رواية همسة وجع الجزء الثاني الفصل الثالث عشر بقلم اسماء العذب
13
#همسه_وجع
#الجزء_الثاني
يَا مَنْ تُحبُّونَ الرسولَ محمدًا
صلُّوا على خيرِ الأنامِ وسلِّموا"ﷺ🕊️
♡_______________♡
عصام فاق من شروده بهمسه وافتكر كل اللي حصل طول السنين اللي فاتت وأنه حاول يوصلها لكن مفيش فايده
ولولا انه بات ليلتها في الحجز كان ممكن يلاقيها لانه حافظها اكتر من نفسه
كان ماسك صوره لهمسه وهو بيتامل ملامحها او بمعني اصح بياكل ملامحها بعنيه
عصام لنفسه وهو باصص للصوره: مش مهم المهم انها رجعت خلاص
وهعمل كل اللي يتعمل عشان تبقي ليا
محدش يستاهل همسه غيري انا بس اللي حبيتها واللي بحبها التانيين محبوهاش زيي
انا وبس اللي حبيتك يا همسه
ومع كده روحتي لهشام اللي في أول مطب باعك وراح اتجوز واحده غنيه وعيلتها معروفه وبنت ذوات ...هههه بس شوف حكمه ربنا طلقته وخلصت منه لانه انسان ميتعشرش...كائن طفيلي بيتغذي علي عذاب وحزن غيره
انتي عارفه اني فضلت مصاحبه طول السنين دي كلها عشان عراف انك هترجعي
اه والله كنت عرف ومتأكد كمان ....وكنت عراف انك اول ما هترجعي هترجعي لهشام ...عشان كده فضلت لازق فيه وبتعامل معاه عادي وانا النار بتاكل فية من جوه وانا شايفه عايش حياته واتجوز وخلف ...لكن اللي كان مسكتني اني شايفه مش مبسوط
هههههه مراته مريضه نفسيه ...وعياله كل ما عيل يتولد يموت منه قبل ما يملي عينه منه
ده اكيد حقي وحقك ربنا بيخلصه منه
عرفه هرتاح امتي كمان
يوم ما عيالك انتي وهو يموتو عشان نرتاح من اي حاجه بتربطك انتي وهو ببعض
عارفه انا كان ممكن اقتلهم بنفسي ...لكن ...لكن خفت تزعلي ما هم برضو عيالك ....بس ما دام انيو عيزاهم وبتحبيهم رغم انهم ولاده يبقي انا معنديش مانع...واستحمل عشان خاطر عيونك
بكره اتجوز انا وانتي ونخلف عيال احلي منهم ويكونوا مني ومنك ...بس ساعتها هكون خلصت من طفح المجاري اللي اسمه هشام...ومن الطاووس التاني اللي اسمه مشعل ...وساعتها ...ساعتها نقدر نكون انا وانتي مع بعض ولوحدنا
طب عارفه انا اشتريت بيت بعيد عن هنا بعيد عن الناس والدوشه و الزحمه دي كلها ...وعملت ليه جنينه حلوه وكبيره عشان عارف انك بتحبي اللون الأخضر والخضره والمناظر الطبيعيه
بس تعالي انتي وكبه هيبقي كويس ...تعالي بقي يا همسه
عصام نام وهو حاضن صورتها ولسه بيخترف بالكلام ده
ومن الواضح تماما ان حبه لهمسه كان سبب جنونه
وخروجه عن سيطرته
♡_______________♡
مازن بعد ما وتكه خلصت السبق بتاعها اخدها وراحوا عند صايغ
وهناك خلاها تشتري هديه غاليه بفلوس المكسب بتاع سبق النهارده
مازن :يلا اختاري اللي انتي عوزاه
وتكه عيونها عدت روحه وجيه علي أشكال الدهب المختلفه
لكن لفت نظرها سلسال فيه تعليقه علي شكل قلب ومحفور عليه رسمه لعصفور واقف علي فرع شجره
مع أن الرسمه كانت صغيره لكنها كانت دقيقه ومتقنه وبتحكي حكايات بالنسبه لوتكه
قربت منها ومسكها ولاقي انها ممكن تتفتح ويتحط فيها صور من جوة
وتكه لمازن:انا اخترت دي عوزاها حاسها اتعملت عشاني
مازن بغمزه: من عيوني يا عيوني
ومعداش دقايق وكانت السلسله بتزين رقبه وتكه
وتكه لمازن:هنروح فين دلوقتي
مازن بخبث :هنروح نجيب عشا دسم وتقيل عشان اللي هيحصل كمان شويه
وتكه :طب يلا بقي احسن انا هموت واوريك حاجه بعينها ...نفسي اوي تشوفها
مازن بأستغراب:حاجه ايه دي
وتكه :لما نروح هتعرف
بعد شويه دخلوا الاتنين شقه وتكه اللي عايشه فيها لوحدها
مازن بأستغراب: بس انا لما جيت المره فاتت لما زوجتك كان البيت مش هو ده ولا ده العنوان
وتكه بمكر:لا اصلك في الوقت ده كنت لسه جديد ...والبيت التاني ده لزوم التمويه ...إنما ده الحقيقي
مازن ببسمه مش بريئه: بيعجبني فيكي ذكائك
وتكه بدلع وهي بتهز كتافها: ذكائي بس
مازن بنظرات قذره ليها وجسمها:لا طبعا وبتعجبني فيكي حاجات تانيه
وتكه بدلع وهي بترمش بسرعه :زي ايه
مازن وهو بيقرب منها ويلمس وشها بأيديه:زي عيونك اللي دبحو.ني اول يوم شوفتك فيه
وزي شفايفك اللي زي كريز مهما اكل منهم مشبعش
ولا شعرك اللي ريحته تجنن وتسحر
بعدها نزل بعيونه علي جسمها واتكلم وأيده بتمرر عليه بنعومه:ولا جسمك اللي زي الملبن ...واللي نفسي ادوقه واخد قطمه منه ومن حلاوته
وتكه بضحكه رقيعه:هيهيهيهيهي طب تعالي بس كل شويه السمك والجمبري دول وانا هعمل حاجه هتحبها
بعدها زقته بأيدها وخلته يقعد وخرجت الاكل وحطته قدامه
وبقت تأكله بايديها ولما اتاكده انه بياكل قامت هي وراحت ناحيه كاست وشغلت عليه اغاني بتطلب رقص متحرف
وابتدت ترقص علي انغامها بدلع وميوعه وكأنها رقاصه في كباريه
اما مازن المره دي تنح بجد
وهو بيتفرج عليها بترقص بالطريقه دي والاكل وقف في حلقه ومبقاش عارف يبلع ريقه منها ومن دلعها الزايد واللي لو زودته اكتر ممكن يقع معاها في الغلط
وتكه وهي بترقص وبنظرات مغريه:ايه رقصي عجبك
مازن بلع ريقه بصعوبه وصوته خرج مبحوح من اللي شايفه:ده يعجب الباشا يا باشا
وتكه وهي بتقرب منه:طب ما تقوم ترقص معايا
♡_______________♡
عمر قفل من مازن بعد ما اتأكد انه عمل أو هيعمل مصيبه من غيره
اتنهد بيأس منه ومن طيشه وهو بيدعي انه يكون كويس وميعملش حاجه يندم عليها أو تضره بعدين
سمع صوت خبط علي الباب
:اتفضل
دخلت همسه وهي شايله عصير مانجو فريش ...عيونها كانت بتمر علي وشه بقلق وحنان في نفس الوقت
ووشه لسه باين عليه أثر التعب والإجهاد
وفي نفس ذات الوقت عمر كان بيبص عليها نفس نظرتها ليه وهو بيتأملها وهي شايله كوبايه العصير في ايد والايد التانيه ماسكه بيها عكازها اللي بتتسند عليه
عمر بصوت حاول يبان طبيعي:تعبتي نفسك ليه يا همسه ...ماما كانت جابته
همسه قعدت جنبه علي طرف السرير وحطت الكبايه علي الكومود وردت عليه بحنان نطقته عيونها
همسه:ولا تعب ولا حاجه ...وبعدين هو انا لو متعبتش لعمر هتعب لمين
عمر ببسمه بسيطه: يااااه يا همسه ....تعرفي انك قبل ما تنسي كل حاجه وقبل ما تختفي ...كنتي كل ما تعملي ليا حاجه عصير ولا تكوي قميص ولا حاجه اقولك تعبتك تقوليلي نفس الكلمه دي ...لو متعبتش لعمر هتتعب لمين يعني
وهمسه لامها اصلا فاكره كل ده هزت راسها بشرود وهي بتفتكر معاه الذكريات دي
قبل قسوه الحياه وغدر الايام ما يفرقهم عن بعض
عمر كمل بحنين: كنتي بتتعاملي معايا وكانك امي ومراتي في نفس الوقت واخده بالك من اكلي وشربي ولبسي ومواعيد كليتي وحتي في الثانوية العامة كنتي تذاكري معايا الحاجه اللي مش فاهما ماهو انتي كنتي الدكتوره همسه بقي
همسه ببسمه وجع ودموع علي وشك النزول:ياريت الايام ترجع يا عمر ...كنت غيرت حاجات كتير ...ويمكن كان الحاضر اللي احنا فيه بقي احسن ...بس الاماني مستحيله
بعدها قربت منه اكتر واتكلمت بتردد
همسه:عمر هو انا ينفع احضنك
عمر بصلها بذهول واستغراب لأنها من فتره قريبه كامت بتتعامل معاه بحدود
وهو كان مديها عذرها لأنها مش فكراه ولا فاكره حاجه من ذكرياتهم مع بعض ولا صله القرابه اللي تجمعهم
ومع كده اتكلم بلهفه:طبعا ..ده انا بتمني ده من زمان اوي اوي ...ده احنا حتي لما لاقيناكي بعد سنين معرفتش اخدك في حضني بسبب اللي كان حاصلك
قربي تعالي ...تعالي يا همسه...يا بنتي الاولي
همسه جسمها قشعر من كميه المشاعر اللي سكنتها فس اللحظه دي وهي بتسمع دلعها من عمر اللي كان معتبرها بنته الاولي ودايما كان بيقول عنها كده
رغم ان هي أكبر منه قربت منه اكتر وحطت رأسها علي كتفه وايديها حاوطت وسطه
همسه براحه: كان نفسي احس بالراحه دي من زمان ...من زمان اوي يا عمر
عمر :وطول ما انى معاكي راحتك هتكون هي شغلي الشاغل يا عيون عمر
همسه بنعاس: ياريت ننحرم من حضنك ده ابدا ...لكن احنا اتكتب علينا الفراق ...سامحوني
همسه محستش بنفسها وهي بتقول الكلام ده وبتنام في حضن عمر من غير ما تحس
وعمر حواسه انتبهت لكلامها وعقله
دقت فيه نواقيس الخطر للي جاي
♡_______________♡
في نفس الليله
عمر وسمر اتفقوا انهم يتقابلو
هشان يقولها هو ليه بيعمل كده
باااااااااااااااااااااس
بدل ماتدور وتبحث علي الروايات خليها علي تليفونك وحمل تطبيقنا
