رواية حياة المعلم الخاتمه الأولى بقلم خلود أحمد
#حياةالمعلم
قصه جانبيه 1
بعد سبع سنوات
" سهييييله، تامر انت ي زفت "
هتف بذلك محمد الغاضب بشده لتأتى على صوته سهيله ذات البطن الممتلئ وتسال بخضه
"فى ايه ي محمد بتنادى كده ليه"
"هكون بنادى ليه من عمايلك انتى وابنك"
سهيله بعدم فهم
"عمايلى؟ فى ايه لك دا حصل ايه"
محمد بعصبيه وهو ينظر لابنه الصغير ويقترب منه بغضب
"اه عمايلك مش انتى اللى جبتيلى البلوة دى"
لتبعده سهيله عن صغيره ذو الاربع سنوات الذى يبتسم لوالده ببراءه
"اهدا بس ي محمد وقولى عملك ايه دا طفل"
محمد بغضب
"طبعا ما انتى هتبرريلوا ما تلاقيكى مشتركه معاه فى جريمته"
سهيله بغضب فهى بدأت تعتاظ مما يحدث
"ممكن تهدى وتفهمنى جريمه ايه"
"افهمك ايه ولا ايه هو اللى عملتوه دا يتحكى ازاى جالكم قلب تعملوا كده"
ليكمل بوجع وهو يريها ما حدث
"ازاى جالكم قلب توجعوا شباشيبوا بقا تقطعوه كده معقول تعملوا كده مش كفايه انكم حرمتوه من مراته وابنه وبرضوا رمتوهم من روايا دلوقتى اخدتوا حياته انتو ازاى وحوش كده"
هتفت سهيله المصدومه من حديثه
"انت بتهزر صح اصلك لو مش بتهزر يبقى هخلى يومك زى وشك"
لكن محمد لم يغير تعبيره وهو ينظر لشباشيبو بوجع
"مش مسماحكم وربنا ما هسيب حقه"
لترد سهيله بغضب فقد فاض بها الامر من الحمل وطفله المشاغب والابله الذي تزوجته
" ي اخى دا انا اللى هسيبك " لتعطيه طفلها تامر الذى يقف خلفها ليحتمى من غضب والده وتقول بغضب
" كان يوم اسود يوم ما اتجوزتك لا وانا اللى كنت صعبان عليا قوووى تعبى دا كان ارحم منك انت وعيالك واحد سمج زيك بره والتانى تعبنى جووه انا استاهل ضرب الجزم انى اتجوزتك ما انا كنت ملكه بس خلاص هصحح غلطى دا وهمشى واسيبك البيت انت وشيبشيبك انا تعبت منكم "
ليحاول محمد تهديئتها
" اهدى ي سوسو انتى حامل وقلبك تعبان"
سهيله وهى تزيح ايده
" ابعد عنى قال سوسو ؛ انت خليت فيها حمل وقلب تعبان انت وشيبشيبك اللى قرفنى بيه وعلى فكرة بقا انا اللى قطعته وقطعته حته حته متتخيلش كنت مبسوطه ازاى ادينى ارتحت من هم عقبال ما اقطع حد تانى هو وعياله "
محمد بغضب وهو يمرر لها تامر الذى يقف وسطهم
"بقا كده ي سهيله طيب خلى بالك انا مش هسكت "
" اللى عايزه اعمله انا زهقت منك انت وعيالك"
" هسيبلك البيت "
"الباب يعدى جمل مش محمد بس "
"كده طيب وربنا لاسيبلك انا البيت واريحك واهو شوفى هتهددى مين تسيبى الببت "
ليغادر ولم تلحقه سهليه ليتوقف مكانه وقال دون ان ينظر لها
" يعنى اسيبلك البيت ي سهيله بجد "
" اااه "
محمد وهو يسال بحزن
" يعنى هريحك فعلا "
" اااه "
" خلاص يعنى ي اسكت على حق شباشيبوا ي اطرد من البيت "
" اااه "
" انتى بقيتى قاسيه قوووى ي سهيله مكونتيش كده فين حنيتك زمان دا انتى كنتى بتقوليلى بحبك علشان شيبشبك دلوقتى مبكتيش تحبينى"
"ااه "
" انتى علقتى ولا ايه "
اااه الحقنى ي مجنون
ليلتف لها محمد بخوف ويجدها تمسك بطنها وتامر يقلدها
"مالك ي سوسو ماسكه بطنك ليه "
"بشوف باينه ولا اوسع اللبس شويه هيكون ليه ي محمد بولددددددددد اااااه اااااااااه همووووووووت انت وابنك ااااااااه اتصررررررف انت مش دكتووور "
"معرفش اعمل ايه مختش الكلام دا فى الكليه كنت نايم يومها فى البيت اصلى كان........ "
لتقاطعه سهيله بعصبيه
" محمددددد "
"ايوه "
" طلقنىىىىىىىىىىىىىىىى اااااااااااااااه"
...........
"انت ي ابن الكلب تعالى هنا "
"لا ي بابى مش هاجى هتضربنى"
"هضربك بس دا انا هكسر دماغك دى علشان اعرف بتفكر ازاى بقا ابنى انا هاشم الزناتى يقول بابى انت عبيط ياض ولا ايه"
ليجيب ذلك الصغير ذو الست سنوات ونصف بتعقل
" ي بابى مش كل حاجه بالضرب لازم نستخدم العقل حضرتك تحاورنى واحورك واكيد هنقدر نوصل لحل وسط"
هاشم بغضب وهو يقترب منه ليضربه
" حل وسط دا انا هحل وسط انتى واللى خلفوك ايه انا مش عارف انت ابنى ازاى دا اكيد دعوة حد عليا قال حل وسط دا انت هطلع عليك السواد بس استنى عليا "
ليجرى الصغير من امامه وهو يقول
" ي بابى متكونش همجى كده خليك انسان متحضر "
" متحضر دا انا هحضر الجن الاسود على دماغك ي ابن الكلب بس امسكك ي حسن الكلب "
حسن وهو يهرب من هاشم قبل ان يمسكه
" ي مامى احقينى ي مامى "
" وكمان مامى دا انت مش هيطلعلك صبح ي ابن الكلب دا هطلع م.... "
" هاشم انت بتقول ايه للولد دى الفاظ تتقال فى البيت وماله بيزعق ليه "
هتفت بذلك حياة وهى تطالع هاشم
هاشم وهو يخرج صوت من فمه دليل على استهزائه
" وحياة امك هو كلب بقا الفاظ الفاظ امم لا دا البيت دا محتاج تصليح واحد يقولى بابى ومامى ونتحاور والتانيه الفاظ "
حياة بغضب
" هاشم خلى اسلوبك احسن من كده دا مش حوار بلاش الهمجيه بتاعتك دى "
" حوار وهمجيه طبعا هو هيجيبه من بره ما اكيد الفلسفه دى انتى اللى هتعلمهالوا هستنى منك تعلميه ايه يمسك مطوه مثلا "
" هاشم اى الالفاظ دى قدام الولد "
" برضوا هتقولى الفاظ انا سيبهالك وماشى "ليكمل وهو يطلع لحسن المستخبى خلف حياة
" وابن الكلب اللى وراكى دا انا هعرف اربيه قال مامى قال "
ليترك الغرفه لكن اوقفه صغيره ذو السنتين والنصف سنوات مصعب وهو يمسك بقدمه ليحمله هاشم بيده ويغادر وهو يقول
" تعال انت معاى يمكن الحق حد من الفلسفه اللى ملت البيت "
لينظر له الصغير بضحك وبلاهه
بعد فترة كان هاشم امامه محل الجزارة المفضل له وهو يغنى مع الست ام كلثوم بينما الصغير مصعب بجانبه يضحك على صوته ويحاول تقليده
لينظر له هاشم وهو يحرك له يده
" والنبى انت اللى طلعت بيك فى البيت دا انت والبت طمطم بس ي رب اقدر ابعدك عن الفلسفه اللى امك مسكاها دى "
ليتعالى ضحك الصغير وهو يظن والده يلاعبه
"اضحك اضحك حد واخد منها حاجه عارف ي اض ي مصعب انا زمان كنت ملك كانوا مسمينى هاشم الرايق كنت اطلق دى واتجوز دى ملك كده لغايه ما اتجوزت امك وسدت نفسى من الدنيا وبقيت هاشم الحزين فعلا اسهل طريقه لتقصير العمر هو الجواز والعيال وخصوصا لو زى امك"
لتزداد قهقه الصغير ليقول هاشم بتحسر
"مش بقولك بتقصر العمر هو انا بقيت هاشم الحزين من قلييل"
ليقاطعه صوت احد صبيانه
"الحق ي محمد ست الدكتورة بتكشف على عم سيد"
لينظر له هاشم بعدم فهم
"ست الدكتورة مين"
"مراتك ي معلم"
هاشم بتعجب
" مراتى "ليكمل
" مراتى انا بتكشف على راجل واسمه سيد ي مشاء الله "
ليعطى الصغير له وهو يقول
" شكلنا هنرجع لهاشم الهمجى تانى استعنى على الشقى بالله "
..........
يصعد السلم بخطوات مترقبه لا يتخيل ان سبع سنين مرت تغييرت بهم حياته كلها وتغييرت نظرته للحياة لكن بقيت هى اكثر ما يؤلمه فى ذلك الماضى
دق الجرس ليفتح له صغير ينظر له بتسال
"مين حضرتك ي عمو "
لم يرد هو يتأمل هيئة ذلك الصغير ويتخيل الكثير من السناريوهات البشعه لكن قلبه يكذب كل ذلك ويحاول اقناعه انه اخطأ العنوان رغم يقينه استحاله ذلك ليأتيه التاكيد انه لم يخطئ حيث صدح صوت من الداخل يعلمه جيدا
" مين ي رحيم"
" معرفش ي ماما واحد واقف ومش بيرد "
لتاتى والدته من الداخل وهى تقول بتعجب قبل ان ترى الطارق
" مش بيرد امال رن ليه ه".....لتكمل بصدمه
" حمزة "
.............
رأيكم اكمل
هاشم وحياة معاهم حسن ومصعب طبعا غير فاطمه وخديجه
ومحمد وسهيله معاهم تامر والتانى جايه فى السكه قولولى اسم ليه عقبال عندكم
بدل ماتدور وتبحث علي الروايات خليها علي تليفونك وحمل تطبيقنا
