رواية الاميرة والمغترب الفصل السادس والثمانين 86 بقلم الاء إسماعيل البشري
- من فضلك أميرة هل يمكنك مجالسة أمير و الآخرين اليوم ؟؟
-لكن هذا ليس وقت استراحتي بيرجول ! تعلمين ان الصغار قد استيقظوا للتو! و يحتاجونني 😟
-أعلم صديقتي و لكنني مصابة بالزكام كما ترين و لا أستطيع البقاء معهم في الخارج طويلا إضافة الى أنه بإمكاني نقل العدوى لهم
أميرة بتوجس : و لكن ماذا عن عمران و الفتاتين !! 😥
-سأهتم انا بهم ...و لا تقلقي لن اقترب منهم كثيرا ..سأعطي عمران احد الألعاب الخاصة بأمير و عارف الى ان يحين وقت الطعام تكونين قد عدت من استراحة الللعب كما ان دينا و دارين لا تزالان صغيرتين سأغير لهن الحفاظات و اعطيهن الرضعة من بعيد لن أحتاج الى الاقتراب منهن
زمت شفتها بضيق و أكملت ؛
اما المشاغبون الذين معي !! 😮💨🥺هم دائموا الاحتكاك و الشقلبة فوق رأسي ..اخشى ان انقل إليهم المرض و ستسوء حالتي بالتأكيد في الخارج فالجو بارد جدا
ضحكت أميرة و قالت : حاضر بيرجول ..سأهتم بهم ..لكن من فضلك لا تدعي عمران لوحده فهو دائم الحركة كما تعلمين
-لا تقلقي ... هيا .. لقد خرجوا منذ ربع ساعة ...توبة و اسراء ستجلسان في الارجوحة بإنتظاري لكن الاولاد !! لا تستطيعين ان تتخيلي كم المشكلات التي يمكنهم افتعالها في هذا الوقت ...هيا ارجوكي 🥺
أميرة بإبتسامة -حسنا حسنا...أنا ذاهبة إليهم. ... حاولي ان تصنعي منقوع أعشاب و تشربيه ...
-منقوع أعشاب !! 😕
تذكرت أميرة شيئا فقالت بحزن: علمني احدهم خلطة أعشاب ذات مفعول رهيب ستشعرك بالتحسن فورا ..فقط اغلي بعض الزنجبيل و اوراق الزعتر ثم اعصري عليها قليلا من حامض الليمون و حليها بملعقة عسل نحل... ستشعرين بالتحسن خلال ساعات
ملحوظة: بيرجول هي ابنة صديقة أم أحمد و هي مشرفة اي مسؤولة عن خمسة اولاد في حدود الرابعة و الخامسة من العمر : أمير و عارف و أدم و توبة و اسراء
الاولاد من أصول و جنسيات مختلفة عربية و غير عرببة لكن كلهم مسلمون و يتعلمون اللغة العربية اجباريا من اجل قراءة القرآن و الصلاة .
خرجت تبحث عنهم فوجدتهم مجتمعين حول شيء ما !
عند ياسين
كان يتأهب الخروج حين رآها !!
كانت تحدث الاولاد عارف و امير و آدم ! سرعان ما عاد الى الشاليه و اقفل الباب و هو يقفل الستائر حين رآها تتحدث مع أمير و تتفحص تلك الشوكولاته بدهشة
في مصر
منزل عائله الراوي تجلس الجدة برفقة هنادي و مديحة زوجة شاهين و اسراء و كوثر
سألت الجدة حسنات: هو بدر راح فيه مش باين يعني لا هو ولا المحروسه!!
ردت هنادي قائله : اخذها عند الدكتوره عشان الفحص بتاع سبعه اشهر
لوت الجده حسنات شفتيها وقالت : و مالها الداية أم حمدي و لا هي مصاريف و خلاص 😏 ! لا وفي الاخر عتجيب له حته بت
هنادي: كل اللي يجي من عند ربنا كويس...بس انا حاسة أنه ولد
مديحة : هنادي معاها حق شكل البطن بيقول أنه ولد 🙄
ذمت الجده شفتاها بضيق وقالت : ولد !! يلا... بكرة نقعد جنب الحيطه ونسمع الظيطه 🙄😏
دخلت في تلك اللحظه دخلت بدريه ابنه حسنات وعمه بدر
فإستقبلنها ابنتها كوثر : اهلا اهلا يا ماما نورتينا والله
بدريه : منور بأهله ازيكم يا حبيبتي وازاي طاهر و البنت روعه حبيبة جدتها
-الحمد لله ماما كويسين ..تعالي ادخلي
دخلت و سلمت على والدتها وهنادي و مديحة
بدرية -ازيك يامة
حسنات: نحمد ربنا يا بنتي انتي اخبارك ايه و أخبار العقر"بة مرات ابنك معاكي اي
تجهم وجه بدرية : و النبي ما تجيبيلي سيرتها العكرة انا جاية انسى همي
هنادي : تعالي جنبي يا بدرية عاملين ايه و اي الغيبة دي
بدرية : و الله مشاغل ...و بعدين اول ما قالت لي كوثر في التلفون ان بنات بدر هنا قلت أجي اشق عليكم و بالمرة اشوف البت كوثر الصغيرة اصلها واحشاني
هنادي: ايوة جوم امبارح بس لسة ما صحيوش اصلهم بيغلبونا على ما يناموا
دخلت اسراء تحمل صينية بها فواكه و هي تقول
-اه و الله بيسهروا لوقت متأخر اوي و هات يا ضحك
هنادي : ما بيصدقوا يجوا بيت جدهم ماهي امهم عاملة لهم نظام عس"كري
كوثر -لا و انتي الصادقة يا مرات خالي سلمى اللي بتسهرهم للصبح تلعب معاهم
هنادي:يا اختي سيبيهم براحتهم بيوحشوها ..مش بنات اخوها !
وضعت اسراء الصينية و قالت كوثر : اتفضلي يا ماما ...اتفضلي يا جدتي .. طاهر جاب لنا البرتقان اللي بتحبيه لما قلتله ماما جاية النهاردة
مديحة ام طاهر: و انا ؟ مفيش اتفضلي !😏
كوثر : لا طبعا يا حماتي اتفضلي ده خير ابنك في الاخر
نظرت بدرية حولها ثم قالت : اومال العروسه الجديده فين مش شايفاها يعني 🙄🤨
هنادي قصدك بنت اخوك يا بدريه
بدريه: اه ..بأنسى من كثر ما هوما مكانوش عايشين معانا ولا بنشوفهم خالص 🙄 ..المهم هي زي عوايدها كل ما نيجي نلاقيها في اوضتها قافله على نفسها !
هنادي: لا يا بدرية مش هنا.. بدر اخذها عند الدكتور النهارده معاد الكشف بتاعها
- اه قلتيلي ... يلاه ان شاء الله تطلع على خير 🙄
غمزت كوثر الى إسراء بينما تجلس هذه الأخيرة
فقالت لهنادي بتصنع البلاهة: ألا قولي لي ماما ؟؟ هو انت مش شايفه ان بطنها كبرت شويه زيادة !!
هنادي: قصدك ايه يا اسراء
اسراء :لا مش قصدي حاجة .🙄. انا بس مستغربة ازاي في السابع و بطنها طالعة مترين قدام ! احنا في البنات ما كناش كدة
مش كدة يا كوثر ؟🙄😕
هنادي: بيقولوا بطن البت بتتستر جوة عشان كدة انتو مكانتش بطنكم باينة...يمكن عندها ولد ..ما كمان في بدر بطني كبرت اوي قبل التاسع
مديحة : ايوة و انا كمان بطني كبرت اوي في جابر و طاهر
اسراء : ايوة بس مش للدرجة دي !!
كوثر : بصراحة ...اسراء معاها حق ..بطنها مش بتاع وحدة في سبع اشهر 🙄
-قصدك ايه يا ولية انتي و هي !! 😤
قاتلها سلمى بحدة و هي تنظر البهما بغضب بينما تدخل
بدرية : يا اختي مالها دي داخلة زي القضاء المستعجل مش تسلمي الاول !!
سلمى : هاسلم يا عمتي ...هاسلم ...لما تعلمي بنتك ما تتدخلش ف اعراض الناس دي حتى عندها بنت ! 😤
بدرية بخبث: و هي قالت اي يعني ؟ دول بيتكلموا بس مش اكثر ما اعتقدش وحدة فيهم قاصدة حا ...
تدخلت هنادي و هي تقاطعها بهدوء : لا قاصدين يا بدرية ...و المفروض انتي الكبيرة يعني انتي اللي تقولي لهم حرااااام و ما يصحش الكلام ده دي اعراض يعني شرف ..مش تبررليلهم كمان !!
بدرية : شرف اي و عرض اي يا هنادي ما كلنا عارفين الحكاية ...و عارفين المحروسة جات هنا و اتجوزت بدر ليه و مادام كانت مقضياها ...يعني مش بعيد كانت...🙄
-اخرسييي😡 !!!.كلمة كماااان هنسى انك بنتي فاهمة!!! 😡
كان هذا صوت الجدة الذي اخرس الجميع و ليس فقط بدرية
ثم أكملت حسنات : صحيح انا البت مش بتنزلي من زور لانها بنت أمها ...و صحيح انها خا"طية ...بس ده ما يدكيش الحق تتكلمي عليها بالعاطل ...أولا لانها بنت اخوكي يعني عرضك ..و ثانيا لانها حرمة ابن اخوكي يعني انتي كدة بتقللي من قيمته و بتهيني رجولته....مش بدر الراوي اللي يربي ولد مش من صلبه و يقول ده ولدي ...ان كان بيقول أنه منه فأنا مصدقاه ...و ما اسمحش لحد يقول نص كلمة غير كدة فاهمين !! 😡
نظرت الى الجميع و أكملت بغضب: و اي وحدة تجيب سيرتها بالشكل الوا'طي ده ...عتلم خلجاتها و تمشي من البيت ده على بيت ابوها مع ورقة طلاقها
و نظرت الى كوثر و قالت : حتى لو كانت بت بتي 😡
انكمشت كل واحدة منهن على نفسها خوفا من غضب الجدة
و تبادلت بدرية و هنادي نظرات نارية
ارادت بدرية تغيير الموضوع فقالت لسلمى : الا هوما البنات لسة ما صحيوش عايزة اشوفهم عشان الحق اروح يا سلمى
سلمى : حاضر يا عمتي هناديهم
في دار الايتام
-اه لقد وجدتكم ايها الأشقياء ...ماذا تفعلون ؟؟
عارف : لا شيء ...
نظر حوله و قال : أين خالتي بيرجول
أميرة: الخالة بيرجول مريضة سأجالسكم انا اليوم ..هيا اروني ماذا لديكم؟
عارف : شوكولا.. ☺️
و أردف آدم بفرحة: شوكولاطة بجد مش محشية ...
أمير: عمو دايما بيقول الشوكولاطة اللي بجد ...
أكملت هي الجملة بشرود و دون وعي : عمرها ما تكون محشية !😳
أمير : صح ...😁 انتي كمان تعرفيها 😋
أميرة بشرود : ايوة اعرفها !
تذكرت يوم أحضر لها ياسين علبة الشوكولا التي اوصى نانسي بجلبها من افخر محل شوكولا
فلاش .
اعطاها بوكس الشوكولا و هو يقول : ده ليكي ☺️
انبهرت أميرة من شكل العلبة و قالت بتعجب : ايه ده ؟؟
ياسين و هو طالع : دي هدية افتحيها و شوفي فيها ايه
صعد الى الاعلى فامسكت بالعلبة تفتحها بلهفة
- الله !!! شوكولاطة !!!! 😍😍😍
نظرت الى السفرة و قالت : لا مش هآكل الا بعد الغداء
ثم نظرت من جديد الى العلبة و لم تقاومها : لا هآخذ حتة وحدة و بعد الغداء هابقى آكل براحتي 😁 🥰
بعد شوية
نزل ياسين ليجد مجموعة من اوراق التغليف ملقاة بجانبها
-اي ده !! هو انتي اكلتي كل البوكس ولا ايه !؟ اومال مين هياكل الاكل الي انتي عاملاه ده ؟
أميرة بإحراج -بصراحة ..كنت هأجرب وحدة بس و اكل الباقي بعد الغدا...بس ما قدرتش اقاوم طعمها و خذت ثلاثة... اربع... خمس حتت كمان 🙄😥🥺
ياسين بضحك : خمس ايه ده انتي خلصتي نصها 😂..عموما بالهناء و الشفاء انا بس كنت عايزك تتغدي الاول عشان الدوا
-بصراحة ..طعمها رهيبيييب !! عمري ما ذقت شوكولا بالطعم المميز ده متعودة اشتري بس شوكولاطات محشية
ياسين -بصي انا هافهمك حاجة عشان بعد كدة تبقي تفرقي ما بين الشوكولا الحقيقية و المغشوشة
أساس الشوكولاطة و طعمها هو حبوب الكاكاو النقية والمطحونة والمتحمصة و اللي بتنتج نكهة الشوكولاتة العميقة والقوية وكلما زادت نسبة الكاكاو، قلّت حلاوة الشوكولاتة و زادت قساوتها.. بس مع إضافة السكر اكثر بتبقى حلوة و قابلة للتشكيل لكنها لينة و بتذوب في الحر
عادة انواع الشوكولاتة الفاخرة تحتوي على نسبة عالية من الكاكاو و غنية بزبدة الكاكاو.. بين 70 ٪ إلى 99 ٪ معنى كدة انها بتفضل متماسكة حتى في درجات الحرارة العالية و ده سر جودتها و ثمنها الغالي
أما المحشية اللي بتتكلمي عنها فبيستعملوا فيها زيوت مهدرجة كبديل عن زبدة الكاكاو و الفرق ما بينهم يشبه الفرق ما بين السمنة البلدي والسمن النباتي .. يعني فرق شاسع ده غير إن نسبة الكاكاو بتكون 25 ٪ او اقل يعني كمية السكر بتبقى أكثر بكثير و كل ده ليه ؟ عشان يقدرو يطبخوها و يحشوها و يشكلوها براحتهم من غير ما تتكسر معاهم
مع العلم إن الحد الأدنى المسموح بيه للشوكلاتة هو 25% و لو كانت أقل من كدة بيبقى اسمها بديل الشوكولا
يعني عمليا المحشية اللي انتي بتتكلمي عنها دي تعتبر أقل انواع الشوكلاطة جودة ده ان كانت شوكولاتة أصلا 🙄😂
-يااااه ده انت تعرف كثير عن الشوكلاطة 😳
-عشان تعرفي انك قاعدة مع خبير شوكولاطة😁😉
فكرت للحظات ثم صرخت:
-يا خبر !! ده احنا طلعنا مغشوشين طول عمرنا على كدة!!
ضحك ياسين قائلا : ما تخافيش ..بعد كدة محدش هيقدر يغشك و هتقدري تفرقي بين الأصل و التقليد خليكي فاكرة بس حاجة واحدة : الشوكلاطة اللي بجد ما بتبقاش محشية 😁
عودة من الفلاش
أمسكت أميرة علبة الشوكولاته و سألته بتعجب
أميرة : مين عمو اللي قالك كدة يا أمير ؟؟
أمير -عمو الطيب اللي ساكن هناك
و أشار بيده الى جهة الشاليه
أميرة -ايوة يعني اسمه اي ؟؟
أمير -ما اعرفوش ...كلنا بنناديه عمو الطيب بس
وقفت أميرة بذهول و راحت بإتجاه الشاليه و قلبها يخفق بشدة .. هل يعقل أنه هنا ؟؟
ثم اكمل أدم : ده حتى وعدنا نلعب كرة بعد شوية
أميرة بهمس: بجد هو هنا ؟؟ 😥
كانت تقترب شيئا فشيئا من الشاليه و برفقتها الاولاد
فجأة نادتها احدى المشرفات : امييييرة !!؛
التفتت خلفها و قد افافت من شرودها: نعم !!
المشرفة: بيرجول تناديكي .. تقول ان عمران يبكي بشدة و يريدك انتي ...سأبقى انا مع الاولاد اصعدي إليها
نظرت أميرة بإتجاه الشاليه ثانية ثم نفخت بضيق و عادت ادراجها الى الداخل
في منزل صالح
-بنت يا سحر !
-ايوة يا ماما
-انا كنت محتاجة العربية بكرة يا ريت تسيبيها عشان الحق مشواري بدل الشحططة في الميترو
-ما اقدرش يا ماما ..انتي عارفة اني في فترة امتحانات نص السنة...و لو رحت بالميترو هاتأخر
-بقالك اسبوع بتقولي امتحانات هي مش هتخلص؟
-اعمل اي يعني ... دي جامعة يا ماما مش ثانوية عامة
في تلك اللحظة رن هاتف سحر
-دي أميرة بعثت رسالة بتقول اول ما أفضى اكلمها
-هي لسة مصرة على موقفها؟!
سحر بحزن ؛ ايوة 😥المسكين حالته بقت صعبة اوي
فاتن بلوية بوز: غب،ية...حد يسبب العز ده كله و يقعد في دار ايتام و يتحمل قر"ف العيال !! كان زمانها عايشة زي الملكة لا مضطرة تشتغل ولا كل الهم اللي هي فيه ...بس نقول إيه عب'يطة زي امها
سحر بضيق: مش كل الناس زيك يا ماما ...مش بيهمها غير الفلوس ...أميرة مجر"وحة بسبب انه خبى عنها هي و بس و خلاها اتو"جعت بالشكل ده ...صعبان عليها نفسها و مش قادرة تتجاوز الصدمة اللي حصلت معاها ب ما وثقت فيه ثقة عمياء
-يا اختي انتي مصدقة الكلام العبي'ط ده اللي ما يأكلش عيش ...دلوقت لو زهق و طلقها و اتجوز مين هيلومه! طبعا حقه ..ما هي اللي ما حافظتش عليه
نظرت إليها سحر بقلة حيلة و انصرفت الى غرفتها و هي تتصل
في مصر
خرجت حنان من عند الطبيبه فاقترب منها بدر بلهفه : طمنيني الدكتوره قالت ايه
حنان بتعب : الحمد لله بس في مشكله
بدر بخوف : مشكلة ايه بعد الشر !
حنان : الدكتوره بتقول ان الحمل مستقر في اسفل الرحم يعني اي حركه عنيفة كده ولا كده فيها خطر على الحمل
بدر بقلق : قصدك اي !!!
حنان بعبث : يعني تخف شوية يا سي بدر 🙄الدكتورة بتقول اني محتاجة الراحه التامه 😌
بدر : حاضر يا ستي... الحمد لله على كل حال ...يلا بينا يا روحي
في دار الايتام
أخذت أميرة عمران الباكي و هي تقول : ما رأيك أن نذهب في جولة !
اومأ الصغير برأسه بينما يمسح دموعه
فنزلت سريعا و هي تحمله و تقول لبيرجول: سأعود بسرعة لا تتركي الفتاتين اوكي بيرجول!!
بيرجول: حسنا لا مشكلة
نزلت تلك الدرجات في لمح البصر و عادت تتجول بنظرها و كان الصغار يلعبون كرة القدم و معهم المشرفة التي نادتها قبل قليل
فتركتهم و التفت حول الفيلا و اخذتها قدماها الخائفة نحو الشاليه و هي تنظر هنا و هناك بترقب
وصلت الى الشاليه و راحت تحاول استراق النظر من بعيد إلى الداخل لكن لا يظهر شيء فالستائر معتمة ...كانت ستطلع اول درجة حين فتح الباب و خرج منه العم منصور عامل الحديقة الكهل و هو يرتدي ملابس خفيفة قائلا بتساؤل: خير يا بنتي محتاجة حاجة ؟
نزلت تلك الدرجة بإحراج و هي تقول : عم منصور انا اسفة..انا بس كنت ..أصل ..الولاد كانوا مستنيين حد ..
نزل إليها وهو ينتظر جملتها التي لم تعرف كيف تكملها
نظرت خلفه و قالت : هو انت اللي ساكن هنا ؟؟
-ايوة يا بنتي
أميرة بتلعثم: احم ...لوحدك ولا فيه حد معاك ؟؟
-لا فيه ...
لمعت عيناها بأمل و قالت بلهفة تحاول اخفاءها: مين؟؟
فرد منصور: السواق عاصم...شاب عراقي طيب بيجيب طلبات البيت ..
أميرة : غريبة ! ما سمعتش الاسم ده
منصور : هو أصلا بيجيب الطلبات مرتين في الاسبوع هتشوفيه فين يعني ! كل شغله برة ..ساعات بيلعب مع الولاد بس مش كثير
أميرة بخيبة أمل: طيب يا عم متشكرة
عادت الى المنزل خائبة و هي تقول للصغير
-مش هو يا عمران 😥🥺
توجه العم منصور الى الخارج و مشى بضع امتار الى أن وصل الفيلا المجاورة . التف حولها الى أن وصل الى ذلك الجالس في السيارة و قال
-زي ما قلت. ..رجعت تاني تسأل
-هااا !!
-قلتلها زي ما طلبت مني يا بيه
ياسين :شكرا يا عم منصور
كان سينطلق بسيارته حين قال الرجل
-بس لو عايز رأيي هي كانت بتسأل بلهفة مش طبيعية ...و اول ما قلتلها ان اللي معايا اسمه عاصم شفت في عينيها خيبة أمل كبيرة و كانت شوية و هتعيط و هي داخلة الدار
ياسين بحزن : متشكر يا راجل يا طيب ...عن اذنك
عم منصور : المفتاح يا بيه !
ياسين بشرود : اه نسيته
اخذه و انطلق و هو يتذكر
فلاش
فور ان نادتها المشرفة
تنفس الصعداء و لبس سترته ثم غادر مسرعا من الجهة الخلفية و هو ينادي منصور و يشرح له المطلوب منه
ثم تسلل بين الاشجار و غادر مسرعا نحو سيارته التي تعود ان يركنها في الجهة الخلفية من الفيلا المحاورة لهم منذ ان جاء الى هنا حتى لا تشك في امره
عودة من الفلاش
انطلق بسيارته و هو يهمس بحزن
-غلطان يا عم منصور ...هي لو عرفت اني هنا أصلا هتسيب البلد باللي فيها عشان ما تشوفنيش 😔
في منزل عائلة الراوي
كانت النسوه تجلس في فناء المنزل الكبير و كانت الفتيات تلعبن امامهن بمرح إلا كوثر التي كانت تجلس في احدى الزوايا بصمت و هي تنصت لكل كلمه لا سيما تلك التي تتعلق بزوجه ابيها ...فجأة جاءت نور الى جدتها قائلة
-ستي هو بابا هيجي امتى ؟
هنادي: كمان شوية يا روحي
نور بتذمر : عايزة اروح بيتنا 😮💨
هنادي : حبيبتي بابا مشغول ...اول ما يرجع هياخذكم ..و بعدين ما انتو بتلعبوا مع بنات عمكم مالكم ؟!
نور بزعل :ماما قاعدة لوحدها 😮💨
فقالت كوثر بضيق : ايوة بابا أتأخر و ماما هتقلق علينا 😒
فقالت مديحة بضحك : يا اختي شوفي بنات امهم !!
في تلك اللحظه دخل بدر برفقه حنان
فنظرت إليها كوثر بكره و انسلت من بين النسوة دون ان ينتبه إليها احد
بدر بإحترام :سلام عليكم
الجده حسنات: اهلا يا بدر يا ابني يا مرحب بزينة الرجال
بدر:ازيك يا عمتي
بدرية : الحمد لله يا حبيبي 🥰
حنان : ازيك يا عمتي
بدرية :الحمد لله انتي اخبارك ايه مع الحمل؟ 🙄
-نحمد ربنا يا عمتي
هنادي :طمنا يا ابني الدكتوره قالت ايه؟
بدر : حنان تعبانه دلوقتي هآخذها تستريح وبعدين نتكلم
كان سيدخل برفقتها لكن عمته اوقفته: يعني مش هتقعد معانا زي العاده يا بدر ! 🙄😒
نظرت الى حنان التي كانت تقف بصعوبه فقالت طب اقعد انت معاهم انا داخله استريح ...عن اذنكم
دخلت وهي تمسك في بطنها وتمشي بصعوبه و خلع بدر سترته و وضعها فوق الكرسي ثم جلس باحراج بجانب عمته و هو يقول : الدكتورة بتقول الحمل مستقر بس بلاش اي حركة عشان خايفة من الولادة مبكرة
هنادي :لو مش عايزة تطلع خالص براحتها ..أهم حاجة صحتها و صحة الولد
انتهزت بدرية الفرصة و سألت و هي تنظر الى الباقيات :
الا قل لي يا بدر ! مش انت بتتابع لها عند احسن دكتورة نساء هنا ؟؟
بدر بتوجس: ايوة ! ليه؟؟
-انا بس كنت بسأل ..يعني بيقولوا ان الدكتورة بتقدر تعرف نوع الجنين ايه من الشهر الرابع
فهم بدر ما تلمح له فقال بهدوء: ايوة .
فقالت بدرية و هي تنظر الى كوثر و اسراء المتلهفات للإجابة اكثر منها: يعني انت عارف عندكم ايه ؟
بدر : لا مش عارف ...حنان مش راضية تقولي ...بتقول عايزاها تكون مفاجأة
مديحة: يا اخوي مفاجأة ايه ده انت الاب و المفروض تكون اول واحد يعرف ! 🙄
بدر :براحتها يا مرات عمي مش عايزة حد يعرف و بتقول ليها اسبابها و انا محترم قرارها
فهمست اسراء لكوثر: تبقى أكيد عرفت انها بنت و مش راضية تقوله عشان تتمتعلها الكام شهر اللي فاضلين 😂
كوثر بشماتة: على رأيك ..اول ما يعرف ان عنده بنت الدلال و الدلع ده كله بححح 😁
كانت بدر يرى همساتهم الخبي"ثة لكنه لم يعرها اهتماما
-طب يا عمتي استأذن ا...
قبل أن يكمل جملته سمع الجميع فجأة صرخه عالية تأتي من جهه غرفه بدر
هنادي- يا مصيبتي هو ايه اللي حصل؟
فزع بدر من مكانه و ركض كالمجنون و هو يقول :حناااااان !!! 😱
وصل غرفته و من خلفه النسوه جميعا ليتفاجئ الجميع بحنان الواقعه أرضا بجانب الحمام و هي تنزف بينما تمسك في بطنها بألم شديد وتقول :الحقني يا بدر!! بمووووو"ت 😫😓😭
كانت سحر في غرفتها تكلم أميرة مع العلم أن خالد لم يخبرها بأن ياسين يعيش في الدار منذ ان انتقلت الى هناك بناء على طلب من ياسين طبعا
أميرة -كنت شوية و هأدخل الشاليه الحمد لله ربنا ستر و طلع الجنايني ..و الا كانت فضي"حتي هتبقى بجلاجل يا سحر
سحر: طب انتي متأكدة ان الجنايني ده هو اللي ساكن جوة؟
-هيكون مين يعني ؟ ده طلع و هو شايل المفتاح و واضح أنه كان نايم
سحر: غريبة ! اومال ايه حكاية الشوكولاته دي !!
-عادي يا سحر ..أكيد كل الناس هنا تعرف المعلومة دي احنا بس عشان متعودين هناك على شوكولاطة ام ربع جنيه فاكرين محدش يعرف الفرق بين الشوكولا الحقيقية و المغشوشة
سحر: انا ما اعرفش المعلومة دي ! ازاي واحد سواق يعرفها !
أميرة بضيق :يوووه بقى !! و انا ايش عرفني يا سحر ! المهم طلع مش هو 😓
سحر بحزن على حالها: طب ما دام واحشك للدرجة دي ما تتصلي بيه ! او تكلمي خالد يتصل هو بيه
أميرة بحدة: ايه الكلام ده يا سحر !! هو انا بأكلمك عشان تقوليلي وحشك و الكلام الفاضي ده !!😤 الحق عليا أصلا اللي بافضفض معاكي ! انا هانام تصبحي على خير ....
قالتها و هي تبكي بينما تتصنع الإنفعال حتى لا تكتشف سحر امرها
و لكن قبل ما تقفل قاطعتها سحر: لحد امتى هتفضلي تكذبي على نفسك يا أميرة !! هو انتي بتعاندي عشان تعاندي و خلاص ؟! ما خلاص الراجل اعترف بغلطته و عايز يرجعلك ! ما كفاية هبل بقى و اركني كرامتك على جنب و اسمعيه! ده خالد بيقول حالته صعبة اوي
أميرة بتهكم و هي تمسح دموعها: لا واضح أنه مقطع نفسه الصراحة ..🙄
سحر: أميرة انتي مش شايفاه و لا عارفة ظروفه عشان تحكمي عليه ...وهو انتي مثلا طول اليوم بتضحكي و بتلعبي مع الولاد بس انا اكثر وحدة عارفة انك بتتقطعي من جواكي ...
-مش صحيح 🙄.. انا قطعت الصفحة دي من حياتي و نسيته من لما عرفت أنه واحد كذاب !!
-و الله ؟؟! اومال اتخضيتي ليه اول ما جاب الولد سيرة الشوكولاطة المحشية هااا!! طب بلاش دي ...رجعتي الشاليه ليه مادمتي مش مهتمة بيه !؟؟ بلاش دي كماااان ...بتعيطي دلوقت ليه !؟؟
لم تستطع أميرة التحمل و انفطرت من البكاء قائلة
-لاني بحبووووو 😭😭 رغم أنه ما يستاهلش حبي ...بس عمري ما قدرت اشيله من جواااايا ...عايزة انسااااه يا سحر ..عايزة ابطل أفكر فيه بس مش قااااادرة 😭😭 عايزة احط حد لوجع قلبي و هو بعيد عني مش عارفة !! 😭
سحر بحزن: و تنسيه ليه ؟؟ ما تحاوليش ليه تديله فرصة قبل ما يفوت الاوان 🥺😔
أميرة بضيق: لإني مش قادرة اتخطى اللي حصل ! محتاجة عملية تمسحلي الذكرى البش"عة دي يا سحر...محتاجة معجزة تشيل الحزن و الألم اللي انا عشته بسبب كذ"بته ...ساعتها هافكر اسامحه ولا لا
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
