رواية عشقت جني الفصل السابع بقلم بلال هانى
_ ازي احكم عشيره كامله من الجن مقدرش اعمل كده
*_ متقوليش كده يا مولاتي انتي الملكه ولو حد سمعك
بتقولي كده من العشيره هتكوني صغيره اوي في نظرهم
_ معلش يا (ميناء) انا عارف انها حاجه صعبه بس لازم
تتولي الحكم انتي الملكه ومفيش مفر لازم تحكمي فتره
وحكمك يتكتب في تاريخ العشيره وانتي اللي هتختاري
تاريخك وقوانينك
*_ استقيمي يا مولاتي وارفعي راسك واوقفي ايدك
جنبك عشان حكيم العشيره جي وده لازم تقدميله
الاحترام
** اهلا بيكي يا ميناء في عشرتك بعد غياب طويل
_ يا حكيم انا مش فاهمه حاجه انا فاطمه بنت طبيعيه
ازاي في يوم وليله ابقي ملكه عشيره كامله من الجن
** ده مش في يوم وليله يا ميناء انتي من اول ما
اتخلقتي وانتي الملكه بس انتي زي جودس اتخلقتي
مسلمه وعشان كده قوانين العشيره انك تتنفي في الدنيا
بس انا طلبت انك تتنفي في رحم ام مسلمه اللي هي
امك دلوقتي
_ يعني انا منكم من يوم ما اتخلقت طب ازاي وليه
فضلت بعيده عنكم
** _ القوانين في العشيره كده اي جني أو جنيه بيتخلقو
مسلمين بيتنفو في الدنيا بس لاول مره تحصل في تاريخ
العشيره أن الملكه نفسها تتخلق مسلمه وكمان الملك
_ انهي ملك فيهم جودس ولا جاك روسو
** ده اللي احترنا في وعشان كده كنا هنعين ملك وملكه
للعشيره غيركم بس منفعش لازم الملكه تقضي فتره
حكمها هي والملك بس في مشكله احنا منعرفش مين من
جودس أو جاك روسو هو الملك الحقيقي احنا نفينا
جودس وخلينا جاك روسو بس طبيعه العشيره حصل
فيها خلل من غير وجودك
_ يعني مين دلوقتي الملك
** _ في اختبارات بتحصل في العشيره هنقدر نحدد من
خلالها مين الملك عشان الاختبارات دي ميقدرش يعملها
غير الملك الحقيقي للعشيره واللي هيبقي الملك الحقيقي
(هيقترنك)
_ يعني ايه ( يقترني)
** _ يعني يتجوزك يا مولاتي........
بدل ماتدور وتبحث علي الروايات خليها علي تليفونك وحمل تطبيقنا
