رواية قاسى امتلك قلبى (جميع فصول الرواية كاملة)بقلم نرمين قدرى

اثار الحب الاول تبقي محفورة في ذاكرة الإنسان وكتيرا ما تكون هذه بصمات كاجمر تحت التراب

لم يكن هناك نسيان كان الجرح لا يحتمل 

منزل متواضع يعم الفرح والزينه معلنين عن وجود مراسم فرح

وفي حجرة صغيرة تنام بطلنتا مستغرقه في النوم 

تدخل عليها صديقتها المقربة نسرين تغني بمرح :

- متزوقيني يا ماما اقوام ياما ما ده عريسي هياخدني بسلامة ياماما

مليكه تضع يداها علي أذنها وتقول:

-بااااس صوتك وحش عالصبح في حد يصحي حد كده وفي يوم مفترج زي ده 

تضحك نسرين وتقول وهي ترفع من عليها الغطاء:

-وانتي بزمتك في عروسة بتنام لحد دلوقتي 

مليكه بهيام :

- منمتش طول الليل عماله افكر في احمد واخيرا هيتقفل علينا باب انا مش مصدقة اني خلاص كلها كام ساعة بس وهكون مع حبيبي لوحدينا من غير عزول

عارفه يابت يا نسرين انا كل ما افتكر ازاي قبلت احمد وازاي حبيته 

احمد ده اجمل حاجه حصلت في حياتي 

فلاش باااك

من تلات سنوات 

مليكة خارجة من باب الكلية مستعجلة وهي تتحدث في هاتفها :

- الو يا نسرين انا جاية اهو معلش اتاخرت المحضرة لسة خالصه انتي  فين 

تجيب نسرين بغضب:

- اخلصي يا مليكة امك مفرجة الدنيا عليا كل خمس دقايق تسألني عليكي العريس اللي جايلك قرب يوصل وانا خلاص مش لاقية حجة اقولها ليها 

مليكه بلا مبالاة:

=بقولك ايه يا نسرين كبري دماغك امي مش هترتاح غير لما تجوزني وانا مستحيل اتجوزز بطريقه دي سبيها تحلم شويه 

-يعني انتي جاية ولا مش جاية علشان ابقي عارفه ارد عليها 

-=بصراحة جاية ومش جايه 

نسرين بتعجب!

-الي هو ازاي ده يعني افهم بقي

= انا هاجي بس مش دلوقتي انا...

ااه مش تفتح وتشوف قدامك انت ماشي في الشارع  لوحدك

يقف شاب ينظر لها بتعجب ويقول :

-يا آنسة انتي اللي خبطيني مش انا !!

ترفع ملكيه حاجبيها وتقول:

- مش مهم مين خبط مين المهم انك خبط فيا 

=تمام حصل خير وقبلت اعتذارك

رفعت حاجبها مرة أخري وقالت بسخرية:

- بس انا معتذرتش علي فكرة

اجاب عليها بعدم اكتراث 

- علي فكرة انتي قليلة زوق 

قالت مليكة و هي تنظر إلى ساعت يدها :

تشكر ياباشا في حاجة تاني ولا ايه

كل ذلك ومازلت نسرين على الهاتف تقول بصوت عالي : -مليكه ايو يابنتي بطلي خناق وردي عليا اقول ايه ل سميرة امك هتلم علينا الناس انتي يازفته يخربيت قرفك امك هتولع فيا 

انا كان مالي ومال الصحبه الهباب دي 

أجابت مليكة  عليها :

-نسرين اقفلي دلوقتي علشان شكلي هرتكب جريمة دلوقتي 

أحمد بتعجب:

- يا آنسة يعني انتي خبطيي فيا ووقعتي نظارتي و الموبايل و في الاخر انتي اللي زعلانه 

مليكه بتأكيد 

ايوا علشان انت ماشي مش مركز قدامك 

قال احمد وقد  يضغط على أسنانه غيظا :

- اللي هو انا اللي كنت ماشي يتكلم في الموبايل بصي انا متأخر خلاصت الكلام حضرتك عاوزة ايه دلوقتي

مليكه /

نروح القسم نعمل محضر

احمد  باستغراب 

نعم حضرتك هتروحي القسم علشان خبط فيكي استغفر الله العظيم ربنا وعدني بلهبل

مليكه ببرود : 

احفظ لسانك اهيه اهيه شوفت قضيه تانية سب علني 

احمد / اهدي يابنتي انتي مجنونه انا مش فاهم بقولك ايه انتي شكلك فاضيه وعاوزة تضيعي وقت

مليكة / الصراحة اه مش عاوز اروح دلوقتي هروح القسم 

احمد / خلاص سهلة بلاش قسم تعالي نتعرف احسن 

انا احمد خالد بكالوريوس تجاره بشتغل في شركة خاصة 

مليكه  وقد اعجبت بيه وقالت مبتسمة:

+  انا مليكة عمار طب بيطري 

اطلق احمد صافرة وقال 

ااااه قولي كده بقي علشان كده مش بتعرفي تتعاملي مع بني ادمين 

مليكة بغضب : 

أتصدق ان انا اللي غلطانه أن وقفت اتكلم معاك و هوريك ازاي بيكون التعامل مع الحيوانات

احمد / خلاص خلاص بهزر معاكي انتي قفوشه كده ليه 

عمتا انا اتشرفت بمعرفتك يا مليكه

مليكة وقد احمر وجهها في أول مرة تشعر بخفقان قلبها فور نطق اسمها 

مليكه / انا اتاخرت لازم امشي

احمد / هشوفك تاني

مليكه / معرفش سبها الظروف سلام بقي

أحمد في نفسة بعد ما مشت .مجنونه بس ايه مزه صح مش لازم اضيعها مني 

ذهبت  مليكة الي منزلها وجدت ولدتها تجلس في غرفة  الصالون ورفعه حاجبيها وعلي وجهها علامات الغضب وتجلس بجوارها نسرين شبه الكتكوت المبلول

نظرت لها ولدتها سميرة بتمعتن وقالت بسخرية:

- ممكن جناب البرنسيسه تقولي اتاخرت ليه 

ابتلعت ملكيه ريقها بصوت مسموع وقالت وهي  تنظر لنسربن محاولة منها أن تستشف ماذا قالت  نسرين لها لكي تبرر تأخيرها 

قالت سميرة بحده مما جعل مليكة تهتز :

 + انطقي بدل ما اقوملك اتاخرني وانتي عارفه أن في زفت عريس جاي علشان يتههبب ويشوفك 

قالت مليكة بتذبذب :

 - اصل اصل اه انتي متعرفيش اللي حصل يا سوسو مش انا كنت هروح القسم اه واللهي كنت هروح 

سميرة  بخصه مصطنعة:

 يالهوي ايه اللي حصل يا لوكا ..وقد نست أنها متغاظه منها 

مليكه / اصل خبط في واحد وانا ماشيه و حصل تصادم 

سميرة / ياحولا الله يارب وخبطي في وانتي سايقه التريلا ولا كنتي سايقة الجرار اصلها تفرق يا عين امك 

ثم قامت  سميرة علي غير المتوقع مسكها من شعرها وقالت يتوعد:

 انتي فاكرة امك هبله يابت ماشي ماشي يا مليكه هانم افضلي ادلعي كده علي العرسان لحد متعنسي جانبي

مليكه /شعري يا سوسو كفايا وجعني 

سميرة

سوسو في عينك بت قليلة الادب غوري علي اوضتك 

تنفست مليكة و سحبت نسرين من يدها وجرت علي غرفتها 

قالت نسرين وهي تنظر مليكة :

 +الشويتين اللي عملتهم علي سوسو برا دول ميخلوش عليا فيكي ايه  مغيرك ومحمر خدودك

مليكة

 لقيته لقيته لقيتوواااا

نسرين/ بااس هو ايه اللي لفتيه هو جنية وقع منك مش فاهمة.

مليكه/ بقولك لقيته حب عمري 

نسرين /حب عمرك مرة واحدة ليه لقيتي مهند وانا مش واخده بالي

مليكه/ مهند مين ياماما ده ميكس غريب كده من مهند علي كريم علي مراد وحطيهم كده في خلاط يطلع احمد 

نسرين/ يا سلام ياسلام علي الهبل و ده شوفتي فين أن شاء اللي نازل من السما ده ولا اخترق الأرض وطلع 

مليكه./ في خناقة طبعا 

نسرين/ نعم ياختي في خناقه ونعمة المعرفة بيشتغل ايه سي رميو ده 

مليكه /بيشتغل محاسب في شركه خاصة

نسرين/ متتسرعيش يا مليكة لازم نسال عنه الاول 

مليكة /مش بايدي قلبي دق وخلاص

نسرين / صباح الهبل 

ومرت الايام و بداء يتقرب احمد من مليكة. اكتر و اكتر حتي أصبحت تدمن وجوده و بقت هي تقوم بأي حاجة المفروض هو يقوم بيها 

تقدم احمد لخطبه مليكة مع اعتراض امها ولكن تحت إصرار مليكة وافقت الام 

مليكه كانت مرايه الحب عمياها عن كل تصرف من احمد 

مع تحذير نسرين المستمر 

بااااك 

نسرين /خلاص ياختي كفايا شعر في سي احمد بتاعك واالهي مايستاهل ضفرك بس هنقول ايه يدي الحلق للي بلا ودان 

دا متعبش في حاجة يعتبري انتي يا بنتي اللي جبتي كل حاجة حتي الشقة انتي اللي دفعتي الأقساط بصراحة مشفتش كده واخد كل حاجة علي الجاهز 

مليكه / هوس بقي وطي صوتك احسن ماما تسمعك

هي عارفه أن احمد هو لللي جايب كل ده

نسرين / طايب يلا يا اختي هنتاخر علي الكوافير.

الكلام معاكي مافيش منه فايده كلام معرفش عملك غسيل مخ انتي

يابنتي لغية مخك خالص مش عاوزة تفكري. 

نظرت  مليكه الي  ساعه  ثم شهقت

 بالهوي انا اتاخرت قوي لسه عاوزة اعدي علي البيت عندي

نسرين / وايه لزوم نعدي علي البيت عندك محنا خلصنا + + فرش البيت كله هنتاخر كده علي الكوافير يابنتي انتي عروسه و هتاخدي وقت في الكوافير 

قال مليكة وهي ترتدي ملابسها في عاجلة :

- لا مش هنتاخر ولا حاجة علي السريع 

بس لا زم اروح عاوزة اعمل كام حاجة في اوضة  النوم عاوزة اعمل جو رومانسي. عاوزة اخلي احمد بتفاجئي اول ما يدخل الاوضة ده اجمل يوم في حياتنا انا بعد الساعات علشان الوقت يجري بحلم بلساعة اللي هنكون فيها لوحدينا ..

نسرين/ طايب ياختي اخلصي بسرعة يلا. الوقت بيجري مع أن المفروض هو اللي يفجاءك مش انتي بس هنقول ايه ما علينا 

اوعي تنسي الفستان بتاعك 

مليكه / حاضر انا حضرت كل حاجة من امبارح وخلصت لبس اهو يلا بقي بينا بسرعة قبل ماما ما تفتح المرشح 

نسرين /خير مرشح ايه تاني دي جوازة جملي مش بتخلص 

مليكه /مسكاني من امبارح المفروض كان أحمد جه اخدني عند الكوافير والمفروض مرحش لوحدي وميصحش 

نسرين / بس بصراحة مامتك عندها حق عمرك شوفتي عروسة يوم فرحها بتروح الكوافير لوحدها 

مليكه / انتي تخرصي خالص قدام ماما . احسن انا مسكتها بالعافيه 

خرجت نسرين ومليكه من غرفه مليكة قالت مليكة بصوت مرتفع:

مليكة ماما ماما انا نزلة راحة الكوافير

سميرة من بعد :

بسلامة ياحببتي ربنا يكملك علي خير و يخيب ظني الف مبروك يا قلب امك 

مليكه / ربنا يخليكي ليا يا ست الكل 

اقتربت سميره منها وقالت بعتاب:

 +بردو احمد مش هيجي ياخدك يا لوكا 

مليكه / مامتي علشان خاطري احنا متفقين انا وهو خلاص بقي 

سميرة / براحتك يا قلبي الف مبروك واطلقت سميرة زغروطة جميله واتبعتها نسرين 

سميرة / عقبالك يا نسرو يارب 

نسرين/ ادعي من قلبك يا انطي وانبي احسن اتعمو في عنيهم كلهم دانا قمر اربعتاشر 

سحبتها مليكة يلا ياختي هنتاخر 

ركبت نسرين ومليكه عربية مليكة 

مليكة /نسرين تعالي سوقي انتي معنديش اعصاب للسواقة خالص

نسرين/ حاضر ياختي هاتي المفتاح

نزلت مليكة ونسرين عند شقة مليكة طلعت مليكة شنط من العربية 

نسرين

اده كله يا لوكا انتي شاريه ايه

مليكة /دي حاجات علشان التلاجة وشوية حاجات لزوم السهره

نسرين /يلا ياختي اطلعي كتك خيبه في خبتك ياهبله حتي حجات التلاجه 

طلعت مليكة ونسرين 

فتحت مليكة الباب 

مليكة / نسرين رصي انتي الحاجة في تلاجة واناهخش

اوضة النوم اخلص اللي عاوزة اعمله علشان نلحق الكوافير 

نسرين اخلصي بسرعة. 

قالت مليكه حالمة :

هخش انا عش البلبل بتاعنا اعمل اجمل جو رومانسي 

نسرين / اجري ياختي اجري بكره تندمي ربنا يسترها معاكي 

ذهبت مليكه لغرفة النوم و بتفتحها . وفجاءة وقفت مكانها مصدومه مش مصدقه عينيها 

احمد كان علي سريرها معاه واحده تانية وفي وضع مخل جدااا

الفصل الثانى من هنا