رواية حبي الوحيد الفصل الثانى و الثلاثون والاخير بقلم جنا عطيه
عدت أيام .... أسابيع .... شهور .... حتى سنة
وتخرجت فريدة من كلية حلمها وهي كلية الألسن
: الخريجة فريدة سليم الجرحي .... وفريدة خدت درع التخرج
(ياجماعة البتاع اللي عامل شبه درع The Man of the match اللي بياخدوه لاعيبة الأندية في آخر الماتش فاهمني ولا لا😂😂)
وفريدة كانت فرحانة أوي لأنها خلاص إتخرجت من الكلية وخلاص كدا خلصت تعليمها وطبعاً الصحافة كانت في حفلة التخرج وصوروها وكتبوا عليها تخرج فريدة سليم الجرحي من كلية الألسن
_______________________________
"في فيلا سليم الجرحي"
فريدة وهي بتتنطط: يس يس يس يس اخييييييرا إتخرجت
ثريا بضحك: يابنتي أقعدي بقا بقالك ساعتين بتتنططي وترقصي قلبك هيقف يا حبيبتي
فريدة بفرحة: يا ماما أنا أخيرا إتخرجت خلاص كدا مسيرة تعليمي خلصت أنا إنهاردة ختمت آخر لحظة في تعليمي
ليل بضحك: خلاص يا فري هو إنتي الوحيدة اللي اتخرجتي
غزل بضحك: ياعم سيبها تفرح ألف مبروك يا فري
فريدة وهي بتأخد تالين من ليل: هات توتي محدش يشيلها غيري
ليل بضحك: لا والله علي فكرة أنا أبوها يعني أنا اللي من حقي أقول كدا
فريدة بضحك: هاخد تالين وأنت وغزل خدوا تاليا أنا بحب الأطفال اوييي
غزل برفعة حاجب وهي بتضحك: والله يعني أنا أحمل فيهم 9 شهور وتعب ولادة وترضيع وسهر وإنتي تاخديها على الجاهز
فريدة بضحك: عادتشي دي هدية تخرجي هاخد تالين ونوح كمان
ندي بضحك: وتاليا هتسيبيها لوحدها خديها معاكي بالمرة
مراد بضحك: ألف مبروك يا فري وعقبال .... ثانية هقولك وعقبال إيه دلوقتي بقا
ندي بضحك: وعقبال ما أشوفك عروسة مثلاً .... وكلهم فضلوا يضحكوا وفريدة كانت مكسوفة اوي
سليم وهو ماسكها بإيديه الاتنين علي كتفها: ألف مبروك يا فري أظن دي كلية أحلامك وكنتي عايزة تدخليها ومتمسكة بيها دلوقتي إنتي اتخرجتي منها خلاص
غزل وهي شايلة طبق تورتة: أحلي تورتة لأحلي فري في الدنيا
فريدة وهي شايلة تالين وقاعدة علي الارض بتلاعب نوح وتاليا: شكرا يا احلي غزول واحلي ندوش
ندي بحب: طيب يا احلي فري سيبي نوح بقا وتعالى هنا
مراد وهو بيشيل نوح: تعالي يا قلب بابا من جوا تعالي في حضنه
ندي بغيرة: لا والله يعني نوح قلب بابا من جوا ومش قلب ماما يعني
مراد وهو بيقبل رأسها: يا حبيبتي قلب ماما وبابا من جوا بس نعمل إيه بابا الولد بيحب أبوه
ندي بغيظ: طيب خلي نوح ينفعك بقا
فريدة بلهجة المسلسلات التركيه المدبلجة: ندى لا تعيطي عليه عم يمزح معك كلشي بيحكيه بتصدقي
مراد بابتسامة: قوليلها بالله عليكي إني بمزح معا
ليل بضحك: بطلوا بقا شغل العيال دة وتعالوا عشان نقطع التورتة بس لازم نستني مازن الأول
فريدة بفرحة: بجدددددد مازن جاي هييجي إمتي؟.
ليل بضحك: اوووه أيتها الحبيبة العاشقة أيوة مازن جاي بس إنتي عارفة مازن ومواعيده المظبوطة
مراد بضحك: خمس دقايق وهكون عندگ وهو بيبقي تحت البطانية
وهنا الباب خبط وسميحة فتحت الباب ومازن دخل وكان معاه هدية
مازن وهو داخل وهو بيجري على ليل ومراد: إيه رأيكوا متأخرتش صح؟؟..
مراد بضحك: إطلاقًا يا مزون إطلاقًا مواعيدك مظبوطة على الشعرة
مازن وهو بيدي لفريدة الهدية برومانسية: إتفضلي يا فري دي هدية تخرجك على ما أعتقد مش هتلاقي أحلي منها
فريدة بخجل وهي بتأخد منه الهدية: شكراً يا مازن ... وفريدة فتحت الهدية ولقت خاتم أنيق وجذاب وفعلاً يليق بفريدة
مازن وهو قاعد على ركبته وساند برجله التانية(زي المسلسلات التركية لما البطل يعترف بحبه للبطلة ياجماعة إنتوا فاهمين😂)
مازن برومانسية: فريدة تقبلي تتجوزيني؟..
فريدة وهي حاطة إيدها علي فمها بفرحة وصدمة: ههه دة بجد إنت بتتكلم جد
مازن بضحك: هو الجواز فيه هزار طبعًا بجد هااا موافقة ؟..
فريدة بإبتسامة واسعة وفرحة: طبعاً موافقة ..... وكلهم فضلوا يسقفوا ويضحكوا
غزل وهي بتحضن فريدة: ألف مبروك يا فري كدا بقوا مفأجتين
ليل بضحك: قوم يا مازن هتفضل موطي كدا قوم يا مزون
مازن بتصنع التعب: اه يا ركبي يانا .. عايزين نعمل الفرح في أقرب وقت كفاية وقت الجامعة اللي إستنيته سنين
مراد وهو بيحضن فريدة وقاصد يغيظ مازن: ألف مبروك يا حبيبتي وعقبال ما نشيل عيالك ... وبعدين باس رأسها وبص لمازن جامد
مازن بغيرة: هو إيه دة هو سداح مداح إبعد عنها ومتحضنهاش بالطريقة دي تاني آخر حاجة إنك تسلم عليها والكتير أوي تبوس رأسها
مراد وهو بيحضن فريدة تاني: طب أهوا وبعدين يابني دي إختي لما تبقى جوزها تبقى تحكم
فريدة وهي بتكمل الحضن: أيوة يا مازن مراد عنده حق إنت لازم تتكلم لما تتجوزني
مازن بغيرة: خلاص هجيب المأذون دلوقتي وساعتها أبقي أتكلم
ليل وهو بيكمل الحضن وقال بضحك: هاتوا يا مازن دلوقتي يلا
(يعني فريدة في النص ومراد علي اليمين وليل على الشمال)
مازن بغيرة وهو بيسحب إيدها: أخواتك على عيني وراسي لكن كدا مينفعشيييييي خااالص
فريدة بضحك: خلاااااص محدش يتخانق وبعدين يا مزون دول إخواتي يعني مش حد غريب وبعدين لما تشوفي كدا مع إبن عمتي تلقي تزعل
مازن بغيرة واضحة: والله إبن عمتك وأنا لسة هستناكي لما أشوفك مع إبن عمتك
فريدة بسرعة: لا لا لا إبن عمتي دة زي أخويا يعني واخدين علي بعض فعادي يعني أنا بعتبره زي مراد وليل
مازن وهو بيجري وراها: نعم ياختي إبن عمتك وزي اخوكي والله مييييييين دة يعني إييييه زي اخوكييييي
فريدة وهي بتجري منه: عادي والله دة إبن عمتي ... وراحت إستخبت ورا ليل
(طبعاً الموضوع دة كله والكل عمال يضحك عليهم)
فريدة: إستني هفهمك والله هفهمك إسمعني
ليل بضحك: اهدي يا مازن إحنا أصلا معندناش عمة دي بتشتغلك
مازن وهو بيأخد نفسه: طيب الحمدلله
فريدة بإبتسامة بريئة: ظلمتني يا روحي
ندي: يلا بقا تعالوا نأكل التورتة دي يلا .... وفعلا فريدة قطعت التورتة والكل وزع التورتة
فريدة بهمس: مازن مازن أنا بحب المانجا أوي أوي أوي ممكن أخد القطعة بتاعتك اللي بالمانجا وإنت تأخد بتاعتي
مازن وهو بيبدل الأطباق: ماشي بس إنتي غريبة مش عايزة الشوكولاتة وماسكة في المانجا
فريدة: ما إنت عارف إني بعشق المانجا
مازن بخبث: طيب أنا ولا المانجا ؟..
فريدة بضحك: المانجا طبعا دي العشق .... إستني إستني عم بمزح معك طبعاً إنت
مازن بضحك: طيب تعالي نأكل بقا عشان عيني على التورتة دي ..... وفعلاً بدأوا يأكلوا وبعديها فضلوا يتكلموا عن موضوع الفرح وكدا والفرح إتحدد كمان 4 شهور أظن دة حاجة معروفة لإنهم من صغرهم مع بعض وطبعا عارفين كل تفصيلة عن بعض يعني مش محتاجين وقت أكتر من كدا دة كفاية وقت الجامعة😂
____________________
وجاء موعد الذي ينتظره الجميع وهو موعد زفاف مازن وفريدة
مراد: لف يا عريس وشوف عروستك ... ومازن لف وشاف فريدة وكان قمر فعلاً بمعنى الكلمة والفستان كان عليها تحفههه بجد
مازن وهو ماسك إيدها: بسم الله ماشاء الله قمر يا فريدة
فريدة بخجل: شكراً يا مازن على الكلام الحلو دة .... ونزلوا للمأذون
وقال كلمته الشهيرة
(بارك الله لكما وبارك عليكما وجمع بينكما في خير ألف مبروك♥)
ومازن قام حضن فريدة وباس رأسها وقال
مازن بفرحة: اليوم دة كنت مستنيه من زمان من وأحنا صغيرين مستني إني اكمل حياتي مع شريكة حياه زيك
فريدة بفرحة: وأنا كمان كنت مستنية اليوم دة من زمان مع حبيبي وشريك حياتي زيك
وجه وقت كل كابل يرقصوا مع بعض وطبعا تاليا وتالين ونوح كانوا مع سليم وثريا
••
غزل: انا مكنتش أتوقع في يوم إني فعلا هتبقي شريك حياتي وإني هتجوزك ونعيش مع بعض كدا ونكون أسرة مع بعض وكدا
ليل: وأنا كمان مكنتش متوقع إني اتجوزك واعيش معاكي ونكون أسرة كدا بس إنتي غيرتي حياتي بجد يا غزل
••
ندي: أول مرة شفتك فيها يا مراد حسيت بشعور غريب كدا حسيت اني عايزة أعيش معاك ونكون أسرة مهما إن كنا إيه مهما إن كانت عيوبنا المهم نعيش مع بعض مكنتش عايزة حاجة تانية
مراد: وأنا أول ما شفتك حسيت بشعور غريب بردوا حسيت إني اول مرة أحب حد كحب شخص مش حب أخوي حسيت إنك فيكي حاجة مش موجودة عن حد وافقتي تتجوزيني رغم إتي كنت مريض نفسي ودة مش أي وحدة توافق بيه حاولتي مع أهلك لحد ما وفقوا حبيتي فعلا من قلبك
ندي: لأني حبيتك من قلبي وكنت واثقة ومتأكدة إنك هتخف ..... ومراد قبل رأسها
وكان شكلهم حلو أوي وكان اليوم سعيد علي الكل وسليم وثريا كانوا فرحانين لأنهم شايفين عيالهم مبسوطين وشايلين عيالهم كمان♥
__________________
بعد مرور 6 سنوات
فريدة: ميرااال ميرااال إنتي يا ميرااال روحتي فين ؟.
ميرال بطفولة: نعم يا مامي بتنادي عليا
فريدة: دة أنا نفسي إتقطع وأنا بنادي عليكي كنتي فين وفين رحيم أخوكي
ميرال بطفولة: أنا كنت مع طنط غزل وطنط ندي كانوا بيقروا ستوريز لينا
مازن وهو داخل وبيقبل خد ميرال: جبتلك المارشميلوا والكاندي اللي إنتي بتحبيها يا أحلي ميرال
فريدة بزعل طفولي: إيه دة جبلتها مارشميلوا وأنا لا وأنا كمان بحب المارشميلوا وكمان داخل بتبوسها وأنا لا
ميرال بحب وهي بتقبل خدها: مامي متزعليش اهوا بوسة عشان خاطرك
مازن وهو بيقبل خدها: ولا تزعلي وبعدين وأنا اقدر انساكي انا جبتلك المارشميلوا والكاندي بردوا
فريدة بضحك: جبت لرحيم ولا نسيت
مازن بضحك: يابنتي رحيم مش بتاع الكلام دة دة واحد عاقل
رحيم وهو بيجري عليه،ة بااابي وحشتني
مازن برفعة حاجب: يا بكاش وأنا لحقت اوحشك دة أنا كنت لسة سايبك الصبح ... وفضلوا يضحكوا
_____________
غزل بضحك: إيه رأيكوا لو جبنا كاندي واكلناها من ورا ندي
تيا وهي بترفع إيدها بطفولة: موافقة وكلما موافقين
مراد بضحك من وراهم: بس أنا مش موافق
تيا بطفولة: باااابي وحشتني .... وقبلت خده
نوح: مامي مامي طنط غزل قالتلنا نجيب كاندي من وراكي
ندي بحماس: طيب هاتي كاندي وناكلها مع بعض موافقة
غزل بضحك: إنتوا صدقتوا أنا بهزر
مراد بضحك: كنتي فين وسايبة تيا ونوح مع غزل
ندي: كنت بكلم ماما وبابا كانوا بيسلموا علينا يعني
ليل: السلام عليكم يا أحلي عائلة تاليا وتالين حبايب قلبي
تاليا وتالين وهما بيجروا عليه: بااابي وحشتنا فين الكاندي بتاعتنا هااا
ليل وهو بيطلع كيسة من وراه: اهوا يا أحلي تاليا وتالين
مازن: الله بمناسبة اللمة الحلوة دي تعالوا نتصور صورة جماعية كدا وتكون ذكرى بردوا
كلهم في صوت واحد: موافقين
ومازن صور الصورة وكانت الصورة مليانة بالحب والحنان والسعادة ♥
انتهت احداث الرواية نتمنى ان تكون نالت اعجابكم وبأنتظار اراؤكم فى التعليقات وشكر
لزيارة عالم روايات سكير هوم
لمتابعة روايات سكيرهوم زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
