.jpeg)
رواية قاسى امتلك قلبى الفصل الخامس بقلم نرمين قدرى
حازم /ولا تزعل خش علي النت ودخل
اسمة و سنة تخرجه والرقم القومي وحتعرف كل حاجة عنه هي مش الاوراق بتاعته معاك
غسان اه فكره انا هقوم اجيب الاب توب
نرجع بقي عند مليكة و مصيبتها
محمد/ خير يا دكتور هتفضل قاعد مكانك كده كتير قوم اتحرك خدلك دوش زياد طلع من الحمام خش وراه ولسة مليكة بتلتفت وجدت زياد طالع بلفوطة
مليكة/ نصيبت ايه دي بس ياربي
زياد/ يلا بقي يا مالك خش دورك بس اعمل حسابك كل يوم واحد عليه تنضيف الحمام انت بكرة دورك
اخدت مليكة شتطتها ودخلت الحمام
مليكه/ ياربي هعمل ايه دلوقتي هنام ازاي يارب حلها بقي من عندك انا ايه اللي عملته في نفسي
انا احسن حاجة افضل قاعده هنا لحد ما ينامو بعدين اطلع بس افرد مناموش لاء هينامو الشغل هنا بيبداء من سبعة اكيد هينامو
سمعت خبط علي الباب
محمد /مالك كل ده جوا بتعمل ايه اطلع يابني عاوز اخش الحمام علشان أنام
مليكة /حاضر حاضر خلاص اهو وبدلت مليكة ملابسها بلبس نوم واسع رجالي طبعا
وخرجت ويا رتها ما خرجت
كان زياد و محمد بملابس الداخلية بينامو كده لان الجو في المبني حار جدااا
محمد /ايه يابني كل ده بتخترع وايه اللي انت لابسة ده الجو نار اقلع متكسفش كلنا رجاله زي بعض
مليكه/ هه لاء لاء انا كده مبسوط انا بحب انام كده شكرا
محمد/ انت حر انت اللي هتفطس من الحر اوعي كده خليني ادخل الحمام
جلست مليكة علي السرير و كانت فعلا هتموت من الحر غير أن الباروكه كانت هتموتها من الحر
نروح بقي لغسان باشا استرها يارب
دخل غسان غرفة المكتب و فتح الاب و بداء يبحث عن مالك عمار الباشا و كل مرة يطلع نتيجة البحث أنه مافيش حد بالاسم ده
دخل علي كليه الطب البيطري وكتب سنة التخرج و الاسم طلع اقرب حاجة للاسم مليكه عمار الباشا
غسان ازاي ده اكيد في غلط
دخل تاني بس بالرقم القومي بتاعها
طلع الاسم مليكه عمار الباشا الاول علي الدفعة بدرجة امتياز مع مرتبه الشرف
غسان / ينهار ابوها اسود ده تزوير انا هسجنها
غسان لنفسة لاء اسجن مين اهدي كده يا غسان وقول هديت دي فرصة وجات لحد عندي انتقم فى جنس حوا كلهم دانا هطلع عليكي القديم و الجديد بقي حته عيله تضحك علي غسان كيلاني دانتي ايامك الجاية كلها هباب اصبري عليا يا مليكه هانم الصبر حلو
بس دي كارثه ازاي هتنام في المبني هناك
انا هسبها يومين تتربا بس يارب محدش يلاحظ انها بنت دول يكلوها حيا دول مابيشوفش جنس ناعم غير في التلفزيون استرها يارب
وانتي بقي يا دكتورة مليكة عاوزة تخطيط من العيار. التقيل لحد متقولي حقي برقبتي لأن السجن هيكون رحمة ليكي من اللي هعملو فيكي ماشي يا عم مالك خلينا معاك للاخر وادينا بتسلي
نرجع بقي لست الحسن مليكة هانم
زياد / ايه يابني انت متكلفت بلغطا كده ليه داحنا قالعين وهنموت من حر
مليكة / يا جماعة ما كل واحد يخليه في حاله أنا مرتاح كده
محمد /زياد سيبه بقي ده شكل معقد أطفي النور خلينا ننام. الشغل بكرة كتير. و الفطار لو فاتنا مش هناكل قبل الظهر
انتبهت مليكة لكلامهم وقالت::
مش فاهم يعني اية لو الفطار فتاكم مش هتاكلوا
زياد / بص ياعم المحترم تحت هنا في مطعم كبير خاص بالعمال في مواعيد ثابته يعني الفطار من ستة الصبح لستة ونص بعد كده مافيش فطار لو ملحقتوش تستني معاد الغدا الساعة واحدة لحد اتنين ده البريك بتاعنا و بعدين العشا لما نخلص شغل بيكون من تمانية لتسعة بعد كده المطبخ ببقفل و ممنوع اكل يطلع الاوض
مليكة / ليه بقي هو احنا في الجيش ايه تحكمات قرقوش دي افرد حد جاع بليل يعمل ايه او حب بشرب شاي او قهوه لاء بقااا هو مش تحكمات وبس
نظر زياد لمحمد علي طريقة كلامه و اعتراضة علي القوانين قال محمد:
اهدا كده يا عم مالك انت لسة جديد مش من اولها اعتراض ده غير أن اولا انت من كتر التعب بتاع طول اليوم مش هيبقي عندك وقت تجوع لانك هتنام زي الحمار حتي من غير. ما ترفص و بالنسبة الشاي و القهوة في كاتيل هنا بتشرب اللي انت عاوزة
مليكة / حمار وارفص شكرا علي التشبيه يا كبير تصبح علي خير
محمد زياد و انت من اهله ياباشا
وفي صباح اليوم التالي نزلت مليكة المطعم لتناول الإفطار وجدت محمد وزياد جالسين وسط عمال كتير و بيضحكو ويتكلمو
محمد لمح مالك
محمد / مالك مالك تعالي افطر معانا هنا
مالك السلام عليكم
محمد اعرفكم مالك معانا جديد في الأوضه الدكتور الجديد
خالد /ا هلا يا دكتور و بداء يخبط علي كتفه مليكه اتزقت معاه
خالد / في ايه يابني انت طري كده ليه انت مفاكش زقه في ايه
ضحك زياد بصوت جهوري وقال بسخرية:
هي زقه بس مشفتهوش واحنا نايمين انت عارف طبعا بنام ازاي من الحر مشفتش وشه جاب اللوان الطيف كلها تقولي بنت بنوت و بتتكسف
ضحك خالد وكل الموحدين
احمرت مليكة من الخجل و نقذ الموقف دخول محمود
محمد /دكتور مالك غسان بيه عاوزك علشان يقولك هتبداء الشغل ازاي خلص فطارك وتعالي
مالك / خلاص شبعت مش عاوزة اكل
محمود/ لاء هنا الكلام ده مينفعش انك مش جعان أو ملكش نفس لأن وقت ما تجوع مش هتعرف تاكل غير في معاد الغدا و الشغل هنا شقي لازم تاكل كويس
مالك / حاضر اخدت مليكة صنيت الفطار وجلست علي طاولة بمفردها تأكل في صمت ومخها شغال في اللي جاي
ياتري انا عملت الصح ولا غلط استرها يارب انا دبست خلاص و مضيت العقد يعني مافيش راجعه كمان الشرط الجزائي اللي في عقد يخض انا عملت نفسي مش واخده بالي من الشرط الجزائي بس انا لمحته كان كبير صحيح مش فاكرة الرقم بس انا شهقت لما شوفته
اناهكمل وخلاص زي ما تيجي بقي ما اروح اشوف غسان باشا ده كمان يا شمتك يا نسرين الكلب لما تعرفي الحوسة اللي انا فيها
بقلم نرمين قدري
ذهبت مليكة لغسان
مليكه / أيوة حضرتك طلبطتي
غسان /أيوة اتفضل اقعد يا دكتور
جلست مليكه
غسان ايه عجبك السكن بتاعك
تنفست مليكة بضيق وقالت :
يعني ماشي الحال
غسان واصطنع الغباء !!! مش فاهم معجبكش يعني
مالك/ لاء مش القصد اصلي انا طول عمري بحب الخصوصيه و زي ما حضرتك عارف انا قاعد مع اتنين في الاوضة صحيح هما كويسين بس انا اللي مش متعود علي الزحمة
غسان /معلش بكره . تتعود و تصاحبهم كمان لازم تكون اجتماعي ولا ايه
مالك/ اه تمام تمام
غسان/ ندخل بقي في الشغل بص يا سيدي انا عندي قطيع كبير من الأغنام فجاءة لقيت أنهم بيموت منهم اتنين أو تلاته في اليوم بشكل متكرر والباقي ظهر عليه أعراض حمي
وقفت مليكة وديني هناك بسرعة انت لسة هتتكلم يلا
غسان / في ايه انت وقفت كده ليه
مليكة / ده فيرس خطير وممكن يصيب الإنسان في حد اتعامل معاهم مباشرا بدون قناع و جوانتي
غسان / مش عارف بصراحة
مليكة / طايب بلا بسرعة حضرتك مقولتليش الكلام ده امبارح ليه كل لحظة بتعدي الكل هنا مهدد بلخطر ده احتمال يكون وباء
انت فصلت بقيت مواشي ولا لاء علشان لو مفصلتش هتحصل مصيبه كبيرة
غسان/ فصلتهم طبعا
مليكة /انت لاحظت الأعراض دي من امتي
غسان/ من اسبوع
مليكه/ ربنا يستر اسبوع كتير جدا.
اجمع كل اللي كانو يتعاملو هناك و هات دكتور مناعة ضروري هنا في المزرعة
غسان/ احنا فعلا عندنا دكتورين متخصصين هنا في المزرعة
مليكة استدعيهم بسرعة
عقمت مليكة نفسها وعقمت الحارس و ارتدوا ملابس واقيه
ونفس الكلام غسان وبداء يتفرج عليها وهي بتشتغل مينكرش أنه اعجب بحماسها ولهفتها على الشغل و لاحظ أنها بتشتغل بمهارة عالية
قالت مليكة بجدية وتركيز :
امسك كده معايا يا عم عارف لازم المصل ده ياخده القطيع كله
دخلو الدكاترة بعد التعقيم
غسان/ اهلا با الدكاترة ثواني
غسان /دكتور مالك ممكن ثواني الدكاترة وصلو
مليكة / السلام عليكم انا مالك دكتور بيطري جديد انا لاحظت انا الأغنام عندها فيرس... وده فيرس زي محضرتكم عارفين ممكن ينتقل الانسان فا انا عاوز حضرتك فحص شامل لكل اللي كان ببتعامل مباشر مع الأغنام بما فيهم غسان بيه
غسان/ بس انا مكنتش بتعامل مع الغنم
مليكة /بس حضرتك اتعاملت مع البني ادمين اللي كانو
بيتعانلو مع الغنم ولا ايه
استغرب من طريقتها في التحدي و الكلام
دكتور حسن /حضرتك عندك حق ولازم نعمل كشف كامل لكل عمال بس ده هياخد وقت احنا الاول نفحص اللي كانو بيتعاملوا مباشر و بعدين ربنا يحلها
مليكة / تمام استأذن انا ورايا شغل كتير
قال الدكتورحسن
وانت غسان باشا اتفضل معانا علشان الفحص
ذهبت مليكة لشغلها و من كتر الشغل نست معاد الغدا خلصت ملكية اعطاء المصل المضاد للفيروسات لكل الأغنام و قامت بلكشف علي باقي المواشي
شعرت بالتعب و لإرهاق و أن بطنها أعلنت الاحتجاج عليها فقد شعرت بالجوع الشديد
مليكة /انا اول مرة اجوع كده هي الساعة كام يالهوي الساعة ستة الغدا راح عااااا انا جعانه جداااا مش قادرة
ذهبت مليكة المطعم
مليكه / السلام عليكم أنا جعان ملحقتش الغداء ممكن اي حاجة اكلها
الطباخ / اسف الاكل هنا بمواعيد بناء على تعليمات غسان باشا كل حاجة ماشي. بنظام
مليكة / بقولك جعان تقولي نظام احنا هنا في سجن ولا ايه .
وعرق جنان ركب عليها هي اساسا لما بتجوع بتاكل البيت كله .
اتفضل خش هاتلي اكل بقولك جعان يابني ادخل انت مبتفهمش عاوز اكل
قال الطباخ بصوت مرتفع نسبيا:
انا ينقذ أوامر مافيش اكل غير في . مواعيد الاكل مش ذمبنا انك فاتك معاد الغدا اتفضل منها لوسمحت
بقلم نرمين قدري
خرجت مليكه تبرطم وتلعن الطباخ وكاعاده بتخبط مليكة في أي حد معندهاش خبر
خبط مليكة في غسان
مليكه /وبعدين بقا في اليوم اللي مش عاوز يخلص ده
رفع غسان حاجبيه وقال معارضا:
هو أنا كل ما شوفك بتكون ماشي تبرطم وتكلم نفسك في ايه دكتور وايه اللي معصبك كدة
رفعت مليكه عينيها لفوق.
وجدت غسان ومعاه بنوته قمر اصغر منه
قالت مليكة باعتذار:
اسف غسان بأشا. اني خبط فيك اصلي كنت بتخانق مع الشيف اللي ماسك المطبخ
قال غسان بسخرية :
. عادي انا اتعودت كل ما شوفك تخبط فيا معكش قواعد مرورور خالص احمد ربنا انك مش سايق
و ليه بقي كنت بتخانق أن شاء الله هنا معندناش الكلامه ده مينفعش تعمل مشاكل مع حد هنا
مليكة / انا كنت مشغول في الزريبه كنت بدي المصل و نسيت معاد الغدا من كتر الشغل محستش بالوقت غير دلوقتي وانا بصراحه جعان جداا .
قلت ادخل المطعم اكل اي حاجة لحد معاد العشا لكن الشيف اللي جوا مرضيش يديني اكل مش عارف احنا في سجن ولا في الجيش تقولش حكم الحاكم بأمره هنا
وبعد نطقها اكتشفت انها عكت الدنيا كالعاده
أفاقت علي صوت ضحك البنت اللي معاه
ريما / متزعلش نفسك حضرت هو ابيه غسان كده بيحب النظام بس معلش بعد اذنك يا ابيه هاخد الدكتور و اخلي داده فاطمة تحطلو ياكل شكله تعبانه ومرهق
ابتسم غسان فهو مطمئن أن بنت هي اللي هتخش السرايا مش راجل
غسان / تمام بس ياكتور انا بس هسمح بالتجاوز ده مرة تانية انهارده علشان انت لسة جديد معانا بس بعد كده تاخد بالك من مواعيد الاكل انا معنديش تهاون مع حد ومش ذمب الشيف اللي جوا انك معندكش احساس بالوقت اعمل حسابك انك في فترة العشا هتعذرله و قدام كل العمال
احمر وجهها خجلنا و أدمعت عينيها وقالت بصوت مخنوق:
+ خلاص يا غسان بيه انا مش عاوز اكل هستنا العشا عن اذنكم عاوز ارتاح كان يوم مرهق
اول مرة يشعر غسان بتغزه في قلبه يوجعه علشان واحده اول مرة يشعر أنه زودها مع أحد لا يعلم لماذا اتنابه هذا الشعور ولكن تملكته حاله من الضيق لا يعرف سببها
قالت ريما معاتبة أخاها :
ليه كده يا أبية ده شكله كيوت خالص حرام كمان شكله جعان فعلا وتعبان بدل منقوله كتر خيرك علشان تعبه مع الأغنام ده لو هو مكنش موجود كان ممكن يحصل كارثه
غسان خلصنا هو مين قالك علي موضوع الفيرس
ريما بحماس
المزرعه كلها بتتكلم عن شطارة الدكتور الجديد وازي قدر بتحكم في الوضع و ازاي عمل قلبان في المزرعة و الكشف علي كل ناس
غسان / هو مافيش حاجة بتستخبي بصي يا ريمت قلبي الدكتور مبيشتغلش ببلاش ده بياخد مرتب و مرتب كبير جداا في مقابل شغله
ريما/ بس حضرتك بردو زوتها معاه وحرجته قدامي
غسان/ خلاص بقي يا ريما يلا علي السريا
مشت ريما وعلي وجهها ابتسامة غريبة
قالت ريما في نفسها وهي مبتسمة
ايه الواد المز ده بجد يجنن لاء ودكتور كمان يعني برستيج بردو بصراحة يتاكل الحق اعلقه قبل ام اربعه وأربعين متشوفه بصراحة ميتسبش وانا مش هسيبه غير لما اكون مراته او حتي خطيبته
