رواية حبى الحقيقى الفصل الخامس بقلم نشوه عادل
-عيطى براحتك انا مش هشوفك وهراقب المكان عشان تتأكدى ان محدش شايفك وتخرجى كل اللى جواكى براحتك
تالين بجمود: بس انا كويسة اوى ع فكرة
سكت فهد وهى انفجرت بالعياط وبقت تشهق وكأن قلبها هيقف من الحزن مهما حاولت انها تبان جامدة مكنتش قادرة بعد فترة لما هديت لف فهد وشه ليها وقرب منها وقال: ارتاحتى شويه؟!
تالين وعيونها ووشها احمر: الحمدلله
فهد: تعرفى انك شكلك حلو اوى بجد زى القمر وانتى معيطة والله
تالين بضحك غصب عنها: ع فكرة والله انت مش طبيعى انا ف ايه وانت ف ايه؟!
فهد: ع فكرة انا مجرب اللى انتى فيه عشان كده مش بلوم عليكى ولا هقولك ميستاهلوش والجو ده اللى مجربش سهل اوى عليه الكلام
تالين بتساؤل: مش فاهمة يعنى ايه؟!
فهد: يعنى انا كمان جربت ودوقت من الكاس نفسه خيانة واحدة حبيتها بس مش مع صاحبى ده ابن عمى
اتصدمت تالين وقالت: بجد وعرفت ازاى؟!
فهد: كان هو أقرب حد ليا وكنت بعتبره اخويا اتعرفت عليها ف الكلية ف الوقت ده كان عمى اغنى مننا وعنده شركة ووضعهم المادى احسن وانا مكنتش اعرف انها مادية وطماعة عرفتها عليه وابتدت تلف عليه وكالعادة هو استسلم ليها وهانت عليه الاخوة اللى بينا ولما جيت اواجهها قالتلى جملة فضلت ترن ف ودنى لحد يومى ده انا هختار اتجوز واحد معاه فلوس يعيشنى ملكة مش واحد يدفنى بالحياة كل ما اقوله عاوزة حاجة يقولى ممعييش وقتها اخدتها تحدى مع نفسى واقسمت انى هقف ع رجلى ويشاء ربنا يسهلى الامر ونورث خالى اللى كان عايش ف البرازيل طول عمره وابقى صاحب اكبر شركة زى ما انتى شايفة
تالين: وبعدين اكيد بعد ما بقيت غنى حاولت ترجعلك مش كده؟!
فهد: دى حقيقة بس امتى بقى لما عمى افلس وبقوا ع اد حالهم رجعت تانى تعمل عليا فيلم كانت مفكرة انى هتغش ف دموعها تانى بس تفتكرى انا حياتى وقفت بعدها؟!
تالين بتساؤل: معرفش بس انت مرتبطش لحد دلوقتى يبقى لسه متأثر!
فهد: لا ابدا كل الحكاية انى ملقتش اللى تستاهل انى احبها كلهم كانوا داخلين ع طمع بس يوم ما القى اللى تستاهل قلبى وحبى هعطيها عمرى كمان
تالين: تفتكر هيجى اليوم اللى اكون فيه زيك واقدر اعطى الثقة لحد تانى!
فهد: ان شاء الله وقريب اوى كل ما الايام تعدى هتعرفى تشوفى حقيقتهم القذرة اكتر ووقتها هتفهمى انك بخير طول ما انتى عنهم بعيد
تالين بابتسامة: انا متشكرة جدا بجد انك كنت جنبى وخرجتنى من المود
فهد: العفو يا ستى وانا حكيتلك بمبدأ اللى يشوف بلاوى غيره تهون عليه بلوته
ضحكت تالين عليه وهو اخدها ووصلها للبيت وفضل مراقبها لحد ما طلعت
تعدى الايام وتالين بالتدريج بتتعافى وبتقرب لفهد اكتر وبيكون اصدقاء وتعدى سنة والعلاقة بين فهد وتالين بتتطور وف يوم كانت تالين قاعدة ف بيتها لقت نهلة بترن عليها
تالين:ايه ام يزن الحمل عامل ايه؟!
نهلة: عارفة لو قولتيلى يا ام يزن دى تانى انا هموتك فيها
تالين: الله جرى ايه يا لمبى هى مش دى الحقيقة وكلها شهرين وسى يزن يشرف
نهلة: بطلى رخامة واسمعينى شوفتى اللى حصل مع اصحابك
تالين: اصحابى مين؟!
نهلة: عماد وميادة
تالين: انا مليش اصحاب بالاسم ده وحرفيا ميهمنيش اعرف عنهم اى حاجة
نهلة: اسمعى بس افتحى السوشيال دى ملهاش كلام الا عليهم
تالين باستغراب: ليه يعنى؟!
نهلة: بعتلك لينك افتحيه وانتى تعرفى
قفلت تالين وفتحت اللينك وشافت خبر: القبض ع زوجة قامت بق*تل زوجها بعد ما رأته بعينها مع اختها الغير شقيقة جنبا الى جنب حيث تمكنت الاخت من الهرب وقامت الزوجة بق*تل زوجها بأبشع طريقة وقد اعترفت انها من قامت بهذا بمفردها وهى ف كامل وعيها واضافت: ولو رجع بيا الزمن هقت*له تانى
اتصدمت تالين من الخبر ومسكت الفون وكلمت فهد ...تالين: فهد شوفت اللى حصل لميادة
فهد: ايوة شوفت الخبر عرفتى بقى ان كما تدين تدان
تالين: بس انا والله مبقوش يفرقوا معايا ولا اصلا كان يهمنى ان كل ده يحصل
فهد: بجد يعنى نسيتى حبك لعماد؟!
تالين: انا اكتشفت حاجة اهم انى مكنتش بحبه اصلا انا ممكن كنت معجبة بيه او عشان معرفش غيره فاهمنى
فهد بفرحة: حلو ده ربنا يهديكى
تالين: ايه ربنا يهديكى دى انت شايفنى بشد ف شعرى ولا ايه
فهد: ياااانى يا سيتى حقك عليا ربنا يهدينى انت ارتاحتى كده
تالين: ايون يلا سلام
ويوم عيد ميلاد تالين عزمت فهد وحاتم وزمايلها بالشركة والوقت بيعدى وفهد مجاش وهى كانت بتأخر لحد ما يجى ورنت عليه مردش
حورية: يلا يا حبيبتى نطفى الشمع الناس مستنية من بدرى
هزت تالين راسها وطفوا النور وغنوا وطفوا الشمع ولما النور نور لقت فهد واقف قصادها ببوكيه ورد يجنن
تالين: انت اتأخرت كده ليه انا منبهة عليك تيجى من بدرى انت مستهتر اوى و .......
فهد مقاطعا: تقبلى تتجوزينى
اتصدمت تالين وقالت: انت ...انت بتقول ايه؟!
فهد: فاكرة لما قولتلك انى مستنى بنت الحلال اللى اقدر اعطيها قلبى وحبى وحياتى كمان
تالين: ايوة
فهد: انا خلاص لقيتها ودوبت فيها من اول يوم ع فكرة لما خبطتنى ع باب مكتب حاتم
ابتسمت تالين بخجل وقالت: لازم اخد رأى ماما الاول
حورية: انا عن نفسى موافقة
تالين: ايه ده هو انتم متفقين ولا ايه؟!
حورية: بصراحة اه فهد جالى من شهر وقالى انه بيحبك وعاوز يتقدم ليكى ولما عرف ان عيد ميلادك قرب قال يستغل اليوم ده ويخلى الفرحة اثنين
تالين: اممممممم وانت كنت واثق منين بقى انى هوافق اصلا
شاور فهد ع قلبه وقال: عشان ده متخطفش الا ليكى ومن غير ما تقولى انك بتحبينى انا شوفتها ف عيونك ودى كفاية بالنسبة ليكى ها قولتى ايه؟!
نهلة: بالله توافقى عشان اقولك يا ام زين
ضحك الجميع ووافقت تالين واتفقوا ع يوم ينزلوا يجيبوا الشبكة فيه وووو...تمت
( الفرصة اللى تضيع منك وتزعل عليها ربنا هيرزقك بعوض ينسيك حزنك)
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
