رواية نور قلبي الفصل الثامن بقلم نرمين هانى
فارس بعد ان وصل امام الشركه وقال بغيظ لنفسه ........ اوووف اخيرا وصلت بقى انا على اخر الزمن أتبهدل كدا وكلو عشان خاطر الشبر ونص دى وبغل ...... اه لو اشوفها تانى هعلقها من رجليها
اسماء وهى ماشيه وتنظر امامها...... يانهار اسود الواد بتاع العربيه اهو دا لو شافنى مش بعيد يضربنى انا لازم استخبى
*فارس بيه فارس بيه*
يقولها رجل الامن وهو يتجه نحوه
فارس وهو يلتفت له........ازيك يامعلم
وليد * رجل الامن* نحمده ياباشا حضرتك جاى لجاسر بيه
فارس بارهاق...... ايوا مش هو فوق
وليد بجديه...... ايوا يافندم
فارس .......... تمام انا هطلعله سلام
وليد.......مع السلامه ياباشا
اسماء وهى مختبئه خلف شجرة ولنفسها...... باشا هارسود دا شكله صاحب الشركه ولا اى بس مش باين عليه يعنى .... اممممم عشان كدا شايف نفسو بس كويس انو مشافنيش ثم قالت وهى تنظر للشجره بامتنان..... شالله يخليلك فروعك ويكترها يارب
أخلع انا بقى وجريت
********************************************
ف الشركه
نور بامتنان وهى تعطى الفلوس لياسمين............ الفلوس اهى شكرا جدا بجد
ياسمين بضيق...... بس ياهبله دااحنا اخوات
نور ......... ربنا يخليكى ليا ياسو وبتذكر......اوبس الجزمه انتى جبتيها بكام صحيح انا من لخبطى سألت على الطقم بس
ياسمين....... بس ياهبله الجزمه هديه منى ليكى ومش عايزه نقاش فى الكلام دا فاهمه هو احنا غرب عن بعض ولا اى
نور ........ ماشى ياستى هديه مقبوله وباحباط....... بس انا مش بعرف أمشى بيها دنا كنت هقع بيها فوق لولا ربنا ستر
ياسمين بلهفه ........... اه صحيح اى اللى حصل احكيلى
نور ........حكتلها اللى حصل
ياسمين بضحك ....... ههههههه دا انتى لو اميره مدخلتش ووقعتى كان شكلك هيبقى مسخره وعموما بكره وبعده اجازه تتعلمى بقا فيهم براحتك
احمد برخامه ...... متضحكونا معاكم بدل ماانتو واكين ودن بعض كدا
ياسمين بجديه....... خليك ف حالك يااحمد وبطل رخامتك دى
مصطفى ........ خف ياحمد وركز ف شغلك وبحنيه..... وانتى ياانسه ياسمين ركزى ف شغلك بعد اذنك
نور ........يالا يابنتى عشان تفهمينى هعمل اى
ياسمين ........ ماشى بصى ياستى
** ونسيبهم يشتغلو بقا ربنا معاهم**
يدخل فارس حجرة السكرتيره
فارس بمرح........ اى دا هو محدش هنا ولا اى يكونش عزلو ومقلوليش
*هههههههههههه لا معزلناش لسه احنا هنا اهو*
تقولها اميره وهى تتجه نحوه
فارس....... ازيك يااميره اومال البوص فين
اميره........ هههه الحمد لله جاسر بيه ف اجتماع وانا جايه اخذ ورق وراجعه تانى
فارس بنفاذ صبر ...... طيب هيخلص امتى
اميره بهدوء...........لا هو النهارده طول اليوم مش هيفضى خالص لو ف حاجه مهمه ابلغو بيها
فارس بغيظ...... اوووف لا مفيش سيبيه بقى حظو كدا ولنفسه ...... البهدله دى كلها جت على الفاضى ولاميره...... يالا سلام
اميره ......... مع السلامه يافندم
********************************************
***انا جييييت انتى فين ياحاجه انا جيييت ******
تقولها اسماء وهى تدخل المنزل
حنان ..... اهلا بالصداع
اسماء بحزن مصطنع........ صداع اخس عليكى دنا نسمه
حنان باستهزاء..... اه نسمه فعلا ... وبلهفه..... قوليلى اى حكاية الفلوس دى ولبس اى اللى نور اشترته
اسماء....... وانا اش عرفنى يعنى
حنان بغضب..... نعم يااختى انتى مش كنتى معاها يابت انتى ورحتى تديها الفلوس
اسماء بارهاق.... كانت مستعجله وقالت اما اجى هحكيلك وحتى مشربتنيش بق مايه بنتك بقت بخيله اوووى
حنان .......... وانتى رايحه تشربى انتى محسسانى انك عملتى اللى محدش عمله
اسماء........ اه دا كفايا الجرى اللى جريته والشمس اللى كلت دماغى دى
حنان باستفهام..... جرى ايه
اسماء وهى تقوم وتتجه لغرفتها..... .....بعدين بعدين انا هدخل انام واما تعملى الاكل صحينى يمكن اعوض الجرى دا منه لله قطع نفسى
حنان بتعجب....... هو اى اللى قطع نفسها البت دى هتجننى والله ثم قالت وهى تقوم من مجلسها...... اما اقوم اعمل الغدا على مانور تيجى
**********************************************
ف الفيلا
امينه بصوت عالى ...... بت يابطه انتى يابت
بطه وهى تجرى وتتجه لها ...... ايوا ياستى
امينه بأمر...... روحى هاتى التليفون بتاعى من جوه بسرعه يالا
بطه وهى تتجه نحو الداخل بسرعه...... حاضر ياستى
بطه وهى تعطى لها الهاتف ...... اتفضلى ياهانم
امينه وهى تاخذ التليفون وتضغط على عدة ارقام وتضعه على اذنها ........ماشى يالا روحى انتى
امينه ....... الو روحت لخوك ياحبيبى ولا لا
فارس وهو داخل التاكس........ اه روحتله
امينه بلهفه..... وافق يروح معاك مش كدا
فارس بزهق...... لا انا مشفتوش اصلا
امينه بغضب وغيظ........ نعم بتقول اى يازفت يعنى اى مشفتوش اومال انت رايح تعمل اى
فارس بمرح ...... دلوقتى بقيت زفت اومال حبيبى راحت فين
امينه بنفاذ صبر ...... اخلص يازفت
فارس بزهق....... كان عندو اجتماع وطول اليوم مشغول مش هعرف اشوفو
امينه بتنهيده...... انا مش عارفه اعمل اى ف اخوك دا حياته كلها شغل وبتفكير...... انا لازم اشوفله واحده اجوزهاله يمكن تغيره
فارس.............. هههههههههه دا لو مطفشتش من اول يوم
امينه بغيظ............. اخرس ياحيوان هى تطول دا يبقى حظها من السما وامها داعيلها اللى هتتجوزه
فارس بضحك ............ههههههه قصدك امها داعيه عليها ومش امها بس عليتها كلها نفر نفر
سائق التاكس....... وصلنا ياباشا
امينه بتعجب ............ اى الصوت دا انت راكب تاكس ولا اى
فارس بغيظ بعد ماافتكر اللى حصل وهو يعطى الأجره للسائق ....... ايوا العربيه عطلت يالا سلام دلوقتى
امينه......... اوكى سلام
********************************************
ف مكان اخر
****انتى يازفته سيبى الكتاب دا وتعالى حضريلى لقمه اكولها وروقى الزريبه اللى انتى قاعده فيها دى ***
يقولها صالح بزعيق وهو يدخل المنزل
ايه بدموع........ يابابا ما البيت نضيف اهو
صالح بزعيق...... نضيف فين اللى نضيف دا اعملى حسابك لو فضلتى كدا هتجوز واجيب واحده تخدمنى
ايه بفزع وتوسل ...... لا والنبى يابابا انا هعمل اللى انت عايزه بس بلاش تتجوز وتجيبلى مرات أب دى ماما لسه ميته
صالح بزعيق..... طيب غورى يالا اعملى اللى قولتلك عليه
ايه بدموع وانصياع ....... حاضر هعمل اللى انت عايزه ثانيه واحده والاكل هيكون جاهز
صالح....... غورى تتك الهم امتى اخلص منك بقى عشان اشوف نفسى انا عارف مموتيش مع امك ليه وريحتينى
ايه بدموع وهى تسمع كلام والدها الذى يطعنها ف صميم قلبها وتقول لنفسها...... يارب ليه بيحصلى كدا ليه مموتش مع ماما بدل ما ابقى مع أب قاسى بالشكل دا يارب ارحمنى بقا من العذاب اللى شيفاه دا ..... ثم قالت وهى تمسح دموعها التى انسابت على وجنتيها بغزاره..... استغفر الله العظيم اى اللى بقوله دا أكيد دا خير ليا
صالح بزعيق...... ما تخلصى يازفته هتباتى جوه
ايه بحزن....... حاضر جايه اهو
وخرجت تضع له الطعام ودموعها على خدها
*********************************************************
ف النادى
فارس وهو يجلس.......عااااااااااا هتشل
على ......... ف اى يابنى مالك
فارس بغيظ .....حكاله اللى حصل
على بضحك....... هههههههه لسانها متبرى منها
فارس بغيظ...... شبر ونص ولسانها متعرفش توصل لنهايته
على بضحك....... هههههههههههه بصراحه شكلك زباله بقى بت اوزعه زى دى تمرمطك كدا هههههههههههه لا وكلو كوم والعربيه كوم تانى
فارس بغيظ وهو يهم بضربه......... اخرس ياحيوان بس تقع تحت ايدى وهتشوف هعمل فيها اى
على بضحك............ ههههههههههههههههه كنت عملت أولانى يااخويا وقال اى البنات بتتمنى تكلمك يجى يشوفو اللى اتعمل فيك
يارا وخالد وهما يتجهون نحوهم .......... بتضحكوا على اى متضحكونا معاكم
على بضحك........ لالالالا بلاش احسن
فارس بغضب...... متسكت بقى يازفت
يار بدلع....... مالك يابيبى قولى مين بس اللى زعلك
فارس بسرحان......... الشبر ونص
يارا بعدم فهم ........ نعم ! مين
فارس بعد ما فاق من سرحانه........ فكك منى يا يارا انا على أخرى
خالد بخبث....... اى ياعم مالك مش عادتك يعنى
فارس............ مفيش ياخالد يالا خلينا نفرفش شويه
على .......... ايوا بقا هو دا يالا بينا
يارا......... شور يالا
فارس بضيق......... نعم يالا فين انتى رايحه فين انتى
يارا ببساطه ........ جايه معاكوا
فارس بتريقه ........ جايه معانا فين بقول نفرفش مش يتنكد علينا
يارا بدلع ........ ياحبيبى منا هاجى عشان افرفشك وبعدين انت وحشنى خالث
فارس بغيظ.بصوت واطى نوعا ما ...... حبك برص ياشيخه
على....... ههههههههههههه
يارا بعدم فهم ....... بتضحك على اى
على .......... لا ولا حاجه يالا ياعم خلينا نظبط شويه بدل ما اليوم يضيع على الفاضى
فارس بمرح......... قشطه جدا
على برخامه ...... والديك بيدن
فارس بغضب.وهو يضربه ..........امشى قدامى ياحيوان
على بمرح........ يالا ياعم
*******************************************
فى الشركه
نور بارهاق......... اه اى كل دا الشغل دا صعب اوى
ياسمين بتعب هى الاخرى......... انتى لسه شوفتى حاجه بكره تتعودى وعموما جه وقت الانصراف يالا بينا انا معايا عربيه على قدى كدا يالا عشان أوصلك
نور بهدوء ......... مش عايزه اتعبك معايا
ياسمين.......... تتعبينى اى يازفته انتى بلاش الحساسيه دى قومى يالا
نور بهدوء ...... ماشى يالا
مصطفى بلهفه .......... انتى ماشيه يا ياسمين
ياسمين بملل.... ايوا يا استاذ مصطفى ف حاجه ولا اى
مصطفى بحب و رومانسيه.......... لا سلامتك خدى بالك من نفسك
ياسمين بنفاذ صبر ........ ماشى ان شاء الله يالا يابنتى
نور وهى توزع انظارها بين مصطفى ونور بااستغراب ....... هه اه ماشى يالا سلام عليكم ياجماعه
احمد ومصطفى ........ وعليكم السلام
وبعد ما مشيو
احمد بخبث لمصطفى......... ماتتقل ياعم شويه مش كدا
مصطفى بغيظ.......... خليك ف حالك يااحمد
احمد بلؤم....... انا عايز مصلحتك اتقل عليها شويه متبقاش مدلوق كدا
مصطفى بنفاذ صبر........ انا ماشى سلام ولنفسه باحباط* امتى هتحسى بيا بقى يا ياسمين *
************************************************
ف سيارة ياسمين
نور بخبث........ بقولك ياسو هو انتى فى حاجه بينك وبين مصطفى
ياسمين.......... لا طبعا مفيش اى حاجه شغل بس
نور باستغراب.......... بس انا حسيت غير كدا خالص
ياسمين بتريقه........ وحسيتى اى بقى ياملكة الاحساس انتى
نور بجديه......... بطلى تريقه يابت انا بتكلم جد انا شوفت ف عينه حب كبير اوووى ليكى
ياسمين بتعجب...... نعم حب لا طبعا وحتى لو انا عمرى ما ابصلو
نور .......... وليه بقى ان شاء الله انا شايفه انو محترم وبصراحه انا ارتحتله غير احمد دا خالص
ياسمين ........ الموضوع مش كدا بس انتى مش شايفه دا لابس نضاره انقرضت اصلا دا غير هدومه دا مفشكل ف نفسه يابنتى وبعدين مستواه مش قد كدا
نور باستغراب شديد....... نعم وانتى يهمك اى ف كل دا هو ف حد لاقى حد يحبوا بالشكل دا دلوقتى
ياسمين بضحك........ ههههههه الحب دا مبيأكلش عيش انتى لسه زى ماانتى بتحلمى بالفارس اللى يخطفك لو فضلتى كدا هتعنسى على فكره قال حب قال
نور ........... نعم لا دا انتى عايزه قاعده
ياسمين ......... ماشى نبقى نقعد وماله مش دا بيتك برضو
نور باامتنان ........ ايوا دا شكرا ياسو
ياسمين ........ العفو يا نونو اى خدمه
نور ....... ما تيجى تتغدى معانا دا ماما هتفرح اوووى لما تشوفك
ياسمين........ لا بعدين بقى
نور وهى تنزل من السياره ....... ماشى يالا خلى بالك من نفسك سلاموز
ياسمين .........باى
******************************************************
ف منزل نور
رجعت نور المنزل وهى مرهقه
نور ........ السلام عليكم
حنان بفرح ........ وعليكم السلام ياحببتى يالا غيرى هدومك عشان عندى ليكى موضوع هيفرحك اووى
نور بااستغراب....... موضوع اى دا
حنان بسعاده .......... غيرى بس وهحكيلك واحنا بناكل
نور بتعجب .......... خلاص ماشى
ودخلت غرفة اسماء
نور بصوت واطى....... بت يااسماء انتى يا زفته قومى مبتشبعيش نوم
اسماء بصوت نائم........ اه حليت الامتحان حليته
نور بضحك...... هههههه حليتى اى قومى ياهبله
اسماء وهى تفتح عيونها ........ عايزه اى من زفته مش كفايا نايمه وبحلم بالامتحانات هى المزاكره ورايا ورايا اوووف
نور ......... يخربيتك مدفع انضرب فى وشى وبوشوشه....... قوليلى ماما مالها
اسماء بستفهام ........ مالها اى مهى حلوه وزى الفل اهى
نور بغيظ ...... فوقى يازفته وافهمى ماما بتقول ف خبر حلو هتقولهولنا متعرفيش بقى خبر اى دا
اسماء بمرح ووشوشه...... هو انتى متعرفيش
نور باانصات واهتمام ......... لا معرفش ف اى
اسماء باستفزاز....... ولا انا اعرف والله وبغمزه.... اما تعرفى ابقى قوليلى
نور بغضب ......... تصدقى انا جزمه انى جيت اتكلم معاكى يالا قومى عشان تطفحى وانا هروح اغير وانتى فوقى كدا واتوضى عشان نصلى سوا
اسماء بضحك........ ههههههه ماشى بس براحه على نفسك يحصلك حاجه
نور بغيظ......... قدامك عشر دقايق على مااغير واتوضى فاهمه
اسماء بمرح ........ فاهمه طبعا وراكى علطول
وذهبت نور لغرفتها لتغير ملابسها وتصلى فرضها
*******************************************************
ف الفيلا
امينه لنفسها........ايوا هو دا مش هيجى غير بكدا لازم اشوفلو عروسه واحطوا قدام الامر الواقع يمكن يسيب الشغل دا شويه ويبص لنفسوا بقى انا مش هفضل شايفاه بيموت نفسو ف الشغل كدا واسكت لازم اتصرف وبسرعه وهو دا الحل المناسب
وف نفس اللحظه
يدخل جاسر الفيلا بتعب وارهاق
جاسر ......... ازيك ياماما
امينه بخبث ......... الحمد لله ياحبيبى
جاسر بتعب........ اومال فين فارس مش هنا ولا اى
امينه ........... اه خرج يتفسح مع صحابه قبل الامتحانات
جاسر .......... تمام ربنا يهديه ويوفقه ثم قال وهو يقوم ....... انا هروح اغير هدومى
امينه......... ماشى وانا هخلى بطه تحضر السفره على متغير
جاسر بهدوء....... ماشى تمام
وذهب الى غرفته
بدل ماتدور وتبحث علي الروايات خليها علي تليفونك وحمل تطبيقنا
