 |
رواية امل حياتي الفصل العاشر 10 والاخير بقلم ندا
كانت امل قاعدة وهي مبتسمة وكانت لابسة فستان جميل وبتبص علي ايهم اللي قاعد جمبها وهو متوتر جدا
امل : في اي اهدي كدة
ايهم : اهدي ازاي انا متوتر جدا مش مصدق اني مستني المأذون عشان نتجوز
امل : لو فضلت كدة همشي واسيبك وابقي دور على واحده تانيه بقى تتجوزها
ايهم : تروحي فين ده انا رجلي على رجلك مش هتتحركي من مكانك هنا الا لما الماذون ييجي ويكتب كتابنا وتبقى على اسمي انا على ما صدقت ان اللحظه دي جات انا مش عارف ايه اللي اخره كده
امل : طب اهدى هو اكيد هييجي دلوقتي مش هيتاخر اكتر من كده
كلها دقايق ودخل الحارس ومعاه الماذون اول ما ايهم شافه راح له بسرعه وهو فرحان واخذه من من ايده وقعده ضحكت امل على حركاته اللي تبين قد ايه هو مستعجل وفرحان
ايهم : يلا اكتب ي مولانا
الماذون : اهدى ي ابني مش لسه في حاجات تتعمل وبيانات لازم ناخدها واعرف الوكيل وكده انت مستعجل ليه
ايهم : لا براحتك انا مش مستعجل ولا حاجه....اكتب يلا ي مولانا
الماذون : ي صبر ايوب ي ابني اهدى انا هكتب الكتاب هو انت شايفني بلعب انا بكتب اهو سيبني اكمل شغلي
ايهم : براحتك....يلا اكتب ي مولانا
بصله الماذون بغيظ ومتكلمش معاه دا كله وامل كانت كاتمه الضحكه ومش قادره خلاص عمرها ما شافت ايهم مستعجل على حاجه للدرجه دي عدي الوقت وكتب المأذون الكتاب وقال جملته الشهيرة
المأذون : بارك الله لكما وبارك عليكما وجمع بينكما في خير
ايهم : يعني كدة بقت مراتي رسمي صح وليا
المأذون : ايوة بقت علي اسمك
ايهم : تشكر ي مولانا
المأذون : يلا السلام عليكم انا همشي
خرج المأذون من القصر وهو بيتعجب علي ايهم وكان شايفه مجنون بسبب كلامه وحركاته
امل : ينفع كدة اهو خليت المأذون يفكرك مجنون
ايهم : المهم انتي شايفاني اي
امل : انت فعلا مجنون اعمل فيك اي بس
ايهم : حبيني انا يتيم علي فكرة
امل : وانا يتيمة
ايهم : عشان تعرفي ان في حاجات مشتركة ما بينا
امل ضحكت علي كلامه ومردتش وهو كان بيبصلها بحب سمعوا صوت عالي برة فجأة دخلت هيام وانصدمت امل لما شافتها اما ايهم فكان عارف انها هتيجي
ايهم : انتي بتعملي اي هنا
هيام : جاية اباركلك علي جوازك واللا اي ي عريس
ايهم : هيام مفيش داعي للمشاكل انا نهيت كل حاجه ما بينا وقولتلك ان مش هقدر اتجوزك وكل حاجه ما بينا انتهت
هيام : بالسهوله دي كل حاجه ما بينا انتهت انت نسيت وعودك كلها نسيت قد ايه انت وعدتني انك مش هتسيبني وهتفضل جنبي وهتتجوزني وفجاه الاقيك بتقولي انك هتتجوز بنت عمك وهتسيبني وكل حاجه ما بينا انتهت افهم من ده كله ايه
ايهم : زي ما انا قولتلك تفهمي ان كل حاجه انتهت
هيام : طب انت ازاي جالك قلب تعمل فيا كده ازاي تخوني وازاي تبعدني عنك كده وتكسر قلبي
ايهم : اظن مش انا السبب
هيام : اومال مين السبب فهمني مين السبب في اللي بيحصل ده كله كنا احنا الاثنين اكتر اتنين بنحب بعض وفجاه تسيبني ده كله عشانها مش دي اللي على اساس انت مبتحبهاش ايه اللي حصل مش دي اللي انت فضلتني عليها ومكنتش عاوز تتجوزها ايه اللي حصل دلوقتي وخلاك تحبها قوي كده
كان الكلام ده امل بتسمعه منها وحاسه بكسره في قلبها لان ايهم مكنش بيحبها وقال لها الكلام ده حتى لو دلوقتي بقت مراته وهو بيحبها بس الكلام اللي كان قاله عنها لسه موجود
ايهم : هيام قولتلك مفيش داعي للكلام ده ولو على السبب فاظن انتي عارفاه انك انتي تتفقي مع اسلام عدوي عليا من حقي اني اسيبك ولا لا
هيام بتوتر : اسلام مين انا ما اعرفوش
ايهم : بلاش تمثيل دلوقتي انا عرفت كل حاجه وكنت متابع كل حاجه بتعملوها من زمان وعارف كل حاجه بس سايبكم بمزاجي
هيام : يعني ايه
ايهم : انا كنت بمثل عليكوا طول الوقت ان انا هتجوزك وبحبك عشان اقدر اوصل للاوراق اللي تثبت كل مصايبكم ودلوقتي بقت في ايدي واقدر اسجنكم في اي وقت انا عاوزه
هيام : متقدرش تعمل كده اسلام مش هيسمح لك
ايهم : اسلام مبقاش موجود يا حلوه
هيام : انت عملت فيه ايه
ايهم : انا معملتش فيه حاجه مش انا اللي عملت الشرطه هي اللي عملت تلاقيهم دلوقتي مسكوه وهيشرفهم شويه هناك بس متقلقيش لانك هتروحي هناك وهتونسيه انتم الاثنين مع بعض مش انتي بتحبيه تبقي معاه في الخير والشر
هيام : ايهم انا هيام حبيبتك هتعمل فيا كده
ايهم : انا مليش غير حبيبه واحده بس واللي هي تبقى مراتي امل
سمعت امل الكلام ده وفرحت وايهم حضنها وبيهديها لانه عارف انها زعلت لما سمعت كلام هيام
هيام : انا مش هسمح لك ابدا انك تبوظ كل اللي احنا عملناه
ايهم : مش هتلحقي يا حلوه ادخلوا
دخلت الشرطه ومسكتها وهي بقت بتصرخ ومش مصدقه ان كل حاجه دي طلعت تمثيل وانه مكنش بيحبها وده كله تمثيل بس عشان ياخذ حقه
ايهم : دلوقتي انا اخذت حقي وسلمت الشرطه كل الادله اللي تدينكم والباقي هيبقى عليها هي
هيام : وعد مني يا ايهم انك مش هتفرح ابدا وهطلع واخد انتقامي وهندمك على اللحظه اللي فكرت انك تعمل فيا كده
ايهم : متوعديش بحاجه انتي مش هتقدري تعمليها
اخذتها الشرطه وخرجوا من القصر اما هو شد على امل وهي في حضنه وقال : متخافيش كل حاجه انتهت دلوقتي نقدر نبتدي حياتنا من الاول وبالطريقه الصح
امل : انا بجد مش مصدقه ان كل اللي بيحصل ده حقيقه
ايهم : لازم تصدقي ومن النهارده انا هبقى لكي الامان وسندك وكل حاجه ليكي ومش هسيبك ابدا بحبك يا امل حياتي
