رواية همسة وجع الجزء الثاني الفصل السابع بقلم اسماء العذب
7
#همسه_وجع
#الجزء_الثاني
يَا مَنْ تُحبُّونَ الرسولَ محمدًا
صلُّوا على خيرِ الأنامِ وسلِّموا"ﷺ🕊️
♡_______________♡
الدكتور بأسف: للأسف الشديد جاتله جلطه وعلي آخر لحظه الحمد لله لحقناه
وفاء وهي بتلطم بانهيار: يالهوي..جلطه ؟؟؟...جلطه مره واحده...ليه يا دكتور ايه اللي يخلي ابني يجيه جلطه في السن ده
الدكتور بعمليه شديده:وانا كمان مستغرب ..لكن ده شيء وارد ..لان الجلطات لمة تصيب حد في سن المريض بيكون نتيجتها زعل شديد وتراكمي
مازن بتيه: تراكمي ازاي يا دكتور وضح
الدكتور:قصدي ان الظاهر في حاجه مزعلاه اووي من فتره وزادت عن حدها وده اللي وصله الحاله دي
بعدها بص علي الكل وسأل: هو وقع منكم ولا حس بوجع وانتم جيبتوه عشان كده واغمي عليه في الطريق
مازن رد عليه بخوف وصوته مهزوز: للا ...هو ..هو جه من شغله وكأن باين عليه زعلان اوي ..وقال عاوز انام ولما جيت اصحيه لاقيتهقاطع النفس ومش بيرد عليا
الدكتور:كويس اوي انك صحيته في الوقت ده وجبتوه في الوقت المناسب...وإلا لا قدر الله كان هيبقي في كلام تاني
وفاء ببكا: الحمد لله يارب ...الف حمد وشكر ليك يارب ...اللهم لك الحمد حتي ترضي ولك الحمد بعد الرضا ولك الحمد ابدا ابدا ...طيب هو حالته ايه دلوقتي يادكتور
الدكترو:هو حاليا هيفضل تحت ةلملاحظن لمده ٢٤ ساعه عشان نتأكد انه مش هيحصل مضاعفات
همسه ببكا وصوت مبحوح: طيب ينفع نشوفه يادكتور
الدكتور برفض:اسفه ده مش مسموح ابدا في الوقت الحالي...لازم الاول تعدي ٢٤ ساعه عشان نطمن الاول وبعدها تقدروا تشوفوه
بعدها مشي وهو بيستأذن منهم
سمر كانت واقفه هي وعيلتها وهم مش مصدقين اللي سمعوه
معقول اللي حصل لعمر ده كله من الكلام اللي قالته
معقول ؟!!!!
والدكتور بيقول انها حاجه من فتره
يعني سمر طول فترة الخطوبه بتضايق عمر بكلامها وتجر.ح مشاعره
طيب ليه ؟؟
ومين الوحش فيهم ؟؟
سمر ؟؟
ولا عمر؟ ؟
ممكن تكون سمر لأنها هي السبب وكلامها هو اللي اتسبب بالحاله الخطيره دي
طب وليه ميكونش عمر وإلا ليه سمر بتقوله الكلام ده وتجر.حه وهو فضل ساكت ونا اشتكاش لحد ابدا لحد ما حالته ساءت كل دي اسأله كامت في راس كل قرد من أفراد عيله سمر واللي جم كلهم حتي احمد ومراته
اما سمر نفسهااكنت في وادي غير الوادي وعالم غير العالم
كل اللي عقلها كان بيعرضه هو مشهد عمر وهو ماشي من عندها من البيت مكسور وجر حه باين في عينيه
للدرجه دي كانت وحشه
للدرجه دي هي واحده سيئه والناس بتتأذي منها ومن كلامها
ضميرها كان عمال يجلد ها بسياط الندم
وكل المشاهد ليها هي وعمر من ساعه خطوبتهم بتمر في دماغها زي فيلم مكالمته الي مكنتش بترد عليها ولو ردت بتسمعه كلام اقل ما يقال عنه انه
خنجر بتق.طع في جسم الي قدامها
او رساله الي كان بيحاول بيها يلطف الجو معاها ويحاول يبررلها الموقف
او حتي يدافع عن نفسه
لكن هي مكنتش بتديه فرصه لأنها بتسمعه اللي فيه النصيب وتقفل في وشه
حتي الزياره اللي جاها مع أهله بعد الخطوبه
اتعودت انها تكون جلسه بارده جدا
وكانت بترد علي قد السؤال ومبتضحكش إلا بمجامله
بع
د ما جدتها تزغر لها بعيونها
:شايفه اللي حصله ...هيموت وانتي السبب.... انتي السبب ...انتي السببببببببببب
وعي آخر كلمه سمعتها من ضميرها وقعت سمر علي الارض مغمي عليها وكلها احساس شديد بالذنب وإن كان فيه روح بشريه ممكن تموت وهي هيكون ليها يد في الموضوع
♡_______________♡
ولاء كلمت همسه عشان تقولها علي الخطه اللي اتفقت عليها مع المجهول
همسه راحت علي جنب بعيد عن الكل بعد ما عيالها راحو لوفاء
ولاء: ايه يا هموسه اخبارك
همسه بصوت مبحوح: الحمد لله يا ولاء
ولاء بقلق من صوتها :مالك يا همسه ..ومال صوتك ..ايه حصل؟؟؟
همسه ما صدقت حد يسألها وانفجرت في البكا بانهيار وكأن:خزان دموعها مش بيخلص
ولاء بخوف وصراخ:مالك يا همسه ما تقلقنيش عليكي ...ايه حصل عشان تعيطي بالشكل ده
همسه ببكاء: ع..عمر
ولاء بقلق:ماله
همسه ببكا اشد:جاتله جلطه وعلي آخر لحظه لحقناه
ولاء شهقت بصدمه وهي بتقول بفزع:ياساتر يارب ..جلطه مره واحده..ليه اهي وصله لحاله دي
همسه بشهقات :الدكتور بيقول ان فيه حاجه زعلته اوي اوي ومأثره فيه هي اللي وصلته للحاله دي
ولاء بحزن وتأثر :لا حول ولا قوة الا بالله...بجد ..بجد زعلتني اوي عليه ...ربنا يطمنكم عليه يارب ...طب وهو ايه حالته دلوقتي
همسه :الدكتور قال انه هيقعد تحت الملاحظة الليله دي عشان يقولنا حالته وصلت لفين
ولاء بزعل :لا إله إلا الله..ربنا يطمنكم عليه ويقوم بالسلامه قولي آمين
همسه: آمين يارب ...انا مش قادره اتخيل حياتي من غيره ..
عمر ده روحي..ده ابويا التاني...والله حتي ما لاقيه كلمات ممكن توصف علاقتي انا وهو ...غير أننا اتنين بروح واحده
ولاء ببسمه:انتي هتقولي ..ما انا عارفه ده كله ...والله انا ساعات بغير منك عشان عندك اخ زي عمر ...عمر ده هو النموذج المثالي للأخ... المفروض يكون مثل اعلي لكل الاولاد عشان يعرفو يتصرفو ازاي مع اخواتهم
همسه بوجع:قلبي واجعني عليه اوي .. والله ما حد حاسس باللي جوايا....ماما وبابا ممكن يحصلهم حاجه لو حصلته حاجه لاقدر الله
ولاء بسرعه:فال الله ولا فالك ...إن شاء الله بكره هيكون زي الفل ...ومفيهوش حاجه ..بس انتي
ادعي ربنا ولحي في الدعاء ربنا بيحب العبد
اللي بيلح في الدعاء..وهو مش هيخذلك
همسه :ونعم بالله..بدعي والله ..بدعي من قلبي ..واني كامن ادعي يا ولاء..يمكن تكوني قريبه لربنا اكتر مني
ولاء: انتي هتقولي والله هدعي وبدعي في سري من اول ما قولتي ..وبعدين ده انتي الشيخه همسه ....ده الدفعه كلها كانت بتطلب دعاكي ايام الامتحانات
همسه ببسمه باهته:ده كان قبل ما اتكسر ويطلعو الشريره اللي جوايا ..إنما دلوقتي انا بدعي ومش عرافه ربنا هيقول دعايا ولا لا...
ولاء: انتي بتقولي ايه يا همسه ...هو انتي بتعملي حاجه غلط ولا ايه ...ده انتي بتاخدني حقك ..القصاص بتاعك من اللي ظلمك وافتري عليكي ...اهدي يا همسه واعملي كلامك..وفكري بعقلك
متخليش حزنك وغضبك يعموا بصيرتك ..انتي مش بتعملي حاجه غلط وانا لو كنت بقولك تعالي نرجع مش عشان هم مظلومين ولا احنا اشرار
لا انا عاوزه نرجع عشان هم اقل من أننا ننزل لمستواهم وحقارتهم
همسه بضعف وهي حاسه انها مش قادره تقف علي رجلها :كتر خيرك والله يا ولاء هونت عليا كتير...انتي كنتي متصله عشان بتسألي عادي
ولا فيه حاجه جديده حصلت
ولاء بتوتر: بصي هو فيه حاجه حصلت بس الظروف مش مناسبه
همسه بتعب :معاكس حق حاولي تأخري ةي حاجه ممكن تحصل لحد ما اقدر افوق للزباله دي
ولاء بحب :انا كنت هعمل كده من غير ما تقولي ...وهبقي اتصل عليكي كل شويه اشوف حاله عمر ....ربنا يطمنكم عليه
همسه بتمني:آمين يارب
ولاء: طيب سلام يا قلبي ولو عوزتي اي حاجه اتصلي بيا علي طول
همسه :ربنا يخليكي ليا ...سلام
قفلت معاها وهي بتتنهد بتعب ...ورجلها بقت توجعها من الوقفه الكتير
وبعدها رجعت لمكانه لكنها اختارت انها تقعد بعد ما كانت واقفه
♡_______________♡
بعد مرور ٢٤ ساعه
كانت كل حاجه علي حالها محدش اتحرك من مكانه كل اللي بيعملوه هو الدعاء
حتي سمر اللي أصرت انها تفضل معاهم لحد ما يخف عمر ويقوم بالسلامه
ورفضت رفض تام انها ترتاح او تاكل إلا لما تتطمن عليه
واحساس الذنب هيموتها
وكابوسها الاكبر أن عمر يحصله حاجه
كانت ملازمه للدعاء ودموعها مش مبطله نزول
وكل عيلتها مستغربه من حالتها
خصوصا ابوها
......
واخيرا جه معاد الكشف
واللي برد نظرهم ان الدكتور دخل يكشف وخرج وهو مبتسم براحه
سعيد بلهفه وخوف :طمنا يا دكتور..ابني عامل ايه
الدكتور ببسمه:لا الحمد لله على اوي ....الحمد لله عدي مرحله الخطر وبقي كويس حتي ممكن كمان شويه كده وتدخلو تشوفوه بعد ما يتنقل اوضه عاديه
لكن كل واحد لوحده الزحمه دي مش كويسه علشانه ...
بعدها كمل بنبره تحزيريه: وياريت محدش يقول اي حاجه تضايقه حتي ولو كانت بسيطة...لحد ما يخرج من هنا ويرجع لحياته العاديه
♡_______________♡
الكل تبتسم براحه كبيره وحمدو ربنا كتير اوي اوي علي فضله ونعمته وأنه استجب دعاهم وحفظ عمر ليهم
ووفاء وسعيد أصروا انهم يصلو ركعتين شكر وعلي اصرارهم
الكل راح معاهم للصلاهلحد ما عمر يتنقل لاوضه عاديه
بعد الصلاه الكل رجع كانعمر اتنقل وتقريبا فاق
وبقي الكل يدخله بالدور لحد ما جه دور سمر
الحاجه فاطمه: يلا يا سمر ادخلي لخطيبك
عماد بهمس وهو جنبها :بلاش ياماما البلديه قايم من جلطه وهي السبب
الحاجه فاطمه: اسكت انت يا عماد انا عارفه انا بعمل ايه كويس
بعدها علت صوتها:روحي ادخليله تلاقيه نفسه يشوفك
سمر بلغت ريقها ودخلت بعد إصرار من الكل
كان جسمها بيتهز بمشاعر كتيره
..خوف ..توتر ...قلق ..ارتباك ...
لحد ما وشها جه في وش عمر وكل حاجه سكنت من حواليهم
عمر:.