رواية الحكاية فيها عشق الفصل الثامن و الثلاثون 38والاخيربقلم نرمين هاني

 

رواية الحكاية فيها عشق الفصل الثامن و الثلاثون والاخير بقلم نرمين هاني

يا بُنى ، أوصيكَ عشراً فأجعلهن نصابَ عينك ،

إياكَ أن تميل برأسكَ و تُعري جرحكَ و تشتكي لغيرِ الله ، فكلُ مائل يُعاني سقوطاً يوماً ما وكل تلك الكفوف باردة بما يكفي لتزيد جراحك ، لا تستثنِ شخصاً ما ، فكل الذين فُتحت من أجلهم قلوباً كانوا أول من صيروها حطاماً ، لا تقتربِ فتُمل ، ولا تبتعد فتُنسى ، كن نِصفاً خفيفاً ريثما جئت لا تأتِ إلا بخير ، يابُني ، لا تُبالغُ ف تسقِ نبتةَ أكثر من اللازم ، فكل تلك الأزهار ماتت من شدة الإرتواء ، بينما الصبار لازال حياً ، كذلك البشر قسماً، 

لا تكترثِ ياولديّ بالكلمات مُطلقاً ، عليكَ بأفعالهم ، فتلك ستُخبرك بكل شيء ، إياك أن تتجاهل كل ما يخبرك قلبك به و اياك ان تتبعه دوماً ،إتزنْ يابُني و إتبِعه متى وُجب عليكَ ذلك .

لا تفقد عزمكَ مهما إشتدَ عليك الأمر ، لا تكن كمنَ ركض طيلة العمرِ و تعب في نهاية المطاف ، لا تتحدث كثيراً و أستمع أكثر ، أقرأ كل ما تُخبرك به أعينهم ، لا تدسُ مشاعرك ياولدي فقدْ تتبدل القلوب يوماً ، أخبر من تُحب إنك تفعل ، أخبر صديقك أنك تَكترث لكل لأمره و إخبر أُمك أنها دوماً جميلة ، عاشراً ، لا تُسكبُ مائك كله في سطلِ واحد ، فيُثقبُ و تعاني جفافاً يابُني❤️

.....................

استمعت لصوت خلفها يقول بمرح ........

- كتبتى كلمة النهاية التفت له ناظره له بعشق فقال لها :-

- اى خلصتى الروايه اللى دوشتينى بيها !!

تنهدت وهي تنظر له بعشق:-

- بالظبط كدهون

رائد .......طيب ارحمى نفسك شويه وقعدى بقى كفاية جنان

نظرت له وغمزت له قائله :-

مش بكتب حكايتنا الله

اقترب منها قائلا بعشق :-

- اممم الحكايه فيها عشق

وضعت يدها حول رقبته قائله بغمزه وغناء :-

بس مش زى اى عشق

فى عشق يألم .......وعشق تانى لاء

فى عشق يخلى القلب بس يحب

فى عشق تانى يوجع ويكسر بس

فى عشق يخلينا نجرح بدون مانحس

الحكايه فيها عشق

فى العشق بنغير بجنون

دا تايه ......ودا مجروح

ودا بيحلم يعيش مبسوط

ودا يعيش يدارى جرووح

بضحكه راسمها فين مايروح

الحكايه فيها عشق

حكايه اقولها بحب وجرح

حكايه حلم بيتكسر فى يوم ويروح

حكايه خلت قلب يحب

ويجرح وجرحه يهون

حكايه جو قلوب كتير

فيها الجارح والمجروووح

حكايه بتلف فينا تدور

وتمر على مليون قلب وقلب

الحكايه فيها عشق

فى عشق يبعد قلوب وقلوب

فى عشق يخلينا نشوف ضلمتنا نور

فى عشق يرسم قلب نور

الحكايه فيها عشق

حكايه عشق عاش سنين

أصبح فى لحظه مجرد جرح

حكايه عشق فى قلوب كتير

بتموت ببطئ بكلمة حب

ودا يبقى مجرد وهم

عشقنا اللى يقوينا

اللى يخلينا نعشق بدووون ما نحس😉😍

...............................................................( الحكايه فيها عشق تأليف نرمين هانى )

نظر لها بضحكه قائلا :-

وانا بقى انهى عشق اللى بيوجع ولا التانى ؟!!

ضربته بغيظ قائله :-

لا دا اللى بيرخم بس يارخم بس ايه رايك فى الشعرايه ولا الغنيوه دى والله حلوه استنى هضيفها فى الرواية بقى وتوجهت نحو اللاب ولكنه امسكها قائلا :-

- مش لازم تكتبيها علفكره كل اللى قولتيه وصل وبزياده اووى كمان يالا عشان نحضر الحفله انتى لسه ملبستيش 

رقيه بخضه وفزع ...... هارسوح شايف عطلتنى اهو !!

لتجرى من أمامه مسرعه نحو الغرفة حتى تبدل ملابسها 

رائد بتعجب .... عطلتها !! ادى اخرت اللى يتجوز واحده مجنونه زيك يارقيه !!

رقيه من الداخل بصوت مرتفع .... سمعتك علفكره وهوريك الجنان على اصله ياحبيبى بس اصبر عليا

ضحك رائد بشده ......... بحبك يامجنونه

.........................................................................................

فى منزل حمزه 

جلس على ركبته حتى يساعد شذى فى ارتداء حذائها ومن ثم توقف ليحملها قائلا 

- قمر يا طفلتى

شذى بمرح.. اه فعلا انا اوزعه وحملنى يبقى اكيد اللى هيشوفنا هيقول بنتك عادى جدا

حمزه وهو يغلق باب الشقة خلفه ..... طيب بس يا اوزعه وبطلى رغى بدل ما الف وارجع ومنروحش الحفله

وضعت يدها على فمها سريعا قائله ...... اسفين ياريس

ضحك بشده ليضعها فى السياره ومن ثم يتوجه ليصعد هو ويقودها متجها نحو الحفله !!

................

............فى منزل يوسف ...........

شروق ........ حبيبى يالا بقى هنتأخر 

يوسف من الداخل ...... جاى يا شوشو حاضر خلصت اهو

ومن ثم خرج هو سريعا لتتجه نحوه وتعدل ياقة قميصه بحب ومن ثم تمسكه يده ليخرجو ويتجو نحو الحفله .... !!

....................................................

............فى الحفله .........

يقف عمر على المسرح ليستعد للغناء والجميع متحمس له كريمه ومشيره وشذى وادهم وعشق وريم وادم وشروق ويوسف ورقيه ورائد وشذى وحمزه 

وكل شخص جواره حبيبته 

ليعم الصمت ويبدأ عمر بالغناء باحترافيه شديده وصوت رائع ابهر جميع الحاضرين 😍😍😍....

نقابل ناس، نفارق ناس، وماشية الحياة عادي

حال الدنيا بيتغير مابين الثانية والتانية، هنعمل ايه؟

وده جارح وده مجروح وده عايش على الماضي

وأحوالنا دي بتحيّر ولو نرضى هتحلالنا، بنزعل ليه!

ومين الدنيا دايماله؟ محدش ضامن الأيام

يابخت اللي رضي بحاله وفرّق بين حلال وحرام

سؤال واجابته عارفينها، في يوم هنسيبها، واخدين ايه؟

مادام سايبنها سايبنها هنتضايق ونزعل ليه!

نصيحة عيش ومتخليش في حاجة شاغلة تفكيرك

غير الفرحة وغير ضحكة مبتفارقكش، في ملامحك ومش بتروح

ترتب ايه وتحسب ايه؟ نصيبك كله هيصيبك

لكن عافر مع الفرصة ومتسبهاش في يوم أبدا تضيع وتروح

دقيقة بص كده حواليك هتلقى شمس بتنوّر

وبعديها في عز الليل قمر سبحانه مين صور منوّر ليك

تمللي الأمل موجود قريب للي شايفينه

هتتفائل هتضحكلك، في غمضة عين هتبقي الدنيا ملك ايديك

حياتنا ساعات بنرسمها وبنجمّلها بالألوان

في لون نختاره يكتمها ولون يدي لحياتنا آمان

همومك بكره هتعدي مفيش حاجة مبتعديش

حياة عايزاك تكون عِنَدي وكل ما تقوي فيها تعيش

نقابل ناس، نفارق ناس، وماشية الحياة عادي

حال الدنيا بيتغير مابين الثانية والتانية، هنعمل ايه؟

وده جارح وده مجروح وده عايش على الماضي

وأحوالنا دي بتحيّر ولو نرضى هتحلالنا، بنزعل ليه!

وبعد انتهاء الأغنية تعالى التصفيق من الجمهور ليبتسم عمر بسعاده وقد حقق حلمه اخيرا فيغمز لهم بسعاده لتضع رقيه يدها على قفاها بمرح وتغمز له ليضحك هو بشده عندما فهم حركتها تلك .... ومن ثم ينظر كل واحد لحبيبته بابتسامه وادهم يقبل عشق ويقوم بزغزغتها لتتعالى ضحكاتها الطفوليه فى المكان ويرضى كل شخص بما قسمه الله له ويعيش الجميع بسعادة والبسمه مرسومه على وجوههم 😍

..........................

.....( الحكايه فيها عشق تأليف نرمين هانى )

.................................................

تمت بحمد لله اخيرااا بقا 😍❤️

انا ..... احم احم ايها الاعضاء ركزوا معايا هنا يالا الميكروفون معاكى ياشوشو ابهرينى بقى 😉👌

شروق ...... ماشى نبدأ احم احم اتمنى ان الروايه تكون عجبتكم وطبعا كتير كانوا عايزنى اتجوز ادهم بس انا لو كنت عملت كدا كنت هظلم نفسى وهظلم انسان بيحبنى بجد وادهم لو كان اتجوزنى كان هيبقى عشان بنته وبس هو مازال بيحب فرح وعمره ماهيشوف غيرها او الله اعلم يمكن يشوف بس الاكيد انها مش انا وانا بحب يوسف جدا وهو فعلا الانسان اللى كنت بتمناه حياه هاديه فى طاعة ربنا مش هعوز اكتر من كدا ويكفى انه قدر تعلقى بعشق وجابلى شقه فى القاهره عشان اكون قريبه منها ..... طبعا عايزه اقولكم حاجه من تجربتى اولا كدا مفيش حاجه اسمها عانس اسمها نصيبك لسه مجاش بنات كتير بتوافق على الجواز لمجرد انها عايزه تتجوز وخلاص او خايفه من مصلح عانس ... بنات كتير بتزعل اما تنخطب وتفسخ الخطوبه ميعرفوش ان دا بيبقى خير وخير كبير اووى كمان اوعى تزعلى او تقولى انا وحشه اعرفى انك جميله واميره بكل حلاتك وفى انسان فى مكان تانى بيدور عليكى وبيتمنى يلقيكى حطى فى دماغك دا كويس ومهما اتاخر عشان يوصلك مسيره هيجى فى الاخر وتلبسى الفستان لابيض .... حاجه كمان انا لما عرفت انى عندى السرطان اكتشفت ان الدنيا اسودت فى وشى بس بعدها حمدت ربنا دا كان اختبار ليا واختبار للى حواليا ... ربنا عمل كدا عشان اعرف حازم ومروه على حقيقتهم يااه لو كنت اتجوزت حازم وسابنى بعدها وبقيت مطلقه فعلا ربنا رحيم بينا ربنا اخترلى الافضل ليا برغم انى مكنتش شايفه دا زى ما بيحصل دايما لينا كلنا وربنا ردلى حقى بدعائى ليه بس لا بنتقام ولا غيره …..و اهو خدلى حقى من الكل ومرات ابويا اللى عملته فيا اتعمل فيها وسبحان الله ان كل دا يحصل عشان اقابل بنت اختى واقابل عيلتى ويبقى ليا سند فى الدنيا بدل ماكنت عايشه لوحدى وكمان كان سبب انى اغير ولاد عمى واحببهم فى القرب من ربنا ... حاجه كمان موضوع الصور طبعا كلنا بنتصور بهدوم بيت ومكياج وغيره ياريت ياقمر صورك تنقليها على لاب او كمبيوتر وتمسحيها من الفون عشان متتعرضيش لموقف زى دا او مثلا تلفونك يضيع وحد ياخد صورك دى وساعتها مش هتعرفى تردى تقولى اى الكل هيتهمك .... حافظى على سمعتك لاقصى حد متسمحيش لحد يقول كلمه عليكى ... اديكى شايفه الناس ما بتصدق تلاقى حاجه تتكلم فيها والغلط هيبقى عليكى انتى اول حاجه فحافظى على نفسك زى ماقلتك سواء بلبسك او الصور زى ماقلت .... ودايما لو حسيتى انك فى مشكله راجعى الاخطاء اللى بينك وبين ربنا وصلحى الغلط دا واحده واحده واتاكدى ان البلاء دا خير من ربنا ليكى ودا الافضل بالنسبالك واهم حاجه اوعى تكدبى اديكى شفتى بسبب كدبه وانا نيتى سليمه اتشحورت من ادهم ازاى ف اوعى تكدبى مهما يحصل اعملى الصح بس من غير كدب لو كدبتى مره مش هتعرفى توقفى نفسك عن الكدب بعد كدا غصب عنك هتكدبى تانى عشان تدارى الكدبه الاولى .... ويمكن المشاكل اللى حصلتلى بسبب الكدبه دى وانى بعدت بنت عن ابوها ..... اخيرا اختارى شريك حياتك صح بدون اى ضغوط لان دا اللى هيفضل معاكى للنهايه متوفقيش على اى حد عشان تتجوزى وخلاص نصيبك متشال متشال مهما عملتى هترجعيله فى الاخر وربنا يرزقكم السعاده جميعا ويوفقكم مع اللى يستاهلكم فى الحلال وشكرا !!

انا باعجاب .... الله عليك ياحبيب والديك لا انا انبهرت والله شوية كلام فى الجون ابعتيلى الواد ادهم شالله يخليكى

ادهم بصوت مرتفع من خلفى ..... الواد ادهم حاف كدا نسيتى نفسك ولا اى لا دا انا مقدم ادهم اجيبك متعلقه !!

التفت له وبرفعة حاجب .... سابقا ياعم وبعدين بطل انعره انا الكاتبه يابابا يعنى ممكن تلاقى زلزال نازل فوقك دلوقتى يطبقك فى بعضك

ادهم بغضب وحدة ..... نعم !! ماسمعتش بتقولى اى !!

تراجعت للخلف بتوتر قائله ... بقول اتفضل يا ادهم باشا قول كلمتك حضرتك 

وبتمتمه .... ابو شكلك ليها حق البت متعبركش يوسف برقبك والنيعمه !!

ادهم برفعة حاجب ... بتقولى ايه انتى !!

انا بمرح .... بدعيلك ياجدع يالا اتفضل الميكروفون معاك وياريت تنجز عشان تعبت !!

رمقنى بغضب لاقاطعه قائله بتوتر ... اقصد براحتك انا فاضيه مواريش حاجه غير كليه وشغل قد كده حاجه تافهه يعني اتفضل يالا

ادهم .... احم طبعا كتير منكم مكنش طايقنى عشان اللى عملته فى عشق عندكم حق فعلا انا اهملتها كان تفكيري غلط ومحستش بقيمتها الا اما بعدت عنى ساعتها حسيت فعلا ان روحى ضايعه منى واتعلمت من غلطى برغم اللى عملته شروق الا انها فوقتني وعرفتى قد ايه لازم اهتم ببنتى فى كتير منكم كدا بس اولادهم كبيرة ومهملين فيهم ياريت نهتم بأولادنا لانهم فى كل الاوقات محتاجنا ... وكتير استغرب من موقفى فى الجواز بس اكيد عرفتو قصتى انا وفرح وفعلا انا عمرى ما هقدر الاقى زيها فرح كانت حكاية عشقى من وانا صغير وحبها كان بيكبر معايا لحظه بلحظه فكان صعب انى اشوف غيرها ولو كان حصل كنت هظلم الانسانه دى عشان كدا فضلت انى اكون اب وام لبنتى لحد ما قابل زوجتى فى الجنة وشكرا

انا .... تصدق بالله كنت هعيط لا على وضعك تعالى ياستا دورك

حمزه بسرعه ..... بسرعه هه سايب شذى لوحدها 

انا .... راعى انى سنجل بس واخلص يا نحنوح

حمزه بغضب لاقاطعه قائله .... اسفين خلاص يالا بقى انا هسكت خالص اهو

حمزه ..... احم طبعا انا كنت بحب شذى من زمان من اول ماشوفتها وغلبتنى لحد ما وافقت وكانت شلانى ب أبيه دى بس الحمد لله وافقت وحياتنا كانت تمام لحد الحادثة طبعا انا بحبها فى كل حالتها فمش موضوع نظرها هو اللى هيخلينى افضل معاها او لا برغم كلام اللى حواليا الى انى عارف ان عمرى ما هلاقى زيها واللى مؤمن بيه ان القلب بيعشق مره واحده بس ف اختارى الراجل اللى بيقى معاكى فى وقت مرضك قبل شفاكى اللى عمره ما يفكر يسيبك مهما حصل وكفايا كدا بقى سلامو عليكم !!

انا بمرح... هو بيجرى كد ليه يالا اوعدنا ياارب انا وانتم يابنات…. فين ادم بقى ... اددددم تعالى يا حاج دورك

ادم .... ماشى نبدا انا اولا بعترف انى ظلمت شروق بس اتعلمت وندمت انى لازم افكر قبل اى تصرف وانى اتعامل بعقل مخليش مشاعرى هى اللى تحركنى وعرفت بعدها انى محبتش شروق فعلا انا كنت عايز عروسه شبهها وبس فى اخلاقها واتاكدت من كدا اما شوفت ريم وحبيتها وأصبحت اتعامل مع شروق ك اخت مش اكتر مع ان فى غيرى كان ممكن تقلب بعداوة معاه وميتقبلش الموضوع فلازم نعرف ان كل واحد ليه نصيبه ومش لازم عشان انتى اعجبتى بشخص يبقى هو يعجب بيكى وربنا يرزقكم اللى يستاهلكم وشكرا !!

مشيره ..... انا كنت طمعانه ومبفكرش الا فى الفلوس وبس ودفعت التمن غالى جدا جدا وهما ولادى اللى اهملتهم وافتكرت ان اهم حاجه ليهم الفلوس وبس نسيت انهم محتاجين اهتمام ورعايه وتربيه وانى اعرفهم الصح من الغلط خدو بالكم من ولادكم متحطوش تفكيركم انكم تاكلوهم وتشربوهم وبس هما بيحتاجو لاكبر من كدا للحب والحنان والامان صاحبى بنتك ومتخليهاش تخاف منك وبلاش تشجعيها على الغلط زى دايما شجعيها على الصح اهتمو بعيالكم عشان ميضعوش منكم فى لحظه وترجعوا تندمو

انا ..... شكرا جدا يالا اللى بعدو روووكااا حبيب قلبى انتى اللى فيهم والباقى سلطة تعالى يالا بقى قولى كلمتك

رقيه بمرح ولماضة...... دا على اساس احنا اللى بنقول مثلا ما انتى اللى بتقولى وتكتبى 

رائد ..........ههههههههههههههههههههههه عندها حق والله

انا ..... بس بس انتم هتروقو عليا يالا يابنتى خلينا نقفل بقى الدنيا ليلت

عمر بمرح .... سالخير ها انا قلت اجى اقول كلمتين قبل ما اروح للمعجبين تحبى تتصورى معايا يانونا

انا برفعة حاجب ..... اه مهى هزلت بقى هيعمل علينا نجم ويشوف نفسه 

وبغمزه فهمتها رقيه جيدا .... ينفع كدا يا روكا 

رفعت يدها عاليا لتنزل على عنقه ..... لا مينفعش اعقل بقى ياحيوان

انا ..............ههههههههههههههههههههههههههههههههههههههههههههه ايواااان هو دا يرجع لاصله طوالى والله هتوحشنى قلامك ياعمر 

عمر بغضب .... لا انا بتهان وكدا كتير وبعدين ما انتى كنت مؤدبه وخلاص مبقتيش تضربينى جرا اى بقى

روقيه... مش كنت منهاره ياجدع من اللى حصل بس فقت اهو البركه فى رائد وبالمناسبه عايزه قول حاجه اكتشفتها ....احنا 

كلنا كبرنا كفايه لدرجه اقتنعنا ان كل الناس مجرد فترات مؤقته في حياتنا ، كلها فترات كده هتنتهي برغبتنا او برغبتهم و هنكمل و هيكملوا عادي .

كلنا وصلنا لكامل اقتناعنا ان قليل جداً اللي هيبقى معانا و بيحبنا و مصاحبنا على عيوبنا ، قليل جداً اللي هيفضل شادد على ايدينا و فعلاً عايز يشوفنا احسن ، قليل اللي هيبقى معانا لانه فعلا عايز يبقى ، لانه بيحبنا ، و بيخاف علينا ، هيبقى و هيفضل بعيداً عن اي مصلحه معينه او هدف في باله عايز يوصله .

قليل اللي هيتحمل مزاجنا اللي بيتغير ستين مره في الدقيقه ، وقليل جداً اللي هيفهم سبب تغير مزاجنا ده اصلا ؟ قليل اللي هيفهم اننا مخنوقين او متضايقين من نبره صوتنا او من نظره عنينا ، و هيسال اكتر من خمسين مره مالنا حتى بعد ما نكدب و نمثل اننا بخير ، قليل اصلا اللي هيفهم اننا هنتكلم و هنفضفض فعلا لو سألونا تاني مالنا ، نادر جداً اللي هيحس بعجز كده لانه بس مش قادر يطلعنا من تعبنا وحزننا .

قليل اللي سعادتنا تفرحه ، و مرضنا يهدّ حاجات كتير فيه ، قليل والله اللي ممكن يبيع دنيا عشان يشتري ضحكه تفضل مرسومه على وشنا.

كلنا حرفياً كبرنا قوي واقتنعنا بجد ان قليل جدا نقابل الناس دي في حياتنا دلوقتي فلما تلاقيها امسكى فيها كويس جدا 

و حبى اللى يثبتلك حبه دا بافعاله متمشيش ورا كلام الكلام مفيش اسهل منه لكن التنفيذ صعب حبى اللى يعمل قرد عشان يوصلك ثم نظرت لرائد بمرح.... لامؤاخذه ياحبيبى احم نكمل .... متصدقيش اى حجج ممكن تتقلك اللى عايزك هيعمل المستحيل عشانك هيخاف يجرحك لانك جزء منه وخليكى دايما قويه متضعفيش خلى ابتسامتك علطول سبقاكى هى دى اللى هتقويكى واعرفى ان العشق مبيجرحش العشق اللى بجد بيقوى 👌😍

رائد .... ايوا واللى بيحب بيعمل المستحيل عشان اللى بيحبه باختصار كدا 🌟

موتوا على الحاجات اللي عاوزينها للأخر، متفرطوش في حاجه أبدًا.. أهم شئ تكون تستاهل ! ومتزهقش عشان توصل للى بتحبها وتشوفها بالفستان الابيض بس زى روكا مش هتلاقى دلوقت

انا بمسكنه .... تصدقو انا هعيط لا هعيط بجد والله شوقتوني على الجواز ياجدعان معندكوش عريس بس يكون راجل بجد مش فستك زى عمار كدا

عمر بغمزه...... انا جاهز عادي 

انا برفعة حاجب ... يابنى ابحد عنى يابنى ابحد عنى عشان انا اللى هعلم على قفاك بعد كدا يالا قول كلمتك يالا

عمر بفخر.....انتى الخسرانه دا انا المعجبات عليا كدا اقول اى بقى ماتغششينى ياروكا

رقيه بضحك .... بطلو تسول بقى اى دا اعتمد على نفسك بقى ياجدع

انا باستهزاء.... ياشيخه دا على الاساس ان الكلام جايباه من عندك يعنى هتفعوهالى وربنا

عمر ..... بعد الشر عليكى استنى اما اقول جملتى بقى وبعد كدا هتتفقع لوحدها

وبدأ بالغناء .... احم احم حط هدفك وامشى عليه مهما تقابلك من صعوبات دوس عليها هتعديها وهتوصل لحلمك بعديها 

انا بتصقيف ...... شاعر والله يابنى انت مكانك تحت الأرض طوالى خلاص كده الحمد لله خلصنا

عمر برفعة حاجب .... نرمين 

انا .... خير

عمر بضحك ..... جالى معلومه انك بتخافى من الكلاب

انا بقلق ...... رقيه هنهزر ولا ايه فين ريكس

رقيه بضحك ..... وراكى ياقلبى

انا بصدمه ..... تانى كدا معلش !!!😱

ريكس .... هوهوهوهوهو

انا .............عاااااااااااااااااااااااااا ابقو لمو الشباشب اللى وزعتوها فى جميع انحاء الفيلا وحد يمسك الكلب دا انا لسه مدخلتش دنيا ياكلاب

الكل ..... ههههههههههههههههههههههههههههههههههههههههههههههه

انتهت احداث الرواية نتمنى ان تكون نالت اعجابكم وبأنتظار اراؤكم فى التعليقات وشكر 

لزيارة عالم روايات سكير هوم 

لمتابعة روايات سكيرهوم زوروا قناتنا على التليجرام من هنا

بدل ماتدور وتبحث علي الروايات خليها علي تليفونك وحمل تطبيقنا

تعديل المقال