رواية الاميرة والمغترب الفصل الثالث والستين 63 بقلم الاء إسماعيل البشري
الناس اللي بتتابع الرواية بصمت الرواية قربت تخلص عايزة على الأقل لايك عشان أعرف مين بيتابعني و الرواية تستاهل كام بجد ...ما تبخلوش عليا بدعمكم لإني مش بابخل عليكم بوقتي و مجهودي و افكاري و الروايات اللي زي دي بتتعرض على واتباد بس انا بأنشرها بهنا بلاش مش طالبة غير دعم بلايك او لاف و ميرسي مقدما
ياسين : انتو هتكتبوا كتابكم معانا النهاردة و الفرحة تبقى فرحتين 🥰
-نكتب النهاردة ؟
ياسين : ليه لأ ..تستنو ليه لحد الأسبوع الجاي ؟ ما المأذون موجود و احنا كلنا هنبقى متجمعين ...يبقى ما تكتبش النهاردة ليه؟! و اهو بالمرة العروسة تشوف بيتها الجديد؟ 🙄😉
تهلل وجه خالد بفرحة: اه و الله ! انا ازاي ما فكرتش في كدة !!
سرعان ما خمدت فرحته حين تذكر والدتها: بس أكيد مش هيوافقوا ...و لو ابوها وافق امها هتقف لنا فيها 😥
ياسين بضحكة: مش هترفض لما تشوف البيت و تعرف المفاجأة اللي انا محضرهالك 😁
-مفاجاة ايه ؟
-هتعرف لما توصلوا بالسلامة
-طب يالا انا قربت أوصل بيتهم ادعيلي اتوفق و اقنعهم
-طب استنى دقيقة وحدة انا كنت محتاج خدمة تانية
خالد : أؤمرني يا صاحبي
ياسين - عايز رقم حد ضروري
عند بدر
خرج بدر من غرفة هناء فوجد سنية في إنتظاره
-صباح الخير يا زين الرجال
-صباح النور
-شايفاك صاحي متأخر عن الشغل ؟
-لا عندي مشوار مهم مش رايح الشغل النهاردة
سنية : مشوار زي بتاع امبارح ؟! 🙄
بدر بحدة: سنية !! ما تتدخليش في اللي ما لكيش فيه
سنية : يعني مش كفاية اخذتها عند امك و سبت الشغل كله واقع فوق دماغنا ! لا و كمان كل يوم هتنط عندها و تسيبنا هنا؟؟😏
بدر: و هي لو قعدت هنا هتعمل لكم ايه ؟؟هاا !! هي حامل و ما تقدرش تشتغل حاجة محتاجة راااحة فاهمة يعني ايه راحة !!
-طب ما انت كنت حامل ما اتدلعتش ليه كدة؟
-لانها ضعيفة اوي. ولا انتي ناسية عملتي فيها ايه من لما اتجوزتها
-ما انت طلبت مني اربيها.
بدر : و اهي اتربت خلاص ...دلوقت هي حامل و لازم ترتاح عشان سلامة اللي ف يطنها
-طب ماكانت ترتاح هنا !! اهو على الأقل مكنتش كل شوية تسافر لهم 😥
-سنية !!؛ انا من غير اي حاجة بأسافر اشق على أمي كل أسبوع ...يبقى اقصري الشر و سدي حنكك ...مفهوووم؟؟
لبس حذاءه فقالت بضيق: طب مش هتفطر ؟!
-لا مش طافح سديتي نفسي 😤
تركها وخرج فجزت على أسنانها بغل
و بعدين بقى !! لا هاعرف اجيبها هنا تاني و لا قادرة اوصلها هناك.. ..
فكرت قليلا ثم قالت : معنديش حل الا العبي'طة هناء هي الوحيدة اللي هتقدر توصل لها
في منزل صالح
فاتن بتذمر : بقولك ايه يا صالح ...انا النهاردة مليش نفس اطبخ حاجة ..
صالح و هو يقلب هاتفه: لا و الله ! اومال هنتغدى ايه ؟
-تطلب ديليفري اي حاجة ..بيتزا ..مشاوي .. كباب
-يا سلام ..يعني انا بشقى طول الليل عشان ناكل فلوسنا ديليفري !
فاتن بملل :يبقى خلاص تقوم سحر تعملك كام بيضة ..انا تعبانة و زهقانة من المطبخ و سنينه
-بلاش لف و دوران ....من الاخر عايزة ايه ؟؟
فاتن بضيق :نفسي اطلع اتفسح زي العالم و الخلق ! ادينا في اجازة الصيف و مش عارفة اطلع لمكان 😮💨😤
صالح : اعمل لك ايه يعني !!😕
-ايه اللي تعملي ايه ؟؟ تاخذنا لاي مكان نشم فيه هوا اتخنقت من الشقة الز'فت دي !😓
-هو انا كنت ماسكك؟ ما تطلعي و تروحي للحتة اللي انتي عايزاها ؟؟
-و اطلع لوحدي ليه و انا اسمي متجوزة ؟؟ولا هو كان بالإسم بس ؟؟ نفسي في مرة تطلع معاي لمكان و احس ان ليا راجل بجد..طب افتكر كدة بقالنا كام سنة ما طلعناش لاي مكان سوا؟
-انا عمري ما منعتك تطلعي 🙄
-ده صحيح .. بس رافض تطلعني معاك ؟
همس صالح لنفسه : مين السبب ؟ مش نكدك و فضا"يحك هوما السبب ! لا يعجبك العجب ولا ترضيكي حاجة خااالص 😮💨
ثم قال بتذمر:يعني من الاخر يا فاتن عايزاني اطلع ألف معاكي طول اليوم و بالليل انتي تنامي و انا اروح اشتغل زي الطو"ر عشان اطفحكم اللقمة ..يا إما تسيبينا من غير اكل و تعملي اضراب عن المطبخ صح؟
-انا مقلتش كدة 😥😓
-اومال قصدك ايه 😒
-قصدي تاخذ اجازة
-مش راضيين يمضولي على اذن الإجازة المدير بيقول لما يرجعوا اللي خذو اجازتهم قبلنا نبقى نطلع احنا
-اااه لما تخلص الاجازات و تبتدي المدارس و الناس اللي راحت بلدها ترجع من عند اهلها نطلع احنا ...موت يا حمااار 😮💨
-ما انتي مش بترضي تنزلي اجازات لمصر اعملك ايه يعني
-انزل اعمل ايه ؟ اروح لمين لأهلك اللي مخاصميني ؟؟
-طب انسي الموضوع ...مقلتش حاجة
في تلك الأثناء خرجت سحر بتثاقل من غرفتها فقالت فاتن: اهي المحروسة بنتك صحيت أخيرا اتفضل شوف انت و هي هتتغدو ايه انا داخلة أنام احسن من الغم اللي انا فيه ده 😣
وصلت سحر البهما و قالت : صباح الخير يا بابا 🥱
-صباح النور يا قلب بابا 😊
-و انا كنت لابسة طقية الاخفاء ؟😏
قالتها فاتن بتذمر فقاطعتها سحر : كنت هقولك انتي اللي دايما مستعجلة
نفخت فاتن و قالت : انا رايحة أنام شوفي هتعملي ايه اكل لابوكي
كانت ستدخل غرفتها وسط دهشة سحر من تصرفها حين رن جرس الباب
فتوجهت فاتن لتفتج بينما همست سحر لوالدها: كنتو بتتخانقو ليه عالصبح ؟ نوم ايه ده اللي هتنامه الساعة 11؟
رد صالح بهمس مماثل : عايزة تتفسح 🤫
دخلت فاتن تنظر اليهما بضيق
صالح بتساؤل:مالك قالبة وشك كدة ؟؟ مين كان عالباب ؟
فاتن: عريس الغفلة مستنيك🙄
فزعت سحر بسبب منظرها الفوضوي-يا خبر خالد هنا ؟؟
ركضت نحو الحمام لتعدل مظهرها بينما انتفض صالح مسرعا و هو يقول لفاتن: يعني سايباه عالباب كإنه شحات!! ايه قلة الذوق دي يا فاتن ده هيبقى جوز بنتك !! 😤
فاتن بلامبالاة : قلة الذوق بجد هي انك تروح للناس عالصبح كدة من غير معاد 😏..و بعدين انا ما وافقتش لسة على حكاية جوز بنتي دي 🙄
نفخ بتذمر و اومأ إليها بمعنى: طب اخرسي و روحي اعمليله حاجة يشربها ..ثم فتح الباب
خالد : صباح الخير يا عمي
صالح : باش مهندس خالد صباح النور ..أهلا يا ابني نورت البيت 🥰
خالد بإحراج : بنور أصحابه يا عمي
-اتفضل جوة واقف عالباب ليه ؟
دخلا سويا و قال صالح ؛ آسف بجد على اللي عملته فاتن... معلش يا ابني امسحها فيا انا
-لا استغفر الله يا عمي ..المفروض انا اللي اتأسف عشان جيت من غير معاد
قالها و هو ينظر لفاتن التي وضعت امامه كوب عصير ببرود
فنظرت بدورها الى زوجها بإشارة معناها: شفت كان عندي حق هو اللي قليل ذوق جيه من غير معاد
فقال صالح بمحاولة لإصلاح الموقف : لا يا بني انت صاحب بيت تجي في أي وقت و من غير معاد
فهم خالد اشارتها فقال بإحراج : انا أصلا كنت رايح اوتاوا من شوية بس رجعت عشانكم. ..و لولا إن الموضوع ضروري و مستعجل مكنتش جيت في الوقت ده
صالح : ما تقولش كدة زي ما قلتلك البيت بيتك تشرف في أي وقت .
فاتن بفضول : موضوع ايه ده اللي مهم للدرجة دي ؟
خالد :ياسين أتصل بيا من شوية بيقول هيكتب كتابه النهاردة على اميرة و شرطت عليه انكم تكونو موجودين و انك تبقى وليها
في تلك اللحظة خرجت سحر و قد سمعت اخرجملة : الله ! بجد أميرة هتتجوز النهاردة!! 🥰
خالد بإبتسامة: ايوة ..و عايزاكي جنبها في يوم زي ده
فاتن بلوية بوز: هي مش اتجوزت !! هتتجوز تاني ليه 😒
-..انتي فاهمة الموضوع غلط يا طنط..ياسين اتجوزها غيابي في القنصلية عشان يقدر بس ينقذها من اللي خطفها ..
هي عرفت من يومين بس و وافقت النهاردة الصبح تتمم الجوازة دي عشان كدة طالباكم....انتم عيلتها الوحيدة هنا .
نظرت فاتن الى صالح بترقب فقال لخالد: بس انا ما اقدرش اسافر يا ابني ...انت عارف شغلي و مش هالحق اروح و ارجع ..
قاطعه خالد : ما تشيلش هم الشغل .. انا اتصلت اصلا و طلبتلك اذن اجازة اسبوعين زمانه اتمضى دلوقت 😊
سحر بحماس : الله !! يعني نقدر نسافر يا بابا 😍🤩
صالح بإستسلام : مادمت اخذت اجازة يبقى مفيش مشكلة.
جهزو نفسكم عشان نمشي معاه .
فاتن بضيق: صالح تعال عايزاك
صالح بإحراج : عن اذنك يا ابني
-اتفضل يا عمي
دخل صالح و جلست سحر فأمسك يديها بحب و اقترب منها وهو يقول بهيام: عقبالنا يا قمري 🥰
نظرت الى جهة غرفة والديها بحذر و قالت : انت بتعمل ايه يا مجنون افرض حد منهم شافنا ؟؟
-بعد النهاردة مش هيهمني حد ...لا مامتك و لا ابوكي
سحر بتساؤل: اشمعنى ؟؟
-احنا هنكتب كتابنا معاهم 🥰
انتفضت سحر بصدمة: انت بتقول ايه ؟؟😳
-مالك اتفزعتي كدة ليه ؟؟
المأذون موجود و صحابي موجودين و عيلتنا كلها ملمومة حوالينا و كمان محضرلك مفاجأة حلوة هتعجبك اوي ..يبقى نكتب احنا كمان و نرتاح بقى !
سحر بتذمر: بس انا مش جاهزة!
-يا سلام !!النهاردة او بعد خمس ايام هتفرق ايه ؟؟ هتجهزي ايه مثلا في الاربعة ايام دول؟
-أحضر نفسي فيهم اتحضر نفسيا و ذهنيا اني هأبقى وحدة متجوزة ...فهمت دلوقت ؟؟
-مليش في كلام علم النفس انا. . اعملي حسابك اول ما نوصل هأقول لعمي ..حاكم انا متأكد ان مامتك مش هتتحرك من هنا لو سمعت الكلام ده ! 🙄 ده ان ماكانتش دلوقت بتقنع ابوكي ما يروحش 😂
-ايه اللي انت بتقوله ده يا صالح !! سفر ايه اللي انت عايزنا نسافره و كتب كتاب ايه اللي نحضره؟؟
-انتي سمعتي قال ايه .. الراجل طلبنا و بيقول ده شرطها معقولة نكسفهم ؟ و مش بعيد مش هتوافق لو ما رحناش
-ان شاء الله عنها ما وافقت... انا ماااالي ؟؟
-انتي مالك ايه يا عب'يطة...ده ميلياردير ...لما هنبقى نسايب مع واحد زي ده شوفي انتي هتتغير حياتنا ازاي
-الكلام ده كنت تقوله لنفسك و انت رايح توافق عاللي اسمه خالد ده ...أميرة تتجوز ميلياردير و انا انفذ طلباتها و المفروض ابقى خايفة تزعل او ترفض
-الراجل طلب ايد بنتك و هو مش ناقصه حاجة ...مش
لازم يبقى ميلياردير زي صاحبه .. اهم حاجة أنه بيحبها
فاتن : و لو ... أنا مش رايحة لأي مكان ..مش كفاية غاصيني على خالد ده و انا مش موافقة عالخطوبة دي أصلا ! كمان عايز تاخذني أحضر خطوبة المحروسة غصب عني
صالح بغضب: مش قبل شوية كنتي بتتحايلي عليا عشان نطلع سوا !! اهو لما الراجل قدملي على اجازة جاية تعملي فيلم من بتوعك و تطلعيلي بحركاتك البا"يخة زي عوايدك!!
-انا طلبت نطلع نتفسح مش اروح احضر كتب كتاب السنيورة و امو"ت انا من قهري على بناتي اللي اتجوزو جوازات عرة هوما الإثنين 😤
-يا شيخة انتي ايه !! مش بتتهدي أبدا !! جوازات عرة ايه ربنا يهديكي !! البنت متجوزة ابن عمها الي شايلها في عينيه هو و اهله و حامل و مبسوطة و التانية خاطبها مهندس قد الدنيا عايزة ايه اكثر !!
-مش عايزة حاجة و مش رايحة لمكان 🙄
- بقولك ايه ؟؟ قسما بالله العظيم يا فاتن لو ما قمتيش دلوقت حالا لأكون سايبك و رايح انا و بنتي و المأذون اللي هيجوزهم هيطلقنا غيابي قلتي ايه !! 😡
جهزت حنان نفسها منتظرة اشارة عمها
دخلت هنادي الغرفة فوجدتها متأهبة :
حنان انتي صاحية يا بنتي ؟
-ايوة يا خالتي صباح الخير
-صباح النور جبتلك الفطار..يالا كلي كويس عشان عمك مستنيكي
-لا انا يا دوب امشي مش عايزة بدر يستناني كثير
-يا اختي يستنى براحته انتي حامل و لازم تاكلي
-لا انا اكلت شوية ... بدر كان جايبلي جبنة و مربى و حاجات تانية كثير
هنادي : ربنا يخليه ليكي و يجيبلك كمان و كمان
حنان بصدق :ياااا رب ☺️
- طيب يا بنتي. براحتك ...بس انتي متأكدة انك تقدري عالمشوار من هنا لحد طنطا ؟؟
-ايوة يا خالتي ما تخافيش عليا انا كويسة و البيبي هيكون كويس 😊 ده كلها مشوار ساعتين و نص
-طيب يا بنتي ..يبقى خلي بالك من نفسك
كانت أم احمد تجهز وليمة للعشاء بمناسبة كتب الكتاب و أميرة تساعدها بحماس شديد
أم احمد : يا بنتي انتي لسة عيانة و رجلك هتوجعك سيبيني انا هاخلص كل حاجة انتي ارتاحي...اصلا لسة بدري اوي على ما يوصلوا
أميرة بإبتسامتها المعتادة : ايه الكلام ده يا ماما معقولة اسيبك تحضري كل الاكل ده لوحدك !! و بعدين انتي سمعتي ياسين قال ايه! قال أميرة هتساعدك يعني انتهى الكلام مش هنعارضيه 🙄😊
ابتسمت أم أحمد قائلة : طب انتي تقعدي و تساعديني في التقطيع و انا اللي اقوم اشوف الحلل.. عشان رجلك يا بنتي
أميرة بإستسلام : ماشي 😊
اغلق ياسين الخط مع خالد ثم كان سيتصل ثانية حين رن هاتفه وكانت نانسي
-سيدي صباح الخير
-اهلا نانسي ما الاخبار ؟
-كل شيء على ما يرام ..لكني اتصلت فقط كي اخبرك بأن بعض العقود تنتظر توقيعك ولا تحتمل التأخير كما ان السيد سكينر الغى العقد الذي كان بيننا و انتظر ان تطلع على بنوده قبل ان نتصل بمحاميه السيد دواين
ياسين : لا أستطيع الحضور اليوم يا نانسي ارسلي كل الأوراق مع منذر و سأطالعها من هنا
-حسنا سيدي ..طاب يومك
اغلق الخط و أتصل بمنذر
-صباح الخير يا منذر
-اهلا يا بيه صباح النور ان شاء الله تكون ارتحت من السفرية؟
- متعودين عالتعب يا منذر ... الحمد لله المهم اتوفقنا
-الحمد لله يا بيه ...اؤمرني
-بص انت الاول تعدي عالبنك تبعث رصيد للحساب الجديد اللي اديتك رقمه ..المفروض ابعث امبارح بس اتلخمت مع الصفقة و رجعت متصربع و نسيت
-تمام يا بيه احط فيه زي العادة ؟؟
-لا زودهم 400 دولار كمان
-حاضر يا بيه تؤمرني يخدمة تانية ؟؟
- ايوة ..تعدي عالشركة تجيبلي اوراق من نانسي و تعمل حسابك عشان هتقعد تتعشى معانا
- استغفر الله يا بيه و دي تجي؟؟
-بطل بواخة يا منذر ... مش كفاية كلمة بيه كل شوية ... انا معتبرك اخوي و عازمك على كتب كتابي الليلة ...خالتك أم أحمد عاملة الاكل بإيديها
منذر بفرحة: بجد !! ألف مبرووووك يا بيه !! 😍
- بيه تاني هههه عموما الله يبارك فيك با منذر عقبالك ..يالا خلص اللي طلبته منك بسرعة
- حاضر يا بيه 😊
اقفل وهو يبتسم و سرعان ما وصلته رسالة من خالد: في وقتك يا خالد 😊
ضغط على الرقم و أتصل بشخص ما
في مصر
اتصلت سما بإيهاب و هي تتذمر : بيبوو😰 إلحقني يا بيبي 🥺
إيهاب : خير يا قلبي فيه ايه ؟!
سما: حصلت معاي فض"يحة يا بيبي 🥺
ايهاب بخوف:يا ساتر !! فضي"حة ايه ! انتي فين الاول ؟؟
-انا في محل كلارا ...فاكر الطقم بتاع Valentino اللي شفناه المرة اللي فاتت و قلتلك هاشتريه عشان عيد ميلاد سوزي ؟
-ايوة فاكره 🤨 ماله
سما ببكاء : رحت اشتريه النهاردة و لما جيت أدفع الحساب قالي الفيزا بتاعتك مافيهاش رصيد 😭
إيهاب : طب ما تطلبي منه يشيك تاني يمكن حصل غلط!
سما بإنهيار : شيك عليها مرة و اثنين و عشرة و برضو كانت فاضية 😭 ...انا اتفض"حت في وسط كل اللي كانوا هناك
همس ايهاب بدهشة -غريبة ..المفروض يبعث امبارح 🤔
-طب انت متأكد من اليوم ؟؟ يعني بتقول كان مفروض يبعث رصيد امبارح ؟؟ ما يمكن النهاردة او بكرة ؟؟
-لا طبعا ..النهاردة 11 في الشهر و انتي عارفة ان بقاله كذا سنة بيبعث لعمته و عمره ما نسي اليوم اللي يبعث فيه !! ولا بيغيره!!
-طب و الحل يا ايهاب ! انا شكلي بقى زباا"االة اوي و هوما بيبصوا عليا خصوصا البياعات الجر"بانات اللي هناك كانوا شمتانين فيا بشكل فظيع 😓😫
ايهاب بضيق : ايه الكلام ده يا روحي و هوما هيشمتو فيكي ليه أكيد حصلت غلطة و هتتحل
-لا شمتوا فيا بأمارة انهم كانوا بيهمسوا لبعض و بيضحكو 😫
انا دلوقت في الحمام مش قادرة اطلع ..هأوري وشي للناس ازاي بعد الفضي"حة دي 😭😭 !! سيرتي هتبقى ترند في مصر كلها 😮💨
ايهاب بضجر: على فكرة انتي مأفورة زيادة ..مش هتوصل للدرجة دي يعني !
-لا توصل 😰و اكثر
-طب ما كنتي تختاري اي طقم تاني يعني لازم برندات غالية ما هي كلها لبس
-انت بتقول ايه يا أيهاب ؟؟ عايزاني انا سما المصري ألبس طقم من ماركة عادية انت اتجننت 😳 !! عشان سوزي و الشلة يعملوا مني مسخرة مش كدة !! 😤 هوما مش أقل مني عشان هوما يبلسوا برندات و انا البس طقم أي كلام ! و دي آخر مرة هنتكلم فيها بخصوص الموضوع ده لإنك عارف رأيي كويس! 😤
-خلاص خلاص يا روحي اهدي ما حصلش حاجة انتي
بس روحي البيت دلوقت و انا هبقى اشوف موضوع الفيزا ده
-اروح ازاي بقولك في الحمام مش عارفة اطلع !
نفخ بضيق و قال : حطي نظارات و شال ..و شيلي الميكب و اطلعي محدش هيعرفك
-قصدك اني هابقى وحشة؟؟😤
جز ايهاب على اسنانه و قال بمحاولة منه للهدوء؛ لا يا قلبي انتي مفيش في جمالك ...انتي بس هتبقي على جمالك الطبيعي و محدش هيعرفك ساعتها..صدقيني انتي احلى بدون ميكب
سما بقلة حيلة : طيب حاضر ...بس خلص لي موضوع الفلوس بسرعة عشان الحق اشتريه و اجيب له جزمة dolce Gabbana اللي شفتها معاه ...عيد ميلاد سوزي بالليل ..اوعة تنسى !!
-مش هأنسى ..حاضر
اقفل الخط و هو يتسائل : يا ترى ايه الحكاية يا ياسين يا منشاوي !!
أتصل بالبنك مسرعا: صباح الخير انا اتصلت عشان اتاكد من رصيد حسابي ...رقم الحساب : .....
العامل : لحظة يا بيه..نظر في الحاسوب ثم قال : آسف يا بيه مفيش رصيد
-من فضلك اتأكد تاني المفروض يدخل رصيد 800 دولار امبارح
آسف يا بيه مفيش حاجة دخلت الحساب من شهر .
- طيب شكرا
اقفل الخط و هو يجز على اسنانه: تكونش عملتها يا ياسين ؟؟
تذكر والدته فجأة و قال :اه طبعا ... انا ازاي نسيتها !!! هي كانت عيانة و انا نسيت اروحلها أكيد اتصل بيها و رغت معاه زي العادة ماهي مش بتخبي عنه حاجة 😏
ركب سيارته و توجه نحو منزل والدته
وصلت حنان مع بدر الى المنزل و نظرت إليه بتخوف فأمسك يدها بدعم و قال : ما تخافيش انا معاكي .. اللي هنعمليه ده هو الصح ..
ثم طرق بدر الباب
كانت فاطمة في غرفتها و رجب يتوضأ استعدادا لصلاة الظهر حين سمعت طرقا على الباب فنادت بتعب
-ندى ...بنت يا ندى !! شوفي مين عالباب !
-حاضر يا ماما
اسرعت ندى نحو الباب و فتحته و هتفت بتعجب
-حنااان !!
حنان بإبتسامة: ازيك يا ندى كبرتي اوي على آخر مرة شفتك فيها !!
نظرت ندى الى بدر بتوجس ثم قالت : لحظة بس أقول لماما
اغلقت الباب و ركضت للداخل
-مين يا بنت !؟!
ندى بقلق: دي حنان بنت خالتي و معاها راجل غريب !
فاطمة بدهشة: حنان ! يبقى أكيد جاية هي و جوزها !
هوما فين؟؟
ندى ببراءة: سبتهم عالباب ..مش بابا دايما بيقولي ما تدخليش حد ما تعرفيهش؟؟
فاطمة بلوم: ليه يا ندى دول ضيوفنا اجري خليهم يدخلوا الصالون لحد ما البس و اطلع لهم
-حاضر
خرج رجب من الحمام على ركض ندى فوقف ينظر ناحية الباب
فتحت ندى و هي تقول : اتفضلوا للصالون
نظر بدر بإحراج لحنان : طب اسيبك معاهم انا هاستنى تحت عالقهوة
كانت ستمسك بجلبابه خوفا من بقاءها لوحدها حسن سمعت صوت رجب
-قهوة ايه دي اللي تقعد عليها و بيتي مفتوح !!
تقدم نحو الباب و عانقه قائلا : أهلا و سهلا نورتنا يا بدر !
-البيت منور بنور اصحابه يا حج رجب
نظر رجب الى حنان : أهلا يا حنان ازيك يا بنتي اتفضلوا ادخلوا جوة
-الحمد لله يا عمي هي خالتي مش هنا!
-لا موجودة بس بعافية شوية
دخل بدر و حنان الممسكة بيده بقلق تحاول أن تخفيه بإبتسامة اصطناعية خوفا من رد فعل زوج خالتها فهو عصبي جدا و افعاله غير متوقعة
جلست حنان و قالت بإحراج : الف سلامة عليها
رجب : بنت يا ندى روحي نادي أمك لو صاحية
-انا هنا يا حج ..
نهضت حنان مسرعة نحو خالتها تسلم عليها : ازيك يا خالتي عاملة ايه ؟
-الحمد لله يا بنتي انتي ازيك و ازاي اخبارك
اقترب بدر و قبل يدها بإحترام : ازيك يا خالتي فاطمة ألف سلامة عليكي
-اهلا يا ابني ..الله يسلمك ...الحمد لله على كل حال
نظرت اليهما و قالت : ألف مبرووووك على الجواز و لو اننا ما سمعناش الا متأخر ..ربنا يتمم لكم بخير يا ابني 😊
-الله يبارك فيكي يا خالتي ..معلش كانت ظروف منعتنا نعمل فرح .
نظر الى حنان بحب و قال :بس هنعوضها لكم ان شاء الله لما يشرف ولي العهد 😊
اطرقت حنان برأسها بإحراج و قالت فاطمة : الف مبروووك يا حنان ان شاء الله يكون ولد عشان يطلع راجل و جدع زي ابوه كدة
-يا رب يا خالتي يسمع منك ربنا
قالها بدر بصدق
رجب: قل لي يا بدر اخبار الحج مرسي ايه و الحاجة حسنات ؟
- كلهم بخير يا عمي و بيسلموا عليكم
صمت الجميع لبعض الوقت ثم قال بدر فجأة
-احنا اسفين لو كنا جينا كدة من غير معاد بس احنا معندناش رقم حد فيكم
رجب : ايه الكلام ده يا بدر ! البيت بيتك تآنس و تشرف في اي وقت مش محتاج معاد ولا استئذان
-تسلم يا عمي
-ندى روحي يا بنتي جيبيلهم عصير او فاكهة لحد ما يجهز الغدا
-ملوش لزوم يا عمي احنا جايين في موضوع مهم و راجعين تاني
-راجعين ايه من غير ما نضيفكم حاجة يمين بالله ما انتو طالعين الا لما تاخذو واجب الضيافة
يالا يا ندى
-استني يا ندى جاية معاكي اطلعلك الكوبايات
وقفت فاطمة بتعب و كانت تهم بالخروج معها
فقال بدر بعد ان خرجت ندى : استني انتي يا خالتي ..حنان عندها كلام تقولهولك
نظرت فاطمة الى رجب بتوجس و جلست ثانية و هي تقول بتوجس: عساه خير يا ابني ؟
نظرت حنان اليه بخوف فاومأ لها يطمئنها لتبدأ الكلام
-انا كنت جاية بخصوص موضوع يخص أميرة ..
نظرت الى بدر ثم إليهما ثانية و قالت: ماما ما قالتلكمش كل الحقيقة عشان كدة انا جيت بنفسي اقولهالكم و اريح ضميري
كانت اميرة قد انتهت للتو من تحضير كل شيء مع أم أحمد ثم اخذتها الى غرفتها
-كدة كل حاجة جاهزة يا بنتي ...انا بقول لو ترتاحي لك ساعتين قبل الناس ما توصل
-مش تعبانة يا خالتي ..انا عايزة اخذ دش بقالي كثير مش واخذة راحتي في الشاور عشان الجبس... أخيرا !! هاقدر استحمى راحتي
-يبقى ادخلي الحمام على ما اجهز لنا سفرة الغداء
كانت أم أحمد تهم بالخروج حين سمعت ياسين ينادي على اميرة
-احنا هنا يا ابني ...
دخل ياسين غرفتها بحماس :انا دخلت المطبخ ادور عليكم هناك ..لقيت ايه !! بسم الله ماشاء الله ريحة الاكل بتجنن ..تسلم ايدك يا خالتي 🥰
-و ايد عروستك كمان 😊
نظر الى أميرة بحب و قال : الميكب ارتست هتكون هنا بعد ساعة و نص و الفستان و الإكسسوارات كمان هتكوني جاهزة من هنا لحد ما يجوا؟
-أم أحمد: أكيد هتجهز .. احنا خلصنا كل الشغل أصلا ..
- تمام ...و انا خلصت كل اتصالاتي و شغلي مش فاضل غير نستنى كل المعازيم يوصلوا
أميرة بتعجب -معازيم مين ؟؟ انا كنت فاكرة خالتي و جوزها بس اللي جايين!
- عندي شوية من معارفي ما اقدرش ما اعزمهمش على كتب كتابي 😊
-ربنا يسعدكم يا ابني 😊...يالا هروح انا احط السفرة عشان تتغدوا
خرجت ام أحمد
أميرة بإحراج : ايه لازمة الميكب ارتست و الفستان ؟ ما كنت ألبس اي دريس من اللي انت جايبهم جوة دول 😥
ده انا حتى شفت دريس كافيه تحفة اوي مستنية بفارغ الصبر امتى افك الجبس عشان البسه
اقترب منها و هو يقول بحب
-كافيه ايه و دريس ايه بس ده كتب كتابنا مش اي كلام ...
امسك يديها بحب و و ينظر في عينيها:
عايزك تكوني أميرة بجد خصوصا قدام خالتك...و كمان عايز اردلك اعتبارك قدام الناس كلها...عشان كدة عايزك تكوني في أبهى صورة
-اميرة بتوجس: بس ...
وضع اصبعه على شفتيها و اكمل : مفيش بس ...هتعملي اللي اقولك عليه من سكات ..اقترب منها اكثر و همس
-و بعدين انا محضرلك مفاجأة هتعجبك اوي
-مفاجأة ايه ؟؟ 😳
ابتعد عنها قليلا بعبث : مش هتبقى مفاجأة لو قلتلك 😁
في منزل رجب
بدر: حاج رجب انت تعرفني و تعرف أخلاقي و تعرف ابوي مش كدة !
رجب : ايوة يا ابني ...و نعم الأخلاق و نعم الرجالة
بدر: يبقى قبل ما حنان تقول لكم اي حاجة و قبل ما تتصرف اي تصرف يا حج رجب انا عايز منك الامان ...افتكر انها دلوك مش بنت صالح ..هي دلوك حرمتي و مسؤولة مني ..و حامل في ابني و اديني جبتهالكم لحد عنديكم تصلح غلطتها..و تستسمحكم
بدات فاطمة تقلق و شعر رجب بأن الموضوع كبير لكنه احرج من كلام بدر و تحلى بالهدوء قائلا
-مجيتك على راسي و مقامك انت و ابوك عالي ..عليكم الأمان اتفضلي يا بنتي احكي
حنان بإحراج : أميرة ما هربتش من نفسها يا خالتي ....اميرة اضطرت تهرب لإننا اتهمناها بالسرقة و بلغنا عنها البوليس 😓
شهقت فاطمة بشدة من هول الصدمة
-يا مصيبتي!! بنتي انا تسرق !!
امسك رجب بيدها قائلا بحدة : استني يا فاطمة ...خليها تكمل للآخر
وصل خالد الى تورنتو و قد نال التعب من الجميع و خاصة فاتن المتذمرة طيلة الطريق والتي لم تتفوه بكلمة واحدة و لم تشاركهم في احاديثهم بسبب إرغامها على المجيء .
خالد : لسة فاضل ساعتين على معاد كتب الكتاب احنا هنروح بيتي الاول ترتاحوا و تغيروا و تستعدوا و بعدين هنبقى نمشي قلتو ايه ؟
نظر صالح الى فاتن التي لم تعقب بكلمة
بينما اكمل خالد
-و أهو بالمرة تشوف سحر بيتها الجديد و ان كان محتاج تجديد عفش عشان اعمل حسابي
صالح : موافق طبعا ..ايه رأيك يا سحر ؟
سحر بحماس : زي ما تحبو 🥰
اما فاتن فإك
لمتابعة باقي الرواية زوروا قناتنا على التليجرام من هنا
