رواية نور قلبي الفصل التاسع بقلم نرمين هانى
ف منزل نور يجلسون كلهم على العشاء
اسماء بمرح والطعام ف فمها....... ها يالا قولى
حنان باابتسامه ...... اقول اى
اسماء بمرح وغمزه....... اى اللى مفرحك اوى كدا ياحنون
نور بلهفه ...... اه صحيح ياماما ف اى
حنان ........ حاجه هتفرحكوا اوووى
اسماء بلهفه ......... هنسافر صح قولى صح أهو نغير جو شويه يمكن الفزيا تثبت
حنان بغيظ......... يعنى الفزيا هتثبت أما تسافرى
اسماء بمرح....... طبعا تغيير الجو برضو بيساعد على المذاكره اومال اى
حنان بغيظ......... بس يافاشله
اسماء بضحك ........أنا فاشله لا لا لا أقبل انا عبيطه ماشى هبله اوكى لكن فاشله لا يعنى لا كلا والف كلا
نور بضحك ....... عارفه نفسك يعنى
اسماء بغيظ ....... بس يابت
حنان بنفاذ صبر ....... بس اسكتو بقى صدعتونى
نور ........ ها ياماما قولى يالا فى اى
حنان بفرح........... عريس
تقف نور بخضه ........ عريس ازاى.. يعنى ايه عريس
حنان ....... مش فاهمه يعنى اى عريس ياهبله
نور......... لا عارفه يعنى ايه عريس يعنى واحد راجل طلب ايدى ها جه قالكم هى حلوه ولا جاى على خلافه سأل الناس وقالوله دى أخلاقها كويسه ياعيال انا جايلى عريس ياعيال لولولولى
اسماء بمرح....... لولولولى
ياحلوتك يا ستفندى يابن عم البرتقان ياحلوتك وانت طارح ف الجنينه ف الاون
عروستنا ف بيت ابوها اربعه بيزوقوها
وعريسنا بيقول هاتوها دى واحشانى من زمان
ياحلوتك ياستفندى يابن عم البرتقان
عريسنا ف بيت ابوه واربعه بيلبسوه
وعروستنا تقول هاتوه ده واحشنى من زمان
زغرتى يابت معايا لولولولى
حنان ........بس ايه دا ف ايه ايه الهبل دا.... ولنور بسعاده ...... يعنى افهم من كدا انك موافقه تقعدى معاه
نور ....... لا طبعا مش موافقه انا مش هتجوز بالطريقه دى فكك منى
حنان بغيظ وغضب ........ نعم بعد الفرح دا كله بتقولى مش موافقه
اسماء بضحك وغمزه....... سيبك منها انا ممكن أشيل عادى
حنان بغيظ ........ اخرسى يازفته
نور بهدوء ........ ياماما افهمى انا لو اتجوزت بالطريقه دى هيبقى جواز فاشل
حنان ..... ليه هو الجواز وحش يامتخلفه
اسماء بمرح وغمزه وهى ترفع حاجبها ........ هو الجواز حلو برضه ياحنون
حنان ........ طول العمر الجواز حلو يازقرده
اسماء بضحك....... ههههههه اللى بيكدب بيروح النار يا حاجه
حنان بغيظ......... وانا هكدب يعنى يا مقصوفة الرقبه
نور ....... لا هى تقصد انها وسعت منك شويه دى ياست الكل
اسماء ........ ايوا وسعت بزياده قال جواز حلو قال
نور....... ايوا طبعا اذا كان الحروف بتاعته كلها نكد
نور........ ج
اسماء.......... جنان
نور.............. و
اسماء.......... وهم
نور.............أ
اسماء ......... ألم
نور............ ز
اسماء .......... زفت
ثم قالت اسماء وهى تمسك المعلقه بمرح وضحك.......... كان معكم اﻻنسه اسماء ف شرح مفهوم الجواز انتظرونا ف مفهوم الطﻻق ..... ابقو معانا
حنان وهى تضربها على دماغها......... عمﻻلى فيها مزيعه يابت الهبله
اسماء بالم مصطنع........ اه اه مش بفطمها الله وباحباط....وبعدين بطلى تدفنى مواهبى كدا الله
حنان بغيظ........... مواهب .. خليكى ف الفزيا اللى مجنناكى دى ملكيش دعوه بالكﻻم دا
حنان بجديه وهى تنظر لنور.......... ياحببتى افهمى الجواز عمره ما كان كدا انتى اللى عايزه تفسريه كدا الجواز طول عمره حلو وان كان على الحب يجى بعد الجواز ياحببتى
نور بتريقه....... وان مجاش أبقى أعمل اى بقى
اسماء بمرح وغمزه........ ابقى اعملى مكرونه باشميل وادينى حته والنبى
حنان بغضب ........اخرسى يازفته ....ولنور بحزن ...... ياحببتى انا عايزه أفرح بيكى عشان لو مت ف أى وقت أبقى مطمنه عليكى ان فى راجل هيحميكى من الدنيا دى
اسماء بثقه وغمزه.......... متخفيش انا معاها ميغركيش انى اوزعه بس مسيطره واعجبك اوووى يعنى
حنان بغضب ........ اخرسى بقا يا حيوانه قومى من هنا على اوضتك ياﻻ
اسماء بغمزه........ عايزه تستفردى بالبت لوحدك وتضحكى عليها هه فهمتك انا
نور بنفاذ صبر........ ماما ارفدى وخﻻص مش أول مره يعنى
حنان بضيق ونفاذ صبر....... ولغاية امتى يعنى هه لغاية امتى هترفدى فالعرسان كدا وباصرار.... وبعدين خﻻص جدك اتفق معاهم وهيجو بكره بالليل
نور بفزع........... نعم .... مين دا اللى يجى
حنان باانتصار........ العريس ياحببتى
اسماء بمرح......... ههههههههه البس ههههههههههه شكلى هبقى خاله قريب
نور بغضب........ يعنى اى ياماما انتى بتهزرى ازاى يعنى توافقى انو يجى من غير متقوليلى
حنان ............ والله جدك اللى وافق هتكسرى كلمته وﻻ اى وبعدين انا شايفه انو شاب كويس هرفض ليه
نور بضيق ........ ياماما اى
تقاطعها اسماء
اسماء بغمزه.......... خﻻص يانونو اقعدى معاه ولو معجبكيش ارفضيه
حنان بزهول......... انا مش مصدقه ان انتى اللى بتقوليه كدا ايوا كدا عقليها وعقبالك انتى كمان ياحببتى يارب
اسماء بضحك........ ﻻ انا الحمد لله طلعت انشر الغسيل ﻻمى هز الهوا كمى كل البنات اتجوزت وانا قاعده جمب امى .... انا راشقه معاكى ياحنون مش هسيبك ابدا ياعسل
حنان بضحك.........ﻻ يااختى انا مش عايزاكى تقعدى جمب امك
نور بضيق.......... عنئذنكم ......ودخلت غرفتها
حنان بضيق........ روحى شوفى اختك وعقليها
اسماء بمرح وهى تتجه نحو غرفة نور............ انت تؤمر ياعسل
*********************************************
ف الفيﻻ
جاسر بغضب ونرفزه.......... نعم اتجوز انتى بتقولى اى ياماما
امينه بجديه......... ايوا تتجوز اللى من دورك عندهم عيال دلوقت هتستنى اى تانى
جاسر بغضب و حزن......... انسى ..... انا مش هسلم قلبى لحد تانى كفايا قوى انو اتكسر قبل كدا وتعبت قوى لحد ماوقفت على رجلى تانى وبتصميم........ مش هكرر اللى حصل تانى
امينه بحزن على ابنها......... ياحبيبى بس اى
يقاطعها جاسر
جاسر بنرفزه ............ مبسبش عن اذنك وخرج من الفيﻻ ف غضب
فارس وهو يقابله ......... اى ياعم واخد ف وشك كدا ورايح فين
جاسر بغضب والدموع ف عينه............... سيبنى دلوقت يافارس ...وركب سيارته وساق بسرعه جنونيه
****دموع الرجل مش بسهوله تنزل اﻻ اذا كان موجوع بجد على عكس البنت حساسه لدرجة ان اقل كلمه بتخليها تعيط حتى لو بانت قوتها *****
فارس بقلق........ مالو دا ربنا يستر اكيد حصل حاجه جامده تخليه ف الحاله دى
ودخل فارس الفيﻻ
فارس وهو يوجه الكﻻم لوالدته ......... ازيك ياماما هو جاسر مالو
امينه بحزن.......... افتكر اللى حصل زمان.انا مش عارفه هينسى امتى بقى
فارس بشفقه........... اعذريه ياماما اللى مر بيه مش سهل برضو
امينه بحزن........ عارفه ياحبيبى بس ﻻزم ينسى بقا ويشوف حياته وبتصميم............... ودا مش هيحصل اﻻ لما يحب
فارس بارهاق.......... تانى ياماما ابنك صعب وانتى عارفه ثم قال وهو يقوم..........عموما نكمل كﻻمنا بكره عشان انا فصلت تصبحى على خير
امينه........وانت من اهله ياحبيبى
وذهب فارس لغرفته ليستريح
*****************************************
ف غرفة نور
اسماء................. اى يازفته مالك
نور بضيق........ مش عارفه مالى وبغيظ........... وانتى بتقولى يجى ياماما هه
اسماء بمرح............. ههههههههههه انتى مختيش بالك وانا بغمزلك وﻻ اى
نور بعدم فهم............. يعنى اى
اسماء............ يعنى كدا كدا العريس جاى وبتفكير....... نفكر ازاى نطفشه بقا
نور باستغراب........... نطفشه ازاى يعنى وبغيظ........ وافردى طلع معندوش دم ولزق
اسماء بتفكير ............ محنا ﻻزم نفكر ف حاجه مقنعه نطفشه بيها وامك متشكش ف حاجه
نور باستفهام........ زى اى
اسماء ....... وانا اش عرفنى انا ...شايفانى كل يوم مع عريس ياختى ادينا هنفكر
نور....بتفكير ............ اى رايك اعمل زى سعاد حسنى واحطله حاجه ف العصير
اسماء بضيق وتريقه...... دا انتى قديمه اوووووى اتنيلى وبعدين امك كدا هتعرف ياناصحه
نور.............. اه صح طيب اومال هنعمل اى
اسماء وهى تمشى ف الغرفه ذهابا وايابا .............ييييييييييس هى دى خﻻص لقيتها ... هى دى اللى هتخليه يقوم يجرى على بيتهم وميجيش هنا تانى
نور بلهفه........... بجد طيب قولى بسرعه هى اى
اسماء باهتمام............. اسمعى بقا ونفذى كل اللى هقولك عليه
نور باانصات............ ماشى قولى
اسماء.......................
بدل ماتدور وتبحث علي الروايات خليها علي تليفونك وحمل تطبيقنا
