رواية همسة وجع الجزء الثاني الفصل التاسع عشر بقلم اسماء العذب
19
#همسه_وجع
#الجزء_الثاني
يَا مَنْ تُحبُّونَ الرسولَ محمدًا
صلُّوا على خيرِ الأنامِ وسلِّموا"ﷺ🕊️
♡_______________♡
هشام بعدم تصديق :همسه؟ ؟ ؟
همسه بتفاجأ مصطنع:دكتور هشام..ايه ده هو حضرتك ساكن في نفس العماره مع ولاء
هشام بتوهان :اعتبريني كده يا قمر
همسه بتمثيل الضيق:حضرتك بتقول ايه يا دكتور ...ممكن بعد اذنك تقولي ولاء ساكنه في انهو دور في العماره
هشام :احم احم...هي ما قالتش ساكنه فين ولا ايه
همسه بكذب :لا هي قالتلي علي العنوان واللي وصلني لهنا هو طلع غلط ولا ايه
هشام ببسمه وهيام: اصل ولاء ساكنه في الشارع اللي ورانا علي طول...ونفس رقم العماره والشقه
همسه وهي بتمثيل التوهان وهي بتحط ايدها علي رأسها: لا انا كده توهت اكتر ...ممكن حضرتك لو معندكش مانع توصلني لهناك....ده لو مش هتعب حضرتك يا دكتور
هشام قبل ما يرد سمع صوت جاي من ورا همسه: ازي حضرتك يا عمو هشام
في اللحظه دي ظهر وليد ومن وراه وعد وهم بيبتسموا
هشام في اللحظه دي قلبه دق بسرعه وقوه
وهو مش مصدق اللي هو فيه عياله قدامه لكنه ممنوع انه يحضنهم او بقرب منهم ويشم ريحتهم اللي بيحلم بيها
وفوق ده كله بيقولو له يا عمو
فعلا زي ما بيقولو يالي سخريه القدر
وعد ببسمه بريئة: ازي حضرتك يا عمو
هشام وطي لمستواها وهو بيتكلم بحنان و حب:انا كويس خالص يا حبيبتي...انت عاملين ايه
عامل ايه يا ليدو
وليد ببسمه وفرح:انا كويس خالص اوي يا عمو...ده حتي ماما بقت تخرجنا كل شويه من ساعه ما بقت كويسه وبتمشي ...وده مفرحني انا ووعد اوي ...مش كده يا وعد
وعد هزت راسها ببسمه: ايوه انا فرحانه اوي ....مصر طلعت حلوه اوي زي ما ماما كانت بتقول واحنا حبيناها
هشام وكأنه لقاها فرصه:بجد حبيتوا مصر
الاتنين هزوا رأسهم بسرعه
هشام: خلاص يبقي تقعدوا هنا علي طول وهتحبوها اكتر ...ده مصر دي جميله اوي
خلص كلامه وهو بيبص علي همسه ويوجه كلامه عليها وهي عامله نفسها مش فاهمه
وليد: بصراحه من ساعه ما ماما خفت وبقت تخلينا نخرج ونلعب انا حبيت مصر وبقيت عاوز أقعد فيها خلاص
وعد: وانا كمان حبية مصر
همسه بخبث وهي بتتكلم ببرأه مزيفه:مينفعش يا حبايبي ...بابا خلاص لمة اخف هيجي ياخدنا عشان نرجع الإمارات تاني...لان هناك بيتنا واحنا طنا عايشين هناك من الاول .. عشان كده لازم نرجع
هشام قلبه وقع في رجليها من كلامها
معني كده ان كل مادا فرصه بتقل معاها لانها خلاص قربت تخف
واول ما تخف هترجع مع مشعل علي طول
وعد بزعل :بس يا ماما انا حبيت جدو وتيته اوي وخالو مازن كمان ومش عاوزه اسيبهم ...هناك مفيش حد بنلعب معاه غير زيد
ومامته بتاخده كتير مننا ...خلينا هنا يا ماما احنا مبسوطين هنا
همسه بخبث اكبر وهي بتراقب ملامح هشام المخطوفه: معلش يا حبيبتي ممكن لما يجي بابا نتفاهم معاه ولو نفع هننزل معاه إجازات لهنا ووقتها هنشوف جدو وتيته وخالو مازن وعمر
كله كله هنشوفه وإلا انتم عاوزني بابا مشعل يزعل مننا احنا التلاته
الاتنين هزوا رأسهم برفض
وليد :خلاص يا ماما مادام هننزل ها كتير ونشوف جدو وتيته انا موافق
وعد :وانا كمان موافقه
همسه ابتسمت ورفعت عينها لهشام
اللي كانت حالته صعبه وتقريبا راح في دنيا تانيه
همسه بصوت عالي :دكتور هشااااام
هشام بأنتباه: نعم ..كنتي بتقولي حاجه
همسه ببرأه مزيفه :كنت بقول لحضرتك اسفه اني ازعجتك.واني خلاص هروح الشارع التاين اسأل فيه
هشام بلهفه:استني اجي معاكي احسن تتوهي او يحصل اي حاجه
همسه ببسمه صفرا:مفيش داعي الاولاد معايا ولو حصل حاجه هرن غلي ولاء او حد من الاولاد يجي سنده حضرتك بما ان بيتك قريب منها
عن إذن حضرتك وبكرر اسفي لاني ازعجتك
هشام بحب:ياريت كل الازعاج يكون بالشكل ده ...مكنش حد زغل ولا نام مضايق
همسه وهي بتدعي الكسوف :عن إذنك حضرتك
يعدها بقت تنزل السلك واحده واحده مع عيالها
وهشام بيطالع طيفها لحد ما اختفي بعدها اتنهد بعشق وهو بيقفل الباب
لكنه افتكر كلامها عن سفرها للخليج
هشام بخوف :يا نهار مش فايت ...انا اروح اعرف عصام يلحقني
همسه بعد ما خرجت من العماره الي ساكن فيها هشام لاقت ولاء مستنياها هناك
ولاء بقلق:هااا عملتي ايه
همسه بغمزه ومكر: عيب عليكي ...ادلق زي الجردل
....ولسه اما خليته يمشي يكلم نفسه مش هبقي همسه ولا يبقالي
لازمه
ولاء بمكر مشابه:مش سهله انتي تاريكي
همسه :يلا بقي اطلعي بينا عشان نشوف المشوار اللي ورانا ده هيرسي علي ايه
ولاء بضجر:يلا يختي نشوف اخره طيبه قليك دي هتاخدنا علي فين
♡_______________♡
عمر حكي لمازن كى اللي عرفه واكتشفه من مشعل والرسايل واستنتاجاته
مازن بعدم تصديق وو بيكلم نفسه بصوت مسموع: عشان كده كان لاذق ليها وللعيال....الكلب كان عارف ...كان عارف
عمر بعدم فهم :انت بتقول ايه
مازن بشرود وهو بيبص له: لما كانت همسه عامله الحادثه جديد كان لاذق فيها دايما وعمال ياجي بكذا حجه مع أنه دكتور جراحه والمفروض يكون دوره انتهي من ساعه ما خرجت من اوضه العمليات وحالتها استقرت
عمر بنفس الشرود وهو بيفتكر :وكل الحاجات اللي كان بيقعد يجيبها للعيال دي....كان عارف وعاوز يقرب منهم
مازن التفت ليه زي الصاعقه: قصدك انه كان عارف انهم عيال همسه من زمان...قصدك انه كان عارف ان همسه حامل وخلفت وبرضوا مرضاش يعترف بيهم لحد ما جات مصر...يعني كان عارف مكانها
عمر بحقد: مش عارف ...والوحيد الل يقدر يجاوب على السؤال ده هم اتنين
همسه ودي انت عارف انها مستحيل تث ل حاجه لأنها مش فاكره حاجه اصلا
هشام وده هو هدفنا
مازن بغضب اعمي :واحنا هنعمل كده ليه وهنروح لهشام ليه... ايه هنصلح اللي كان ...ونصلح اللي خربه الزمان
عمر بغضب مماثل :لا بس لازم نطلع اختنا من المصيبه دي ....انت عارف اختك وعارف انها كانت مديه قلبها للكلب ده ...وكانت مطمنه وهي بتسلمه نفسها ....خصوصا انه في الوقت ده كان كاتب عليها يعني جوزها
ودي لوحدها كانت لهمسه نقطه البدايه في الحياه المثاليه اللي كانت رسماها في دماغها لحياتها الزوجيه
وانها مش بتعمل حاجه حرام
ايه هنتوه عن اختنا واخلاقها ولا ايه
مازن بغضب وهو ببضغط علي اسنانه: وانت عاوزني اعمل ايه لما اسمع كده ...مره واحده اعرف ان اختي
الكبيره اللي مخلفه عيال كنا فاكرين ابوم وأكد لكنه طلع واخد تاني خالص
عمر بغضب مماثل: ولما نزعل بقي ونتعصب والكل يعرف ده يريح جنابك....اسمعني بقي وامسك اعصابك شويه
مازن بشك وهو بيضيق عيونه:انت مالك هادي كده وانو بتحكي...إنت عارف من امتي
عمر بضيق :عارف من امتي ازاي
مازن :لا ما هو ما تحاولش تقنعني انك عرفت النهارده ولا امبارح......تكونش فاكر اني مش عارفك
ده انت كنت هديت الدينا لو عرفت من فتره قريبه
وده معناه انك عارف من زمان ...عرفت ده كله من امتي يا عمر
عمر بصراحه وجمود: من شهور ....ايوه ما تستغربش
انى عارف ظن شهور وكاتم في قلبي ومستحمل
وكل ام اتجي انام معرفش والتفكير يموتني من كتر ما دماغي بتقعد تودي وتجيب
بسأل نفسي...لو كنا عرفنا من زمان وقت ما همسه والزفت ده كانوا مخطوبين كان ايه هيحصل
لو كنا وقفنا في وشه وبجح فينا زكان ممكن يطعن في شرف اختي قدامنا وانها هي اللي عملت كده وأنه ما اجبرهاش علي حاجه
اكيد فاهم انت الشويتين دول بتوع الافلام
او اسأل نفسي كان هيحصل ايه لو اجبرناه انه يتجوزها وعيشها في عذاب واشتري عليها
وكسرها
كان هيبقي موقفنا ايه ...ده كان ممكن ياخدها يصبحها بعلقه ويمسيها بعلقه لحد ما اللي بطنها ينزل وبعدها يرميها في الشارع
او حتي كان ممكن يتجوزها يوم ولا اسبوع وبعدها يرميها بيه
كل حاجه تتخليها جات علي بالي ..اصل اللي زي هشام ده قله الأصل مطبوعه فيه النداله والخساسه متأصلين في دمه ومتعود علي كده
واختك عارفها غلبانه ولا حول ليها ولا قوه
هي صحيح غلطت ...لكن ما اذنبتش
وانت عارف همسه كويس الحاجه اللي هي بتعملها مادام مش بتغضب ربنا يبقي ما يهمهاش رأي الناس
ولا انت نسيت انها كانة عاوزه تجيب متسكل وتسوقه
بس قال ايه خطيبها مرداش و...
مازن بمقاطعه ونفاق صبر:انت جاي تقولي ده كله لهي دلوقتي يا عمر ...ايه جد عشان تخرج السر ده وتقوله ليا...وانا اكيد متوقع انها حاجه كبيره
عمر بتعب:هشام عمال يهددني انه عاوز العيال...وجت من كام يوم وهددني وقالها صراحه انه في أقل من شهر العيال هيكونو في بيته ومحدش هقدر ينمعه او يوقف في وشع
مازن بخواء: واحنا المطلوب مننا نعمل ايه
عمر بقلق: هقولك
♡_______________♡
عصام وهو بيتكلم في التلفون :عملت اللي قولتلك عليه
المتصل :تمام كله حصل
عصام بناء صبر:وانتي اقدر اخد الورق
المتصل بطمع: شوف انت بقي ...اديني الحلاوه بتاعتي تاخد انت اللي يخصك
عصام بقرف :هات الحاجه وتعالي علي العنوان اللي هبعته وخد فلوسك ...ومش عاوز اشوف وشك تاني
المتصل: تمام اوي ...نص ساعه واكون عندك ...جهز انت الفلوس لحد ما اوصل
سلااااام
♡_______________♡
زيزي بتوتر وخوف كبير :إيمي اميت متأكده امك عاوزه تعملي كده
إيمي ببعض القلق:متأكده جدا ية زيزي متأكده جدا
ناهد بخوف علي بنتها:يا بنتي ابوس ايدك ارجعي عم قرارك لسه في وقت
إيمي بأصرار اكبر:لا انا قررت خلاص وهعمل العمليه يعني هعمل العمليه
محمد بهدوء مزيف :سيبوها يا جماعه علي راحتها ...وهي اكيد عارفه هي بتعمل ايه
:استاذه إيمي حضرتك جاهزه.
جه صوت من وراها وكان لدكتوره
إيمي بلهفه :ايوه جاهزه اتفضلي حضرتك
اىدكتور:يبقي حضرتك اتفضلي معانا علي اوضه العمليات
إيمي هزت راسها وابتدي القلق يتسلل ليها من تاني لكنها اتمالكت شجاعتها وراحت مع الممرضه ناحيه اوضه العمليات
عشان تعمل العمليه وعيون الكل متبعاها
وقلوبهم عليها ومعاها
وهم مش عارفين اذا كانت هتخرج من اوضه العمليات سليمه ولا لا
زيزي: استر يارب...محمد.جهز كل حاجه لحد ما إيمي تطلع وسواء العمليه نجحت او لا ....الجوازه دي هتم يعني هتم
باااااااااااااااااااااس
بدل ماتدور وتبحث علي الروايات خليها علي تليفونك وحمل تطبيقنا
