.jpeg)
رواية قاسى امتلك قلبى الفصل السابع بقلم نرمين قدرى
رنا بخضه اااااااااااا ه غسان انت اتجننت انت ازاي تمد .ايدك عليا
قال غسان بغضب شديد
لما متكونيش محترمة و تتكلمي من غير ما تعملي حساب أن حد غريب واقف يبقي تستاهلي القت*ل مش الض*رب و اتفضلي علي جوا لسة الحساب مخلص
جرت رنا و في عينيها شماته علي هيحصل في ريما
ثم ألتفت غسان نحو ملكية وقال بحده
. -انا مش منبه عليك يا دكتور أن ملكش دعوة باي حد من جوا السرايا و الا انا كلامي مبتسمعش. وانت ايه اللي خلاك تسيب الزريبه و تيجي هنا افهم
قالت مليكة / براحة شوية يا غسان بيه محصلش حاجه لكل العصبيه دي الحكاية مش مستهلة كل ده
قطع كلامها وقال بغضب :
مش انت اللي هتعلمتي اعمل ايه او اقول ايه
اهتزت مليكة من نبرة صوته ولكنها تماسكت :
بس حضرتك لازم تسمع الاول قبل ما تحكم ولا الزعيق والصوت العالي عند حضرتك هواية بتمارسها
نظر لها غسان بتحدي ولكن
قالت ريما ببكاء
واللهي يا ابيه ما حصل حاجة لكل ده
قال غسان بصوت مرتفع رج مكان
- انتي تسكوتي خالص فاهمة تسكوتي وبداء يمسكها من أيدها و يهزها جامد انتي اللي سمحتي لوحده زي رنا تجيب سيرة امك يبقي تخرصي و مسمعلكيش صوت انتي ازاي تسمحي لنفسك يا محترمة تقفي مع حد غريب متعرفوش
استشاطت مليكه من الغيظ ولم تتمالك نفسها وقالت بغضب
+ كفايا بقي اسمع الاول وبعدين احكم و سيب كده الانسة ريما ميصحش اللي انت بتعمله ده في ايه لكل ده
ولم تكمل كلامها وقعت ريما من طولها مغشيا عليها
انتفض غسان وجري يحمل أخته :
ريما ريما وحملها وشلها للداخل السريا
وجدت مليكة نفسها واقفة بمفردها ولم تعلم ماذا تفعل وقالت في نفسها :
طايب انا المفروض اعمل ايه ادخل ولا مدخلش ايه الحيرة دي بقي انا هدخل وزي ما تيجي بقي
دخلت مليكة انبهرت من فخامة السريا من جوا
مليكه في نفسها واوووو. أيه ده مشاء الله فينك يا كلب البحر تشوفي كل ده
فاقت مليكة علي صوت
فوزية / خير انت مين و مين سمحالك تخش هنا
مليكة في نفسها سلاما قولا من رب رحيم
عدلت نظاراتها وقالت:
انا دكتور مالك بشتغل هنا في المزرعة بيطاري
فوزية بعجرفه
دكتور البهايم يعني طايب وانت ايه اللي دخلك هنا هو غسان ماقلكش أن ده ممنوع
مليكه / أيوة يا فندم عارف أنه ممنوع بس حابب اطمن علي آنسة ريما
فوزية / يبقي كلام رنا صح وفي حاجة بينكم بقي
مليكة / لا لا واللهي يافندم الآنسة رنا فهمت غلط حاجة ايه هو مينفعش اصلا
نزل غسان من فوق علي صوت عمته
غسان خير يا عمتي صوتك عالي ليه
فوزية / انت ازاي تسمح بالمهزله دي تحصل ايه خلاص بت كاريمان هتلبسنا العار كلنا
غسان / عمتي بعد اذنك لو سمحتي بلاش تجيبي سيرتها
لحظه مليكة أن كل ما تيجي سيرة امه بيتملكة الغضب
فوزية طايب نسميه ايه اللي حصل و اللي رنا شافته و تسمي ايه مجي الاستاذ و راكم بحجة أنه عاوز يطمن عليها
يكون في معلومك يا بتاع انت يا دكتور البهايم ميغركش
المنظر ده ريما متملكش حاجة هنا كل ده باسم غسان علشان دماغك مترحش بعيد و تقول البت لقطة لا حاسب
قال غسان وهو يكتم ضحكاته :
خلاص بقي يا عمتي الدكتور عرف غلطة و هيصلحها
بس يا مالك لو انت معحبك بجد من ريما أتقدم وانا هوافق علطول
فوزية / ايه الي بتقوله ده ياغسان ده شكله داخل علي طمع هو أي حد يوقف يتكلم مع اختك تجاوزه له
ولا بتصلح غلطة هي غلطة معاه قول وفهمني ماهي كانت عايشة لوحده تتوقع منها أي حاجة
غسان / عمتي ميصحش الكلام ده خالص
هيموت ويضحك معرفش يا عمتي بس ريما متعملهاش انا واثق فيها بس مش واثق فيه انا معرفهوش ومش حسب الناس تتكلم عليا
كل ده و مليكة و اقفة زي الهبله فاتحة بقوقها و متنخه وعنيها رايحة جاية علي فوزية و غسان
غسان / في ايه يا دكتور متنح كده ليه
مليكة انتبهت نعم غسان بيه بتقول ايه
غسان بزعيق مصتنع
بقولك عاوزة اعرف دلوقتي انت معجب بريما و لاء و كنت واقف معاها ليه بص لو انت عاوزها هات اهلك و اتقدم و لو شفتك مناسب علي الخير و البركه بردو حضرتك دكتور و مركز كويس
مليكه / هها ها نعم انا ايه ها هو مين عمل اية
غسان وخلاص مش قادرة من الضحك / انت فقد النطق ولا ايه
مليكة /هو في سؤ تفاهم في الموضوع انا كنت رايح علشان القاح بتاع العصافير و كنت عاوز اعمل بحث عن انواع العصافير و الطيور قابلت آنسة ريما و هي اللي عرفتني الطريق مكنتش عارفه بس هو ده اللي حصل لكن الفيلم الهندي بتاع اميتاب باتشان اللي حصل من شوية ده تسمية تخاريف صيام تخاريف نوم
الآنسة رنا فهمت غلط او هي عاوزة تفهم غلط دي مشكلتها مش مشكلتي
انا احترم الانسة ريما و بقدم لها اعتذار عن اللي حصل
أعجب غسان بشخصيتها و طريقة كلامها
غسان/ حصل خير. يا دكتور اتفضل علي شغلك
مليكه / بس انا كنت حابب اطمن علي آنسة ريما
غسان/ منا قلت تجيب شربات و تقدم يوم الخميس
حضرتك قلت سوء تفاهم
مليكة / مش الانسة تمام طايب الحمد لله انا رايح علشان ورايا شغل كتير
وفجاه نداها غسان دكتور مالك
مليكة / التفتت نعم
مليكة في نفسها يا منجي من المهالك يارب انا وقعني وسط العيله المنخوليه دي
غسان /صحيح مقلتليش انت مرتاح في السكن مع زياد و محمد
مليكه/ هه مش فاهم مرتاح ازاي يعني
غسان/ يعني حد بيضاديقك اصل في اوضة فاضت ممكن تنقل فيها لوحدك لو حابب
مليكة / احلف كده
غسان /افندم
مليكة/ اسف اصل انا مش مصدق نفسي علشان انا الاختلاط بيضايقني
غسان / تمام روح دلوقتي علي شغلك و بليل انقل حاجتك لاوضتك الجديده
مليكة بفرحة تمام جداا عن اذنك
ملكية / وهي ماشية الحمد لله اتحلت وهاخد راحتي بقي ايو كده شكلها هتزهزه يابت يا لوكا
تزهزه ايه دانا كنت هدبس في جوازة. مايعلم بيها الا ربنا ربنا يستر من الجاي شكل اللي سمها رنا دي عقربه ولا اللي سمها فوزية شكلها يخوف قوي
تليفون مليكة رن
فاقت مليكة
الو اهلا يا كلب البحر لسة فاكرة كل ده يا حيوانه متتصليش بيا
نسرين / بضحك هههههههههههه اههههههه انتي يا بنتي تروحي و تيجي و تتغربي و تتنكري و تقلبي راجل بس لسانك زي ماهو مافيش فايده فيه
مليكة/ اخلصي و بطلي لوك لوك لوك ايه رغي ده كله
سميرة عاملة
نسرين / عاملة محشي كرنب
مليكه / بتتكلمي جد وحيات امك . سميرة عاملة كرنب الله
بت انتي هبله جوعتيني
نسرين/ هو انا مقلتلكيش
مليكة/ لا مقلتيش
نسرين مش انا اتغديت عند احلام صنية بطاطس بالفراخ ورز بلشعرية. وطالعة اضرب كرنب فوق عند سميرة
ملكية /حسبي الله ونعم الوكيل فيكي يا كلب البحر روحي وانتي شبه الصفضعه المطلقه
نسرين / هههههههههههه صحيح اخبار الشغل ايه قفشوكي ولا لسه
مليكة/ بكل ثقه عيب عليكي يقفشو مين انا لوكا يابت
نسرين/ طلما اتكلمي بثقة يبقي هتحصل نصيبه استرها يارب
مليكة /. نسرين اقفلي بدل ما اجي اخنقك بنفسي ورايا شغل كتير
نسرين / استني بس مكلمتنيش عن غسان صاحب المزرعة طلع فعلا راجل عجوز زي متوقعانا و انخدع في التنكر بتاعك
مليكة / مين ده العجوز ده مز آخر حاجة زي كتاب مقال حاجة كده تقفيل الخارج مش محلي
نسرين / بتتكلمي جد ايه شكل سنارة غمزت
مليكة / نسرين قفلي علي المواضيع دي انا قلبي خلعته بايدي ودست عليه برجلي
نسرين / بزمتك الواد مزغللش عينك
مليكة/نسرين بصي احسن انا واقعه وسط مستنقع رجاله عاوزين قن*بله ويتف*جر فيهم
نسرين / هههههههههههه لا بتهزري كل الرجاله دول و متشوفيش عريس لأختك اللي قربت تعنس
مليكه / اقفلي احسن ما اقفل في وشك مش فضيالك خالص
انهمكت مليكة في شغلها طول النهار تحت مراقبه غسان ليها واعجابه الشديد بتقنيها في العمل
ذهب غسان يطمن علي ريما
غسان ممكن ادخل عصفوريي فاقت
ريما بدموع اتفضل يا أبية
غسان عامل. ايه دلوقتي
ريما / و اللهي ما عملت حاجة انا كنت بس
وضع غسان يده علي فمها وقال بحنان :
باااس يا حببتي انا عارف واللهي انك معملتش حاجة وواثق من ده جدااا وعارف كمان اختي بتكون اية
ريما/ بس انت اتنزفزت عليا جامد و احرجتني قدام مالك
غسان / اولا انا اتنزفزت عليكي علشان عطيني فرصة لرنا تحيب سيره امي المفروض تكوني حويطه اكتر من كده مينفعش بنوته حلوة و زي القمر تقف تتكلم مع اي حد كده
ريما / بس مالك مش اي حد ده دكتور
غسان/ ريما متقاطعنيش ثانيا انتي اتعلقتي بمالك بسرعة كده ازاي ده بقاله يومين بس متتسرعيش يا حببتي في الحكم على الناس
ريما / اقولك و متزعلش بصيت في عنيه لقيت فيهم حنان مش طبيعي فيهم لمعة غريبة ممزوجه بحزن عميق معلم طالع بالدم زي مابيقولو
غسان / كله ده شوفتيه في عنية
ريما : اه اصل عنية شبه عنيك بالظبط نفس اللمعة اللي ميعرفكش يقول دي لمعة سعاده لكن هي لمعت حزن معلمه برضو زي مالك يمكن ده اللي شدني ليه مش اكتر صحيح أنه وسيم جدااا
غسان / اه يا شقيه كل ده لحظتيه. كبرتي يا ريما
بصي بقي يا ريما. هانم انا مش عاوزك تتعلقي بمالك علشان مينفعش من كل الطرق
ريما / ليه مينفعش يا أبية علشان بيشتغل عندنا يعني
غسان / هو انتي تعرفي عني كده بردو
ريما /طايب. افهم ليه بصراحه انا جوايا مشاعر ليه صحيح مشاعر لسة مش واضحة بس في انجذاب
غسان /طايب هقولك علي سر بس اوعديني يكون ما بنا بس
ريما/ خير يا ابيه قلقتني
غسان /اوعديني واحلفي بالله
ريما/ للدرجاني اوعدك واللهي مش حقول لحد خالص
غسان/ مافيش حاجة اسمها مالك
ريما /نعم ايه طلع عفريت صح هو عفريت أنا قلت ما هو مافيش راجل حلو للدرجه دي وقامت علي رقبتيها بس انت عرفت منين أنه عفريت
وقع من الضحك الضحك علي طفولة أخته وقال
عفريت ايه هو في عفريت بيتكلم وسطنا عادي كده مش قادر باطني يخربيت عقلك يا ريما
ريما / مش انت اللي قولك أن مافيش مالك هيكون ايه غير عفريت
غسان / اهدي كده و اقعدي علشان افهمك انا اقصد ان مافيش اوراق باسم مالك الاوراق باسم مليكة
ريما نعم مش فاهمة
غسان/ بالمختصر وعلي قد توقعي دي دكتورة و اسمها مليكه جات تشتغل لقت الشرط اللي انا حاطه في الاعلان حابت تستهبل وتعمل شخصية مالك وانا سايبها بمزاجي لحد ما تيجي تعترف بنفسها
بس الصراحة عجبتني وعجبني اكتر الجراءة بتاعتنا
بس اموت اللي اعرف نامت ازاي مع الوحوش الي معاها انا عارفهم كويس بس يلا حلال فيها
بصي بقي احنا حنعمل خطة عاوزك تتقربي منها و تبينبي لكل العمال انكم مع بعض طول الوقت وأنا هفجأها مفجاءة انما ايه لوز اللوز
بقلم نرمين
ريما / أبيه دماغك دي متكلفه و النعمه بس حرام شكلها غلبانه قوي متجيش عليها لأن شكل الدنيا جاية عليها بما فيه الكفاية
غسان متقلقيش عليها انا بس هلاعبها بطريقتها تشرب بقي مش هي اللي بداءت قال مالك قال
