 |
رواية جنه الفهد الفصل الثاني والعشرون 22 والاخير بقلم فاطمة
روايه جنه الفهد ♥️
البارت الأخير
§§§§§§§§§§§§§§§§§§§§§§§§§§§§
تانى يوم
فهد صحى من النوم لقى جنه حضناه ونايمه كأنها ملاك وفى خصله من شعرها على وشها فهد وهو بيشيلها جنه صحيت ولقته باصصلها وبيضحك
فهد.. صباح الخير
جنه..اتحرجت وخبت وشها تحت البطانيه
فهد..بخبث عالفكره انا شفت كل حاجه فخلاص بقى مفيش احراج بينا يا قطتى
جنه..بصتله ودمعت
فهد..بقلق مالك يا حبيبتى بتعيطى ليه انت تعبانه اخدك على دكتور
جنه..اصل انا خايفه متحبنيش تانى عشان انا كده بقيت مراتك وخلاص
فهد..وهو بيمسح دموعها انا مستحيل اسيبك او احب اغيرك انت اللى بدأت حياتى معاها انا مقدرش اعيش من غيرك لحظه واحده
جنه..خلاص بقى
فهد..يعنى الكلام ده كله تقوليلي خلاص بقى
جنه..امال عايز ايه
فهد..وهو بيميل عليها عايز عسل نحل
جنه..فى المطبخ يا حبيبى وزقته وجايه عشان تقوم افتكرت انها مش لابسه حاجه
فهد..يلا قومى
جنه..بتوتر لأ انت قوم خد شاور بعد كده انا هدخل
فهد..تب انا عندى فكره احسن
جنه..ايه هى
فهد..ناخد شاور مع بعض
جنه.. ده في احلامك
فهد.. لا ما هو انا مش مستني اللحظه دي من زمان وتيجي حضرتك تقوليلى في احلامك وشالها ودخله الحمام ياخدوا شاور
عند شمس وسحر
شمس..انا عندى خطه هنخلص بيها من فهد من غير محد يعرف
سحر.. ازاى
شمس..احنا هنتفق مع واحد يخبطوا بعربيه كانه حادث عادي وما كانش قصده وساعتها فهد هيموت وهنخلص منه
سحر..بتوتر بتحاول تخفيه امتى الخطه هتتنفذ امتى
شمس.. النهارده
سحر..تب هو انت عارفه مكان فهد او انتوا هتنفذوا الخطه فين
شمس..فهد عمل حاجه هتسهل علينا كل حاجه
سحر..عمل ايه
شمس..ساب البيت لأن ابوه رجع
سحر..بصدمه كرم رجع
شمس..اه وفهد خد مراته وطلعوا والحراس كانوا مراقبينهم واتضح انهم فى الشاليه بتاع فهد وفى حراس هناك وفهد هيطلع من هناك الخطه هتتنفذ
سحر.. تمام تبقي تقوليلي بقى على الاخبار الحلوه اول باول
شمس.. بخبث اكيد
سحر..راحت على الاوضه وبتحاول ترن على فهد
وهو مش بيرد
رنت على حمزه
حمزه..الو
سحر..الو ايوا يا وفجأه دخلت شمس على الاوضه
شمس.. باستغراب بتكلمى مين
سحر..مفيش
شمس.. تب عايزه اقول لك هاخد الموبايل بتاعك عشان ما يعرفوش يراقبونا من عليه وانا جبتلك موبايل جديد
سحر..بقلق لأنها مش حافظه ارقام حد مش لازم يعنى
شمس..باستغراب مش لازم ده اللى هو ازاى انتى لازم تجيبى الموبايل عشان فهد مش بالغباء ده
وخدت منها الموبايل واداتها موبايل جديد ومسكت القديم وكسرته
عند حمزه
حمزه..يا ترى كانت بترن ليه
حمزه بيرن وطبعاً مفيش رد
فى فيلا فهد
محمود..بصدمه كرم
كرم..وحشتنى اوى يا اخويا
محمود..انت اكتر وحضنوا بعض
رحمه..مين ده يا بابا
محمود..ده كرم عمك يارحمه ابو نور وفهد
رحمه.. ازيك يا عمى
كرم.. الحمد لله يا بنتي كبرت وبقيتى عروسه زي القمر
رحمه..بحرج شكراً يا عمى
وقعدوا كلهم يفطروا
رحمه.. امال فين جنه وفهد
نور..بحزن فهد ساب البيت
الكل سكت وقعدوا يفطروا
عند حمزه وعمرو وآدم فى الشركه
حمزه..اكيد فى حاجه غلط سحر رنت بعد كده الموبايل بتاعها قفل وحاولت اكلمها كتيير مش بترد
ادم..انا حاولت اكلم فهد موبايله مقفول ولما كلمت جدى قال ان هو ساب البيت ومشى هو وجنه
عمرو..مشى تب ازاى وراح فين وليه مشى اصلا
آدم.. استنى لما اكمل كلامي فهد مشي عشان ابوه رجع البيت ولما قال لجده ياانا يا هو وجده قاله اللي عايز يقعد يقعد واللي عايز يمشي يمشي وانا ابني مش هيتحرك من البيت ده ولو انت مش عايز ابوك انا عايز ابني
حمزه..بصدمه تقصد عن عمى كرم رجع
ادم..اه يا فالح وعشان كده فهد قافل موبايله ومنعرفش هو فين
فى فيلا فهد
احمد..انا طالع اوضتى يا ولاد عشان تعبان شويه
سلمى..انا هجى اساعدك يا عمى
نور..انا ورايا مشوار كده يا ماما انا وصحابى
سلمى..ماشى يا حبيبتى وخلى بالك من نفسك
نور.. ماشى يا روحى
محمود..وانا كمان رايح الشغل
رحمه..مع السلامه يا بابا
رحمه..عمى كرم انا عيزاك فى موضوع
كرم..اتفضلى يا بنتى
رحمه..انا عندى طريقه تخلى بيها فهد يسامحك
كرم..بلهفه قولى يا بنتى انا سامعك
رحمه..جنه
كرم..مين
رحمه..بقولك جنه مراته هو بيعشك جنه ميقدرش يعيش من غيرها مستعد يقتل نفسه عشانها وهى لو اتكلمت معاه هيقتنع وهيسامحك
عند سحر
سحر..انا هعمل ايه دلوقتى انا مش حافظه ارقام حد
سحر وهي بتفتكر رقم حد رحمه بنتي انا حافظه رقمها مسكت الموبايل بسرعه ورنت على رحمه
رحمه..الو
سحر..بصوت واطى الو يا بنتى
رحمه..مين معايا
سحر..سحر انا سحر امك
رحمه..وحشتينى يا ماما انتى فين
سحر..وانتى كمان يا روحى المهم اسمعينى دلوقتى فى حاجه مهمه
رحمه..خير يا ماما فى ايه
سحر..انتى لازم تروحى الشركه حالا بتاع فهد وتقولى لحمزه او ادم او عمرو ان شمس خطتها الجايه انها هتقتل فهد وهما مستنينوا قدام الشاليه بتاع فهد عشان لما يطلع فى عربيه هتخبطه كأنها حادثه عاديه
رحمه..بصدمه عرفتى الكلام ده كله منين
سحر..مش وقته لازم تعملى اللى انا قولتلك عليه
وهبعتلك كمان عنوان الفيلا بتاع شمس تكلمى البوليس
وقفلت الخط وسحر مسحت الرقم
كرم..فى ايه يا بنتى
رحمه..مفيش وقت يا عمى هحكيلك فى الطريق وركبوا العربيه وحكتله على كل حاجه
كرم..بخوف بنى
وراحوا على الشركه وحكت كل حاجه
حمزه..ادم ورحمه انتوا تروحو تبلغوا البوليس وانا هروح لفهد وعمرو تجمع حراسه وتيجى ورايا
كرم..وانا
حمزه..انت مش هينفع تيجى يا عمى ده خطر عليك
كرم.. لأ انا لازم اشوف ابنى
حمزه..خلاص خد ده مفتاح العربيه بتاع الشركه تعالى ورايا والكل اتحرك
عند فهد وجنه
فهد وهو بيحضن جنه حضنته اوى
فهد..جنه فى حاجه
جنه..مش عارفه حاسه ان فى حاجه هتحصل انا مش مطمنه
فهد..متخافيش ياروحى انا هروح الشركه وهرجع عاطول مش هتأخر عليكى
جنه..تب خلى بالك من نفسك لا اله الا الله
فهد..محمد رسول الله
وحضنها جامد بعد كده سابها وطلع وركب العربيه
الحارس تبع شمس
دلوقتى فهد طلع يا شمس هانم
شمس..خليكوا وراه
عند رحمه وادم
ادم.. ازيك يا ايمن باشا
ايمن..ا ازيك يا ادم ايه اخبارك
ادم.. الحمد لله بس عايزك في موضوع مهم وحكىاله على كل حاجه
عند حمزه كلم كرم
حمزه..يا عمى كرم انت امشى من الشارع ده وانا همشى من التانى
الحارس..يلا نفذ الخطه
فهد..لاحظ ان فى عربيات مرقباه فسرع العربيه
والعربيه التانيه بتجرى عليه
ولسه هتخبط فيه كرم كان طلع بعربيته وخبطت فيه
وساعتها كان حمزه وصل هو وعمرو والحراس عمرو خد شويه من الحراس وحاولو يلحقوا العربيه اللى خبطت كرم
وادم ورحمه وايمن وصلوا على فيلا شمس وقبضوا على الكل ورحمه جريت على سحر وحضنتها فى الوقت ده فهد نزل هو وحمزه
فهد..بقلق مين اللى كان جو العربيه
حمزه..ابوك
فهد جرى على العربيه وحاول يطلعه وخدوه على المستشفى
الكل كان عرف وعمرو رن على احمد وقاله على الموضوع كله بعد طبعا ما مسك الرجاله تبع شمس
الدكتور..للأسف المريض دخل فى غيبوبه والله اعلم هيفوق منها امتى
فهد..بصدمه لأ مستحييل ونزل فى الجنينه اللى تحت وقعد يعييط زى الطفل الصغير
وهو بيقول انا السبب فى كل اللى حصل
جنه..انت ملكش ذنب فى اى حاجه
فهد..تب هعمل ايه انا مش عايز اخسره تانى مش هقدر تانى
جنه..كل اللى تقدر تعمله انك تسامحه سامحه يا فهد هو محتاجك جنبه مكنش عايز حاجه غير انك تسامحه
وحضنته وهو فضل حاضنها
فوق عند نور
نور.. بابا ليه كل ده حصل حرام اتحرم منه كل ده انا مصدقت انه رجع
فهد..وهو بيقول للدكتور ممكن اشوفه
الدكتور..ممكن بس من غير كلام
فهد.. تمام
فهد دخل وهو بيقرب براحه على ابوه وقعد على الكرسى وهو بيقول دى تانى مره اقعد كده مره لما كانت جنه هى اللى تعبانه وساعتها انا اللى كنت بطلب منها السماح والمره دى انا جاى عشان اقولك انا مسامحك على كل حاجه بس انت قوم متحرمنيش منك اكتر من كده انا عشت عمرى كله وانت بعيد عنى ومتبعدش تانى
الدكتور..لو سمحت يا فهد بيه لازم تطلع حالا
فهد..حاضر وطلع
عدى اسبوع وكل يوم فهد بيروح يطمن عليه هو وسلمى ونور وجنه واحمد وشمس اتسجنت هى ورجالتها وفهد اداها شقه زى ما كان واعدها ورحمه بتروح تقعد معاها وعمرو اتقدم لريم وطبعاً وفقوا والفرح هيبقى مع مصطفى وروان
وحمزه طلب ايد مريم وهى وافقت بس الجواز مش هيتم غير لما تخلص كليتها
ونور وادم اتفقوا انهم هيعملوا الفرح بس بعد ما نور كمان تخلص كليتها
فى صباح يوم جديد بعد ما فهد راح الشركه وهو حزين لقى المستشفى بترن عليه
الدكتوره..فهد بيه استاذ كرم بقى كويس وفاق
فهد..بفرحه انا جاى حالا
حمزه..خير فى اى يا فهد
فهد..بفرحه بابا بقى كويس وفاق من الغيبوبه
حمزه..تب روح انت وانا هرن على الكل ونحصلك
فهد راح على المستشفى ودخل الغرفه اللى فيها كرم
فهد..السلام عليكم
كرم..بفرحه وتعب عليكم السلام
ولسه كرم هيتكلم
فهد قاطعه وهو بيقول..انا مش عايزك تقول اى حاجه انا مسامحك على كل حاجه
وميل باس راسه وحضنه فى اللحظه دى كان الكل وصل وكلهم سلموا عليه معدا جنه اللى كانت واقفه بعيد
احمد.. حمدالله على السلامه يا بنى
كرم..الله يسلمك
كرم..امال مين اللي واقفه بعيد دى يا بنى حاسس انى شوفتها قبل كده
فهد..بضحك تعالى يا جنجون انت شوفتها قبل كده بس ملحقتوش تتعرفوا اقدملك جنه مراتى وحبيبتى وهى السبب انى افهم انك مغلطتش فى حاجه وان ده كله كان عشانا احنا
كرم..انا فعلاً يا بنتى متشكر ليكى جداً ومهما اعملك انا مش هقدر اوفى جميلك عليا انتى السبب ان حياتى ترجعلى من جديد رحمه قالتلى ان انتى الوحيده اللى هتقدر تساعدنى فى الموضوع ده وفعلاً طلع كلامها صح
الكل..بصدمه رحمه
رحمه من وراهم وجنبها سحر..ايوا انا اللى قلت كده
احمد..بغضب ايه اللى جابك هنا قال كده وهو بيوجه كلامه لسحر
جنه.. لأ يا جدوا اهدى كدا سحر هيا السبب اننا ننقذ حياه فهد اصلا وحكتلهم كل الموضوع
احمد..احنا ببابنا مفتوح ليكى فى اى وقت يا بنتى ممكن ترجعى
سحر.. لأ يا عمى انا كده هبقى مرتاحه اكتر
وبعد ما الكل رجعله ساعدته ونيجى لليوم المنتظر فرح مصطفى وروان وعمرو وريم
العروستين كانوا اجمل من بعض
جنه..الف مبروك يا حبايبى
ريم وروان..الله يبارك فيكى
سلمى..عمرى ما كنت هصدق ان بناتى وابنى هيتجوزوا فى يوم واحد
روان..واهو حصل يا ست الكل ادعيلنا بقى
سلمى ربنا يحفظكم يارب وتكملوا حياتكم من غير مشاكل وتعيشوا بسعاده دايما
اسماء..الف مبروك يا حبايب قلبى
ريم.. الله يبارك فيكى يا ماما
محمد..بمزح بصراحه كده انا شايف انكم مش لازم تتجوزوا العيال اللى بره دى تعالوا وانا هخدكم ونهرب
روان..فكره حلوه يا عمى
ريهام..وتسيبوا ولادى عمرو ومصطفى يتكسر قلبهم
محمد..مش احسن ما انا يتكسر قلبى ده حتى دول خساره فى فيهم
الكل فضل يضحك ويهزروا
نيجى بقى للحظه العريس بيقابل عروسته ادم جرى على نور حضنها وعمرو كذلك الامر مع ريم والكل بيدعيلهم بالسعاده والفرح دايما
جنه وهى بتكلم فهد شكلهم حلو اوى
فهد..انا اسف يا جنه لأنى مخلتكيش تلبسى فستان الابيض اللى بتحلم بيه كل بنت
جنه..انا مش محتاجه الفستان الأبيض طول ما انت جنبى
ولحظه رقص اسلو
فهد..تسمحيلى برقصه ملكتى
جنه..بضحك اكيد يا اميرى وطلعوا يرقصوا سوا وكل واحد خد مراته ورجعوا على البيت
بعد شهر من الفرح
نور..جنه يا جنه
جنه..ايه يا نور
نور تعالى معايا عشان عايزه اجيب لبس
جنه..حاضر
نور..يلا عشان روان وريم ورحمه ومريم كمان هيجوا
كلهم جهزوا وطلعوا
رحمه..ايه رأيك فى الفستان ده
جنه..هو حلو بس ده فستان فرح
رحمه..بتوتر اصل احنا بنختار فستان لمريم
جنه..ماشى يلا وفضلوا يلفوا فى المول لحد ما جنه عجبها فستان
جنه..شكله روعه ده يجنن
ريم..تب يلا ادخلى البسيه
جنه..تب وانا مالى هو انا اللى هتجوز
مريم..بتوتر اصل انا بصراحه تعبانه من كتر اللف ورجلى وجعتنى فجربيه انتى بدالى وكده كده احنا الاتنين نفس المقاس
جنه..بس احنا اصلا ممشناش احنا دخلنا هو مول واحد
رحمه..بتوتر يلا بقى يا جنه هى قالتلك تعبانه
جنه لبسته وهى مستغربه منهم اصلا
نور..يلا بقى عشان المكياج
جنه.. باستغراب مكياج ايه
نور..ما هو اصل مفيش فستان من غير مكياج وطرحه طبعا عشان نكون جربنا كل حاجه
جنه..تمام
مريم..احنا هنروح بقى نشوف فساتين لينا
وكلهم لبسوا فساتين معدا مريم طبعاً عشان متشكش فى حاجه بعد ما الكل لبسوا الفساتين
مريم..انا رايحه اعمل مكالمه وجايه
وراحت كلمت فهد احنا جاهزين ودخلت لبست فستان هى كمان
جنه..ايه رايكوا
الكل..قمر
جنه..ادخل اغير بقى
ريم..ازاى بقى لازم مريم تشوف
جنه..اه طبعاً تب حد يندهلها
نور..انا هكلمها
نور..انا كلمتها وهى قالتلى انها راحت هى وحمزه عشان يحجزوا المكان
جنه..تب والعمل
ريم..نروحلها
جنه..بتهزروا صح اكيد لأ مستحييل اطلع كده
كلهم شدوها لحد ما ركبت العربيه
ودخلوها على القاعه والجو كان كله ضلمه وسابوها
وفجأة النور ظهر عليها هى وفهد اللة كان واقف قدامها بمسافه
جنه..بقت تبص حواليها وهى مش فاهمه حاجه
فهد..قرب منها وميل على ركبته هل تقبلى ان تكونى ملكه قلبى الى الابد
جنه.. اكيد
وساعتها الانوار كلها نورت والكل كان بسقف
جنه..عارف يا فهد دى احلى مفجأه حصلتلى وعشان كده انا عندى هديه ليك انا حامل
فهد..حضنها بعد كده شالها ولف بيها
عند..رحمه واقفه سرحانه فيهم
مازن..القمر سرحان فى ايه
رحمه..بتبص لقته مازن حضنته
مازن..بهزار دا انا كنت واحشك قوى على كده
رحمه بعدت بحرج بطل رخامه
سحر..مين ده يا روحى
رحمه.. لسه هترد مازن رد انا مازن يا طنط وقريباً ان شاء الله هقولك يا حماتى لأنى طالب ايد بنتك
رحمه..بصتله وهى متنحه
مازن..وتقدرى تاخدى رأيها
سحر.. لأ سيبك منها دى عيله هبله انا عارفها ادام تنحت يبقى بتحبك
رحمه..ماما
وفضلوا يهزروا وعند رقص سلو الكل طلع
ريم وعمرو ،ادم ونور ،حمزه ومريم ،رحمه ومازن ،محمد وريهام ،كرم وسلمى ،ومصطفى وروان
تمت..
بدل ماتدور وتبحث علي الروايات خليها علي تليفونك وحمل تطبيقنا
