رواية همسة وجع الجزء الثاني الفصل السادس عشر بقلم اسماء العذب
16
#همسه_وجع
#الجزء_الثاني
يَا مَنْ تُحبُّونَ الرسولَ محمدًا
صلُّوا على خيرِ الأنامِ وسلِّموا"ﷺ🕊️
♡_______________♡
مازن بصدمه :انتي بتقولي ايه
وتكه بضياع وهي مش واعيه بتقول ايه:كان دايما يتحرش بيا ولما أصحابه يجوا كان يلهي ماما وهم كمان يتحرشوا بيا
و.. و لما كان عندي ١٣ سنه ماما خرجت وسابتني معاه وصحابه جم وعملوا عليا حفله وصورني وهم بيعملوا معايا كده ....وانا ...انا كنت بخاف منه ومش بحبه خالص كان ...كان دايما يحط ايده علي جسمي ويعمل حاجات مش كويسه ...مش كويسسسسه خاااااالص
وماما مكنتش تصدقي لما اقول ...انا بكرهها لأنها هي اللي جابته وسابت بابا لحد ما مات بحسرته....وبكرهه هو بكرهه اوي اوي ونفسي اموته بأيدي ...هو كل الرجاله اللي زيه
مازن كان واقف قدامها وهي منهاره بالطريقه دي ولأول مره يشوفها بتعيط
كانت حالتها غير طبيعيه بالمره ...وكأنها واحده تانيه بالمعنى الحرفي
مش معقوله تكون دي وتكه المكاره الخبيثه المستفزه
لكن رغم ده كله
مازن حس ان قلبه رق لها ظن كلامها ومن حالتها الي هي فيها
وتكه بصراخ وعيونها مبرقه بوعيد:من ساعتها وانا اتغيرت وبقيت مش باقيه علي حاجه
هههه اصله مبقاش عندي حاجه اخاف عليها ...ده عمل عليا حفله وهي والانجاس اللي مصاحبهم
كنت بصرخ وبترجي فيه انه يبعدهم عني
لكنه كان واقف بيتفرج ويصبرني وهم بيعملوا كده...كان واقف وبس ..آآآآآآه وبعد ما خلص تصوير راح معاهم خو التاني عشان ياخد نصيبه مني
وانا ...انا كنت ضعيفه وصغيره ومعرفش حاجه
كان عندي ١٣ سنه بس ....١٣ سنه بس والله ماكنت فاهمه هم بيعملوا ايه ولا بيعملوا كده ليه ....بس انا مش هسكت ...وما سكتش انا...انا كنت السبب انه يخسر كل فلوسه والباقي منها انا سرقته ...واني اللي كانت ماسكه فيه ومش عاوزه تسيبه ...راحت ادته الفلوس اللي سيبها بابا بس انا برضوا اخدتهم وخليته يدوق طعم الذل هو وامي اللي ما هونتش عليها ومصدقتش اللي عملوه فيا
دي كدبتني ونصفته عليا وانا المظلومه
بعدها بصت لمازن بعيونها الحمرا زي الد.م واتكلمت بهستيريا: انا مش وحشه يا مازن ...مش وحشه لكن هم اللي حولوني وخلوني كده ...
كنت فاكره انك غيرهم وانك حبيتني وشفت جوهري ...لكن انت كمان طلعت زيهم وكل اللي عاوزه انك ترضي شهواتك ولو علي حساب سعاده غيرك
مازن بدفاع وشفقه :يا وتكه صدقيني انا ...انا بس ...دي.كانت لحظه شيطان ...وانيت اللي كنتي مشجعاني بكلامك ...لكن انا مش كده خالص ...صدقيني يا وتكه ...ارجوكي.بس انتي اهدي واعرفي انتي بتقولي ايه...وتكه انتي الكلام اللي بتقوليه ده يودي اللومان
وتكه بنعاس وهي بترتاح علي السرير وراها: وتين
مازن بعدم فهم :نعم انتي قولتي ايه
وتكه وهي بتحط رأسها علي المخده وتغمض عيونها:وتين ...اسمي الحقيقي وتين
بعدها راحت في سبات عميق وهي مش دريانه باللي حواليها ولا باللي قالته
مازن بعد ما نامت لطم علي وشه:يا وقعتك السودا يا مازن...البت طلعت شايله ومعبيه
احسن حاجه اخد الليزجيت علشانه وامشي لحد ما اعرف هي فاكره قالتلي ايه ولا نسيت لما نامت...انا مش عارف ده برشام منوم ..ولا صراصير ولا ايه بالضبط
بعدها اخد الوصل ودور تاني علي عقد الجواز العرفي لحد ما لاقاه ...وبسرعه كبيره خرج من الشقه
مازن فاق من شروده وهو بيكلم نفسه:هتعمل ايه دلوقتي يا دينامو...انت باين عليك اتدبست تدبيسه كبيره اوي
دي تبقي مصيبه لو صحيت وعرفت الي انا بقيت عارفه عنها ...دي ساعتها مش هتحل عني ولا بالطبل البلدي
بس احسن حاجه اني اخدت منها كل الي كانت مسكاه عليا وبكده انا في السليم ومش هرجع للمستنقع ده تاني
والله زعلتني عليكي اوي يا وتكه
مين كان يتخيل انك شايله ده كله جواكي ....لكن صدقينيانا مشيهم ودي كانت وزه شيطان ...ولو الموضوع الطلب اني اسب كده هعمل كده ..لو برضوا اتطلب اني اساعدك هعمل كدهواساعدك عشان تعرفي اني مش زيهم لا كنت ولا هكون
♡_______________♡
همسه بمفاجأة: مدام إيمي
إيمي بفرحه: همسه ازيك ....ازيك يا وعد وأتت يا ليدو عاملين ايه
زيزي بهمس لايمي: هم مين دول يا إيمي
إيمي بفرحه غريبه :دول وعد ووليد اللي حكيت لك عنهم ودي مدام همسه امهم ...شوفتي قمرايه ازاي عشان كده ولادها عسليات زيها
همسه بتواضع: صدقيني انت اللي جميلة اوي والجميل ما بيشوفش غير الجمال ....اتفضلي اقعدي معانا
إيمي :مش هضايقكم او حاجه
همسه بهدوء وبسمه :لا ابدا انتي هتنورينا اتفضلي
إيمي ما صدقت قالت كده وسحبت كرسي وقعدت جنب الاولاد
إيمي بتذكر :صحيح نسيت اعرفكم دي البست بتاعتي زيزي
همسه ببسمه:تشرفنا
زيزي ببسمه مجامله: ميرسي انا اكتر
همسه وهي بتشاور علي ولاء: ودي ولاء برضوا تبقي البست بتاعتي
وعد :ماما..ماما...هو يعني ايه بيست
إيمي بسرعه وحب:بست يا حبيبتي يعني أقرب صحبه ليكي او صاحب ليك يا ليدو ...يعني انتوا الاتنين مش اخوات
وليد: ايوه يا طنط ...اخوات تؤم
إيمي: يبقي انتم كده بست وأصحاب من اول لحظه في حياتكم لأنكم كنتم مع بعض في كل لحظه وكل ثانيه
همسه: زي ما قالت طنط إيمي با حبايبي ...انتم اصحاب واخوات وتؤم ودي حاجه مهمه اوي لازم تعرفوها
وليد: ايوه يا ماما انا عارف كده وبحب وعد اوي لانو هي اختي ...وحضرتك قولتي اننا كنا مع بعض في بطنك من جوه ولما خرجنا خرجنا مع بعض ولازم نفضل مع بعض دايما وما نفترقش أبدى ابدا مهما حصل ...صح؟؟؟
همسه بحب وهي بتقرب منه وتبوسه هو واخته:يالهوي علي الجمال والحلاوة يا ناس ....راجل من يومك يا وليد يا حبيبي....زي خالك عمر بالضبط
إيمي وهي بتتأملهم:بجد انتي محظوظه اوي ان عندك نعمه زي دي ...غيرك محروم منها وبيعمل المستحيل عشان ينولها....واي حد محظوظ اوي لأنه عنده اطفال زي وعد ووليد
وانقدت القعده في الكلام والتعارف والهزار بين الكل وهمسه اللي حبت إيمي جدا وحست قد ايه هي طيبه ومسكينه لكن مش لاقيه اللي يوجهها للطريق الصح
زيزي بأسف.:طب احنا للةسف هنضطر نمشي لان انا وإيمي معانا معاد تاني لازم نروحله مش كده يا إيمي
إيمي بأحباط: مينفعش نلغي المعاد ده ونقعد شويه
زيزي برفض: مينفعش احنا أجلناه كتير ...ولازم نروح دلوقتي
إيمي بزعل: طسي سلام يا همسه ...سلام يا ولاء...سلام دودو انتي و ليدو
بعدها حضنت الكل وهي باين عليها الزعل لأنها هتمشي وعيونها مش متشاله عن الطفلين
زيزي: يلا يا إيمي روحي جهزي العربيه انا هروح اظبط الميكب بتاعي في التواليت
إيمي: طيب ما تتأخريش
بعدها مشت
زيزي بعد ما مشت بلهفه وغموض بصت لهمسه وهي بتقرب منها وبتتكلم بهمس :مدام همسه ممكن اخد رقم تلفونك لاني بجد محتاجه اتواصل مع حضرتك ضروري اوي ...لو سمحتي يعني
♡_______________♡
بعد كام يوم باب بيت همسه خبط واللي فتح الباب كانت وفاء
واستغربت جدا لما لاقت هشام قدامها
وفاء بأستغراب وضيق:هشام ؟؟؟...خير فيه حاجه عشان جاي هنا
هشام: جاي اخد ولادي
وفاء بحنق:هشان يا بني لو جاي تهز انا مش فايقه بجد
عمر جه من وراها :مين يا ماما
وفاء بغيظ :تعال يا عمر شوف الضيف ده لحد ما اشوف الاكل علي النار
بعدها دخلت جوه تاني من غير ما تدي اي اهتمام لهشام لانها زهقت منه ومن شوفته ولأنها بتحاول تطفشه بأدب عشان ميحاولش يقرب منهم تاني
وفاء وهي بتدخل بصوت واطي: مش عارفه انا ايه لم البني ادم ده علينا من تاني
من ساعه ما همسه رجعت وهو لاذق فينا ...ههه ايه يكونش الحنين خده وعاوز يرجعلها خصوصا انه طلق ....الواد ده انا مبرتحلوش من لما كان خطيب لبنتي ...واد بميت وش وما خفي كان أعظم
ياريت بقي يتجنبنا وإلا مشعل لو شم خبر بس هيولع فيه
عمر علي الباب بنظرات زي الشرار وصوت زي الرعد:عايز ايه يا هشام
هشام ببرود وبسمه مستفزة: عايز ولادي يا خال العيال
عمر بهدير:انتي اتجننت ولا وقعت علي راسك ولاد ايه دول الىي انت عايزهم
انت طلقت اختي من قبل الفرح وما حملتش منك يبقي ولاد ايه اللي انت عاوزهم...
هشام بفحيح: وعد ووليد ..ايه نسيتهم ولا ايه
عمر بفحيح مماثل:لا ما نستهمش..بس الظاهر انت اللي نسيت ...وعد ووليد دول ولاد مشعل
هشام بصراحه ووقاحه: بس يا عمر عشان منلعبش مع بعض كتير ونقعد نحدف الكوره لبعض انا عارف انك عارف ان العيال دول عيالي انا مش عيال مشعل ...وات عاوزهم ..عاوز ولادي وإلا هالي صوتي وافضح المستور
عمر بغضب وهو بيقرب عليه ويمسكه من هدومه:اسمع يلا انا علي اخري منك ومن وساختك...انت تخرج من هنا سليم وإلا هخرجك علي نقاله .....والحوار العبيط اللي انت بتتكلم عليه ده مفيش عيل برياله هيصدقه...العيال عيال مشعل وخلص الكلام ....واللي كان بينك وبين اختي خلص لما انت طلقتها من سنين
سامع يا حيلتها...يعني مش عوز اشوف وشك ده هنا تاني ولا حتي في الشارع كله
هشام بعد ايديه ببرود وربط لبسه واتكلم بسلام نفسي وبرود مش لايق مع كلماته:افترك اني جيت وطلبت بالذوق وانت رفضت...بس بكره هاجي وهاخد العيال والحكومه بنفسها هي اللي هتديهم ليا ...وانت بقي ما تزعلش من اللي هيحصلك انت وعيلتك ...وابقي خلي سي مشعل بتاعكم ده ينفعكم
مع السلامه بقي اصلي هروح احضر اوضه الاولاد لانهم في أقل من شهر هيجوا معايا لبيتهم الجديد
سلام يا عمور
باااااااااااااااااااااس
بدل ماتدور وتبحث علي الروايات خليها علي تليفونك وحمل تطبيقنا
