رواية اسيرتى البريئه الفصل الثالث بقلم نور محمد
يالهووي عيالي قتـ'لوا جوزي وكمان اتهموا اختهم مريم بالجريمه دي
اهدي ياسعاد علشان افهم منك قصدك ايه بالكلام ده
سمعتهم بدوني اللي هياكلها الدودو وهما بيقولوا احنا اللي قتلناه ولبسنا جريمه قتله لمريم علشان يخلصوا منهم سوى
ايه انتي بتقولي ايه ازاي عيالك تعمل كده وليه ياسعاد
معرفش ياهدى ياختي انا سمعت كلامهم ده بس وبعدها وطوا صوتهم علشان مسمعش الباقي
طيب هتبلغي عنهم دلوقتي ياسعاد والا ايه
مش عارفه اعمل ايه ياهدى دول ولادي برضو ومش هقدر اعمل فيهم كده بس كمان مريم مظلومه وانا ربتها على ايدي زي عيالي باظبط ولازم اساعدها كمان
يعني هتعملي ايه هتبلغي عنهم وتطلعي مريم البريئه والا هتفضلي عيالك عنها علشان هي بنت جوزك وتسيبها تتعدم بتهمه هي معملتهاش ياسعاد
انا تايهه اوي ياهدى ومش عارفه اعمل ايه دلوقتي بس لازم الاول اعرف الحقيقه ليه ولادي يقتلوا جوزي كده وهو عمره مافرق بينهم وبين بنته الحقيقيه في شئ
تمام عندك حق بس هتعملي كده ازاي؟
هفكر وبأذن الله هلاقي حل قريب اوي ومش هسمح ان مريم تتظلم كده ابدا
وعند مريم بصت على الملف بخوف وسمعت صوت الظابط بيقول
الف مبروك ياانسه مريم نتيجه التسجيل طلعته سلبيه يعني فعلا التسجيل متفبرك
بجد ياحضرت الظابط الحمد لله يارب الحمد لله يعني اقدر اطلع دلوقتي صح
لا ياانسه مريم متقدريش لسه تطلعي احنا صحيح عرفنا ان التسجيل طلع متفبرك بس كمان مقدرناش نحدد صوت المجرم الحقيقي في التسجيل يعني لسه انتي متهمه باجريمه لانك الوحيده اللي لقناها عند الجثه وكمان سلاح الجريمه كان في ايدك
يعني انا مش هقدر اطلع من التهمه الباطله دي وانا مظلومه
بصي انا عندي احساس انك فعلا مظلومه ومعملتيش كده بس القانون بياخد بألادله بس علشان كده احنا محتاجين دليل قوي يثبت برائتك من التهمه دي
دريت بعدم فهم وقولت
طيب وانا ازاي هقدر ادور على الدليل برائتي وانا مسجونه هنا بين اربع حيطان
انا عندي الحل بس في مخاطره كبيره كمان وممكن نضيع انا وانتي سوى فيها
قولت بتوتر وخوف
حل ايه ياحضرت الظابط انا اكيد موافقه مانا لو فضلت هنا كمان هضيع برضو
قال بخبث
عندك حق يبقى تسمعي كلامي وانا هطلعك من الجريمه دي بس بشرط
قولت بسرعه وقلق
شرط ايه؟!
رد عليا بخبث ورغبه
عاوزك تبقى ملكي شهر واحد بس وبعده اعتبري ان القضيه بتاعتك خلصت وطلعتي برائه منها
شهقت بصدمه من كلامه الوقح وقولت
لا انت اكيد مش طبيبعي هي انا علشان مسجونه هنا ظلم هتفكر تستغلني باطريقه القزره دي
تجاهل كلامي كله ووقف قرب مني بخبث وهمس
بصي ياحلوه بصراحه انا من اول ماشوفتك هنا وانا عيني منك وقضيتك مش سهله دي قتل يعني اخرتها اعدام او مؤبد ففكري كده كويس وردي عليا بالعقل
نزلت دموعي وانا بقيت ضعيفه اوي قدامه لانه عنده حق في كلامه بس انا كمان مستحيل اعمل كده ابدا فقولتله
فكرت وقررت برضو مش موافقه انا حتي لو مسجونه ظلم والناس كلها مصدقه فيا بس ربنا عارف اني مظلومه وملييش غيره ومش هغضبه مني ابدا ولو التمن عمري هموت وانا راضيه بحكمه عليا
ابتسم بطريقه غريبه وقعد على مقعده قدامي وقال ببرود
تمام فهمت يعني انتي معترضه علشان حرام طيب أيه رأيك يبقى في الحلال
قصدك ايه يعني؟!!
هجوزك على سنه الله ورسوله بس في السر هنكتب الكتاب ونقضي شهر عسل حلو مع بعض وبعدها هطلقك وقضيتك هتطلعي منها كمان بس الاتفاق ده بدون محد يعرف بيه بيني وبينك انتي بس ها قولتي ايه
نزلت دموعي بحسره وانا مش قادره ارفض لان فعلا قضيتي كبيره وكمان في ادله كتير عليا فقولتله بدموع
موافقه بس بشرط لازم يكون معايا وكيل في جوازنا من اهلي
قلبت معالم وجهه كلها لضيق بس قال بجمود
موافق انتي اكيد عندك اعمام صح
ايوه معايا عم واحد بس مخاصمنا
ماشي انا هجيبه يشهد على كتب الكتاب ويبقى وكيلك كمان وهقنعه بطريقتي تمام كده
تمام
وقف قدامي وهمس جنب ازني بخبث وقال
يبقى اتفقنا ياعروسه باليل انا هاجي اهربك من السجن بطريقتي وهنكتب الكتاب في شقتي والليله هتبقى دخلتنا
هزيت رأسي بدموع وكمل هو
اتفاقنا هيبقى شهر كل يوم هاجي اهربك من هنا باليل والصبح قبل طلوع الشمس هرجعك السجن تاني علشان منتكشفش تمام
تمام
وفي الليل كنت في الزنزانه بتاعتي برتل ايات القرآن الكريم وانا بدعي ربنا يحميني ديما ويصبرني ودموعي ملت عنيا وانا بفكر ياترى اهلى نسيوني باسهوله دي عدا يومين ومفيش أي خبر منهم وحتى ماما مجتش تطمن عليا هما صدقوا اني قتلت بابا يعني بس انا مستحيل اعمل كده
كنت منهاره وانا بشكي همى ووجعي لرب العالمين هو اكتر واحد عالم بحالي دلوقتي ايه وفجأه سمعت صوت فتح الباب ببص قدامي لقيته
خدي العبايه والنقاب ده البسيه علشان نخرج من هنا بسرعه
اخدت منه العبايه والنقاب وطلع بره الزنزانه علشان اغير هدومي وبعد وقت ناديت عليه
انا جهزت نفسي ياحضرت الظابط
دخل وبص عليا بتقييم ومسك ايدي وقال
تمام ياله ومتخافيش محدش هنا يقدر يتكلم معايا
وفعلا خرجنا بره القسم بكل سهوله كأن القسم كله بتاعه هو وكل مانعدي جنب عسكري او ظابط يبص عليه بس ويسكت
ركبت معاك العربيه وبعد وقت وصلنا لشقته وانا كنت خايفه ومتوتره اوي منه خايفه يطلع بيضحك عليا ومش هيجوزني زي ماقال بس تمالكت نفسي وفضلت ادعي لربنا في سرى لانه هو الحامي من كل شر
دخلنا الشقه وانصدمت لما لقيت عمي قدامي جنب المأزون وفي شخصين تاني معرفهمش قاعدين معاهم
انا جبت العروسه ياله ابدأ يامولانا
وفعلا المأزون بدأ وانا بعيط بحسره ونفسي اوقف الجواز ده بس مش عارفه ازاي وبعد ماخلص المأذون وقف عمي بجمود وقال
انا كده خلصت اللي عليا والف مبروك ياباشا
تمام ياعم حسين وزي مااتفقنا فلوسك هتوصلك بكره بأذن الله وشكرا على تعاونك معايا
عمى هز رأسه ببرود وطلع من المكان بدون مايبص عليا حتي ودموعي نزلت بغزاره بعدها وانا بقول في نفسي
حتي انت ياعمي كمان صدقت فيا وبعت لحم اخوك كده بالفلوس ده انت كنت اكتر واحد بحبه ومتعلقه بيه وكنت فاكره انك هتقف جنبي وتمنع الجواز ده بس ياخساره انت كمان طلعت زيهم واتخليت عني ربنا يسامحك ياعمي
كنت في دنيا تانيه فقت منها على صوته
الف مبروك ياعروسه كتبنا الكتاب زي ماانتي عاوزه اهو ياله ادخلي غيري انا جبت لكي هدووم حلوه كتير لزوم الدلع
حاضر هقوم فورا...قولت كده وقبل ماادخل الغرفه بصيت عليه
انت اسمك ايه صحيح ياباشا
حازم اسمي حازم الموجي
تمام ياباشا خمس دقايق بس اجهز
ابتسم بخبث وقال
براحتك احنا معانا الليل كله النهاردا
نزلت دموعي ومسحتها بسرعه وقولت في نفسي بقوه
اهدي يامريم انتي لازم تبقى اقوى من كده الكل تخلى عنك ومحدش هينقذك دلوقتي غير الحل ده اهدي انتي قدها وقدود
دخلت وبعد وقت خرجت من الغرفه بكسوف لاني ملقتش جوه الدولاب بتاعه غير قمصان النوم بس.. وده المتوقع منه فاخدت قميص منهم مقفل شويه ولبسه وطلعت
حازم باشا انا جهزت نفسي
بص عليا بنظرات كلها رغبه وخبث وقرب مني بسرعه وقال
ابسم الله ماشاء الله سبحان من صورك بالجمال ده كله يامريم
شكرا ياباشا دي عيونك انت اللي حلوه
وانتي عيونك نجوم بتلمع ووشك زي سماء الليل الصافيه
ابتسمت بخجل لاول مره في حياتي حد يتغزل فيا باطريقه الراقيه دي اللي قلبي دق منها
وحازم اخدني بحنيه ودخلنا غرفه النوم ورغم اني كنت مكسوره وحزينه اوي بسبب اللي بيحصل معايا بس حازم كان بيتعامل معايا بكل رقه وحنيه وانا تجاوبت معاك علشان اخلص من الوجع القلب ده كله
وفي الصباح صحيت لقيت حازم جنبي بيبص عليا بنظرات غامضه بس مليانه حنيه وحب
صباح العسل بزياده ياقلبي أيه الاخبار كويسه او حاسه بحاجه بتوجعك
استغربت اوي من اهتمامه بيا بس ابتسمت بحزن وقولت
انا كويسه الحمد لله
تمام ياله خدي شور وغيري بسرعه علشان ترجعي السجن قبل ماحد يااخد باله
حاضر خمس دقايق بس
جهزت نفسي ونزلت معاه بدون حتي ماافطر لاني كنت متأكده اني هفطر في السجن
وبعد عشر دقايق وصلنا قدام السجن بس انصدمنا لما لقينا السجن كله مقلوب
وحازم نزل بسرعه وقرب من عسكري وقال
اييه في ايه ليه القسم مقلوب كده انطق حصل ايه؟!
رد العسكري بخوف
المسجونه المتهمه في جريمه قتل ابوها هربت ياحازم بيه والمأمور جوه قالب الدنيا عليها
حازم سمعه وبلع ريقه بخوف وبص عليا في العربيه جنبه بتوتر وووووو
بدل ماتدور وتبحث علي الروايات خليها علي تليفونك وحمل تطبيقنا
