رواية همسة وجع الجزء الثاني الفصل الثامن عشر بقلم اسماء العذب
18
#همسه_وجع
#الجزء_الثاني
يَا مَنْ تُحبُّونَ الرسولَ محمدًا
صلُّوا على خيرِ الأنامِ وسلِّموا"ﷺ🕊️
♡_______________♡
مازن بتوتر:ايه يا عمر خليتنا نقوم من وسط الكل وناجي الاوضه....خير حصل حاجه
عمر بتنهيده قويه :بص اسمعني احنا داخلين الفتره الجايه علي مطب جامد فحت
مازن بتوتر اكبر: ليه ايه حصل في مشكله ولا حاجه
عمر :ده فيه مشاكل ...مشاكل يا مازن هيحصل
مازن بخوف :انت حد قالك حاجه
عمر بعدم فهم:حاجه زي ايه دي
مازن ببسمه مرتبكه: لا لا ولا حاجه انا بسأل بس
عمر بترقب: انت عامل عمله ومش عاوز تقول عليها ولا ايه
مازن بسرعه ولهفه:لا طبعا ده ...ده ماشي في السليم اوي كمان
عمر بتأفف:مع اني عارف انك بتكذب وأكيد عاملك عمله ...بس هطنش واعمل من بنها لان المشكله اللي جايه اكبر من مواضيعك كلها علي بعضها
مازن بقلق:ليه خير ايه اللي حصل لده كله
عمر بشرود:اختك وعيالها
مازن :مالهم
عمر :عيالها مطلعوش ولاد مشعل
مازن :نععععم
♡_______________♡
سمر حاولت تكلم عمر اكتر من مره ...لكن مردش عليها متعرفش ليه
هل شاف مكالماتها ومرداش يرد عن قصد
ولا التليفون بعيد عنه ومش سامعه
او معمول صامت
متعرف لكن ايا كان السبب فده كان مزعلها جدا ومخليها مش علي بعضها
فجأة الباب اتفتح وكانت شهد اختها
سمر نزلت التليفون وسكتت عشان تشوفها عاوزه ايه
شهد بجمود: تعالي عشان تاكلي
بعدها خرجت تاني من غير كلمه زياده
وسمر اتنهدت بتعب وزعل طغي علي ملامح وشها ومشاعرها
خرجت لاقت الكل قاعد علي السفره وبياكم بهدوء وشهد بيتهزر مع مامتها والحاجه فاطمه وعماد بيبتسم عليهم
لكن اول ما الكل شاف يمر وانها قعدت معاهم
التكشيره زينت ملامحهم كلهم
وده زاد من احساسها بالذنب والزعل من نفسها
سمر بزعل قامت من علي السفره من غير ما تلمس الاكل وهي بتقول بصوت واطي: انا شبعت
عماد بجمود: شبعتي ازاي وانتي ما لمستيش الاكل
سمر ودموعها بتهدد بالنزول: مش حاسه اني جعانه ...الف هنا وشفا
بعدها اتحركت بخذلان لاوضتها ...واللي بقت تنزل فيها معظم الوقت وبطلت تقعد مع أهلها زي الاول ...لان كل مداما تيجي تقعد معاهم وشوشهم تتقلب ويقوموا من المكان يسيبوها لوحدها زي المنبوذه
نبيله ام سمر بزعل :كفايه بقي عليها كده يا جماعه ...احنا قسينا عليها اوي ...وهي اكيد اتعلمت من غلطها ومش هتكرره
الحاجه فاطمه بتأييد: انا رأيي كده برده ...سمر صعبانه عليا اوي وباين علي ملامحها الندم جامد
خلينا المره دي نعرفها غلطها بس بالحنيه ....وهي اكيد بعد اللي حصل واللي هي شافته واحنا عملناه معاها اتعملت الدرس...وفهمت غلطها
عماد بزعل هو التاني :انا مش عارف جالها قلب منين تقول كلام زي ده لخطيبها ...حتي لو كانت مخطوبه ىلي حصل وبس ...ده برضوا بيفضل انسان وليه مشاعر وبيحس ومكنش لازم تقوله كده ابدا
الولد من الزعل راح نام وجاتله جلطه كان لا قدر الله ممكن يروح فيها لولا ستر ربنا
غلطها كان كبير اوي وصعب يتنسي بالسهوله دي ....خلينا نديها كام يوم أدب كمان
نبيله بخوف :ما كفايه كده يا عماد ...انا خايفه البنت يحصلها حاجه من الزعل...انت ما شفتش عمر حصله ايه من الزعل
عماد بنفاذ صبر :عمر غير سمر يا نبيله ....عمر كان متعشم في بنتك جامد اوي وبيحبها وده باين من عيونه ...انا راجل
وفاهم مشاعره كويس ولما حس انه خسرها بعد ما اخد فرصه مستحملش وده شىء ويعبوش ابدا بالعكس ده يزيده فخر ...لما البنت اللي بيحبها لما عرف لنها مش هتكون ليه حصل فيه كده ما بالك باللي
هتبقي علي اسمه في يوم من الأيام
إنما سمر عارفه اننا أهلها وان زعلنا منها هتكون ليه نهايه وهنرجع معاها زي الاول ...انتي فكراني مش زعلان من معاملتي
ليها بالطريقه دي...انا قلبي موجوع عليها اوي...دي بنتي وحته من روحي ازاي معلش عليها ....لكن الغلط بيفضل غلط ولازم الغلطان يتعاقب عشان ميكررش غلطه تاني
خلينا نديها كام يوم تانيين بس نخفف الجرعه شويه
♡_______________♡
مازن :نععععععم ...انت اتجننت يا عمر ولا ايه حصلك ....ايه الكلام اللي انت بتقوله ده ...انت لو بتهزر هزارك بايخ جدة علي فكره
عمر بغضب:هزار ايه انت التاني...بثي انا ساحبك من وسط الكل وعمالين نتكلم زي الحراميه وأتت جاس تقولي بهزر ....لا يا استاذ مازن مش بهزر
عيال اختك مش ولاد مشعل
مازن بعدم استيعاب :انت بتقول ايه بس يا عمر ...طب انت متأكد...ده كلام زي ده يطير في رقاب ....معقول همسه اختي مخلفه عيالها في الحرا
عمر بسرعه وغضب جحيمي: اخرس يا حيوان قطع لسانك ولسان اللي يقول عن اختي كده
دي مخلفاهم في النور وكانت متجوزه علي سنه الله ورسوله...ومشعل عارف وقبل بيها وعيالها وعاملهم زي ابوهم...في وقت ابوهم الحقيقي اتخلي عنهم ومرداش يعترف بيهم
مازن بتوهان وعدم استيعاب: انت بتقول ايه يا عمر...ومين ابوهم ده ...وازاي همسه كانت متجوزه قبل مشعل...طب وليه ابوهم معترفش بيهم وهو متجوز همسه علي شرع ربنا ومعملوش حاجه غلط ولا في الدرا
...ومشعل ...مشعل ازاي كان عارف كل ده ومقلش حاجه
قولي دلوقتي حالا مين ابو العيال دي
عمر بجمود وحقد:هشام الزايد...جوز اختك واللي طلع جوازها مش بس علي الورق ....اسمع الحكايه وكل اللي انا عرفته من الاول
اللي حصل ....
وحكي له كل اللي عرفه
♡_______________♡
همسه وهي بتتكلم في التلفون :ايوه... انسه زيزي معايا
زيزي بلهفه: ايوه يا مدام همسه حضرتك فكرتي في اللي قولته
همسه: ايوه فكرتك وقررت
زيزي بنفاذ صبر :وايه قرار حضرتك
همسه: انا موافقه اساعد مدام إيمي انا والاولاد ...بس حضرتك متأكده ان ده مش هيسبب ليا مشاكل
زيزي بفرح ولهفه:مشاكل ايه بس يا مدام همسه...لا طبعا مش هيكون
فيه اي مشاكل ابدا اتطمني خالص
وبعدين إيمي دي طيبه خالص ومتقدرش تأذي كائن حي....وبعدين فرضا اللي بتقوليه ده حصل مين بس اللي هيقول لايمي إنك مشتركه معانا ولا مين هيعرفها
همسه بخفوت:طب افرض عملت حاجه في نفسها لا قدر الله
زيزي بتأكيد :قولتلك إيمي مش هتقدر تأذي كائن حي...ازاي عايزاها تأذي أطفالها...إيمي مش هتعرف حاجه غير لما تبقي حامل ...ولما تبقي حامل مش هتقدر تعمل حاجه في نفسها لأنها هتخاف علي حياه ابنها ....صدقيني
يا مدام همسه انا بحب إيمي زي اختي بالضبط...ومتمناش ليها اي سوء ...وبعمل كل ده لمصلحتها وانا حكيت لحضرتك عن السبب ....ازاي يعني هتخلف من غير جواز في مجتمعنا ده ...إيمي هتخلف بس بطريقه طبيعيه وشرعيه لأننا مش عايشين في تكساس ولا أوروبا....
ولا انتي رايك ايه.....هااا موافقه تكوني معانا
همسه بطمأنينه: موافقه.....طب هو انا ايه المطلوب مني دلوقتي
زيزي: بصي هو انا مش هعرف اشرح في الموبايل...لو ممكن تيجي معايا لأي كافيه نتكلم هناك...وهتكون معانا مامت إيمي شخصيا عشان نتفق مع بعض وكمان هيكون موجود محمد اخو إيمي وابوها كلهم هيكونو جزء من الخطه ومش هتكمل من غيرهم
هااا ممكن تيجي
همسه :ممكن ...بس صحبتي ولاء اللي كانت معايا المره الفاتت هتكون معايا ...لاني زي ما شوفتي مش بعرف امشي كويس لسه ومحتاجه مساعده
زيزي: اوك مش مشكله مادام امان ...انا هبعت المعاد لحضرتك في رساله وتاني يوم هاجي اخدك بعربيتي من تحت بيتك ...انا جيت قبل كده مع إيمي وعارفه العنوان ...تمام يا مدام همسه
همسه :ماشي تمام...مفيش مشكله
زيزي: طيب سلام دلوقتي انا هروح أبلغ مامت إيمي واهلها باتفاقنا
♡_______________♡
هشام كان في بيته القديم اللي في نفس منطقه سكنها هي وولاء
ومبيعملش حاجه بعد ما ساب شغله ومبقاش فيه حاجه تلهيه او تشغل وقته غير خيالاته المريضه مع همسه
وهو بيتخيلها بين احضانه وعايشه معاه
وقلبه حن جدا وهو بيتخيل عياله اللي من صلبه وهو بيجتمع بيهم لاول مره
يا تري رده فعلهم الأولى هتكون ازاي
طب هم هيتقبلوه ولا هيحتاجوا وقت
هشان في نفسه :كبه من غبائك يا هشام ...كله ظن غبائك واديك بتدفع تمنه ببعادك عن عيالك وحبيبه الروح
فاق من شروده علي صوة جرس الباب
قام بملل وكسل وفتحه لكن اتكهرب ووقف متجمد لنا لاقي همسه علي الباب بتبتسم ليه البسمات بتاعه زمان
هشام بعدن تصديق :همسه ؟؟؟؟؟
باااااااااااااااااااااس
بدل ماتدور وتبحث علي الروايات خليها علي تليفونك وحمل تطبيقنا
