.jpeg)
رواية قاسى امتلك قلبى الفصل الثالث بقلم نرمين قدرى
نسرين / بس هما حاطين شرط مستحيل
مليكة. /وانتي تعرفي عني اني بعرف المستحيل
نسرين/ يعني هتعملي ايه ياقرده
قالت مليكة وهي تستعد للنوم :
+ كل اللي هعملة دلوقتي هناام محتاجة اهرب من كل ده عاوزة انام لحد منسي اللي حصل
نظرت لها نسرين وقالت :
- مليكة خلاص بقي انسي اللي فات واقفلي عليه عارفه أنه صعب بس هنعمل ايه خلاص اللي حصل حصل نشوف حياتنا ومستقبلنا بقا والحمد لله انه بان من اولها
جذب مليكه الغطاء عليها وقالت :
+ نسرين هو ممكن منتكلمش في الموضع ده دلوقتي بجد عاوزة انام
فهمت نسرين أنها تريد أن تختلي بنفسها فهي تعلم صديقتها جيداا
مليكة لا تحب أن تظهر ضعفها أمام أحد فهي قوية أمام الناس ولكن عندما تختلي بنفسها تكون هشا لدرجة الكسر
ومليكه انكسرت بشده
خرجت نسرين وتركت مليكه بمفردها
فور خروج نسرين وقفت مليكه تنظر لحالها أمام المراء
وقد استعادة كل ذكرياتها مع احمد منذو اول لقاء
فلاش باااك
مليكة بمرح / حبيبي هتخرجني فين النهارده ايه رايك نروح النادي
قال احمد بأسف مصطنع:
- هو لازم نخرج ب صراحة يالوكا انا مش معايا فلوس اسف يا حبيبتي بس صدقيني اول ما هقبض هخرجك
مليكه/ ولا يهمك ياقلبي انا وانت واحد الخروجا عليا
احمد/ بس يا لوكا اصل
مليكه/ لا أصل ولا فصل وخد دول كمان علشان تعرف
تشتري لماما هدية عيد الام
احمد/ لو مكنتيش تحلفي بس يا لوكا بس دول سلف اول ما ربنا يفرجها هرجعهم يا كدا يا مش هاخد
لوكا /خلاص يا ميدو بقي
وفي عيد الام أحضر احمد هديه لأمها طقم كاسات
قالت نسرين/ يا خرابي يا لوكا ايه اللي جايبة خطيبك ده لامك يالهوي يالهوي بصراحة عره وقوي
احمر وجه مليكة من الغضب
و جذبت احمد من يده و قالت له بصوت منخفض :
+ ميدو هي فلوس مكفتش ولا ايه ايه اللي انت جايبه ده
احمد بعصبية وغضب مفتعل:
- قصدك ايه اني اخدت الفلوس شكرا يا مليكه أنا ماشي
مليكه/ لا خلاص انا اسفه حقك عليا متزعلش علشان خاطري خلاص
باااااك
ياااه كل المواقف دي وانا كنت فين أنا كنت مغيبه كده لدرجاتي
انا كنت رخيصة قوي كده انا استاهل اللي عمله فيا واكتر كمان
بس لحد هنأ وبسس أنا مش هخلي حد يستغلني تاني
وضعت مليكه جسدها علي السرير ونامت في ثبات عميق تحاول أن تهرب من كل شيء قد يؤرقها
فاقت علي صوت جرز الانذار كا العاده
نسرين/ ياحلوصبح يا حلو طول يا حلو صبح نهارنا فل
ووضعت مليكة يدها علي أذنها كالعاده
مليكة/ يابنتي انتي مش ناوية تحرمينا من الغراب اللي بيغني ده مين ضحك عليكي وقالك صوتك حلوة اعوذ بالله عالصبح
نسرين/ كده يالوكا انتي حطمتي طموحاتي وأمالي انا كنت رايحة اقدم في ذافويث علشان حد يكتشفي
مليكة/ بضحك اهدي يا هبله انتي اخرك تغني وانتي بتسرحي بعربية بطاطا معسله قوي يابطاطا مش تقوليلي ذافويث وكلام فارغ
نططت نسرين علي مليكه وهي نايمة انا عربية بطاطا تعالي هنا وبداءت تزغزغز مليكه و علا صوت ضحكهم
ربا اخ لم تلده امك
جات سميرة علي صوت ضحكاتهم
سميرة/ في أيه يا مصيبه منك ليها صوتكم عالي كده ليه يارب تدوم الضحكة يا حبايبي
نسرين/ تعالي ياسوسو شوفي بنتك بتقولي انا ينفع اغني بس علي عربية بطاطا
قالت سميرة بضحك
واللهي لوكا بتفهم دي كمان كرمامي انا كنت هقولك حربيه حرنكش
قالت نسرين و هي تضع يدها على خصرها :
+ ايه العيله اللي بتقدرني قوي دي
زقت مليكة نسرين من علي السرير وقامت وقعت نسرين
مليكة/ احسن تستاهلي
نسرين/ طايب هاتي ايدك اقوم طايب
مدت مليكه لديها لنسرين تقومها راحت نسرين شده مليكه عليها وقعة علي الارض الاتنين
سميرة /ربنا ما يحرمكم من الهبل قومو اخلصو الفطار جاهز لو مجتوش في ظرف دقتين هشيلو وحضرو لنفسكم بقي
نسرين لوكا بصو لبعض وقامو مسرعين يلحقوا الفطار فهمن عارفين سوسو كويس و كلامها سيف مش بينزل
جلسو وتناولوا الفطور
قالت نسرين وهي تضع الطعام في فمها :
ها قررتي هتعملي ايه يا لوكا في موضوع المزرعة ده
لوكا/ ه قدم واشتغل انا الاولي علي الدفعة ولا مش واخده بالك
نسرين /طايب هتعملي ايه في الشرط ده
لوكا/. بعد تفكير اكيد هشوفله حل اصل دي الفرصه متتعوضتش ابدا
نسرين/ الحل اللي هو ازاي يعني هتقلبي راجل يشنب
ملكيه / نسرين قفلي بقي علي الموضوع مش انا قلتلك هتصرف
فهمت نسرين أن مليكه مش عاوزة تتكلم قدام مامتها
نسرين /, اتفلقي ياختي انتي حره تقلبي راجل تقلبي سحليه انتي حرة
وفي مكان تاني بعيده في مزرعه من اجمل مزارع ممكن تشوفها حيث الخضرة الحلوة و الحيونات والطيور النادرة كأنها محمية طبيعية مش مزرعة
يوجد قصر عملاق وسط الخضرة و الزرع وكأنها لوحه فنية تفنن فنان في رسمها
غسان بحده
قولي عملت ايه في موضوع الدكتور انا عاوز دكتور من تحت الارض الأغنام فيها فيرس لو انتقل البقر هتبقي مصيبه
محمود /واللهي يا غسان بيه احنا نزلنا اعلان علي النت بس كل اللي اتقدمو خبرتهم مافيش و الشرط اللي حضرتك حاطه مضيق علينا البحث
غسان بغضب
انا مش هتنازل عن الشرط ده و هتجبلي دكتور في ظرف يومين عالي الأجر وخليهم يجو وانا هقابلهم واختار الافضل منهم بنفسي ايه دكتاترة الحيوانات الرجاله خلصو لما هنشغل الحريم وهي الحريم بتنفع في حاجة من اساسه
ومتنساش أن الدكتور ده هينام في مبني العمال اللي في المزرعة حضرتك تقولي بقي لو جبت دكتورة هتنيمها فين
بطل هبل روح دور عدل اللي عاوزين يشتغلو علي قفا من يشيل بطل بقي دلع
مشي محمود وهو بيبرطم واللهي ما بدلع هو انا غاوي يعني تهزيق ياربي هو احنا أمتي هيخش عندنا جنس ناعم بقي نفسي في حاجة تطري القرف اللي الواحد شايفه يا ربي ده محرم علينا اي حاجة فيها تاء مربوطة اموت واعرف ايه اللي معقده كده من جنس حوا
وهو في اجمل من تاء مربوطه بس اللي يفهم
وانا مالي دكتور دكتور اربط الحمار مطرح ميعوز صاحبه اساسا الدكتور اللي هيمسك المزرعة امه دعيا عليه هيطلع بوزه في الشغل غير الشخط و النتر بتاع غسان بيه
فتحت مليكة النت تبص في الاعلان تاني لقيتهم عدلو الإعلان ورفعو مبلغ الراتب و التأكيد أنه يكون طبيب وليست طبيبه لعدم الاحراج
مليكه ايه الوقعة الزفت دي هتصرف انا ازاي بقي مهو انا لازم اخد الشغل دي فرصة من كل الجوانب
اولا هبعد عن هنا و عن كل حاجة هتفكرني بلزفت
تانيا مزرعة الغسان للانتاج الحيواني من اشهر المزارع االلي واحد يتمناها
شكل زفت اللي اسمه غسان ده عجوزة ومكحكح و بيطلع عقده عل خلق ربنا بس علي مين دانا لوكا هاخد الشغلانه يعني هخدها بس محتاجة لفكرة بت ابلسه علشان اشتغل
اول حاجة انا هبعت اميل اني عاوزة اتقدم للشغلانه
اده ردو بسرعة كده دول واقعين بقي وشكلهم فعلا محتاجين دكتور ضروري. حلوو ده في مصلحتي إبداء بقي في خطة الابداع بس محتاجة لبرص الحله نسرين تساعدني
بس لسنها فتلتان مع سوسو لا انا هقولها متقولش هقوم اروحلها
مليكه/ ماما انا نزله عند نسرين شوية وراجعه
سميرة/ ماشي يا قلب ماما براحتك
نزلت مليكه علقت مليكه الجرس
فتح الباب
مليكه ساعة يا زفته علشان تفتحي
ابتسمت مليكه اوو طنط انا اسفة بس افتكرت نسرين هانم هي فين
احلام ولدة نسرين
هي جوا يا حبيبتي خشلها قبل ما تخلص علي اكل البيت كله بعمل محشي وهي مش صابرة لما يخلص
مليكه طنط احلام انتي بتعملي محشي بجد طايب استني كده هحذر محشي ايه وبداءت تشمشم
ملكيه
لاء لاء اوعي تقولي اللي في بالي
احلام بضحك فهي ربت مليكه مع نسرين وتعرف مدي حبهم لبعض
احلام /هو ياقلبي اللي في بالك ورق عنب و كمان في مكرونه بالبشاميل
مليكه/ وفراغ محمرة في الفرن صح
احلام/ صح طبعا خشي كملي علي باقي البيت ياربي الاتنين مساريع في الأكل و ياريت بيبان عليهم
دخلت مليكة انتي يا زفته فينك مطلعطيش من الصبح ليه وحرمتينا من الكروان اللي بيصحينا
نسرين /, انتي هبله يابنتي امي عاملة ورق عنب فاهمة يعني ايه ورق عنب يعني ابيع ابويا علشان الحله مش أبيعك
مليكة اه يا جزمت الجزم ايه رايك بقي انا هقول لاحلام حببتي متأكليش يا سيد قشطة متنكر في كلب البحر
نسرين /انا سيد قشطة يا خرتيت الجناين صحيح انتي ايه سبب تشريفك عندنا اوعي تكوني طمعانه في طبق محشي
مليكه وقد تصنعت الزعل
انا بردو هطمع في طبق محشي منك انتي
انا اكبر من كده ياختي بكتير انا هاخد الحله كلها
يا ماما قال طبق قال
ثم ارتسمت الجد علي وجهها وقالت
+ بقولك ايه بطلي بقي شغل الهبل ده وتعالي نخش أوضتك علشان عاوزاكي في حاجة مهمة
نسرين / انتي تحولتي فجاءة كده ازاي عليكي عفريت صح
مليكة / نسرين بتكلم جد
نسرين/ لأ ده شكل الموضوع جد الجد تعالي يلا
دخلو غرفة نسرين و بداءت مليكه في رسم خطتها الشيطانيه علشان تفوز بلشغل في مزرعة
جاءت معاد مقابله الشغل ذهبت مليكة وهي علي اكمل استعداد للجاي
دخلت مليكة المزرعة وهي مبهور بجمال المنظر فعلا كأنها لوحه فنية
مليكة واووو ايه الجمال ده نفسيت الواحد ارتاحت بس بمجرد النظر للخضرة و جمالها
توجهت مليكه لمكان المقابله لقت كتير متقدمين بسبب ارتفاع المرتب
مليكه بتكلم نفسها يالهوي كل دول مكنتش عاملة حساب كده
وهي بتكلم نفسها كالعاده مش بتبص قدمها خبطط في شخص
مليكه مش تفتح ايه البلاوي دي
الشخص بأستعجاب:
- انا بردو حصل خير
قالت مليكه بتأفف:
+ما كفايا علينا العجوز اللي هيعمل معانا المقابله مش ناقص بلاوي بقي
انتبه الشخص لكلامها وقال:
+ مين قال إن غسان صاحب المزرعة عجوز
مليكه
باين قوي من الشرط المهبب اللي محطوط قال مش عاوز ستات هيكون مش عاوز ستات ليه غير أنه عجوز ومكحكح وعنده عقده شوف بقي العقده دي منين بقي
الشخص /مش يلا علشان المقابله هتبداء
انتبهت مليكه أنها اتكلمت اكتر من تلازم كا العاده طبعا
مليكه / اه صحيح يلا احسن نتأخر و ميقبلوناش مش الاخ متقدم معانا بردو
الشخص / اخ اه الاخ معاكم بردو
مليكه بينها وبين نفسها يخربيت كده هو في كده مز قوي صراحة
بداءت المقابله وجاء الدور علي مليكه
دخلت واتفاجاءت أنه اللي بيقابلها هو نفسة الشخص اللي خبطت فيه
مليكه انت ايه اللي قعدك هنا قوم بسرعة قبل ما يجي صاحب المزرعة. وينيلها علينا
الشخص بثقة وجدية:
+ اتفضل قدم نفسك و شهادتك
فتحت مليكة بوقها و فهمت أنه هو صاحب الشغل
مليكه في نفسها يالهوي يا لهوي. هو انا علطول بعك كده يارب شكل الشغلنا طارت و المز ده هيروقني
غسان / يا حضرت يا دكتور سرحت فين
مليكه انتبهت لقت نفسها فاتحة بقها زي الهبله
معلش اسفه لا اسف
غسان/ اتفضل قدم نفسك
مليكه /انا مالك عمار الباشا
