رواية عشق اولاد النمر (غرام النمر 2) الفصل الرابع عشر14 بقلم جنه ياسر

"في الصباح المشرق في قصر كان الجميع فاقوا كانوا جالسين في غرفه الطعام يتناولوا الفطار ....

اسد قام ووقف وقال : جماعه كلوا يركز معايا عشان في موضوع مهم انا هقوله ...

جاسر : انت اتأخرت امبارح ليه 

اسد : مش وقته يا بابا هبقي اقولك بعدين ....يلا جاهزين اقول ...

اسر : يا عم انجز 

اسد قال وهو يظبط ياقه القميص : انا قررت اتجوز 

غرام بفرحه : بجد يا اسد لوووولووووي...ابني بقي عريس

جاسر : استني يا غرام هو انتي اي حد يقولك هتجوز تروحي مزغرطه مش نعرف الاول مين وبنت مين ...واتعرف عليها ازاي 

اسد : هقولك يا أبي العزيز ....هي مش من عيله كبيره....بتكون بنت بسيطه خالص من الطبقه بسيطه بس انا مش هاممني الكلام ده غير هيا ...احم وكمان بتكون ارمله ومعاها ولد صغير واتعرفت عليها من فتره قليله وحبتها لا انا عشقتها تقريبا ...

اسر : ايوه بقي مش قلتلك يا بابا 

غرام بصدمه : ارمله ومعاها ولد كمان ...يعني انت سيبت بنات العالم كله ملقتش غير ارمله لا يا ابني انا مش موافقه علي الجوازه دي ...

اسد قرب منها وحاوطها بذراعه : ايوه يا غرومه سيبت بنات العالم وملقتش غيرها هي الوحيده اللي قلبي دق ليها حسيت معاها بشعور غريب عمري ما حسيته مع بنت قبل كدا ...وسبق وقبلت بنات كتير أشكال وألوان لكن انا عمري ما حبيت أقرب ليهم وكنت ببعد ....بس الوحيده اللي حبيت قربها هي حور ملكت قلبي وروحي وعقلي.....

شهد : يا سيدي علي الرومانسية والكلام الجميل مبروك يا اسد ربنا يتمم ليك ....واكيد غرام مش هتقف قدام سعادتك متبقيش حما رخمه يا رورو ...

غرام : اكيد مش هقف قدام سعادته بس اسد بيكون اول فرحتي خلاص يا اسد المهم تكون مبسوط والمهم انها تكون بتحبك بجد زي ما انت بتحبها ...

اسد : بتحبني وانا متأكد من ده .....ها يا بابا مقولتيش حاجه يعني الكلام مش عجبك ...

جاسر : انا مفيش كلام هقوله انت راجل وكبير وعارف انت هتعمل اي يعني مش هتستني قراري او رأي ...خد معاد مع اهلها ونروح نتقدم ليها ...

اسد بفرحه : بحبك يا بابا ...

ثم ذهب وعنقه بحب ثم ذهب ليخبر حور ..

شهد : ماشاءالله الأفراح بدأت تيجي ورا بعض عقبال ما نفرح ما الباقي يارب...

إلياس : اللهم امين يا أمي...

شهد : انا مكنتش اتخيل في يوم ان ربنا يبارك في عمري ويخليني افرح باحفادي...

جاسر : ربنا يديكي الصحة والعافية يا ماما وبعدين انتي لسه صغيره ....

شهد : يا واد يا بكاش صغيره اي انا خلاص كدا الحمد الله جوزتكم وشوفت ولادكم لما كبروا وكمان بدأو يتجوزه كده الحمد الله اوي اتمني ربنا يفتكرني قريب ...

ادهم : بعد الشر ياماما امال مين هيجوز شغف بنتي ...

شهد : انت روحت فين ربنا يبارك في عمرك وتشوفها في بيتها يا حبيبي

إلياس : يارب ويبارك في عمرك يا ست الكل .....

اسد : طيب بعد اذنكم انا بقي عشان اظبط مع خطيبتي الميعاد 

جاسر: لا استني احنا هنمشي معاك ...

اسد : خلاص ماشي ياريت الكل يكون جاهز بليل عشان تيجو معايا ...

يونس : ان شاءالله الله يا حبيبي ...

قامو الجميع وتوجهوا الى الخارج  

يونس : ياريت كل فتره تعملوها وتيجيوا 

غرام : ان شاءلله يا انكل ...دايما كدا البيت مفتوح بحسكم يارب وعلطول مجمعنا 

ديلان : يارب ...بجد احنا اتبسطنا ربنا يبارك فيكم وفي عمركم. .

إلياس : مع السلامه يابابا وياريت تبقوا تيجوا تقعدوا عندنا 

شهد : ان شاءالله يا حبيبي...مع السلامه ربنا يستر طريقكم...

جاسر: عاوزين حاجه قبل ما نمشي .. وابقوا جهزوا نفسكم بقي ..

شهد : ماشي يا حبيبي ربنا يتمم لي علي خير 

ركبوا السيارت وبدأوا يتحركوا كل واحد ذهب الي القصر الخاص لهم ...

🤎🤎🤎🤎🤎🤎🤎🤎🤎🤎🤎🤎🤎🤎🤎🤎

في المساء نذهب الي امام المبني الذي ساكنه  حور فيها ...كان اسد والعائله وصلوا ماعدا نديم وعيلته وكانوا ينتظروا احد ...

جاسر : انا عاوز اعرف احنا واقفين ليه ...

اسد : مستني حد كدا حابب يكون معانا 

غرام : حد مين 

اسد : هتعرفي يا أمي...اهو وصل اهو ...

كان حمزه اسد بلغه بالموضوع وقال له ان عاوزه يكون معه ...

جاسر : اي اللي جاب البني آدم ده هنا . 

اسد : انا اللي قولتله ...هو مش حد غريب ده بيكون خطيب ماسه والمفروض يكون معانا. 

حمزه وصل لهم وابتسم وقال : مساء الخير ...

اسد : فين البوكيه الورد اللي قولتلك عليه يا حمزه ...

حمزه : اوبس نسيته في العربيه ...ثانيه هروح اجيبه ...

اسد : روح بسرعه اخرتنا ...

ذهب حمزه واخذ البوكيه بيد الورد وكان لونه احمر الجوري وكان كبير و ونظر الي بوكيه اخر وكان لونه موف مد يده اخذه ثم تركه وقفل باب السياره ...وتوجه الي اسد ومد البوكيه له . 

حمزه : اتفضل يا سيدي ..

اسد : شكرا عاوز اقولك ان بابا مش طايقك 

حمزه : باين من نظراته 

جاسر بعصبيه : مش يلا يا استاذ نتزفت نطلع وله هنبات هنا ...

اسد : اااه لا يلا ...

بدأو يتوجهون علي الدرج وحمزه قرب من ماسه وكان بجاورهاا ..

حمزه : عامله اي 

ماسه : كويسه ...

حمزه بمكر : وحشتيني من ليله امبارح ...

ماسه نظرت له بغيظ ثم قالت وهي تجز علي اسنانها ...

: وانت كمان ...

حمزه ضحك ...

وصلوا الي الشقه ودق اسد الباب ..

في الداخل كان حور كانت جهزت حالها وارتدت فستان بسيط ووضعت القليل من المساحيق التجميل..

او ما استمعت الجرس رن اتوترت..

حور : اكيد هما اعمل اي دلوقتي ...

حوريه : هو اي اللي تعملي اي اوعي يا حور انا هفتح صبرني يارب ...

حور قالت : لا استني انا هدخل انا مكسوفه اوي 

دخلت حور ....وفتحت حوريه الباب ورأت اسد وعائلته ابتسمت لهم ورحبت بهم ...

حوريه : اهلا وسهلا نورتوا اتفضلوا ...

غرام قالت لاسد : ماشاء الله يا اسد معقول دي تكون ارمله ومخلفه ...

اسد : مش دي يا أمي العروسه ...دي اختها ...

غرام : بجد ااه انا بقول بردو دي شكلها صغير 

حور كانت ركضت بخجل الي الغرفه ...

دخلوا الي الصاله الصغيره وجلسوا ..

ماجده : اهلا وسهلا نورتوا الدنيا ...

غرام : ده بنورك حضرتك والدة العروسه 

حوريه قالت : لا يا هانم والدتنا والدنا متوفين ومقطوعين من شجر معندناش حد ...و دي بتكون جارتنا ودايما معانا فما عرفت بالموضوع قررت تيجي وتقف جمبنا..

غرام : اااه كتر خيرك يا استاذه...

ماجده قالت : اسمي ماجده يا ست هانم ...

غرام بابتسامه : اتشرفت بيكي امال فين العروسه ..

حوريه : ثانيه واحده هروح اندها

حوريه ذهبت وتوجهت الي الغرفه ودلفت الي الداخل كانت حور جالسه هي ويوسف علي السرير ...

حوريه : اي يا حور انتي مطلعتيش لي ...

حور بخجل : مكسوفه اوي يا حوريه انا مش هقدر اطلع ...

حوريه : استهدي بالله كدا يا حبيبتي ويلا الناس بتسأل عليكي بره ...

حور : طب انا شكلي حلو في حاجه مش مظبوطه...

حوريه : قمر يا حبيبتي والله شكلك حلو يلا بقي مينفعش نتأخر اكتر من كدة..

حور : طيب يلا ...

خرجوا اخير الي الخارج وكانت حور ماسكه يوسف ...

ويوسف اول ما رأي اسد ركض نحوه ..

يوسف بفرحه : عمو اسد ..

اسد قام وحامله وقال : ازيك يا بطل عامل اي ...

يوسف : الحمدلله ..

حوريه مسكت يد حور وتوجهم اليهم ...

وقالت : اعرفكم اختي حور 

غرام همست لاسد وقالت : هي دي حور 

اسد بحب : اه هيا ها اي رأيك 

غرام : قمر شكلها صغيره اوي علي انها تكون ارمله وعندها ولد...

اسد : لان كانت متجوزه صغيره ...

أسد توجه الي حور ومد لها بوكيه الورد ...

اسد : اتفضلي 

حور ابتسمت وأخذت الورد ...

اسد مال عليها وهمس لها وقال : عروسه زي القمر ...

حور بخجل : وانت كمان شكلك حلو ..ااه هو انت مش هتعرفني علي عيلتك ..

اسد : اه صح تعالي ...

مسك يدها وتوجه الي جاسر وغرام ...

وقال : اعرفك يا ستي بي والدي العزيز جاسر الحديدي...والدتي غرام الشاذلي ..

حور ابتسمت وقالت : أهلا بحضراتكم ...

غرام : اي مفيش حضن لحماتك كده ..

حور نظرت لها توجهت الي غرام وحضنتها بحب وغرام بادلتها بحب ...

ثم حور بعدت وكانت سوف هتحضن جاسر بس اسد جذبها ..

اسد نظر لجاسر وقال : سوري يا بوص اصلي بغير ...عندك غرومه احضنها براحتك. ...تعالي يا حور اعرفك علي اخواتي وبقيت العيله  ..

جاسر نظر له وفهم انه بيردها له . اسد توجه الي اخواته ...

اسد : اعرفك بجدتي شهد وجدي يونس 

حور : اهلا بحضرتكم 

شهد : اهلا بيكي يا حبيبتي ماشاءالله يا اسد عرفت تختار زي القمر ...

يونس : اه فعلا يا شهد ماشاءالله قموره يا واد يا اسد 

اسد بمزح : شايفه يا شهوده بيعاكس بنت غيرك اتصرفي معاه بقي  

اسد شد حور وتوجه الي اعمامه ادهم والياس 

اسد : اعرفك يا حور عمو إلياس و خالتو ..

"بعد نصف ساعه اسد عرف العيله علي حور وحبوها جدا ...

اسد همس لجاسر ان يتحدث ثم قال جاسر : احم بصي يا مدام ماجده احنا نخش علي الموضوع احنا بنطلب ايد بنتكم حور لابننا اسد علي سنه ألله ورسوله...

ماجده : احنا لينا الشرف اننا نناسب حضراتكم....

اسد : بعد اذنك يا بابا انا هكمل عنك ....طبعا يا حور انتي عارفه ان شقتي جاهزه وان شاء الله بعد شهرين هنتجوز ونعمل فرحنا مع فرح حمزه وماسه اختي هاا قولتي اي . 

حور بخجل ونظرت الي الارض : موافقه ...

جاسر : طب فكري يا بنتي وراجعي نفسك ...حد يرتبط بواحد زي اسد ...هو مش ابني بس انا بقولك فكري كويس ....

اسد : اي يا بابا في اي ...ما تخليك محضر خير....ماتقولي حاجه يا ماما ..

غرام بضحك : بيهزر معاك يا حبيبي...

اسد : طب يلا يا حوريه شغلي اغنيه بقي عشان البسها الشبكه ...

حوريه بفرحه : حاضر ..

جاسر : هو انت جيبت شبكه اصلا ...

اسد : اه امال اي ...انا مقرر اننا نعمل خطوبه علي ضيق مش لازم نعمل خطوبه كبيره ...

غرام : اللي انت عاوزه يا حبيبي ربنا يتمم ليكم علي خير ....انا في الأول كنت مش مبسوطه بس بعد ما شوفت حور بقيت فرحانه ومبسوطه جدا ...

اسد : ربنا يباركلنا فيكي يا ست الكل . 

جاسر : مبروك يا اسد حافظ عليها واعرف انك لو فكرت تزعلها هزعلك ساعتها انا اعتبرتها بنتي خلاص...

اسد : نفسي في مره تعتبرني ابنك . 

حور : ربنا يخليك لينا يا عمو وانا ليا الشرف ان اكون بنتك واكون معاكم حقيقي ربنا عوضني بيكم ...

يونس وشهد : الف مبروك يا اسد ربنا يتمم ليكم علي خير يارب 

"بعد مباركات العيله حوريه شغلت اغنيه  يا دبله الخطوبه ....

وبدأ اسد يلبس حور الشبكه وكانت عباره عن ...

دبله ومحبس وطقم كارتير فاخم ...

حور همست لاسد وقالت ببراءه : ليه كل ده انا مكنتش عاوزه لكل ده ...

اسد بحب : ميغلوش عليكي يا عروستي ربنا يكرمني واقدر اجيب ليكي اكتر من كدا .. 

حور بفرحه : ربنا يباركلي فيك .. 

اسد : بحبك ..

حور بحب : وانا 

اسد : انتي اي قوليها بقي . 

حور بخجل : هقولهالك بس مش دلوقتي ...

اسد : ماشي يا ست حور المهم قوليلي مبسوطه ...

حور نظرت له وقالت : عارف انا والله لحد دلوقتي مش مصدقه انا مكنتش اتوقع ان ارجع اعيش حياتي واتجوز بعد عمار الله يرحمه ...

اسد بغيره : قولتلك متجيش سيره اي راجل علي لسانك بعد كدة لو جبتي سيرته هزعلك وانا زعلي وحش ياريت تنسي خالص حته تنسي كل حاجه بتفكرك بي وتنسي ايامك معاه سامعه ياحور !!

حور : طيب حاضر خلاص متزعلش ..

حوريه : يلا بينا نقوم نرقص ونهيص بقي 

قام الشباب والبنات رقصوا وكانو فرحانين والبنات رقصوا مع حور والشباب رقصوا مع اسد ...

وبعد حوالي ساعه قرر جاسر ان يذهب 

جاسر قال : مش يلا بينا يا اسد الوقت اتأخر ..

اسد : حاضر يا بابا ..اسبقوني انتو 

قاموا العائله ودعوا حور واختها وجارتهم ونزلوا الي الاسفل ..

اسد كان واقف علي بابا الشقه ثم نظر لحور : انا همشي دلوقتي هكلمك لما اروح هتوحشيني ...

حور بخجل : وانت كمان ...

نزل اسد للاسفل وكانو العائله توجهوا الي السياره وذهبوا ماعدا جاسر كان ينتظر اسد ووصل اسد اليهم كانوا سوف يركبوا السياره  ...

لاكن حمزه وقفهم وقال لماسه : ثانيه يا دكتوره عاوزه اديكي حاجه . 

ماسه استغربت ووقفت ...ذهب حمزه الي سيارته..

جاسر بغيره : واقفه لي اركبي ...

ماسه : بس هو 

جاسر بعصبيه : انا بقلك اركبي ...

غرام : في اي يا جاسر مالك ...

جاسر : مفيش يلا اركبي عشان نمشي 

غرام : طيب اصبر حمزه يجي ونسلم علي ونمشي .. 

جاسر : ونسلم عليه بتاع اي هو كان من بقيت عيلتنا 

اسد باستفزاز : بيكون خطيب بنتك وقريب هيكون جوز بنتك

جاسر : اخرس يا حيوان ...

غرام : جاسر حسن الفاظك شويه هو في اي

حمزه كان وصل اليهم وكان حامل بيده بوكيه كبير ورد لونه موف في ابيض في بنفسجي كان شكله جميل اوي توجه الي ماسه ووقف امامها ومد لها البوكيه ...

حمزه : اتفضلي 

ماسه باستغراب : ده عشاني ..

حمزه : اه 

ماسه نظرت له وأخذت البوكيه وفجاءه شعرت بضربات قلبها بتدق بسرعه وسرحت فيه قطع اللحظه جاسر الذي ادخل ووقف في النصف واخذ البوكيه ورمي علي حمزه ...

جاسر بغيره : بنتي مش هتاخد منك حاجه اتفضلي يا استاذه اركبي العربيه ...

غرام : جاسر 

حمزه قال ببرود واستفزاز : هو حضرتك زعلان من حاجه ...في اي 

جاسر بغيظ : في اني مش طايقك مش مطمنلك حاسس ان وراك حاجه وقريب اوي هعرفها اتفضل خد البوكيه ده واتنيل روح اركب عربيتك وامشي ...

اسد قرب من حمزه وقال : خلاص يا حمزه روح اركب العربيه ولم الليله معلش ...

حمزه بعصبيه وغيظ نظر لاسد : ماشي يا اسد ...

حمزه ذهب الي السياره واسد قرر يركب ليهدي وترك سيارته لاخواته وجاسر ذهب بسيارته ...

وبعد حوالي فتره وصلوا الي القصر ودخلوا الي الداخل وكان جاسر وغرام ذهبوا الي غرفتهم وكانت ماسه سوف تتوجه الي الدرج سمعت اسد ينادي لها ...

ماسه التفتت له ورأت ان البوكيه مع اسد ..

اسد : خدي البوكيه حمزه أصر انك تاخدي بيقولك في كارت في ابقي اقرأي ..ثم غمز لها 

وتوجه الي غرفته وماسه توجهت الي غرفتها ودخلت وجلست علي السرير ووضعت البوكيه بجانبها وأخذت كارت صغير الذي كان في البوكيه كان متزينه فتحته واندهشت من تلك الجمله التي كانت مكتوبه  

..كان مكتوب " عارف انك بتحبي اللون الموف والبنفسجي متأكد ان هيعجبك البوكيه ..تصبحي على خير يا زوجتي العزيزة" 

ماسه : هو في اي ..وبعدين هو عرف منين ان اللون الموف والبنفسجي ان لوني المفضل  ..انتي عبيطه ما هو صاحب اسد المقرب اكيد اسد قاله.....انا انا حاسه ان طريقه كلامه غريبه ...لا هو قال زوجتي العزيزة اوووف بني آدم سئيل علي رأي بابا هههه 

وضعت البوكيه بجانبها واستنشقته وشعرت بشعور غريب ثم غمضت وغضت في النوم . 

🤎🤎🤎🤎🤎🤎🤎🤎🤎🤎🤎🤎🤎🤎🤎

في الصباح المشرق في قصر الحديدي كان جاسر وغرام جالسين في الريسبشن يشربون فنجان قهوة ويشاهدون علي التليفزيون ...

غرام : جاسر هو انت مش رايح الشركه انهارده ..

جاسر : لا مش رايح .

غرام : طيب 

فجاءه دخل اسد وماسه وهم جاهزين ليذهبوا الي الخارج. 

اسد : عاوزين حاجه قبل ما نمشي ...

جاسر : اي ده انت رايح فين كدا واخد اختك معاك ليه ...

اسد بكذب : ااااه قولت اوصلها المستشفي في طريقي اصل عربيتها باظت ...

جاسر : ده امتي يا ماسه عربيتك باظت مبلغتنيش لي ...وبعدين مروحتيش ليه مع اختك عشق 

ماسه : اااه 

اسد قاطعها : اصل انا عاوزها معايا في مشاور يا بابا يخصني يعني هجيب حاجه لحور وكده وعاوزها تكون معايا انت فاهم بقي ...

غرام : طيب خلاص روحوا خدوه بلكم من نفسكم .. 

جاسر : حاول متتاخرش عن الشركه يا اسد لان اخوك هناك لوحده وانا مش هروح انهارده ...

اسد وهو يشد ماسه ويجذبها وقال : حاضر يا والدي ...

خرجوا اسد وماسه وكان اسد يجذب ماسه من يدها ...

ماسه : يا بني احنا رايحين فين و اي موضوع عربيتي اللي بايظه دي انت كدبت علي بابا 

اسد وقف امام السياره وقال : اركبي يا ماسه وانا هفهمك كل حاجه ...

ركبوا السياره وخرجوا من بوابه القصر 

ماسه : فهمني بقي احنا هنروح علي فين وليه كدبت علي بابا ..

اسد قال بغمزه : هنخرج انا وانتي وحور وحمزه طبعا لو كنت قولت لبابا مكنش هيوافق وخصوصا لو عرف ان حمزه هيكون معانا ...

ماسه بعصبيه : انت اتجننت بابا لو عرف هيعمل مشكله ...

اسد : هيعرف منين يا ماسه متحبكيش الدنيا ده هي ظرف ساعه نخرج ونتبسط مع بعض وبعدين كل واحد هيروح علي شغله وله من شاف وله مندري محدش هيشوفنا ...

ماسه : يا سيدي مين قالك اني انا عاوزه اخرج ...اي ده انت وقفت لي ..

اسد : انزلي ...

ماسه : انزل اروح فين ...

فجاءه رأت حمزه ينزل من سيارته ويتجه اليهم ...

اسد : هتروحي انتي وحمزه وهتسبيقونا علي المكان عقبال ما اروح اجيب حور واجيلكم...

ماسه : نعم لا انا هروح معاك مش هركب مع حمزه ...

اسد : يا بنتي ليه يعني هو حد غريب ده خطيب وبعد شهرين هيكونوا جوزك يلا انجزي بقي انزلي 

نزل اسد من السياره وتوجه الي حمزه وحضنه ...

اسد : ابو نسب ايش اخبارك ...

حمزه : الحمدلله انت عامل ايه 

اسد : كويس زي ما اتفاقنا انت وماسه هتسبقونا علي المكان عقبال ما اجي ليكم ..

حمزه : هي فين ماسه دي ..

اسد التفت ليري ماسه لم يجدها تنزل من السياره ...

اسد : يارب صبرني اصبر يا بني هروح اجيبها ...

ذهب وتوجه الي السياره وفتح الباب ...

اسد : انتي منزلتش لي يا ماسه 

ماسه : مش عاوزه اروح معاه يا اسد 

اسد : يلا يا ماسه انجزي مش عاوزين نضيع وقت اووووف 

ثم جذبها وخرجها من السياره ...

ماسه : يا اسد انا مش عاوزه اروح معاه. 

اسد : هو هيخطفك اهدي يا ماسه 

وصلوا الي حمزه وقال : خلي بالك من ماسه يا حمزه 

وانا مش هتأخر عليكم 

حمزه : تمام متقلقش 

اسد : يلا يا ماسه روحي مع خطيبك . 

ماسه قالت وهي تجز علي اسنانها : ماشي يا اسد الكلب

ذهبت ماسه الي السياره وركبوا بدأوا يتحركوا 

حمزه : تحبي اشغلك حاجه تسمعيها ...

ماسه : لا 

حمزه : مقولتليش رأيك في البوكيه ...

ماسه كان قلبها يدق بسرعه ثم نظرت له عدة نظرات 

ثم قالت : حلو 

حمزه فجاءه وقف السياره وماسه اتخضت وخافت 

ماسه بخوف : انت واقفت لي 

حمزه نظر لها ثم نزل من السياره ووقف امامها ثم ضرب عجل الكوتش ماسه استغربت من ردة فعله ثم نزلت اليه والتفتت له ...

ماسه قالت : هو احنا وقفنا ليه 

حمزه نظر لها وكان عيونه لم تبشر بالخير كان لونهم احمر ثم قرب منها وامسكها ذراعها ...

وقال بصراخ : ياريتك ما كنتي ظهرتي في حياتي وله كنت عرفتك بتكوني مين ....

ماسه : هو في اي انا مش فاهمه حاجه .. 

حمزه لمعت عيونه ثم قال : في اني انا بحبك ....بحبك عرفتي في اي 

ماسه اتصدمت وبرقت... 

حمزه نظر له وقال : ماسه انا عاوزك تنسي كل اللي عملته فيكي وعاوزك تديني فرصه من تاني نفتح صفحه جديده نتعرف من اول وجديد ....احب اقولك واعرفك اللي واقف قدامك دلوقتي حمزه واحد تاني خالص ...واحد مختلف عن شخصيه تاني انا عارفه اني اذيتك وهددتك ومعاملتك وحش وقسيت ...انا اسف عن كل حاجه عملتها فيكي واسف عن كل جرح سببته ليكي اسف ....ارجوكي اديني فرصه تانيه نقرب من بعض نتعرف علي بعض اكتر واوعدك لو اديتيني فرصه هنسيكي كل حاجه وهعوضك عن كل حاجه ....

ماسه بتوهان وخوف : انت مين اكيد مش انت هو ...وله هو انت وله تكون تؤامه انا مش فاهمه حاجه ...

حمزه قرب منها وتنهد ثم مسك يدها ووضعها علي قلبه 

وقال : شايفه قلبي بيدق ازاي كل مره اقابلك في ونكون قريبن من بعض قلبي بيدق وبحس ساعات ان هيخرج من مكانه ....موافقه تديني فرصه يا دكتوره 

ماسه بتوهان وقلبها كان يدق بسرعه وجاءي لها شعور انبساط حابه هذا الكلام لاول مره في حياتها تسمعه من احد بس الذي لم تصدقه ان هذا الكلام يطلع من هذا البني ادم لم تتوقع ...

ماسه بسرحان : خايفه اديلك فرصه او اصدقك اندم في يوم 

حمزه : اوعدك انك مش هتندمي صدقيني المره دي انك هتشوفي حمزه مختلف عن حمزه اللي شوفتيه في الأول...

ماسه : هفكر الاول مش قادر استوعب كلامك وله قادره اصدقك انك انت نفس الإنسان اللي هددني واذاني وضغط عليا مش قادره بجد اصدق ...

حمزه بحب : اوعدك اني انسيكي كل حاجه صدقيني واديني فرصه وانا هخليكي تعيشي ملكه ....خلي بالك انا عمري في حياتي ان اصدق اقف قدام بنت واقول كلام ده بس انتي الوحيده اللي حطمتي غروري و كبريائي حطمتي حاجات كتيره اوي

ماسه : بس انا افتكر انك قولت ليا انك بتكرهني وبتكره عيلتي واحد واحد فجاءه كدا حبيتني ...

حمزه نظر الي ماسه وهو راسم ابتسامه ثم بدون إنذار امسك يدها الاثنين 

ثم قال : كنت غبي ساعتها منا قولتلك يا ماسه انك دلوقتي واقفه قدام حمزه تاني خالص واحد غير اللي قابلتي واحد بيحبك بجد ومستعد يعمل اي حاجه ان يثبت ليكي حبه ....

ماسه نفضت يده ثم بعدت وقالت : انا مش قادره اصدق وله كلمه قولتها ليه معرفش وكمان انت اتكلمت مجرد كلام و الكلام بيبقي كتير ومش بيخلص الرق علي الأفعال اكيد فهمني ...

حمزه ابتسم علي لبقاتها ثم قال : بكره اثبتلك كلامي ...

ماسه : طيب يلا عشان احنا كده اتأخرنا وزمان اسد راح علي المول ...

حمزه : اه يلا بس اظن انه لسه مارحش لو كان وصل كان اتصل علينا ...يلا اركبي 

ماسه توجهت الي السياره وهو ذهب حمزه ركب وابتسم ثم فتح موسيقي رومانسية وبدأ يدندن وينظر لماسه ....وماسه شعرت بخجل وابتسمت ونظرت الي اتجاه الشباك ...

🤎🤎🤎🤎🤎🤎🤎🤎🤎🤎🤎🤎🤎🤎🤎🤎

نذهب الي عشق وديما كانوا ينتظروا جيسي صديقه عشق وشقيقه اللورد امام الفندق ...

ديما : ممكن اعرف احنا هنا بنعمل اي ومستنين مين ...

عشق بزهق : يووه يا ديما ما قولتلك احنا هنا مستنيه واحده صحبيتي اتفقت معاها ان احنا هنروح نعمل شوبينج مع بعض قولت اخدك معايا واعرفك عليها 

ديما بغيره : واتعرفتي عليها فين بقي ومن امتي اصلا ليكي صحاب غيري 

عشق : يا غيوره اتعرفت عليها من خلال السوشيال الميديا.... .   

ديما : علفكره احنا استنينا كتير والهانم لسه مجتش يلا نمشي بقي 

عشق : معلش زمانها جايه ..  نسيت اقولك انها مش بتعرف تتكلم عربي أصلها أمريكيه....اهي جت اهي ...

جيسي خرجت وتوجهت الي عشق وعنقتها بحب 

جيسي : أفتقدك كثيرا يا حبي

عشق : وأنا أيضاً يا روحي

ديما : يارب نخلص ..

عشق ضحكت ثم قربت ديما وقالت لجيسي :  أعرفك علي ديما يا جيسي، ابنة عمي وأفضل صديقه لي

جيسي : مرحبا ديما كيف حالك؟

ديما : الحمدلله 

جيسي : سعدت بلقائك يا ديما

ديما : و أنا أيضاً 

عشق : دعنا نذهب، لأنني لا أريد أن أتأخر لأن لدي تدريب في المستشفى

جيسي :  حسنًا، دعنا نذهب ....

وذهبوا الي السياره لاكن جيسي تذكرت شئ 

وقالت : أوه، لقد نسيت هاتفي في الغرفة

عشق : حسنًا، اذهبِ وأحضرِ هاتفك ونحن في انتظارك

جيسي نظرت لعشق بخبث ثم فكرت بفكره خبيثه 

التفتت لتذهب ثم مثلت انها هتقع ...وعشق ركضت نحوها بسرعه وساندتها 

عشق : هل انتِ بخير يا جيسي ؟؟

جيسي وضعت يدها علي جبينها ..

ثم قالت : شعرت بالدوار. هل يمكنك الذهاب وإحضار هاتفي؟

عشق : حسنًا، أين وضعتِ هاتفك؟ 

جيسي : على السرير

جيسي مدت له الكارت الخاص للغرفه لتدخل الغرفه 

عشق اخذت الكارت وتوجهت الي الاوتيل وكان قلبها مقبوض وخائفه لتقابل ذالك الوحش 

عشق قالت لحالها : في اي يا عشق اهدي اكيد مش هتقابلي اهدي 

ذهبت الي الغرفه ودخلت وتوجهت الي السرير وكانت تبحث علي الهاتف فجاءه صوتت عندما رأت سلاح موضوع علي رأسها رفعت يدها بخوف كان اللورد لم يري وجهه عشق...كان يفتكر البنت التي بتأتي له

اللورد : هو انا مش قولت ليكي متجيش تاني انتي بتعصي كلام اللورد دي انتي ليلتك سوده  

عشق التفتت لتري اللورد اتصدم من وجود عشق ومازال واضع المسدس  نحوها ...

اللورد برفع حاجب وقال : انتي جايه برجليكي لحد هنا ...

عشق بخوف : كككنت جايه اخد تليفون اختك نسيته ..هو انت بتعمل اي في اوضتها ..

اللورد نزل سلاحه وحدفه وعشق تنهدت بارتياح ثم كانت ذاهبه بخطوات خوف فجاءه اللورد مسك يدها وقربها منه ...

ثم قال بخبث : رايحه فين يا حلوه هو دخول الحمام زي خروجه 

عشق بخوف : قصدك اي ابعد عني .. 

اللورد بدون سابق انذار زق عشق بقوه علي السرير 

ثم نام عليها وقال بمكر : هقولك دلوقتي قصدي اي ..

عشق ارجوك متعملش كدا فيا انا عندي انك تقتلني بس متلمسش شعره مني ...

اللورد نظر لها ونظر لشفتيها وقال بخبث : ومين قالك اني هلمس شعره بس...

عشق ببكاء : ارجوك ابعد ترضي حد يعمل كده في اختك ده انت عندك اخت وفي مثل بيقول كما تدين تدان 

اللورد ببرود : مش بأمن بالامثال وبعدين انتي اللي بنفسك جايه برجليكي لحد عندي يعني محدش غصبك علي حاجه ..

بدأ اللورد يقرب تاني وعشق تقاوم وبعده وتلكمله بيدها الصغيره علي صدره وتحاول تحركه لاكن لم تقدر هو مثل الحائض البشري لم يتحرك ...بدأت تصرخ بصوت جامد وضع يده ليكتم صوتها لاكن عضته جامد لدرجه اتألم وتركت اثر اسنانها علي يده ...

قام اللورد ثم اخذ السيجار ووضعها داخل فمه وخذ نفث دخان فى الهواء ....

ثم قال : خمس دقايق ومش عاوز المحك واحمدي ربنا ان سبتك غوري من هنا .

عشق قامت ببكاء ثم ركضت الي الخارج ونزلت الي الاسفل وهي تركض خبطت في احد ... 

وتوجهت الي ديما وجيسي ..

نظرت لجيسي بغضب وقالت بصراح ببكاء 

: لا أريد أن أعرفك مرة أخرى

ديما : مالك يا عشق حصل اي ....

عشق ببكاء : خديني من هنا يا ياديما 

ديما :  طيب يلا 

ركبوا السياره وذهبوا وجيسي لم تفهم اي شى اي اللي حصل ان عشق تقول لها هذا الكلام ...ذهبت وتوجهت الي غرفه اللورد ..ودخلت وعندما دخلت اتصدمت من هيئته فهمت كل شئ ...

جيسي بغضب :  لقد فعلت شيئا في عشق 

اللورد نظر لها وقال بعصبيه : قصدتِ أن ترسليها لي، أليس كذلك؟

جيسي بتوتر : لا، بالطبع، كدت أخلط بين غرفتك وغرفتي. طلبت منها أن تحضر لي هاتفي لأنني شعرت بالدوار ولم أتمكن من إحضاره بنفسي. ماذا فعلت في عشق لتخبرني أنني لا أريد أن أعرفك مرة أخرى؟

اللورد بخبث : أنا لم افعل أي شيء، ثم انتي قصدتِ ترساليها إلى غرفتي. انسى ما يدور في ذهنك، هذا لن يحدث.وهيا، اذهب إلى غرفتك لتحضري حقيبتك. اليوم ستسافري إلى أمريكا...

جيسي : لا أريد السفر الآن

اللورد : لن أكرر كلامي اذهبي

جيسي ذهبت وهي تدبدب في الارض مثل الأطفال وذهبت واللورد جلس علي الاريكه ورجع رأسه للخلف بارتياح ...

🤎🤎🤎🤎🤎🤎🤎🤎🤎🤎🤎🤎🤎🤎🤎🤎

عند عشق وديما ذهبوا الي كافيه وجلسوا فيه وكانت عشق منهاره وكانت تبكي بشده وديما تحاول أن تهديها ..

ديما : يا بنتي قولي بقي حصل اي 

عشق : انا مش قادره احكي يا ديما 

ديما : لا منا لازم اعرف حصل اي يخليكي تنهاري بالشكل ده انتي مش شايفه نفسك عامله ازاي ...

عشق بصراخ : يووووه ما خلاص يا ديما سيبيني بقي قولتلك مش قادره احكي انا ماشيه 

وقامت عشق وركضت الي خارج الكافيه وديما ركضت خلفها بسرعه ووصلت لها وكانت واقفه امام السياره ..

عشق : اطلبي ليكي أوبر انا رايحه المستشفي ...

ديما : لا انا هاجي معاكي انا استحاله اخليك تسوقي وانتي كدا ...

عشق : انا مش هعيد كلامي بعدين هبقي احكيلك متقلقيش انا كويسه ...

ثم فتحت باب السياره وركبت وتحركت بها الي المشفي...

وديما طلبت أوبر وذهبت الي الكليه...ولم تفهم اي شئ تشعر بقلق علي عشق ....عشق بالنسبه لها اكثر من صديقه هي بتكون اختها متعلقين ببعض كثيرا ...

🤎🤎🤎🤎🤎🤎🤎🤎🤎🤎🤎🤎🤎🤎🤎🤎

نرجع مره اخري لاسد وحور وحمزه وماسه كانوا وصلوا الي مول واتفقوا ان سوف يشاهدون فيلم.   

اسد : ها هنحضر فيلم اي ...

ماسه : انا اتأخرت علي الشغل انا عاوزه امشي ...

اسد : بطلي رخامه يا ماسه قولنا هنحضر الفيلم وكل واحد هيروح علي شغله ...هما ساعتين مش اكتر ...

ماسه : انت عارف طبيعه شغلي يا اسد مينفعش اكون كل ده مكنش موجوده بذات ان مفيش حد هناك وعشق معرفش راحت وله لا

اسد : ما تبطلي رخامه احنا قضينا وقت حلو مع بعض خلينا نكمل اليوم صدقيني هتتبسطي 

ماسه : اوووف طيب هنخش السينما ونمشي علطول ...

اسد : ماشي ...يلا يا حمزه تعالي نروح نحجز .

حمزه : هو انتو قررتوا هندخل اي 

اسد  : اه نحجز الفيلم اللي حور قالت علي 

ماسه برفع حاجب قالت : واشمعني الفيلم الي حور قالت عليه ...لا انا معجبنيش احنا ندخل فيلم اجنبي 

حمزه : وانا بقول بردو اجنبي احلا 

حور : خلاص اي حاجه بس يلا اختارو بسرعه عشان الوقت ميضعش علي الفاضي 

اسد : اتفضلي يا دكتوره ماسه عاوزه فيلم اي 

ماسه : حلو فيلم Perfect Addiction اعلانه عجبني 

حمزه ابتسم ثم قال : اه وانا كمان عجبني ...

اسد : اي الارف ده كلوا اكشن وملاكمه احنا عاوزين حاجه رومانسي ...

حور : خلاص بقي يا اسد اي حاجه والفيلم اعلانه فعلا حلو وبيشد ..

اسد : خلاص ماشي تعالي يا حمزه نروح نحجز التذاكر 

حمزه : ماشي يلا بينا ...

وبعد فتره دخلوا السينما وجلسوا في المقعد كل واحد معه فشار وكان اسد جالس بجوار حور ...وحمزه بجوار ماسه وبدأ الفيلم واندمجوا معاه قصدي علي البنات اما الشباب لم يشاهدون الفيلم كانوا فقط مركزين علي البنات ...

اسد كان ينظر لحور بكل حب ومبسوط فجاءه نظر الي يدها التي كانت موضوعه علي زراع المقعد بدأ يقرب يده واحده واحده كان مستغل انها منشغلا في الفيلم 

وصل الي يدها وامسكها ....وحور اتخضت وبعدت يدها 

حور بهمس : اسد 

اسد بحب : عيون اسد وقلب اسد من جوه 

حور : ركز علي الفيلم ارجوك وبعدين بطل كلامك ده انا لسه مش متعوده ان اسمع منك الكلام ده 

اسد بغمزه : بكره تتعودي 

حور خجلت ونظرت الي الفيلم وجهها احمر 

" اما حمزه وماسه كانت حمزه مركزه علي الفيلم وتأكل فيشار ...وحمزه قرب جسمه من ماسه ...

وهمس لها باستفزاز : الفيلم ده ميفكركيش بحاجه 

ماسه : لا

حمزه : يعني معقول لحقتي نسيتي وله عشان اتغلبتي 

ماسه : طبيعي يعني اتغلب هو انت مش شايف ان في فرق ما بينا انت قدي مرتين تلاته ....

حمزه : طيب ما انتي شايفه سينا اهي جسمها عادي وبدرب شباب وتلعب معاهم ماتش ملاكمه وبسهوله بتغلبهم الرق علي التدريب يا دكتور مش الجسم ...

ثم غمز لها وقال : ان شاءالله لما نبقي في بيت واحد اوعدك ادربك كويس وهخليكي علي اعلي مستوي  

ماسه : هتيجي اي جمب بابا ....تعالي جرب تلعب معاه ماتش وانت تشوف الملاكمه اللي علي أصول من اول الماتش ممكن تفرفر ...

حمزه : ماشي يا ستي شكرا ....يلا ركزي علي الفيلم يمكن تستفيدي حاجه ...

ماسه نظرت الي الفيلم وركزت فيه 

انتهي الفيلم واتبسطوا من الفيلم  

ماسه : يلا بينا نمشي 

اسد : اه يلا بينا 

حور : احم هو انا ممكن بس اروح اجيب حاجه ليوسف من هنا قبل ما امشي عشان وعدته اجيب لي هدية....لو حابين تمشوا انتو خلاس امشوا عشا متتأخروش ...

اسد : خلاص يا حمزه وصل انت ماسه علي المستشفي وانا هروح مع حور عشان نجيب الهديه مع بعض للأستاذ يوسف ...

حور ابتسمت وقال : انا مش عاوزه اعطلك خلاص روح معاهم وانا هروح في تاكسي 

اسد : بس يا حبيبتي يلا امشي قدام ...حمزه خد بالك من ماسه ..

حمزه نظر لماسه  : هتواصيني علي مراتي 

ماسه نظرت له ثم ذهبت وحمزه ذهب خلفها وركبه الاسانسير لينزلوا الي اسفل المول ...

خرجوا من الاسانسير و ذاهبين الي بوابه الخروج 

🤎🤎🤎🤎🤎🤎🤎🤎🤎🤎🤎🤎🤎🤎🤎🤎

في فيلا إلياس الحديدي...

بالاخص في غرفه تولين كانت تجهز حالها لتذهب الي الكليه وكانت متأخره جدا ...فجاءه دخلت الخادمه 

وقالت : تولين هانم إلياس بيه عاوز حضرتك في الريسبشن ..

تولين : حاضر انا كدا كدا كنت نازله ...

خرجت تولين وتوجهت الي الريسبش ودخلت بمرح 

وقال : نعم يا دادي قالوا انك عاوزني ...

ثم وقفت ثواني وبرقت واتصدمت من وجود احد ما 

تولين بصدمه : مصطفي ..