 |
رواية امل حياتي الفصل الرابع 4 بقلم ندا
في الجامعة كانت امل قاعدة مع صاحبتها وبتشتكلها وصاحبتها بتضحك عليها وعلي تعابيرها وهي بتتكلم
امل : انتي بتضحكي علي اي ايه البرود دا
صفية : وعاوزاني اعمل اي انتي مش شايفة نفسك بتتكلمي ازاي
امل : وانتي شايفاني برقص قدامك
صفية : انا اكتر واحدة عارفة انتي بتحبيه قد اي
امل : اعمل اي ي صوفي انا بحبه واوي بس في نفس الوقت كلامه بيجرحني وبينزل من كرامتي انا ممكن ادوس علي قلبي عشان كرامتي
صفية : ممكن مع الوقت تتحسن العلاقة
امل : وهتتحسن ازاي بس هو بيحب واحدة تانية وانا عارفة وهو قالي بلسانه انه مجبور علي الجوازة
صفية : وانتي عارفة دا وافقتي ليه من الاول
امل : بعد دا كله وبتسالي هو انا مش قايلالك علي السبب انتي متعرفيش قد اي احساس النقص دا وحش
صفية : نقص
امل : طبعا لما اعرف انه مبيحبنيش وبيحب واحدة تانية بل ومجبور عليا دا محسسني بالنقص الشديد مخلي ثقتي في نفسي تتلاشي تماما تنعدم
صفية : امل انتي اكتر واحدة قوية اعرفها والكلام دا هتعرفي تتخطيه وتتعاملي معاه اكيد مش هتسمحي ليه او لاي حد انه يقلل ثقتك بنفسك وانتي قولتي انك وافقتي عشان عمك يبقي تكملي للاخر بس لو في يوم مقدرتيش متحمليش نفسك فوق طاقتك
امل : شكرا ليكي بجد ي صفية شكرا لوجودك جمبي طول الوقت
صفية : بطلي هبل ي بنتي انتي صاحبتي وبعتبرك اختي ولو مكنتش معاكي انا مستحقش ان يتقال عني صاحبتك
امل : صح صاحبتي
صفية : قومي يلا هنتاخر علي المحاضرة وبطلي نكد
ضحكت امل علي كلامها ودخلوا مع بعض عشان يحضروا المحاضرة
•••••••••••••••••••••••••••••••
في فيلا بعيده عن البيوت ومتحاوطة باشجار كثيفة جدا لدرجة انها تكاد تبان كانت هيام قاعدة ومستنية المجهول اللي متواطئة معاه ضد ايهم دخل عليها راحت ناحيته بسرعة
هيام : اتاخرت ليه ي حبيبي
المجهول : معلش ي حبيبتي علي ما خلصت شغلي
هيام : تمام تعالي اقعد يلا
المجهول : قولتي عاوزة تقابليني ليه
هيام : هو اي اللي عاوزاك ليه احنا لازم نتكلم في الموضوع دا ونشوف هنعمل اي
المجهول : هنمشي علي الخطة اللي رسمناها
هيام : والله طب وابن عمي اللي قولتله عليه دا هنعمل في اي
المجهول : ماله
هيام : اسلام صحصح معايا انا هجيبه منين ابن عمي دا ما انت عارف انه ملوش وجود اصلا
اسلام : هنجيب اي واحد يمثل انه ابن عمك سهلة
هيام : لا طبعا اي واحد ازاي طب ماهو ممكن يروح يكشفنا
اسلام : ومش عيب لما دي تتوه عني انا مش هخلي اي حد يروحله دا واحد انا بثق فيه جدا ومستحيل يخوني متقلقيش انتي
هيام : تمام انا هثق فيك
اسلام : بس ايه الحلاوة دي الدريس دا هياكل منك حتة
هيام : بجد عجبك
اسلام : اي حاجة انتي بتلبسيها بتبقي حلوة عليكي ما تيجي اقولك حاجة
هيام : بطل بقي انت مبتفكرش غير في كدة
اسلام : وهو في احلي من كدة اسمعي بس كلامي
اخدها اسلام ودخلوا الاوضة وهم يغرقون في المحرمات تحت مسمي الحب
••••••••••••••••••••••••••••••
في الشركة كان ايهم قاعد وبيشتغل بس قاطعه صوت خبط علي الباب سمح للي برة انه يدخل وكانت السكرتيرة
السكرتيرة : في ي فندم واحد برة عاوز يقابلك
ايهم : مقالش اسمه اي
السكرتيرة : لا ي فندم بس مصر انه يقابلك
ايهم : تمام اتفضلي انتي ودخليه
خرجت من المكتب وكلها دقايق ودخل شخص اول مرة يشوفه
ايهم : اتفضل
الشخص : انا اسف ي استاذ ايهم لو جيت من غير ميعاد
ايهم : لا عادي ولا يهمك
الشخص : اكيد انت متعرفنيش لانك اول مرة تشوفني
ايهم : للاسف اتفضل اقعد الاول
الشخص وهو بيقعد : انا اسمي علي وكنت حابب اكلم حضرتك في موضوع مهم
ايهم : اتفضل ي استاذ علي
علي : بس قبل ما اتكلم ياريت حضرتك مترفضش طلبي
ايهم : لو بإمكاني اني اساعدك مش هتردد
علي : انا كنت عاوز اكمل نص ديني
ايهم : حلو دا بس انا مالي يعني اقصد انا هساعدك في اي
علي : ما اللي انا اخترتها عشان اكمل نص ديني تخص حضرتك
ايهم : ممكن توضح اكتر
علي : انا طالب ايد الانسة امل بنت عم حضرتك
ايهم : نعمم انت بتقول اي
علي : انا طالب ايد الانسة امل بنت عمك
ايهم : لا دا انت اتجننت بقي
علي : وهو اي الجنان في اللي بقوله
ايهم : ايوة طبعا جنان ي محترم انت جاي تطلب ايد وحدة من خطيبها بالذمة دي جنان والا لا
علي : خطيبها
ايهم : ايوة الانسة امل تبقي خطيبتي
علي :انا اسف لحضرتك بس انا مكنتش اعرف
ايهم : وانت عرفت اهو ودلوقتي اتفضل
خرج علي من المكتب وهو حاسس باحراج شديد اما جوة فكان ايهم هينفجر من الغضب الشديد
ايهم : بقي جايبالي واحد يطلب ايدك مني انا ماشي ي امل انا هعرفك تعملي حاجة زي دي ازاي
•••••••••••••••••••••••••••••
عدي الوقت ورجعت امل للقصر وهي فرحانة بس لقت ايهم قاعد وهو باين عليه الغضب حست بخوف من شكله
ايهم : ما بدري ممكن حضرتك تقوليلي انتي كنتي فين دا كله
امل : اظن دا شيئ ميخصكش في حاجة انا حرة
ايهم : خدي هنا انا قولتلك تمشي
امل : انت عاوز اي مني
ايهم : ازاي ي محترمة تخلي واحد يجيلي الشركة عشانك
امل : واحد وعشاني انا
ايهم : انتي هتستعبطي يعني واحد يجيلي الشركة النهاردة وعاوز يتجوزك
امل : وانا مالي انا معرفش حاجة عن الموضوع دا
ايهم : انتي هتبتديها كدب لو انتي مش عاوزاني وكارهاني للدرجة دي وافقتي ليه علي موضوع الخطوبة
امل : انت اي مبتزهقش اك تحسسني انك مغصوب عليا والكلام اللي قولته دا انا اللي المفروض اقوله انت مبتحبنيش وافقت ليه من الاول
ايهم : غصب عني كل دا بيحصل غصب عني
امل : خلاص روح قول لعمي الكلام دا ومع كدة ارجع اقولك انا موافقة ع اي حد طالما مش زيك معندهوش احساس وقليل الزوق انا بكرهك كل يوم زيادة عن الاول بكرهك
زادت عصبية ايهم ورفع ايده وكان لسة هيضربها بالقلم وهي خافت من الحركة دي
عمرو بعصبية وصوت عالي : ايهم اياك
