رواية همسة وجع الجزء الثاني الفصل الخامس عشر بقلم اسماء العذب
15
#همسه_وجع
#الجزء_الثاني
يَا مَنْ تُحبُّونَ الرسولَ محمدًا
صلُّوا على خيرِ الأنامِ وسلِّموا"ﷺ🕊️
♡_______________♡
:يا ماما فيها ايه يعني لما انزل من غيركم
وفاء: يا بنتي انتي لسه تعبانه ومش يتمشي كويس وانا خايفه عليكي ...لا قدر الله ممكن رجلك توجعك ولا يحصل اي حاجه هتعملي ايه وقتها
همسه بأستعطاف: يا ماما من ساعه ما جيت وانا تقريبا ما بخرجش ابدا واتخنقت ...وبعدين ولاء هتكون معايا ووعد ووليد كمان هاخدهم معايا....وافقي بقي عشان خاطري
وفاء: يا بنتي طب استني بوم تاني وانا هنزل معاكي عشان اتطمن اكتر
همسه :يا ماما يا حبيبتي هو انا يعني عيله صغيره ...انا بس هخرج انا وولاء نقعد في اي حته اغير جو بعدها هاجي علي طول مش هتأخر وبعدين ماهو انا خلاص خفيت اهو وكلها شهر ولا حاجه وارجع امشي طبيعي زي الاول
وفاء بأستسلام: خلاص يا بنتي روحي بس خلي بالك من نفسك ومن عيالك يا حبيبتي...انا كان ممكن مخلكيش تخرجي من خوفي عليكي....لكن في نفس الوقت نش عاوزه اخنقك بتحكماتي وعارفه انك عاقله وواعيه حتي لو مش فاكره حاجه عن نفسك لكنك هتفضلي همسه بنتي وربايتي
همسه قربت من وفاء وباست علي رأسها
همسه: ربنا يخليكي ليا يا أمي وميحرمنيش من خوفك وقلقك عليا وعلي مصلحتي...تمام هتصل انا بقي علي ولاء اقولها انك وافقتي عشان تعدي عليا
وهروح البس وألبس وعد ووليد
بعدها اتحركت بحماس شديد لانها واخيرا هتخرج مع صحبتها وي زمان
وفرصه كمان تفسح عيالها وتخرجهم شويه
لانهم من ساعه ما جم مصر ما طلعوش كتير ودايما قاعدين في البيت معاها
بعد فتره كانوا لبسوا الكل ووعد ووليد هيموتوا من الفرح والحماس من ساعه ما همسه قالت انهم هيخرجوا شويه
وعد بطفوله :وليد هو ماما هتاخدنا فين نتفسح
وليد :مش عارف بس اكيد هنفرح اوي...زي كل مره بتاخدنا معاها مكان
وعد: ايوه انا مبسوطه اوي ....اخيرا ماما بقت كويسه ونخرج مع بعض ....ماما بتقول ان مصر هنا حلوه اوي اوي...وفيها عيال صغننه زينا كتير وممكن نصاحبهم ونلعب معاهم
وليد باحباط:بس ماما مش بتخلينا نخرج نلعب في الشارع خالص
وعد :مش مهم ...وممكت لما هس خفت هتخلينا نخرج ونلعب ...ولو مارضيتش نجيب أصحابنا الجداد ونلعب هنا في بيت جدو وتيته
وليد كان لسه هيرد عليه اخته رد طفولي لكن همسه قاطعته وهي بتنادي عليهم عشان يخرجوا
وفاء وهي بتحذر بنتها:لو حسيتي بأي تعب يا حبيبتي ارجعي علي طول ولو حصلت اي مشكله لا قدر الله كلميني علي طول مم غير تردد ...وخلي بالك من عيالك إوعي واحد منهم يزوغ في الزحمه ولا تنشغلي عنهم
و...
همسه بمقاطعه وهدوء: ما تقلقيش يا ماما هخلي بالي علي نفسي وعلي الاولاد كويس اوي ...وولاء معايا هي كمان هتخلي بالها ...اطمني بس انتي
وفاء: يا بنتي أنا بس قلقانه لىنك مش زي الاول ومش فاكره حاجه ولا فاكره حد
همسه :ماهو ولاء معايا وهي هتعرفني كل حاجه متقلقيش
وفاء بأستسلام: ماشي ...هطمن عشان انا عارفه ولاء وعارفه انها شخص يعتمد عليه ....
بس برضوا انى هفضل اتصل عليكي كل شويه خلي تلفونك جنبك بقي عشان تسمعيني
وعد بملل:يا تيته يلا بقي عاوزين نخرج
وفاء بضحك:حاضر يا حبيبتي يلا اتفضلوا روحوا وانبسطوا مع بعض
همسه وهي بتخرج :سلام يا ماما
وعد ووليد :سلام يا تيته
وفاء بحب:سلام يا حبايب قلبي من جوه
تحت كانت همسه وصلت ولاقي ولاء مستنياها
ولاء بحماس: اخيرا نزلتي... يلا بقي عشان انا محضره حته برنامج هايل لينا ...حاجه كده من ايام زمان
جاهزين يا اولاد
الاتنين بحماس:جاهزين يا طنط
همسه بلهفه:يلا بينا بسرعه احسن ماما خرجتنا بالعافيه وهي خايفه علينا اوي
بعدها ركبوا العربية وولاء انطلقت بيها
وبعد مده نزلت في كافيه علي النيل كانوا بيروحوا ليه ايام الكليه
همسه بحنين وهمس عشان ولادها: ياااه بقالي سنين ما جتش هنا .. .المكان وكأنه سيبته امبارح
ولاء بنفس الهمس بعد ما سمعتها:تعرفي اني ما جتش هنا من ساعه ما انتي مشيتي...يااااه حاسه ان كل لحظه وذكري عملناها في المكان ده وكأنها حصلت من ايام بس
همسه بحماس :تعالي نقعد ونشرب موز باللبن
ولاء بنفس الحماس :يلا ده انا النهارده هخليكي تعيشي يوم ولا في الخيال
بعدها طلبوا مشروباتهم اللي متعودين عليها وطلبوا للاولاد ايس كريم
لكن وهم بيشربوا طب عليهم اخر شخصين كانوا يتوقعوهم
ولاء: ؟؟؟
♡_______________♡
عمر بتنهيده وشرود :وعد ووليد اللي انتي خايفه ابوهم الخليجي يزعلني ...مطلعش ابوهم اصلا ....ابوهم الحقيقي مصري وكأن متجوز اختي علي سنه الله ورسوله
سمر بزهول :انت بتقول ايه طب وسابها وساب عياله ليه وبعدين أنت بتقول كان متجوزها...اللي اعرفه إن اختك همسه كانت متجوزه هشام الدكتور وكمان مكنتش متجوازه جواز فعلي ...دول يا دوب كانوا كاتبين الكتاب
عمر بسخريه وغل مكبوت:
الله ينور عليكي ده انتي عرفتي من غير ما اقولك كفايه بس اني لمحت وانتي فهمتيها وهي طايره
اما عن جوازهم فا هم حولوه لجواز فعلي وكان نتيجته ان همسه حملت منه
سمر بصدمة حطت ايديها علي بوقها وعيونها برقت
سمر:وطبعا بعد ما عرف كده خلع وما رديش يعترف باللي عمله وبالعيال بحجه انهم لسه مخطوبين ...ومادام كده ليس عليه من حرج ....عروسه قبل الفرح حامل هذا لا يجوز في دستور أشباه الرجال
عمر بوجع :بعدها همسه شالت في نفسها ومعرفتش حد وسافرت بره عشان تداري علي اللي حصل....وهو ده كل اللي اعرفه
سمر بعدم استيعاب: ايوه بس أنت عرفت ده كله منين
عمر بشرود وكانه في دنيا تانيه: كان فيه رسايل بتتبعت علي تلفوني من رقم مجهول ومن الكلام اللي هو بعته انا قدرت اربط الكلام ببعضه وعرفت الحقيقه
سمر :اكيد الرقم ده عاوز يعملكم مشاكل وعاوزك تولعها...وبعدين ده مجرد كلام مش رقم غريب يعني ممكن جدى كلامه ما يكونش حقيقي
عمر بزعل شديد: ياريته كام كده فعلا ...لكني رحت لمشعل وقررته وو اعترفلي فعلا ان العيال مش عياله...وأنه مش مخلف غير ولد واحد من مراته الاولانيه
سمر سكتت ومكنتش عرافه تقول ايه وهو تقريبا افحمها بكلامه.
مكنتش متوقعه كده ابدا
وعمر كمل :عشان كده كل ما كنت بشوف العيال دي بفتكر اللي ابوهم الكلب عمله في اختي ..ولولا عملته دي كان زمان همسه لسه معانا ومرحتش حته ولا قلوبنا اتحرقت عليها السنين دي كلها
مكناش اتعذبنا ولا ابويا وامي داقو الويل من وجعهم علي غياب نواره بيتنا
سمر:والله انا مش عارفه اقول ايه..بجد انا كنت فاكره خطيب اختك ده غير كده....كل الناس عارفه انه الدكتور هشام المحترم وابن الناس...اول مره اعرف انه كده وأنه بالنداله والأخلاق دي
عمر بشرود:للأسف المظاهر خداعه ...واللي هشام كان موريه للناس غير اللي كان بيعمله ....لكن اللي مضايقني بجد ايه يخلي همسه تعمل كده وتسيب نفسها ليه...
عمر بألم:كانت بتحبه ...كانت بتعشقه عشق ....كنت عارف وشايف تصرفاتها معاه ولا أول ما جاها خبر انه متقدم ليها شوفت لمعه عينيها وسرحانها وبسمتها اللي مش بتفارق وشها
هو ده اللي خلاها توثق فيه وتعمل كده...خصوصا انها ما عملتش حاجه حرام لانها كانت مراته بالحلال
سكر بتوهان :طب انت هتعمل ايه دلوقتي
عمر بضياع:المصيبه اني مش عارف ...وزفت الطين هشام ده عارف انهم ولاده ...واخد فتره عمال يهددني بيهم وأنه هياخدهم مني
بس بعد كد انا اتلاهيت في كذا حاجه ونسيته وهو كمان بطل يتصل او يظهر قدامي من ساعه خطوب... إحم قصدي من ساعه اخر مره شافني فيها
سكت شويه وهو بيدرس ملامح سمر اللي كانت مختلفه المشاعر وبعدها كمل
:عشان كده ما كنتش بطيقهم...حتي من قبل ما اعرف انهم ولاده كنت بشوف انهم هم السبب في بعاد اختي عني ...هم السبب ...هم وابوهم الكلب الواطي
سمر بشفقة: ما تزعلش اكيد ده اختبار من ربنا انت بس اصبر وأكيد ربنا هيريح قلوبكم كلكم
عمر بصلها ونظرته اتحولت تماما وكأنه بقي شخص تاني
عمر بجمود وخواء:انى قولتلك يمكن ارتاح شويه من اللي انا فيه ...وعشان تعرفي اني مش مريض اوي كده وعندي قلب وبحس ....واحب ابلغك ان خلاص الشهر بيعدي واول ما يكمل هبعت اهلي يخلصوا موضوعنا...واوعدك هحاول متشوفيش وشي قدامك ابدا ولا هحتك بيكي تاني ...واخيرا اتمني ليكي التوفيق والسعادة في حياتك
عن اذنك
وذهب يجر ازيال الخيبه
♡_______________♡
مازن
قاعد في الاوضه وهو لحد دلوقتي مش مصدق اللي حصل واللي عمله
مازن بندم شديد:ايه اللي عملته ده ...كان ممكن اخد الوصل وامشي ...لكن سمعت كلام الشيطان واديني هلبس ...وهلبس لبسه حلوه كمان
كان قاعد بيفتكر كل اللي حصل بندم شديد
فلاش باك
قرب من وتكن وهو بيتأمل ملامح وشها من قريب
وكان في اللحظه.دي تقريبا مغيب عن الواقع ومش داري هو بيعمل ايه
مازن بشهوة: كان نفسي فيكي من زمان اوي....بس كنت غبي كنت فاكر اننا هنتجوز ونعيش سوا في سبات ونبات زي ما كنت بسمع في الحكايات وانا صغير ...والكلام العبيط ده
لكن لانك واحده وسخ.ه مش هينفع معاكي غير الوسا.خه.....لو كنتي سمعتي كلامي وسبنا القرف اللي احنا كنا فيه وشغل الرهانات ده كان زماني مش عارف حاجه عن حياتك الاولانيه ولا عارف انك مشيتي مع طوب الارض قبلي
بس ازاي ...ازاي تسيبي الفلوس دي كلها وتمشي...هههه وانا اللي افتكرت انك متورطه زيي في الموضوع..
طلعتي واحده من المسؤولين عن السبق
وطلعتي انك انتي اللي مأمناه من الحكومه بسبب قرايبك الواصلين من شغلهم الشمال
يا شيخه ده انا نفسي اسمع عنك جمله مدح واحده ...لكن مفيش ...مفيش خالص
ده انتي قصاد اهلي وقصاد الناس كلها يوم خطوبه اخويا جايه تبوسيني بكى بجاحه وقله حيا...هو انا صحيح معرفش ايه لمك علي هشام خطيب اختي الاولاني ...ومش عاوز اعرف
انا دلوقتي هاخد منك اللي عاوزه واعمل ما بدالي ليكي
بس تعرفي كان نفسي تكوني صاحيه عشان اشوف رد فعلك وانتي في حضني ايه لكن للأسف كان لازم تنامي عشان اعرف اخد الوصل ...ياريتك كنتي صاحيه ...ياريتك
:احنا لسه فيها ...اصل انا لسه صاحيه
مازن رجع لورا بفزع
مازن:بسم الله الرحمن الرحيم....انتي ازاي...المفروض انك..انك....مينفعش تكوني صاحيه
وتكه فتحت عينيها بالراحه واتعدلت بجسمها وبصتله نظره غريبه جدا اول مره يشوفها
وتكه بهدوء: عارف يا مازن ....انا كنت جيباك هنا ليه...ولا كنت بقولك عاوزه اوريك حاجه مهمه ليه....كنت هبدأ معاك دنيا تانيه من اليوم ده
كنت هصارحك بالماضي بتاعي كله
كنت هطلب منك تتحملني لاني كنت هغير من نفسي عشان الحق بيك لكن انت ...انت
سكتت لما صوتها اتهدج بالبكاء وطلعت منها شهقات
لكنها جات علي نفسها ووقفت قصاده واتكلمت بقهر
وتكه: لكن انت بصيتلي علي اني وتكه البنت اللي ملهاش كبير
البنت اللي ماشيه علي حل شعرها وملهاش حد يلمها
البنت
سكتت وهي بتبلع ريقها ووجعها في كلماتها وكملت
:البنت الشمال اللي ميهمهاش غير مصلحتها
مازن بمقاطعه وخضه:انتي لسه صاحيه ازاي انا مشربك العصير بأيدي...هو انتي غفلتيني وما شربتهوش ...بس انا شايفك وانتي بتشربي
وتكه بسخريه وألم:لا شربت يا مازن ...شربت مع اني كنت عارفه انك حاطط في العصير حاجه
لكن تفتكر واحده زيي دماغها عمرانه مفعول حته برشامه انت حطتها هيكون قوي للدرجه اللي تخليني انام في أقل من دقيقتين
مازن سكت والتانيه ضحكت عليه بسخرية كبيره
وتكه بسخريه:انت متأكد انك في كليه طب ....ده انت المفروض تعرف ان مفعول الحبايات اللي زي كده مفعولها بيبتدي بعد أقل تقدير ربع ساعه ...لكن لان زي ما قولتلك دماغي عمرانه فا مفعولها هيتأخر معايا شويه يعني ممكن يدخل في النص ساعه واكتر
مازن بتيه:انتي ايه...بجد انتي ايه انا كل اللي عاوزه اخلص منك ومن الورطه اللي انا فيها دي
وتكه بألم وصوت عالي وجنون :صدقني انا نفسي مش عرفاني ....انا نفسي اعرف انا ايه وليه بعمل كده ....
انا مكنتش عاوزه اكون كده لكن هم اللي خلوني ابقي كده ...هم والله انى افتكرتك غيرهم وكنت بعمل كده عشان اكيدهم ...لكن ..لكن انت طلعت زيهم...كلكم عينه وطينه واحده ...ايوه كلكم انا بريئة وانتم الجناه...انا كل اللي كنت عيزاه ان ماما ترجع لبابا ...لكن فات الأوان وبابا مات وهي ما رجعتش وراحت هي التانيه..ووو
وتكه فضلت تهرتل بالكلام وتقول حاجات كتير مازن مش مجمع منها حاجه
مازن بعدم فهم: انتي بتقولي ايه ومين دول ياللي هم السبب وعملوا ايه
وتكه بضياع ولا وعي قربت من مازن وهمست جنب ودنه:لما كان عندي ١٣ سنه وماما متكونش في البيت جوزها كان بيجيب صحابه ويعملوا معايا حاجات مش كويسه ويقلعوني هدومي
مازن بصدمه :انتي قولتي ايه
♡_______________♡
بعد كام يوم باب بيت همسه خبط واللي فتح الباب كانت وفاء
واستغربت جدا لما لاقت هشام قدامها
وفاء بأستغراب وضيق:هشام ؟؟؟...خير فيه حاجه عشان جاي هنا
هشام: جاي اخد ولادي
بدل ماتدور وتبحث علي الروايات خليها علي تليفونك وحمل تطبيقنا
