رواية حبي الوحيد الفصل الثلاثون بقلم جنا عطيه
ليل وهو ماسك إيد غزل وقال بهمس: مش كفاية واقفة ولا إيه الدكتور قال متقفيش كتير
غزل وهي ماسكة إيده وقالت بهمس: ماشي يا ليل .... وبالفعل قعدت على الكرسي وكانت عينها على نوح وكانت بتبصله وتبتسم
فريدة وهي ماسكة إيده بصابعها الصغير: يخلاثي علي القمر إيده صغيرة
مراد بحب لإبنه: لسة مولود جديد فكل حاجة فيه صغيرة
فريدة وهي بتديه نوح بحرص شديد: شيله إنت يا مراد .... ومراد فعلاً شاله وحس بشعور غريب جداً حس إنه أتغير 180 درجة بقا يشتغل في الشركة وشغله بيتحسن بطريقة ملحوظة وقدر يكون عيلة مليانة بالحب والسعادة
نادية بهمس: علي مش المفروض نمشي بقا المفروض نمشي ونسيبهم يرتاحوا شوية أينعم مافيش راحة في المستشفي لكن نسيبهم لوحدهم شوية من غير إزعاج
علي بتفهم: أيوة فعلا عندك حق المفروض نمشي ونسيبهم يرتاحوا شوية ...... وفعلاً قاموا وسلموا على الكل وراحوا عند مراد وندي
نادية بهمس: إحنا هنمشي بقا يا ندي دلوقتي ونسيبك ترتاحي إنتي وجوزك وتقعدوا في هدوء
ندي بحزن: ليه كدا يا ماما ما تخليكوا قاعدين شوية معانا
نادية: لا كفاية كدا إحنا قعدنا كتير هنروح نرتاح وإنتي كمان ترتاحي شوية
ندي بتفهم: ماشي يا ماما اللي يريحك يا حبيبتي
علي وهو بيلاعب نوح: ربنا يخليهولك يارب
مراد وندى في صوت واحد: يارب ...... وسلموا على بعض ومشيوا
سليم بهمس: ثريا وإحنا كمان نمشي بردوا ونسيبهم يرتاحوا
ثريا بتفهم: أيوة عندك حق تعالي نمشي ونسيبهم يرتاحوا شوية بردوا وفريدة عمالة تنام فنروح نسلم عليهم ونمشي .... وسليم راح فعلاً عشان يسلم عليهم
مراد بضحك: هو في إيه يا جماعة مالكوا هي القاعدة مش عجباكوا ولا إيه
سليم بضحك: لا والله القاعدة حلوة في حد ميبقاش عاجبه القاعدة مع حفيده بس نسيبكوا ترتاحوا شوية وكمان بص فريدة ممكن تنام جمب نوح في العربية
مراد بضحك: طيب اللي يريحكوا وصحيها دي عشان تروح معاكوا
سليم: الله وأكبر عليه يا مراد ربنا يخليهولك يارب ... وسلموا على بعض ومشيوا وركبوا العربية واتجهوا الي فيلا الجرحي وليل وغزل إلي فيلا ليل الجرحي
•عند مراد وندي•
ندي وهي ساندة رأسها على كتفه الأيسر: تعبانة أوي وعايزة أنام
مراد بضحك: خلاص بقا مافيش حاجة إسمها نوم بعد البيه دة خلاص في سهر في عياط في الحاجات دي
ندي وهي بتبص لنوح بإبتسامة: مش مهم أعمل أي حاجة عشانه ....وهنا دخل الدكتور وندي عدلت نفسها ومراد حط نوح في العربية الصغيرة بتاعته ووقف
مراد: دكتور تقدر تكتب خروج لندي إمتي؟..
الدكتور بإبتسامة: هكتبلها خروج إنهاردة لإن الفحوصات الطبية خلصت وصحة الطفل والام كويسين فمافيش داعي إنه تقعد هنا
مراد: طيب وورق الخروج هييجي إمتي عشان نمضي عليه؟.
الدكتور بإبتسامة: هييجي مع الممرضة دلوقتي عشان تمضوا عليه
مراد بإبتسامة: شكرا لتعبك معانا يا دكتور
الدكتور بنفس الإبتسامة: عفواً علي إيه دة واجبي .. ومشي والورق جه وندي مضيت عليه ومشيوا وركبوا عربيتهم واتجهوا الي فيلا مراد الجرحي
_________________
•في العربية•
مراد طبعاً هو اللي بيسوق وندي كانت قاعدة جمبه ونوح محطوط في الشنطة بتاعته وكانوا كل شوية يبصوا عليه ويطمنوا عليه
مراد بضحك وهو بيسوق: دة أنا كلت ضرب وعض وشد شعر لما إيه جسمي إتكسر
ندي بضحك: معلش بقا كله يهون عشان نوح
مراد وهو بيسوق: فعلا فداه شعري وكتفي اللي إتخلع من مكانه .... وبعد فترة قليلة وصلوا إلى الفيلا وصفيا رحبت بيهم جدا ومراد وندي طلعوا علي اوضتهم
ندي وهي بتطلع هدومها: مراد لو نوح صحي أديله البيبرونة اللي جمبك دي
مراد بضحك: وماله نديله البيبرونة إحنا ورانا حاجة .... وبعدين مراد شال نوح وفضل يلف بيه في الأوضة وندي فضلت مبتسمة عشان شايفة مراد فرحان لنوح وبعدين دخلت خدت شاور دافئ طويل وبعدين خرجت لقت مراد منين نوح
ندي بإستغراب: اووووه لحقت تأكله وتنيمه كمان أكلته ازاي
مراد: مافيش جبت فيديو من اليوتيوب وعملت زيه وفعلا أكلته ونيمته ..... وندي فضلت تضحك جامد من قلبها لدرجة إنها وقعت على السرير وفضلت تضحك
ندي بدموع ضحك: يعني إنت جبت فيديو من اليوتيوب عشان تعرف تديله البيبرونة إزاي
مراد بضحك: مش أحسن ما كنت سبته جعان من غير اكل لحد ما حضرتك تطلعي من الشاور
ندي بضحك: لا بجد جدع شغلت المخيخ وأكلته كويس إن هو نام عشان نعرف ننام ساعة حتي
مراد: فعلاً تعالي ننام عشان هموت وأنام من إمبارح الفجر قائم من النوم عليكي
ندي: معلش بقا يا مراد إستحمل كل حاجة وليها ضريبتها
مراد: طيب تعالي ننام ..... وفعلاً أخدها في حضنه وناموا لكن نوح فضل يعيط وصحيوا
مراد وندي في صوت واحد: حراااااام
_________________
•بعد مرور إسبوع•
كان جه معاد السبوع وكانت ندي مشغولة بشوية تحضيرات ومراد كان بيجيب كل حاجة بخصوص السبوع
مراد بخبث: لا بس إيه الحلاوة دي دة إنتي أحلي من يوم فرحنا
ندي بخجل: إحترم نفسك يا مراد إحنا في المطبخ ممكن أي حد يدخل علينا دلوقتي
مراد بخبث: طيب ما يدخلوا إحنا بنعمل حاجة غلط إللي يدخل يدخل ..... وقرب منها و...
ندي: عمو سليم شوف إبنك مراد بقا .... ومراد لف بجسمه عشان يشوف وبعدين ندي جريت
ندي وهي بتجري: معلش يا ميرو
مراد وهو بيحك في دقنه: ماشي يا ندى مسيرك هتيجي تحت إيدي
_______________
وجه وقت إسمع كلام أبوك ومتسمعش كلام أمك😂😂 ونادية هي اللي قالت كدا
نادية وهي بتدق الهون: إسمع كلام أبوك ومتسمعش كلام أمك
ندي بهمس: يا ماما أنا بنتك يعني المفروض تقفي معايا
نادية بضحك: ما هو كمان إبني زي ما إنتي بنتي بردوا
مراد بضحك: حماتي اللي دايما واقفة معايا
نادية: إسمع كلام عمتك ومتسمعش كلام خالتك
ندي بضحك: معندهوش خالة أصلا
فريدة وهي بتعدل شعرها بتكبر مصطنع: بس عنده عمة
نوح: وأنا أسمع كلام مين دلوقتي😂
________________
ندي بإبتسامة: ما تشربي مغات يا غزل ولا إنتي مش بتحبيه
غزل: لا والله بحبه بس الحمل مخليني مش عايزة اشربه خالص
ندي بإبتسامة: ماشي يا حبيبتي براحتك
العالم كله في كفة ومازن وفريدة في كفة تانية خالص والكل لاحظ كدا
ندي بضحك وهمس: في قصة حب علي شاطئ الهوا شفت إنت نظرات الحب اللي قدامنا دي
مراد بضحك وهمس: اه شفت شفتي إنتي لما المغات كان هيقع راح مازن مسك الكوباية وقالها إنتي كويسة
ندي بضحك وهمس: اه شفتها دي ربنا يخليهم لبعض
مراد بضحك: يارب وتخلص السنة دي عشان يتجوزوا ونترحم من المحن دة
بقلمي جني أحمد
________________
•بعد مرور شهر•
كانت غزل وصلت للشهر الخامس وراحوا للدكتور عشان يعرفوا نوع المولود
وفعلا ركبوا العربية واتجهوا الي المستشفي ودخلوا للدكتور
الدكتور وهو بيعمل السونار: ما شاء الله الإتنين صحتهم كويسة ونبضهم كويس بردوا
ليل بفضول: يعني ولد ولا بنت ولا ولد وبنت ولا إيه بالظبط
الدكتور بإبتسامة: الإتنين بنات ألف مبروك .... وليل بص لغزل بفرحة وخلصوا وركبوا عربيتهم
_________________
"في العربية"
غزل بفرحة: يااه أنا حامل في بنتين الله كان نفسي في بنوتين فعلا
ليل وهو بيقبل خدها: الحمدلله ربنا رزقنا ببنتين وإن شاء الله هيبقوا زي القمر زي مامتهم
غزل بإبتسامة: بجد يا ليل إنت أحلي حاجة حصلتلي في حياتي أخويا وصاحبي وجوزي وكل ما أملك
ليل: وإنتي أحلي حاجة حصلتلي في حياتي
غزل بحماس: إحنا عايزين إسامي بنات حلوة تؤام كدا
ليل بحماس: لما نروح نبقي نشوف موضوع الأسامي دة
بقلمي جني أحمد
__________________
"في فيلا مراد الجرحي"
ندي بضيق: يووه أكل واكلت وغيار وغيرت عايز إيه بقاا بتعيط لييييه ... ونوح فضل يعيط أكتر
مراد بحب: في إيه يا ندى صوتك واصل لتحت في إيه
ندي بضيق: أكل وكل وشرب وشرب وغيار وغيرت أعمل إيه تاني مش عايز ينام ولا يبطل عياط
مراد بهدوء: طيب هاتيه أنا هشيله ... وفعلا ندي عطتهوله ونوح بطل عياط نهائى
ندي وهي حاطة إيدها علي وسطها وبرفعة حاجب: لا والله يعني بتسكت معاه وأنا تفضل تعيط ليه كنت مرات أبوك ياخسارة علي الـ 9 شهور اللي حملتك فيها
مراد بضحك: غيرانة مني ليه ها الولد بيسكت معايا أنا بس بيحبني أكتر
ندي بغيظ: يعني دة عناد يسكت معاك وميسكتش معايا لا وكمان بينام يعني مرتاح أوي
مراد بضحك: يابنتي بطلي شغل الاطفال دة الولد بيسكت معايا خلاص مش محتاجة كل دة
ندي: طيب طالما بيسكت معاك خليه ينفعك وسكته انت أنا رايحة أنام
مراد بضحك: خلاص والله خلاص تعالي ... وندي راحت له
مراد وهو حاضنها بإيد وبإيده التانية شايل نوح: يابنتي بهزر معاكي والله مش قاصد ازعلك
ندي وهي حضناه: أنا مش زعلانة منك .... وبعدين شبت عشان تبوسه من خده بس مراد وطلها
مراد بضحك: يا اوزعة ندي الأوزعة ... وندي ضربته في كتفه ضربة خفيفة وبعدين ضحكت
مراد: أه صح نسيت اقولك غزل حامل في تؤام بنتين
ندي بفرحة: الله ربنا يتمملها علي خير ويجيبهالهم بالسلامة .. بس عرفت منين
مراد: إنهاردة ليل راح للدكتور وعرفوا وقال لبابا وبابا قالي
ندي: طيب يا حبيبي ربنا يتمملها علي خير وتفرح بيهم لما تولد
بقلمي جني أحمد
_________________
"في فيلا ليل الجرحي"
"في غرفة مراد وندي"
غزل: ها إيه هي الأسامي اللي هنسميها
ليل: إحنا عايزين أسامي بنات علي نفس الوزن فاهمة
غزل: أيوة فهماك إيه رأيك في لارا ولورين علي نفس الوزن أظن
ليل: علي نفس الوزن بس عايزين أسامي أحلي من كدا فهماني
غزل: إيه رأيك في أسامي لانا ولين حلوة على ما أعتقد ها؟.
ليل: إيه رأيك في أسامي تاليا وتالين حلوين وعلي نفس الوزن برضوا؟.
غزل بإنبهار: تحفة الأسامي الإتنين دول تحفهههه
ليل بإبتسامة: يبقي خلاص تاليا وتالين حلوين
غزل بضحك: خلاص إتفقنا يا تاليا يا تالين بطلوا خناق بقا .... وفضلوا يضحكوا جامد
________________
وشهور غزل كانت بتعدي مع التعب والدواء وكدا وكانت بتتطمن طبعاً في المتابعة مع الدكتور لحد ما جت وقت إستقبال تاليا وتالين
غزل بوجع: ليل أنا عايزة أولد دلوقتي
ليل وهو بيشتغل على اللابتوب: بس يا غزل ولادة إيه دي مش بمزاجك
غزل بصويت: يا ليل أنا بولددددد أنا بولددددد .... وليل قفل اللابتوب بصدمة
ليل بصدمة: دة بجد إنتي بتولدي بجد كنت مفكرك بتقولي كدا
غزل بصويت: إخلصصصص إنت لسة هتتكلم ... وليل نزل بغزل وحطها في العربية وإتجهوا إلي المستشفي
بدل ماتدور وتبحث علي الروايات خليها علي تليفونك وحمل تطبيقنا
