رواية نور قلبي الفصل السابع بقلم نرمين هانى
***حاسبى يابنتى حاسبى وبغضب...... دى مش شايفه دى ولا اى****
اسماء بفزع وخضه وهى مغمضه عيونها ولا تستطيع تحريك قدمها........... عاااااااااااا هموووت
فارس بغضب وهو يقف بالسياره ف اللحظه الاخيره قبل ان تلمس اسماء وينزل منها
فارس بغضب ونرفزه....... انتى غبيه مش شايفه قدامك كنتى هتموتى دلوقتى يامتخلفه
اسماء وهى تأخد نفسها بصعوبه وتنظر لجسدها بخوف
اسماء براحه..... الحمد الله محصليش حاجه ..... ولفارس بغضب ونرفزه....انت اللى غبى ومتخلف كنت هتموتنى هو عشان معاك عربيه بقى هتمشى تدوس ف الناس
فارس باستغراب وغضب...... نعم انا !
اسماء...... ايوا كنت هتموتنى حرام عليك
فارس بنرفزه واستهزاء...... انتى متخلفه يابت انتى ف حد بيجرى كدا ف الشارع
وباستفزاز...... ولا عشان مش باينه من الارض بقى فاكره نفسك طفله
اسماء بغضب وغيظ......اتلم يا عم انت احسنلك .... وبتهديد...انا واكله بتنجان ومعايا شهاده ف الجنان بلاش اطلعه عليك
فارس بزهول ...... نعم بتنجان !
اسماء بااستفزاز مماثل..... اه بتنجان اى متعرفهوش .. اه ما انت من بتوع بابى ومامى هتعرف البتنجان منين وبتهديد ..... يالا اتكل من هنا عشان متجننش عليك
فارس بغضب ...... اتلمى يابت انتى دا انتى شبر ونص دا انا لو نفخت فيكى أطيرك
اسماء بغضب مماثل....تطير مين ياض انت مش كفايا كنت هتموتنى وسكتلك
فارس بزهول ...... نعم سكتلى ! كل دا وسكتيلى وباستهزاء....تصدقى صح لا وانا اللى غلطان لا ولازم اعتذر كمان ههههه انا اسف
اسماء ...... تقبلته
فارس بغيظ ....... يالا هش يابت يااوزعه انتى من هنا وخدى بالك احسن حد يدوس عليكى وانتى مش باينه من الارض كدا
*وذهب ناحية السياره*
**اسماء لنفسها بغيظ وغضب...بقى انا شبر ونص ومش باينه من الارض طايب انا هوريك ** ثم نظرت للأرض وابتسمت بخبث
اسماء بصوت عالى لفت انتباه فارس ........ ابقى سلملى على العربيه بقى اللى فرحان بيها دى عشان تعرف الاوزعه تقدر تعمل اى هههههه سلام ياحلو ..وجريت ف لمح البصر
فارس قبل ان يستوعب كلامها ... سمع صوت تكسير نظر للسياره لقى الزجاج الأمامى الخاص بالسياره كلو على الارض * اسماء خدت حجر من على الارض وقذفته على السياره *
فارس بزهول وهو ينظر للسياره ولأثرها..... يابنت المجانين .......وبغضب .... بقى انا بت زى دى لسه مطلعتش من البيضه تعمل فيا كدا وبغل.... اه لو شوفتك تانى والنعمه لهوريكى ..... وبحسره وهو ينظر للسياره.... حرام عليكى ياشيخه العربيه لسه جديده ملحقتش افرح بيها
ثم قال وهو ينظر للطريق الفارغ امامه من وسائل المواصلات بضيق ...... ياحلاوه هى خروجه زفت من اولها
* ونسيب فارس ربنا معاه بقى ويلاقى تاكس*
************************************
امام الشركه
ياسمين بضيق وهى تمسك يد نور..... يابنتى امشى عدل هتوقعينى
نور بغيظ وغضب وهى تنظر للأرض..... ما انتى عارفه انى مبعرفش امشى بكعب تقومى تجبيلى جزمه بالشكل دا
ياسمين بضحك..... هههههه اومال كنتى عايزانى اجبلك كوتش زى اللى كنتى جايباه
نور بغيظ..... بس احسن هقع وبغضب... اوووف انا مش عارفه بيمشوا بيه ازاى دا
ياسمين بسرعه..... طيب يالا بس سرعه احنا كدا هنوصل وهما مروحين
نور بفزع وهى تنظر للساعه وتسرع ف خطواتها ...... يانهار اسود اتاخرت عشر دقايق
ياسمين بخضه ...... حاسبى يابنتى هتقعى براحه شويه
نور بسرعه وخوف..... طايب هاتى الكوتش اما ألبسو على مطلع وابقى ألبس الجزمه فوق
ياسمين بسرعه..... ماشى خدى بس بسرعه
نور وهى تلبس الكوتش وتمسك الجزمه ف يدها...... يالا انا هجرى انا بقى وحصلينى انتى
ياسمين بخوف مضحك...... البت اتهبلت من اول يوم ربنا يسترها عليكى منو انتى لسه مشوفتيش حاجه
تدخل نور اوضة السكرتيره
نور وهى تأخد نفسها بصعوبه ....... يالا يااميره والنبى قوليلو انى جيت بره
اميره باستغراب وهى تنظر لملابسها..... انتى ملبستيش الجزمه ليه
نور وهى تنظر للكوتش..... كويس انك قولتيلى طيب يالا قوليلو على ما ألبسها وخلى الكوتش دا هنا
اميره بهدوء..... اوك
اميره وهى تضع التلفون على اذنها...... ايوا يافندم أنسه نور وصلت وعايزه تدخل لحضرتك
جاسر ببرود.... خليها تتفضل
اميره بمرح..... سمى وادخلى وربنا معاكى
نور بقلق... ربنا يستر
وتطرق على باب الحجره
جاسر ببرود..... ادخل
نور بتوتر ... احم السلامو عليكم
جاسر بجديه ونظرة غضب ....... ساعتك كام
نور بتوتر وخوف...... انا انا أسفه انا اى انا *ولنفسها يالهوى انا مش عارفه اتكلم ليه جايه أنسى الكلام دلوقت لا لالا لازم اهدى كدا واتكلم ايوا كدا لازم اهدى*
جاسر بخبطه على المكتب افزعت نور..... ياانسه انا مش بكلمك سرحتى ف اى
نور فاقت من سرحانها وقالت بفزع .... مع حضرتك يافندم . انا اسفه جدا على التاخير
جاسر وهو ينظر لها بخبث ولنفسه بتوعد *ولسه انتى شوفتى حاجه مش واحده زيك تهزئنى واسكتلها اما وريتك*
نور بخوف لنفسها* هو مالو بيبصلى كدا ليه يالهوى انا اي اللى جبنى تانى لازم اسمع كلامهم يعنى والله لو شخط فيا تانى هقع مش عارفه أقف بالجزمه دى منك لله يا ياسمين *
جاسر بجديه وهو يشير للكرسى امامه ....... اتفضلى اقعدى ياانسه نور
نور لنفسها بخوف *يانهار اسود وانا هروح لحد هناك بالكعب دا ازاى *
فاقت من شرودها على طرق الباب
جاسر ..... ادخل
اميره بتوتر وهى تنقل نظرها بين جاسر ونور........ ف اجتماع لحضرتك بعد نص ساعه يافندم من دلوقتى مع شركة ********** و بعده شركة**********
جاسر ببرود....... تمام خدى الأنسه عرفيها مكتبها واى المطلوب منها بالظبط وحضرى اوراق الاجتماع
اميره وهى تعطى له الاوراق ......جاهزه يافندم
جاسر وهو يقف ......... تمام عرفى الانسه مكتبها وحصلينى على غرفة الاجتماعات
وخرج جاسر من الغرفه
نور براحه وهى تنظر له حتى اختفى من امامها ........ الحمد لله مشى
اميره بضحك...... انتى مالك واقفه متخشبه كدا ليه يالا عشان أوريكى مكتبك
نور وهى تخلع الجزمه ..... فين الكوتش
اميره باستغراب وضحك .......ههههههه اى اللى انتى بتعمليه دا
نور براحه.... الحمد لله انك دخلتى كان زمانى وقعت وكان شكلى هيبقى زباله دلوقتى مبعرفش البس كعب انا
اميره بهدوء ..... طيب يلا البسى الكوتش واحتمال كبير متشوفيهوش تانى النهارده لان يومه مليان
نور بفرحه...... بجد والله انتى عسل شالله يخليهوملك
اميره بضحك ...... هههههههههه طيب بسرعه بدل متأخر ويقلب عليا انا
نور...... ماشى يالا
********************************************
ف النادى
يارا بلهفه ........ بجد فارس جاى
خالد بحقد..... اكيد هيجى وبعدين مالك ملهوفه عليه كدا ليه
يار بدلع...... اصلى بحبه اووى انا مش عارفه هو هيحبنى امتى بقى
خالد بحقد واستهزاء..... بتحبيه ودا من امتى بقا ههههههه انتى هتصدقى نفسك ولا اى كلنا عارفين انك بتحبى فلوسه ومركزه
يارا بدلع وتصميم ........ طبعا وانا ورا لحد ما يحبنى ويتمنى يكلمنى كمان واغيظ كل البنات دول بيه
خالد باستهزاء.....طيب اما نشوف
*********************************************
امام الشركه
اسماء وهى تنهج ولنفسها ...... منك لله قطعت نفسى عشان طويل شويتين فاكر نفسه هيسيطر عليا وبضحك ...والله يستاهل اللى جراله قولتلو واكله بتنجان هو اللى استفزنى نصيبوا بقى ....
ثم قالت وهى تخرج الهاتف من حقيبتها وتضغط على عدة ارقام وتضعه على اذنها.... اما اشوف نور بقى منه لله أخرنى عليها
اسماء بقلق.....مبتردش ليه دى اوووف هى نقصه قلق بقى
***********************************************
ف الشركه
ياسمين وهى تسمع صوت رنة تليفون....... الصوت دا جاى منين ....وبتخمين....دا باين موبايل نور * نور سابت شنطتها مع ياسمين *
نور واميره يدخلو على ياسمين الحجره ف نفس اللحظه
***** الجحره مكونه من اربع مكاتب ****
نور ....... السلامو عليكم
كلهم ....... وعليكم السلام
اميره بهدوء..... اقدملكم المهندسه نور النهارده اول يوم ليها ف الشركه
مصطفى بهدوء ..... اهلا بيكى نورتى الشركه * مصطفى .... شاب ملتزم نوعا ما قمحى البشره مشكلته النضاره كعب الكوبايه وملابسه * مبهدل ف نفسو من الاخر*ولكنه نشيط جدا ف شغله و معجب جدا بياسمين بيحبها يعنى بس هى مش مهتمه بيه *
احمد بخبث ونظرة اعجاب ...... نورتى ياهندسه * شاب جميل المظهر بطريقه ملفته وبتاع بنات من الاخر يعنى *
ياسمين بسعاده ..... نورتى يانونو مكتبك
نور بهدوء...... اهلا بيكم وفرصه سعيده انى هشتغل معاكم طبعا
احمد بخبث ..... اكيد سعيده
نور بعدم ارتياح...... نعم
ياسمين بنفاذ صبر..... خف يااحمد على البت ولنور... سيبك منو يالا تعالى اقعدى على المكتب
نور وهى تجلس على المكتب بفرح..... تمام اى مطلوب منى بقا
اميره ..... بصى ياستى .................* وبعد ما قلتلها تعمل اى*
نور بقلق.... بس انا ف حجات مش فاهماها
ياسمين مطمئنه اياها ..... عيب عليكى اومال انا بعمل اى هنا هساعدك طبعا لحد متتعودى على نظام الشغل
نور بامتنان ..... ربنا يخليكى ليا ياسو
اميره بسرعه .... طيب انا همشى بقى عشان متأخرش على جاسر بيه سلام
كلهم... سلام
اميره لنور..... نور تلفونك كان بيرن باين
نور وهى تنظر لتلفونها بتوتر ..... يانهار ابيض اسماء اتصلت كتير اوووى
وضغضت على عدة الارقام ووضعته على اذنها
اسماء بغضب..... انتى حيوانه يابت مبترديش ليه قلقتينى ياجزمه ورجلى ورمت من الوقفه مش عارفه اجيلك فين
نور وهى تقف..... معلش اهدى انتى فين دلوقت
اسماء بغيظ..... انا متنيله يااختى قدام الشركه اتزفتى تعالى
نور ..... ماشى يالمضه جيالك سلام
نور لياسمين بسرعه ..... انا هروح اشوف البت دى واجى بسرعه ماشى
ياسمين بضحك.... ماشى بس متتاخريش احسن هولاكو يطب علينا
نور بسرعه..... فوريره وراحت تشوف اسماء
اسماء وهى تقف امام الشركه وتقول لنفسها ..... اه يانى منك لله يانور رجلى ورمت والشمس كلت دماغى زمان اللى ذاكرتو ساح من الشمس دلوقتى
نور وهى تنهج وتتجه نحوها....... انا جيت اهو معلش مسمعتش الفون
اسماء بغضب.... والله انتى مش قايلالى تعالى وهاتى فلوس ومبهدلانى معاكى وباستهزاء.... وف الاخر معلش مسمعتش الفون
نور .... خلاص بقا ياسمسمه جبتى الفلوس
اسماء وهى تاخذ الفلوس من شنطتها وتعطيها لنور..... خدى الفلوس اهى .... ثم تنظر للملابس التى ترتديها...... ايوا ياعم نضفنا اهو
نور بغضب..... امشى يازفته من هنا اما اجيلك البيت هوريكى
اسماء بضحك ..... هههه اهدى بس وفهمينى فين هدومك واى اللى لبساه دا
نور بسرعه وخوف..... بعدين عشان ورايا شغل دلوقتى
اسماء بمرح.... ماشى ياست المهمه يالا تعوزيش حاجه
نور ...... لا خدى بالك من نفسك سلام
اسماء بمرح ..... استنى طيب مش هتمسكى فيا وتفرجينى على الشركه الحلوه دى وتجبيلى حاجه اشربها ريقى نشف ياشيخه
نور بقلق وتفكير..... امممم بعدين مش هينفع النهارده هى مش ناقصه
اسماء بغيظ ...... تصدقى انتى واطيه وانا غلطانه انى عبرتك سلام ومشيت
نور...... هههههه واطيه ماانتى مشوفتش هولاكو
وطلعت الشركه تانى
**************************************
فارس بعد ان وصل امام الشركه وقال بغيظ لنفسه ........ اوووف اخيرا وصلت بقى انا على اخر الزمن أتبهدل كدا وكلو عشان خاطر الشبر ونص دى وبغل ...... اه لو اشوفها تانى هعلقها من رجليها
اسماء وهى ماشيه وتنظر امامها...... يانهار اسود الواد بتاع العربيه اهو دا لو شافنى مش بعيد يضربنى انا لازم استخبى
ف مكان اخر....
شخص 1 ....... الو اى الاخبار
شخص2..... كلو تمام ياريس البت الكبيره استلمت شغلها النهارده ف شركه أوبها اوووى والصغيره ف التعليم لسه
شخص1...... حلو اوووى حط عينك عليهم مش عايزهم يغيبوا عن عينك لحظه
شخص 2..... انت تؤمر ياكبير
بدل ماتدور وتبحث علي الروايات خليها علي تليفونك وحمل تطبيقنا
