رواية همسة وجع الجزء الثاني الفصل السادس بقلم اسماء العذب
6
#همسه_وجع
#الجزء_الثاني
يَا مَنْ تُحبُّونَ الرسولَ محمدًا
صلُّوا على خيرِ الأنامِ وسلِّموا"ﷺ🕊️
♡_______________♡
بعدها غاب لمده دقايق ورجع ووشه مخطوف وبيتكلم بخوف وارتعاش
مازن :بابا ...ماما ااا..الحقوني
سعيد بقلق:في ايه يا مازن وفين اخوك
مازن ببحه بكاء:عمال اصحي فيه مش راضي يصحي وجسمه ساقع وشفايفه مزرقه
♡_______________♡
في بيت سمر كانت قاعده في أوضه شهد وهي حاسه بخنقه رهيبه وكأن الهوا تقيل عليها ...مش قادره تتنفس ...وكل اللي بيجي في بالها هو شكل عمر وهو طالع من بيتهم مكسو.ر
سكر وهي بتكلم نفسها:يا تري اللي انى عملته ده صح
ضميرها بتأنيب:خو ايه اللي صح حرام اللي انتي عملتيه ده ازاي يجي لك قلب تعملي كده انتي ايه
سمر بتبرير:انا بس كنت بحاول أقصي عليه عشان يفوق من اللي هو فيه ضميرها بغضب:وهو ايه اللي هو فيه ...هااا ايه اللي هو فيه
سمر بأستنكار: وكانك مش عارف...ده كان بيعذب عيال اخته الأطفال..انت متخيل
ضميرها:لكنه كان عنده تفسير لده ...كان لازم علي الاقل تسمعي هو هيقول ايه وبعدها تحكمي
سمر بضيق:وهو ليه مقلش وهو هنا ...كان لازم قال ايه نخرج بره عشان يعرف يقول ...هيكون هيقول ايه يعني
ضميرها بغضب :كنتي مشيتي معاه للاخر وعرفتي عاوز يقول ايه ...عشان لما تغلطي فيه ما اجيش اأنبك...لاني هكون عارف انك معاكي حق ...لكن كده انتي غلطانه وستين غلطانه كمان
سمر كانت لسه هترد علي ضميرها بينها وبين نفسها وتبرر وتقول هي بتعمل كده ليه
لكن قطع الوصله دي مناداه ابوها عليها
بلعت ريقها وهي بتقول بتوتر:لحقتي تقولي لبابا يا تيته انتي وماما..طب حتي استنوا ياخد نفسه الراجل لسه جاي
بعدها كملت بشجاعه مزيفه:بس ولا يهمني انى هطلع واقول لبابا اني مش متقبلاه واللي يحصل يحصل بقي ماهو الجواز مش بالغصب
ضميرها من بعيد:بس يا هبله ..بس يا عبيطه يا جبله يا عديمه الاحساس
سمر بنرفزه: ايييييه كل دي شتايم عشانه
ضميرها من بعيد وصوته ابتدي يوطي :ايوه ....عشان انتي عاوزه تطلعي نفسك مش غلطانه وبتدي لنفسك مبررات فارغه...اعترفي بغلطك
سمر بلا مبالاه وهي بتخرج من الاوضه :حاضر هعترف في المشمش إن شاء الله
اول ما خرجت كان تقريبا البيت كله متجمع عشان يشوف وصله التهزئ بتاعه سمر
سمر بسخريه وصوت واطي:ما شاء الله..متجمعين عند النبي
عماد بنحفز:قربي يا سمر
سمر قريت لحد ما باقي في مواجهة ابوها
عماد:قوليلي ايه الكلام اللي قالته ستك ده
سمر بتوتر وتبرير:يا بابا حضرتك متعرفش الموضوع من الاول عشان كده مهما اقول حضرتك مش هتفهمني
الحاجه فاطمه بغيظ: شايف اهو كل ما حد يكلمها تقوله البوقين دول ...ومحدش واخد معاها لا حق ولا باطل
سمر بإبتسامة متوتره :هدي النفوس يا تيته يا حبيبتي..الموضوع مش ناقص توتر
عماد بنفاذ صبر:جاوبي علي سؤالي يا سمر من غير لف ودوران انتي قولتي الكلام اللي زي السم ده لخطيبك لمى كلن عندنا وخليته ماشي مكسور
سمر نزلت راسها في الارض وماقدرتش تجاوب
عماد بعتاب وحسره:افهم من سكوتك انك قولتي كده فعلا ...ليه يا بنتي ..هي دي تربيتي ليكي انا وامك وستك ...هي دي الأصول والاحترام اللي علمناهم ليكي وانتي لسه في اللفه....مصعبش عليكي وانتي بتهزأي فيه كده وتكسرت بخاطره ولا كأنه عدوك
سمر بدموع :يابابا انا ..انا مشبرتاح للي اسمه عمر ده وكنت ...كنت بحاول اوضح ده ليه
عماد بصراخ: تقومي تقولي اللي قولتيه ده ...حرام عليكي..حتي لو مش قادره تبصي في وشه ..كنتي قولتي ليا وانا اتصرف ونخرج بالمعروف وي ما دخلنا ...لكن باللس انتي عملتيه ده
خليتنا احنا قلالات الاصل والادب كمان
سمر بسرعه ولهفه: قىطع لسان اللي قول علينا كده يابابا..قىطع لسانه يارب ..احنا احسن ناس في المنطقة وكله يشهد بكده
عماد بحسره: بس انتي عملتي عكس ما كل الناس كانت تتوقع ...فكرك لو حد عرف هيقول علينا ايه ...الناس هتقول ايه علي واحده هزات خطيبها ومسحت بكرامته الارض ونزلته مكسور ...عارفه هيقولو ايه...هيقولو عليها متربتش قليله أدب...قليله أدب ايه بس ..دول هيقولو عليها عديمه أدب
سمر ببكاء: يابابا...والله ما كنش قصدي الموضوع يوصل لكده...انا كل اللي كنت عوزاه اني اسيب عمر ده والله عندي اسبابي
عماد بحده :اسبابك ...طيب قولينا اسبابك ايه يا مظلومه يا مسكينه
سمر بزعل وبكاء: ماشي هقولك ولازم كله يسمع ...انا لما كنت ب.....
قطع كللم سمر صراخ عالي جدا جاي من البلكونه وصوت زعيق
الكل اتحرك بسرعه ناحيه البلكونه بخضه من صوت الصراخ والزعيق اللي مره واحده ملا المكان
لكن الكل اتصنم مكانه لما لاقي عمر شايله اخوه مازن واتنين رجاله تانين من اهل المنطقه ووفاء مش مبطله صراخ وعياط وهي بتنادي بأسم عمر
ومحدش من عيله سمر استني يعرف ايه في و الكل جري علي تحت بسرعه إلا سمر الي وقفت زي التمثال بتبص علي عمر اللي بيدخلوا في عربيته زي الجثىه بالضبط
بعد ما اختفت من ملامحه كل معالم الحياه
♡_______________♡
إيمي كانت قاعده في البيت في اوضتها بتعمل مناكير وبتسمع اعدغاني اجنبيه هاديه
لكن الهدوء اختفي لمى دخلت عليها امها زي الإعصار من غير حتي ما تخبط علي الباب
وعلي العكس تماما كانت إيمي قاعده مكانها بكل برود متحركتش ولا اتهزت فيها شعرايه
ناهد بغضب مكبوت :ايه اللي انتي عملتيه ده يا إيمي
إيمي ببرود:وايه اللي انا عملته ده يا ماما
ناهد بعصبيه :متعمليش نفسك غبيه ومش فاهمه...انا عارف كويس انك فاهمه انا اقصد ايه
إيمي ببرود اشد وهي بتكمل تلوين ضوافرها:لا ياماما مش فاهمه انتي قصدك ايه ممكن توضحي
ناهد بهياج وهي بتاخد المناكير منها وترميه بعيد:ايه اللي وداكي مستشفى متخصص في للنساء والولادة وزراعة الاجنه والحاجات دي
إيمي وقفت قصادها وقالت بتحدي :وانيت بقي عرفتي منين الكلام ده...ده حتي انا رحت لوحدي
سكتت شويه بعدها قالت وكأنها افتكرت حاجه: اه صح اكيد عرفتي من الراجل الي انتي بعتاه يمشي ورايا وينقل ليكي اخباري مش كده
ناهد كامت واثقه قصادها وعيونها بتقدح نيران بالمعنى الحرفي
إيمي بترقب :ايه ما تقولي ...ولا تكوني فاكره ان حكايه الدكتور النفسي ده كانت هتخليني اغير رأيي في فكره الخلفه...انا بس وافقت اني اروحه عشان تخفو زن من علي دماغي
ناهد بتعب وهي بتقعد علي اقرب كرسي:يابنتي..والله انا ما عاوزه غير مصلحتك وبس والله
إيمي ببرود: وانا مصلحتي انا عرفاها كويس ول سمحتي ياماما متخليش في حياتي ولا انتي ولا حد من اخواتي
ناهد قامت بعصبيه وهي بتتحرك ناحيه الباب وبتتكلم بغضب :انا بقي هشوف يا انا يا انتي وكلام مين اللي هيمشي في البيت ده
♡_______________♡
ولاء كامت قاعده قدام المجهول وهو بتكلم معاها عم خطته الجايه واللي المفروض تكون هي جزأ منها
المجهول: وانتي هتقولي ان همسه من زمان كام نفسها في عيل وانها كانت مع خطوه التبني مع انها عرافه انه حرام شرعا
ولاء بقرف وهي بتكلم نفسها :أعوذ بالله منك يا شيخ حتي الدين عاوز تدخله في خططك عشان تقوي موقفك الباطل يا باطل
المجهول كمل: بعدها هيجي دور مشعل انه يتكلم وطبعا مشعل لما همسه جات عنده كان معاها العيال وولدتهم خلاص من مده ...يعني برضه مش هيعرف اذا كانوا عيال همسه ولا لا
ولا هزت راسها بقرف وهي بتحاول تبتسم
المجهول بتكمله: نيجي بقي لأهم خطوه وهي التحاليل...اكيد هيحبو يتأكدوا عشان كده هيروحو يعملو تحاليل الدي ان اي DNA... ودي بقى سهله اوي ...كام معلقه يكر في كوبايه الشاي بتاعه الراجل المسؤول عن التحاليل
ويظبطها لينا علي مزاجنا
ولاء تقريبا من الكره والبعض بتاعه كانت عاوزه تقوم تضربه ..وتشتم اهله علي النجاسه اللي هو فيها دي
لما لاحظ سكوتها اتكلم بتحفز:ايه في حاجه مش عجباكي في الخطه
ولاء بتأفف:الخطه كلها علي بعضها مش عجباني
المجهول: وده ليه بقي إن شاء الله
ولاء بعصبيه :ازاي عاوزني اخلي عيال همسه يبعدو عنها ومتشفش حد فيهم تاني ازاي
المجهول: وهم هيروحو فيين يعني ما دكتور الندامه هياخدهم معاه
ولاء بغضب :لا برضو ..الخطه دي لازم تتلغي وانا مش مستعده انفزها ...مش هقدر اشوف همسه بتتأذي بسببي ولو علي موتي ...شوف خطه تاني احسن
المجهول بعصبيه:خطه اييه تاني ما كل الخطط فشلت علي دماغي ودماغك وما فضلش غير دي
ولاء بمكر:لا لسه في واحده
المجهول بفضول :ايه هي
ولاء بضحكه خبيثه: اقولك
♡_______________♡
الكل كان قاعد في حاله انهيار في المستشفى اللي اخدوا ليها عمر ..اللي اول ما وصل دخل الطواريء علي طول كحاله حرجه
وفاء مبطله دعاء وبكاء في نفس الوقت
سعيد بيقرأ قرآن ودموعه خلاص علي وشك انها تنزل من عينه
ومازن عامل زي الطفل الصغير اللي تايه من اهله ...قاعد علي جنب في الارض وباصص في الوشوش بتوهان
اما همسه حاضنه عيالها ومش مبطله دعاء لعمر ودموعها بتتسابق للنزول
حتي عيله سمر جت وقاعدين معاهم بيحاولو يهدوا اي حد لكن ما فيش فايده
لحد ما عدت ساعه كمان وخرج الدكتور
الكل اتجمع عليه بلهفة
سعيد بلهفه ورهبه: اخبار ابني ايه يا دكتور
الدكتور بأسف:..........
بدل ماتدور وتبحث علي الروايات خليها علي تليفونك وحمل تطبيقنا
