رواية همسة وجع الجزء الثاني الفصل الحادي عشر بقلم اسماء العذب
11
#همسه_وجع
#الجزء_الثاني
يَا مَنْ تُحبُّونَ الرسولَ محمدًا
صلُّوا على خيرِ الأنامِ وسلِّموا"ﷺ🕊️
♡_______________♡
عصام
كان قاعد في بيته سرحان في اللي بيحصل واللي بيعمله
والخطط اللي بيعملها مع ولاء
وهمسه
همسه حبيبه الروح....اول دقه قلب كانت ليها
اول مشاعر حب كانت ليها
اول نظره عشق كانت ليها
اول امنيه كانت هي
اول حاجه في كل حاجه حلوه
بعدها افتكر هشام وملامح وشه انقلبت ١٨٠ درجه
هو السبب هو اللي اخد حبيبته منه وحرمه من طلتك عليه
كان المفروض يكون هو مكانه ويخطبها ويكتب كتابه عليها ويتجوزها
لكن هشام هو اللي عمل كده
مع أن عصام هو اللي شاف همسه الاول .. واعجب بيها الاول ....وحبها الاول
وده حصل ايام ما كنت في الثانوية العامه
وفي اليوم اللي كان هيعترف فيه لهشام علي حبه لهمسه اكتشف ان هشام كمان حط عينه عليها لانهم من نفس المنطقه ....وقرر انها هي اللي لازم تكون مراته اللي هتشيل اسمه وتبقي ام لعياله بعدين لأنها اأدب بنت عرفها واخلاقها عاليه
كان ممكن عصام يحارب هشام والعالم كله عشان ياخد همسه منه ...لكن اللي خلاه يتراجع ان همسه هي التانيه كانت حبت هشام ...ووقعت في غرامه لحد ما غرقت فيه
عند الفكره وعصام حس ان د/مه بيغلي وحقده كرهه لهشام بيزيد اكتر واكتر
لكن هانت ...هانت
همسه بقت تكره هشام اكتر من نفسها وحتي اساسا مبقتش فاكره هشام ده مين اصلا
عصام بوعيد:هدمرك يا هشام ....هدمرك وهاخدها من حباب عينيك...والايام تثبت
بعدها رجع تاني لوضعه ونام علي السرير وهو حاطط ايده تحت راسه وبيفتكر ازاي ساعد همسه انها تهرب من البلد كلها عشان تبعد لحد ما يعرف ازاي يرج
فلاش باك
من اكتر من خمس سنين
عصام كان قاعد في بيته بعد ما خلص شغله وبيتعشي
بعد ماا خلص اكل قعد علي التلفزيون شويه لحد ما رن عليه هشام
عصام بتأفف فتح المكالمه: الو يا هشام
هشام بلهفه وقلق:الحقني يا عصام
عصام بريبه:خير يا هشام ايه حصل
هشام بقلق كبير:رحت النهارده عشان انهي كل حاجه بيني انا وهمسه
عصام بفرحه بانت في صوته: الحمد لله .....طب ايه المشكله
هشام بضياع: همسه مرجعتش البيت ومختفيه من اول اليوم
عصام نط من مكانه كان تعبان عضه
عصام بخوف وصوت عالي :انت بتقول ايه هتكون راحت فين يعني
هشام من قلقه محدش باله من طريقه صاحبه معاه
هشام:انا خارج ادور عليها...اخرج انا كمان يا عصام دور عليها معايا وكل ما بقينا اكتر بقي احسن...حتي مازن وعمر كمان بيدوروا
عصام بجمود غريب:هخرج وادور طبعا يا هشام متقلقيش
اول ما هشام قفل المكالمه وعصام اتفتحت منه مكسوره شتايم كبيره لهشام ولنفسه ولكل اللي كان لسه سبحان همسه يحصل فيها كده
بعدها خرج زي الإعصار يدور عليها زي المجنون
وكله امل انه يلاقيها وانها تكون بخير
عند همسه كانت ماشيه ضايعه مش عرفه تروح فين ولا تعمل ايه
لحد ما سمعت صوت في راسها بيقولها:وانتي هتعملي ايه دلوقتي
وصوت تاني جوه همسه يرد عليه:مش عارفه ..مش عارفه...قول انت اعمل ايه
الصوت: وهي دي محتاجه سؤال...روحي واخلصي من نفسك ومن العار اللي هتجبيه لأهلك
:يعني اعمل ايه...اموت نفسي؟؟؟؟
الصوت: ايوه روحي بسرعه موتي نفسك وهس هتبان علي انها حادثه روحي ...روحي ...روحي ...روحي
وهمسه مشت ورا الصوت زي المغيبه..لحد ما وصلت للكورنيش وبصت علي المايه قدامها واللي كانت بتملع من ضوء القمر عليها
الصوت :يلا بسرعه هو ومحدش واخد باله روحي نطي بسرعه ...وانتي كده كده مش بتعرفي تعومي هتموتي بسرعه ومن غير وجع ...وبكده هترتاحي وتريحي اهلك
همسه صح انت عندك حق
بعدها سابت الشنطه اللي فيها الفلوس والدهب والورق وركبت علي سور الكورنيش وفي لحظه تهور وضياع كانت هترمس نفسها
لكن محستش بنفسها غير وحد بيدها وهو بيصرخ بأسمها بلوعه شديده وخوف
اول ما شدها نزلت في حضنه
رفعت رأسها عشان تشوف مين اللي رحمها من مصيرها الاسود لاقت انه سبب المصير ده نفسه
عصام
♡_______________♡
إيمي كانت قاعده في جنينه الفيلا مع صحبتها زيزي
واللي تعتبر أقرب صاحبه ليها
زيزي وهي بتحاول تقنعها: يا بنتي احنا هنا مش في أوروبا عشان تعملي اللي بتقولي عليه ده
بصراحه طنط ناهد عندها حق في اللي هي بتقوله
إيمي بضيق:زيزي لو سمحتي انا حكيتلك عشان تقولي رأيك مش تغلطيني
زيزي: يا إيمي انتي عارفه انا بحبك قد ايه...وأكيد بقول كده لمصلحتك
إيمي بنرفزه:وهي ايه مصلحتي دي بالضبط
زيزي بعقل :انتي ما دام عاوزه تبقي ام ليه ما تلجأي الطريقه الطبيعيه....اتجوزي وخلفي وكوني اسره طبيعيه وعيشي حياتك
إيمي بسخريه ومرار بان في كلامها:وافرض عملت كده ايه يضمنلي انه ميكونش زي هشام الزفت...ايه يضمنلي انه يديني الحب والاهتمام والرعاية اللي بدور عليهم ...ايه اللي يضمن انه مش متجوزني عشان فلوسي واني إيمي هانم اللي بعد عمرا طويل هتورث ملايين كتير وأراضي وعقارات تعيش اللي هرتبط بيه ده ملك ....انسي يا زيزي
انسي انا خلاص اخدت نصيبي ورضيت وبحاول اتخطي اللي حصل معايا
واخدت قراري
انا هعمل العمليه وأخلف وبعدها هسافر اي حته لحد ما اولد ولو اضطريت هستقر هناك كمان
واربي ابني او بنتي ....
سكتت شويه بعدها قالت بطريقه غريبه بانت مش طبيعيه قدام زيزي
:أو ممكن ابني وبنتي ...انا بفكر احمل في تؤم عشان ارتاح ويبقي معايا بدل الطفل اتنين
زيزي سكتت وهي شايفه إصرار صاحبتها الغريب واللي شكلها خلاص نوت ومفيش حاجه هتوقفها
عن اللي هي ناويه عليه
لدرجه أنها رسمت حياتها الجايه وخططت لكل اللي لازم تعمله
زيزي بصوت واطي ربنا يوفقك يا حبيبتي...بس فكري في كلامي تاني...لسه الفرصه قدامك ...وانتي فعلا ممكن تعملي العمليه وتخلفي لكن ساعتها هتكوني متجوزه والدكتور هياخد العينه من جوزك بدل ما يا خدها من حد غريب ...وبعدها لو ما ارتحتيش ممكن تتطلقي...وتكوني عملتي اللي نفسك فيه
وعيالك لما يكبروا هيكون معروف ابوهم مين
لو سألوكي عليه تقدري ساعتها تجاوبي
لكن لو خلفتي من غير جواز ...عيالك لما يكبروا لو سألو مين ابوهم هتردي وتقولي ايه ...هتقولي معرفش ...ولا هتقولي انك خلفتيهم من غير جواز ومتعرفيش ليهم اب....عارفه ساعتها تفكيرهم ممكن يروح لايه
إن الطفل منهم لقيط ...وانك متزعليش مني انانيه ومفكرتيش غير غي نفسك ...ده حتي ممكن يفكروا انهم ولاد حرام انتي متخيله حاجه زي دي ممكن تأثر عليهم ازاي
راجعي نفسك الاول يا إيمي وفكري كويس عشان متندميش في الآخر
عن إذنك انا اتأخرت ولازم امشي
بعدها انسحبت من المكان بهدؤ
وسابت إيمي في ملكوت تاني بعد كلامها ده
فعلا هي غفلت عن الجزء ده
عيالها لو كبروا وسألوا عن ابوهم هتقول ايه ولا هتبرر بأيه
وممكن زي ما زيزي قالت يحصلهم مشاكل نفسيه كبيره بسبب كده
إيمي حطت ايديها علي رأسها بتعب
إيمي: يارب بقي انا تعبت اعمل ايه ...اهديني للصح يارب
ومن بعيد كانت زيزي وناهد بيراقبوها وناهد مبتسمه بأنتصار علي خطتها هي وزيزي
واللي الظاهر هتخلي إيمي تعيد حساباتها من الاول
ناهد :تفتكري يا زيزي إيمي هتقتنع المره دي ولا هترفض
زيزي بثقه:متقلقيش يا طنط ...انا هفضل وراها لحد ما هي بنفسها تيجي تقولك جوزيني يا ماما ...دي صحبتي وانا عرفاها
ناهد بأمل :يارب ده يحصل . .يارب
♡_______________♡
الكل كان مستني المده اللي حددها الدكتور تخلص عشان يقدروا ياخدوا عمر ويروحوا
كانت عيلته كلها موجوده معاه في الاوضه
وعيله سمر بره بعد ما مشي معظمهم لما اطمنوا علي عمر ومتبقاش غير عماد واحمد عشان لو احتاجوا حد يسند عمر وسعيد معاهم
وفاء كانت وهي بتتأمل وش عمر بحب وحنان امومي
بعدها افتكرت اللي حصله وسألت نفسها ايه اللي ممكن يوصل ابنها للحاله دي
وسؤالها ترجمه لسانها لمة قالت
وفاء: ايه اللي كصلك يا عمر ووصلك للحاله دي...ايه اللي زعلك وخلا حالتك كده ..ولولا ستر وحفظ ربنا كان الله اعلم ايه اللي كان حصل
عمر بتعب وتهرب :مفيش ياماما.. شويه مشاكل في الشغل ...بس الظاهر اني مستحملتش اللي اتقال من المدير لانه هزأني
وفاء وعيونها بتطق نار وبصوت عالي زي الرعد:ومين هو المدير ده عشان يتكلم معاك بالطريقه دي ولا يمسك بكلمه حتي...ايه هو كان اشتراك ولا احنا مش عارفين.......المدير ده انا هروحله الشركه وهديه كلمتين حلوين اوي اوي من بتوعي...وبعدها هتندم استقالتك من هناك ...انا مش مستغنيه عنك عشان ناس معندهاش ضمير ولا د.م
عمر بتعب :يا ماما خو اكيد مهزأنيش لوحدي ده هزت كل اللي شغالين هناك
سعيد بغضب:لا ماهو باين بإمارة اللي حصلك ...اسمع يا عمر مامتك معاها حق مدير زي ده الشغل عنده مستحيل ....واللي شغالين عنده دول مش عبيد عشان يعاملهم المعامله دي ...واديك شوفة ايه الي حصلك
عمر بسخريه في نفسه:حقك عليا يا استاذ منصور جبتلكم الكلام وانت ملكش ذنب ...لكن مش هقدر اقول عىي الحقيقه سامحني بقي جبتلكم الكلام
بعدها اتكلم بصوت مسموع لكن رغم كده باين فيه التعب
عمر :بابا ممكن لو سمحت نأجل المواضيع دي كلها لحد ما اخرج وبعدها نتصرف ونشوف هنعمل ايه لاني بجد تعبان ومش حمل مناهده
وفاء بلهفه :تعبان ايه بيوجعك يا حبيبي قولي ..اطلبلك الدكتور يجي يشوفك
عمر: لا لا انا كويس مش محتاج دكتور انا بس لو ممكن الكل يخرج عشان عاوز انام وارتاح شويه
سعيد: حاضر ياحبيبي يلا بينا احنا نستني بره لحد ما الدكتور يجي يطمن عليك يا حبيبي ويقولنا تقدر تخرج إمتي
عمر هز راسه والكل انسحب من الاوضه
وهمسه راحت للحمام تغسل وشها
لكن تلفونها اتبعتت منه رساله من ولاء بتسالها علي مكانها لأنها جت المستشفى
همسه ردت عليها برساله هي التانيه بتقولها علي مكانها
♡_______________♡
ولاء دخلت علي همسه وهي وشها مخطوف وباين علي ملامحها الخوف والقلق الشديد
وهمسه عرفت كده من شكلها
عشان كده اخدتها وخرجت بره الاوضه
بعد ما استأذنت من الكل
همسه بقلق :فيه ايه يا ولاء شكلك ميطمنش...حصلت حاجه
ولاء بخوف وعدم استيعاب :غفلني وعملها يا همسه . .غفلني وعملها
همسه بعدم فهم:اهدي وقولي ايه حصل ومين ده اللي غفلك وعمل ايه
ولاء بعدم تركيز: كنت ...كنت انا وزفت الطين بنخطط قال يعني ايه نوقع هشام ....قمت بالصدفه عرفت انه بعت رساله لاخوكي عمر من فتره و...و
سكتت ومقدرتش تكمل
وده جنن همسه
همسه بخوف :بعت رساله لعمر وقاله فيها ايه يا ولاء ...قولي متخليش عقلي يصورلي حاجات مش كويسه
ولاء بمرار وسخريه:ياريتها علي قد تخيلات عقلك يا همسه ....ياريتها
همسه وهي حاسه ان قلبها وقع في رجليها: اومال ايه حصل قولي
ولاء بأندفاع وصوت عالي: قاله ان وعد ووليد مش ولاد مشعل يا همسه ....وقاله علي ابوهم الحقيقي...هشام اس المصايب ...يعني عمر اكيد عرف انتي سافرتي ليه وهربتي منهم ليه ..عشان كنتي حامل من هشام وهو مكنش معترف بالجنين في الوقت ده
بعدها بصتلها بأرتباك: هنعمل ايه
همسه بضياع :هو قال لعمر امتي ...امتي بعت الرساله
ولاء: مش عرفه من اكتر من شهرين
همسه وهي بتكلم نفسها بس بصوت مسموع: عشان كده عمر كان بيتجنب انه بيص ليا وعلاقته بيا حساها متغيره ...طان عارف انى عملت ايه ومش عرف يواجهني ازاي ...ههه وهيواجهني ازاي وانا المفروض مش فاكره حاجه ولا حتي اسمي
ولاء بحزن وقلق: انيت قصدك ان ممكن الجلطه اللي حصلت لعمر دي سببها زعله من الموضوع ده
همسه بوجع: ده اكيد مش ممكن يا ولاء...ده اكيد...انا اخويا كان هيضيع مني وكان لا قدر الله ممكن ننحرم منه العمر كله عشان ابن *** انى بكرهه بكرهه ...بكرهم كلهم كلهم كل الرجاله اللي زي كده بكرهم واتمني يموتوا والدنيا ترتاح من شرهم واذاهم...يتررب يموتوا يااااااااااارب
ولاء بدموع وحذر :وطي صوتك يا همسه ...لو حد سمع اللي احنا بنقوله ده هتخرب اكتر ماهي خربانه
همسه بتعب وهي حاسه انها مش قادره تقف علي رجليها :عوزاتي اعمل ايه انا..انا تعبت اقسم بالله تعبت وكل اللي عيزاه هو الراحه وبس ...الراحه وبس يا ولاء
سكتت شويه وولاء بتبص عليها بزعل ووجع لوجعها
بعدها قعدت في الارض علي جنب وبصت في نقطه في الفراغ وشها بقي جامد من غير ملامح معينه تدل علي حالتها
ولاء بخفوت: همسه انتي كويسه...همسه
همسه بصوت خالي من الحياه:عمر عارف انهم مش عيال مشعل ...يعني بقي عارف سبب هروبي ...لكنه رغم كده مقلش لحد لانه فاكر ان دماغي علي البلاطه...وانا هخليه على كده
ولاء بعدم فهم:يعني ايه
همسه بأصرار مخيف:يعني عمر مش هيعرف اني فاكره كل حاجه ولا هو ولا حد تاني ...ولما اخد حقي ساعتها هقول الحقيقه للكل وامشي انا وعيالي ومحدش هيعرف طريقي مره تانيه
ولاء: انتي بتق
همسه بمقاطعه وحسم:لو سمحتي يا ولاء انا خلاص قررت ...متحاولش تغيري رأيي
يلا عشان في حاجه مهمه لازم اعملها
بعدها مشت قدامها
ولاء من وراها وهي بتكلم نفسها:هتاخد حقك يا همسه ..اوعدك هتاخديه ....لكن هتفضل مع اهلك وتعيشي معاهم ...ومش هتروحي تاني منهم ...وكل اللي حلمتي بيه زمان هيتحقق صدقيني
♡_______________♡
بدل ماتدور وتبحث علي الروايات خليها علي تليفونك وحمل تطبيقنا
