رواية سلسبيل قلبي الفصل الرابع عشر بقلم نورا مرزوق
روحي تناجيه ♥✨
لا اعرف العشق إلا فيه ،رحل والرحيل لا بد منه
تراه لن يصدقني عندما همست له "لن انساك"
أي تخطٍ يملكه الحبيب ؟
وهل انا حبيبه تنسي ام ان الوفاء يمكث بي ..؟
لا تزال كلمات عبدالحليم ترن في اذني عندما قال " عمري ما أنسي حبيبي والله وحبيبي "... وقسما بالذي زرع عشقه في قلبي عمري ما انسي حبيبي والله وحبيبي ...🦋✨
♥♥♥♥♥♥♥♥♥♥♥
كانت بتسوق العربيه بسرعة وهيا مش مصدقه انو فاق...سفيان فاق كانت بتضحك بسعاده وعيونها مدمعه وقلبها بينبض جامد اوي وكان قلبها عايز يطلع ويصرخ باعلي صوت ويقول حبيبي رجعلي تاني
سلسبيل بدموع وسعاده كبيره ــ كنت عارفه انك مش هتسيبني لوحدي كنت متاكده جيالك يحبيبي اهو
كان زين ومعتصم وراها بالعربيه والقلق بينهش في قلبهم ف سلسبيل طلعت جري من غير متقول في اي او الدكتور قالها اي
معتصم بقلق ــ سلسبيل بتسوق بسرعه كبيره يتري في اي
زين وهو بيذود من سرعته وقال هو كمان بقلق ــ ربنا يستر
عند سلسبيل
وصلت ونزلت من العربية بسرعه ودخلت المستشفى وهيا حاسه انو قلبها هيقف
راحت غرفه الاستقبال بسرعه وقالت س..سفيان المنشاوي انتو اتصلتو ب ..
الممرضه بمقاطعه وسعاده ــ ايوه حضرتك الاستاذ سفيان فاق اتنقل ل غرفه 270 في الطابق الخامس
اومات سلسبيل بسعاده ومن فرحتها نسيت انو في اسانسير وطلعت من علي السلم وصلت ووقف قدام اوضته
ودخلت بسرعه
لحظه اتنين تلاته
تلاقت العيون والشوق ينهمر منهما والدموع تعبر عن كل شي عن ألم عاشته بدونه .... عن عتاب لتركه لها تعاني وحدها ... والشي الاهم عن مدي حبها له عايزه تجري علية وتحضنه وتشكيله بس حاسه وكأنها شلت مش قادره تتحرك خايفه ... اه خايفه خايفه تكون بتحلم وميكونش ده حقيقه
سلسبيل بهمس ودموع ــــ سفيان
اما هو كان ينظر لها وفي عينيه كانت تلك اللمعة التي طالما كانت عيونه تلمع بحبها وعشقه لها كان ينظر لها بحب وحنان وشوق ومشاعر كتيره اووي
واخيرا سلسبيل فاقت وجرت عليه واترمت في حضنه تبكي بحرقه كبيره ووجع غيابه عنها سبع شهور
اما هو فبادلها بحب وحنان كبير شدها لحضنه جامد ودفن وشه في عنقها وقلبه يؤلمه بشده بسبب بكائها
سفيان بهمس وعشق ــــ هششش اهدي يقلب سفيان انا معاكي اهو
شهقت ببكاء كبير وحشها صوته جامد مش مصدقه هو فعلا معاها ااه يارب عيطت جامد اوي وهيا بتمسك في هدومه جامد ودافنه وشها في صدره
سلسبيل ببكاء ـــ انت معايا انت صحيت صح سبتني ليه ها مش انت قولت انك بتحبني في حد بيحب حد ويسيبه ها رد عليا وقالت اخر جمله وهيا بتضربه في صدره واشهجت في البكاء الحاد
سفيان وهو بيحضنها جامد ـــ هشش اهدي انا معاكي همم اهدي بس
رفعت ايديها وحاوطت رقبته وحضنته جامد وهيا تقبلة في كل انحاء وجهه ودموعها علي خدها
ابتسم وسابها تعمل اللي هيا عايزاه هو مبسوط جدا من قربها منه بس قلبه كان بيوجعه جدا بسبب دموعها اللي بتنزل علي قلبه زي النار
بعدت سلسبيل عنه اخيرا وقالت ـــ انا .. انا مش مصدقه انت فعلا معايا انا مش بحلم حطت ايديها علي وشه وقالت بشوق ودموع ــ وحشتني اوي
مد ايده ومسح دموعها وحط ايدها ورا راسها وشدها ناحيته وقبل*ها بحب وعشق كبير وبعد مده بعد عنها وسند جبينه علي جبينها وقال ـــــ وانتي كمان وحشتيني يقلب وروح سفيان من جوه
سلسبيل ــ حاسس ب اي ألم
نفي سفيان برأسة وقال ــــ انا كويس طول منتي جنبي
حضنته سلسبيل وقالت ــــــ انا جنبك علطول متسبنيش انت تاني
حضنها سفيان وقال ــــ حقك علي قلبي
دخل زين ومعتصم بسرعه فبعدت سلسبيل عنه
زين بصدمه ودموع ــ سفيان وجري علي اخوه يحضنه بشوق كبير وهو بيحمد ربنا
حضنه سفيان بحب وقال ــــ لا لا زين الرجال مش بيعيط انت اقوي من كده
بعد زين عنه وقال ــ انا كنت ضعيف اوي من غيرك كده هونا عليك كده تسيبنا المده دي كلها
سفيان بمرح ـ معلش بقا كنت بشوف غلاوتي عندكو
وبعدين بص ورا زين وقال معتصم مش هتيجي تسلم عليا ولا هتفضل واقف كده
معتصم كان واقف ومش مصدق انو صديق عمره واخوه وتوأمه رجعله تاني
قعد علي الارض بضعف كبير ودموعه نزلت
نظر له سفيان بحزن واشار لزين اللي ساعده عشان يقوم وراح ناحيته وقعد قدامة علي الارض وحضنه جامد
سفيان ــ من امتي وانت ضعيف كده ي معتصم انت وزين دا انا بستقوي بيكم
معتصم وهو بيحضنه جامد ــــ وحشتني اوي ي سفيان انت مصدر قوتنا ليه كده هونا عليك للدرجه دي
شدد سفيان علي احتضانه ونزل زين وحضنهم والتلاته حضنو بعض بحب اخوي كبير
كانت سلسبيل بتتفرج عليهم ودموعها نازله علي حبهم لبعض
قام معتصم وسند سفيان هو وزين ورجعوه علي السرير
وقعدو يتكلمو شويه ويقولوه كل حاجه عن السبع شهور اللي عدت كان سفيان بيبص ل سلسبيل بصدمه
زين ب ابتسامة ــ كل الفضل يرجع ل سلسبيل هيا الوحيده اللي مستسلمتش وكانت متأكده انك هترجعلها تاني
سفيان بعشق وهو بيبصلها ــــــ هو انا بعشقها من شويه
خفضت سلسبيل نظرها بحرج كبير من اعترافه لها امام زين ومعتصم وابتسمت بسعاده لوجوده معها
زين ـــ انا هروح ابلغ الكل بسرعه
سلسبيل بسرعه ـــــ لا ي زين اوعي
نظرو لها ب استغراب
معتصم ب استغراب ـــ في اي يا سلسبيل
سلسبيل بهدوء ـ محدش هيعرف انو سفيان فاق دلوقتي
زين ب استفهام ـــ لية
سلسبيل ـــــ انت ناسي انو احنا لسا مش عارفين مين عمل كده والاكيد لو شم خبر انو سفيان فاق هيحاول يأذيه تاني وانا مش هسمح بكده الجاسوس قال انو العمليه هتم بعد اسبوع ولحد كده سفيان مش هيظهر
سفيان ـــ انا مش ضعيف عشان استخبي من شويه كلا*ب زي دول
اقتربت منه سلسبيل وقالت ــــ انا عارفه انك مش ضعيف بس انت حالتك الصحيه مش كويسه ف انت لازم ترتاح انت كنت في غيبوبه سبع شهور
سفيان بحنق ــ انا مش هسيبك لوحدك
سلسبيل ب ابتسامة ــ ومين قالك اني لوحدي انا معايا زين ومعتصم ومعايا قوات كتيره ولازم ادفع التمن للشخص اللي خلاك تبعد عني
سفيان ـ بس
سلسبيل بمقاطعه ـــ من غير بس شكلك عاوز تشوف الشخصيه التانيه
زين ب ابتسامه ـــ سلسبيل معاها حق ي سفيان وانصحك برضو انك متشوفش الشخصيه التانيه هتنصدم
معتصم بضحك ـــ اه والله هتنصدم اووي هههه
سفيان بخوف مصتنع ــ لا لا سكت اهو خلاص وفي نفسه ( دا انتي بتحلمي شكلك متعرفيش مين هو سفيان المنشاوي كويس انا هوريهم الجحيم واحد واحد علي كل دمعه نزلت منك ومش هسيبك لوحدك برضو انا هفضل معاكي وفي ضهرك دايما ومستحيل اسيبك تاني )
زين وهو قايم ـــــ احنا حنمشي بقا مفيش حد في الشركه خالص
اوما سفيان ومشي زين ومعتصم
نظر سفيان إلي سلسبيل اللي كانت بتبص عليه بحب وابتسامه
سفيان بحنان ــــ تعالي ي حبيبتي نامي جنبي هنا وشاور جنبه
اقتربت منه سلسبيل ونامت جنبه ودفنت وشها في صدره تشم رائحته
مسد سفيان علي رأسها بحب وكانها طفلته الصغيره وهو ابوها وقال ـ نامي يقلبي يلا
وقعد يمسح علي شعرها بحنان حتي غفت بين احضانه وهيا حاسه بالامان
꧁꧁꧁꧁꧁꧂꧂꧂꧂꧂꧂
كانت ندي ولينا قاعدين جات ماري عليهم
ماري ــــ هاي ي بنات
لينا بقرف ــــ اهلا
ندي ب ابتسامة ــ اهلا يحبيبتي اقعدي
ماري بقله زوق ـ لا لا انا طالعه علي اوضتي بعد اذنك اعمليلي كوباية قهوه عشان مصدعه وهاتيها فوق
لينا بغضب ـــ ليه هيا كانت الخدامة اللي جابتها امك ولا اي متطلبي من الخدم وبعدين اي الطريقه دي
ماري ـ وانتي مالك اتعصبتي كده ليه هو انتي شايفاني طلبت منها تمسح جزمتي
لينا بغضب وهيا بتتجه ناحيتها ـ لا انتي محتاجه تتربي فعلا
مسكتها ندي بسرعه وقالت ــ اهدي ي لينا محصلش حاجه لده كله وبعدين بصت ل ماري وقالت ـ عنيا ي حبيبتي هعملك احلي كوبايه قهوه
ابتسمت ماري بغرور ومشت
لينا بغضب ـــ انتي مش خدامه هنا عشان تسمعي كلامها انتي هنا مرات زين وهانم هنا في البيت واختي قبل كل حاجه
حضنتها ندي بحب ــ اهدي ي لينو عادي مش مشكله هعملها قهوه واجي بسرعه واجي
لينا بوعيد ـ لا استني انا هعملها القهوه
ندي برفع حاجب ـــ انتي
اومات لينا بخبث
ندي بقلق ــ لا انا مش مرتاحالك
لينا ببراءه مصطنعه ـــ اخس عليكي ي ندوش دا انا لينو هعملها احلي كوبايه قهوه واجي بسرعه ومشت من قدامها بسرعه
ندي بضحك ـــ ربنا يسترها
꧁꧁꧁꧁꧁꧂꧂꧂꧂꧂
في المطبخ
لينا بوعيد وخبث ـــــ وماله احلي كوباية قهوه وعملت القهوه وفي الاخر حطت ملين (😂😂)
لينا بقرف وخبث ـــ بالهنا والشفا ي ماري
ونادت علي الخادمه
الخادمه ـ امرك ي ست هانم
لينا ب ابتسامه ـ معلش خودي القهوه دي ل ماري
اومأ الخادمه وخدت القهوه وطلعتها لماري
ولينا طلعت لندي وقهدت تضحك معاها وتهزر وكأنها معملتش حاجه
꧁꧁꧁꧁꧁꧂꧂꧂꧂꧂
عند ماري فوق
شربت القهوه وبعد شويه حست بمغص جامد في بطنها جرت بسرعه علي الحمام
طلعت وهيا حاطه ايديها علي بطنها وبتأن بألم كبير وفجاه جريت علي الحمام تاني
وبقت علي الحال ده كذا مره
ماري بألم كبير و بصوت عالي ـــــــــ ااااااااه
كانت لينا تحت وسمعت صوتها وابتسمت وقالت في نفسها ـ احسن هو انتي لسا شوفتي حاجه ي ملزقه انتي وبعدين قامت بسرعه وحطت ايديها علي صدرها وقالت بقلق مصنع ــــ يخبر مش ده صوت ماري يبت يا ندي
ندي بقلق ــ ايوه صوتها تعالي نطلع ليها بسرعه وجريت ندي علي اوضه ماري ولينا جايه وراها بتغني وبترقص
دخلت ندي بسرعه ووراها الكل
ندي بقلق ـ ماري مالك يحبيبتي
ماري بألم ـــ ااه بطني بتوجعني اووي
بصت ندي ل لينا اللي عملت نفسها من بنها ( 😂😂)
وفيقه زقت ندي ولينا بصت ليها بغيظ وعضت شفايفها بغضب وقعدت جنب ماري ـــ متخافيش ي حبيبتي حنتصل علي الدكتور وهيجي .
خالد ــ انا اتصلت عليه وجاي اهو
شويه والدكتور جه وكانت لينا جايه وراه وعلي وشها ابتسامه واسعه
بعد م الدكتور كشف عليها
الدكتور ــ احم هيا شكلها كلت حاجه منتهيه الصالحيه انا كتبتلها علي دوا هتاخده وهتبقا كويسه متقلقوش
كتب ليهم دوا وبعدين مشي
مجدي ـ يلا كله يطلع عشان ترتاح شويه
خرج الجميع
في اوضه لينا دخلت وهيا بتضحك جامد
دخلت ندي ومسكتها من دراعها وقالت انتي اللي عملتي كده صح
لينا بشهقه مصطنعه ـ هييه معقول بشكي فيا انتي مش شايفه الدكتور قال اي
رفعت ندي حاجبها نظرت لها لينا وبعدين انفجرت من الضحك وندي كمان ضحكت جامد
꧁꧁꧁꧁꧁꧂꧂꧂꧂꧂
ونقول بعد مرور اسبوع
سلسبيل ــ الو ايوه ي زين
زين بهدوء ـ احنا هنتحرك دلوقتي انتي جاهزه
اومأت سلسبيل وقالت ـــ انا جاهزه
زين ـ سفيان فين
سلسبيل ـــ نايم
زين ـــ طيب يلا انا مستنيكي قدام البيت اهو
( معلومه سلسبيل نقلت سفيان ل بيت تاني
ومحدش بيزور سفيان عشان سلسبيل قالت للكل انها نقلت سفيان مكان تاني للامان )
قفلو وسلسبيل بصت علي سفيان وهو نايم وراحت باسته من جبينه وقالت ـــ مش هرتاح غير لما اندمهم علي اللي عملوه وخصوصا *********
وطلعت ل زين وركبت العربيه
كان زين لابس بنطلون اسود جينز وعليه حزام اسود وعليه تيشرت ابيض يبرز عضلاته ولابس نضاره سوداء وكوتش ابيض
سلسبيل كانت لابسه بنطلون اسود وعليه حزام بني وعليه تيشرت بنص كم اسود وعامله شعرها ديل حصان ولابسه كوتش ابيض
زين بهدوء ـ سلسبيل لو انتي مش عاوزه تروحي او خايفه
سلسبيل بمقاطعه وبشر ـ انا مستنيه اليوم ده بقالي سبع شهور وانا اللي هاخد حقي وحق سفيان كل حاجه هتنكشف انهارده معتصم فين
زين بهدوء ـ معتصم بيأمن المكان
اومات سلسبيل وقالت ـ طيب يلا اتوكلنا علي الله
انطلق زين بالعربيه
وبعد ساعتين وصلو للمكان المحدد نزلو
معتصم ـ يلا بسرعه زمانهم علي وصول وكل واحد راح وقف مكانه وزين مع سلسبيل عشان يحميها
بعد شويه جات عربيتين ووراها عربيات كتيره ونزل منها شخصين
زين بصدمة ـ عمتي وفيقه
سلسبيل بسخريه ـ اتقل لسا التقيل جاي
وفيقه ب ابتسامه ــــــ اهلا بيك ي علي باشا
الباشا بخبث ـــ اهلا وفيقه هانم يتري الفلوس جاهزه
وفيقه بتأكيد ـــ اكيد طبعا فين البضاعه
اشار الباشا للحارس اللي حط قدامها شنطتين اشارت وفيقة للحارس اللي فتح الشنطه وكانت فيها مخدرات واسلحه وهيروين ( صراحه مش عارفه اسمه بس تقريبا كده 😅)
علي الباشا ــ سفيان باشا عامل اي
وفيقة ـ اهو متلقح لسا في غيبوبه وان شاء الله مش هيفوق منها
الباشا ـ وانتي متاكده كده ليه
وفيقه بخبث ــــ سفيان مكنش في غيبوبه ههههه انا اللي كنت بخليه نايم علطول بسبب دوا كنت بحطه ليه علطول ههههه
برق زين ومعتصم بصدمه كبيره وسلسبيل كانت بتبص ليها بغضب كبير
الباشا ــــــ ههههههه انا مش قادر اصدق انك عملتي ده كله
وفيقه ــــ لا صدق انا كان قصدي مراته بس هو عمل فيها المضحي وخاد الطلقه بدالها
الباشا ـ الصراحه كانت خطه محكمه مفيش حد كان هيتوقع انك انتي يلي السبب في ده كله
وفيقه ـ ولسا انا هفضل وراهم واحد واحد لحد مصفيهم وانا اكون المالكة لكل ثروه المنشاوي سفيان انا لازم اخلص عليه الاول وبعدين مراته
سلسبيل مقدرتش تستحمل وهجمت عليهم وهيا بتضرب نار بعشوائيه بغضب كبير
وزين ومعتصم والقوه هجمو عليهم وبدو يضربو نار كانت سلسبيل مركزه علي وفيقه والباشا وبتضرب نار باحترافيه وغيظ وكان غضب العالم كله اتجمع في عينيها وهيا بتفتكر سفيان وهو نايم والكل كان فاقد الامل انو يفوق وكان شبه مين وزين ومعتصم بيحموها تم القبض علي كله ماعدا وفيقه اللي هربت وسلسبيل بتجري وراها
وقفت وفيقه فجاه وهيا بتبص قدامها برعب كان قدامها الوادي
سلسبيل ــــ خلصت لعبتك خلاص
وفيقة بشر ـــ لا مخلصتش لعبتي هتخلص بموتك ي سلسبيل
سلسبيل بغضب ــ انتي اي شيطان
وفيقه بصراخ ــــــ ايوووه انا اللي عملت كل ده انا السبب في كل حاجه بتحصل في البيت تعرفي انا اللي موت رؤوف ( جوزها ) عشان كان خايب كل اللي همه عيلته بس كان زي الاهبل بيسمع كلام الكل واحمد وخالد بياخدو كل حاجه كان مجدي بيه دايما بيفضل احمد وخالد وعيالهم واحنا كنا مركونين علي الرف سفيان كان لازم يكون لبنتي وانتي جيتي بكل بساطه وخدتيه حاولت اقتلك بس هو عمل فيها المضحي وخاد الطلقه بدالك لييه عشاان بيحبك فضلت احطله دوا سبع شهور عشان يفضل في غيبوبه والكل يفكر انو مات وكنت بعمل كل ده وانا عارفه انو مستحيل حد يشك فيا
رفعت سلسبيل المسدس في وشها وقالت بصراخ ـــ اخرسييي انتي اللي زيك لازم يموت وانا هخلص العالم من شرك
وفيقه بشر ـــ مش لوحدي ي سلسبيل وجابت مسدس من ورا ضهرها وفجاه دوي صوت طلقه في المكان
بدل ماتدور وتبحث علي الروايات خليها علي تليفونك وحمل تطبيقنا
