه تقف وكانت ظهرها لجاسر ...كان نفس جسم عشق وشعرها في لحظه جاسر كان ذهب لها ووضع يده علي كتفها ..

وقال بفرحه : عشق بنتي ...

الفتاة اتخضت والتفت له وقالت بخوف : افندم ..

نظر جاسر للفتاة ثم نديم ذهب له...

وقال : احما بنعتذر يا بنتي هو فكرك حد تاني...

نديم قال لجاسر : جاسر انت كويس ..

هز جاسر رأسه يمينا ويسار وقال : لااااا كنت اتمني لو كانت عشق ...يلا يا نديم نمشي ..

ثم ذهب جاسر ونديم وكانوا في السياره كان جاسر فاتح صور عشق وينظر لها ...ثم بعد ذالك فتح الوتس  ورأي رسايل كتير كانت من عشق له يوم وفاتها ...

فتح جاسر الرسايل .. رأي ريكوردات كتير ..

فتح واحد منهم كانت عشق تستغيث بي ..

كان في ريكورد تقول : باااابا الحقني ارجوك في ناس بتجري ورايا والحراس مش لاقياهم ارجوك رد عليا ...

اتصدم جاسر ثم فتح واحد آخر...

كانت تقول : بابا انا خايفه ارجوك رد ...

جاسر قال بوجع : يعني كان بأيدي ان انقذها ازاي محستش بيها ...ازاي مردتش عليها 

نديم : اهدي يا جاسر ....الرسايل دي من امتي 

جاسر قال : امبارح الصبح ...

نديم : جاسر هي جت ازاي المستشفي وفين عربيتها وتليفونها...

جاسر : دكتور ايمن قال ان في حد جابها ومشي حته مقالش اسمه ..

نديم : جرب تتصل كدا بتلفونها شوف هيرن وله هيديك مقفول ...

جاسر بالفعل رن علي هاتف عشق وكان يرن .  

قال جاسر : بيرن يا نديم ...

نديم : حلو استني احنا ممكن نوصل لمكان عربيه عشق من خلال تليفونها ....

كلم احد نديم ليتبع هاتف عشق ...

وبعد نصف ساعه كانوا عرفوا المكان وذهبوا الي المكان التي اتقتلت فيه عشق ...

وبعد ساعه وصلوا الي سياره عشق ..

جاسر : اهي عربيه عشق اهي ..

نديم : تعالي ندور علي اي حاجه اكيد هما اقتلوها هنا ...

فضلوا ذاهبين شويه ثم جاسر لمح شئ علي الارض ...

نزل جاسر علي الارض رأها سلسه عشق الدهب . 

جاسر قال : عشق بنتي كانت هنا يا نديم وفعلا قتلوها هنا ...سلسلتها اهي ...

نديم ذهب لجاسر ونزل وجلس بجواره ثم وضع يده علي كتفه : جاسر خليك قوي شويه صدقني هنعرف مين اللي عمل كدا خليك واثق في ربنا وفيا ..

جاسر قام وذهب ليري شئ دليل او اي احد يوصله للمجرم...ثم وقع نظره علي الارض وكان في آثار دم ...

جاسر قال : د*م بنتي اهو يا نديم ..

ذهب لجاسر ثم لمح شئ اخر و كانت بطاقه شخصيه لاحد ..

نديم اتصدم عندما رأي صوره الشخص التي علي البطاقه ...

نديم قال : جاسر شوف لقيت اي ...

🤎🤎🤎🤎🤎🤎🤎🤎🤎🤎🤎🤎🤎🤎🤎🤎

في قصر النمر كانت ديلان وإلياس ويامان وتولين أتو ليطمئنوا علي جاسر وغرام ..

إلياس : يعني متعرفيش يا غرام جاسر راح فين ..

غرام : لا يا إلياس معرفش ...

ديلان : قوليلي يا غرام عامله اي دلوقتي ...

غرام نظرت لها بوجع : اهو عايشه الحمد لله..

ديلان : ربنا يصبرك يا حبيبتي علي فراق عشق وان شاء الله نعرف مين اللي قتلها وهيجيبوا حقها . 

غرام : يارب ...

يامان قال : احم خالتو هي همس في اوضتها من امبارح مخرجتش ..

غرام : مش عارفه انا مشوفتهاش من امبارح يا يامان ....مش عارفه 

يامان : طيب انا وتولين ممكن نطله نطمن عليها ..

غرام : ماشي اطلعوا ليها

قاموا تولين ويامان وتوجهوا الي غرفه همس ...ودق الباب لم رد عليه احد ..

يامان : همس لو سمحتي افتحي ...

لم يرد احد بردو ...

تولين : اوعي كدا يامان ثم دقت هي الاخري ...

وقالت : همس حبيبتي احنا جينا نطمن عليكي لو سمحتي افتحي ..

ولم يرد احد عليهم يامان شعر بالقلق ..

يامان  : لا كدا في حاجه انا هفتح الباب اوعي يا تولين ..

ثم يامان رجع للخلف ثم ضرب بقدمه ضربه قويه وفتح الباب واتصدم عندما رأي  همس واقعه علي الارض و معصم يدها كان ينز*ف وجانبها سكي*نه صغيره ومليئه بالد*م.  

شهقت تولين وقال : هممممس لااااا..

الفصل العشرون من هنا

بدل ماتدور وتبحث علي الروايات خليها علي تليفونك وحمل تطبيقنا

تعديل المقال