.jpg)
رواية حب لايعرف المستحيل الفصل الثاني بقلم نشوه عادل
-ملكيش فلوس عندى ورقمك ده مشوفوش عندى تانى احسنلك
جمالات: لا انتى كده بتلعبى مع الشخص الغلط ي مدام متخلنيش اعمل اللى ميعجبكيش
سامية بضحك: هتعملى ايه يعنى انتى لا تعرفى شكلى ولا عنوانى ولا حتى اسمى فكبيرك تتكلمى وتهرى ع الفاضى
جمالات: لا ي سامية ي ام سلوى وسلمى وسليم وجوزك الاستاذ ممدوح المهندس ف شركة المقاولات وساكنة ف التجمع الخامس انا اعرف عنك كل حاجة
سامية بصدمة: انتى....انتى عرفتى المعلومات دى ازاى انتى كنتى بتراقبينى ولا ايه ؟!
جمالات: عليكى نور متفكريش نفسك ذكية ي ام سلوى ومش كل الطير اللى يتاكل لحمه
سامية: تمام هبعتلك بقيت الفلوس فودافون كاش ومش عاوزة اشوف رقمك عندى تانى
جمالات: ايه حيلك الوضع اتغير ي حبيبتى وانا اللى اقول مش انتى ..انتى تسمعى وتنفذى وبس
سامية: انتى اتجننتى ازاى تكلمينى بالطريقة دى؟!
جمالات: انا اتكلم زى ما انا عايزة ودلوقتى رقبتك هى اللى تحت ايدى ي غالية وع فكرة المكالمة دى متسجلة فالاحسن ليكى كده تستهدى بالله وتسمعى وتنفذى
سامية: اخلصى عاوزة ايه؟!
جمالات: عاوزة ٢٠ الف جنيه
سامية: ايه انتى اتجننتى ولا ايه ٢٠ عفريت ينططوكى ده مستحيل
جمالات: خلاص ناخد التسجيل ونروح لممدوح بيه او نبعته لجوز الست اللى بين الحياة والموت دى وهو يتصرف
سامية وهى بتجز ع اسنانها بغيظ: تمام هبعتهملك دلوقتى
جمالات: تؤ انا معنديش محفظة ومفيش حد هنا هيكون معاه المبلغ ده الاحسن تقابلينى واه مفيش داعى للنقاب ي اختاه
سامية: هقابلك كمان ساعة ف نفس المكان
جمالات: تؤ وبعدين بقى ف ذاكرة السمكة دى ما قولتلك انا اللى اقول
سامية: اخلصى اقابلك فين وامتى؟!
جمالات: استنى منى بكرة تليفون ف نفس الميعاد وانا اقولك نتقابل امتى وفين سلام ي مدام
قفلت جمالات وكان أيمن مبتسم. ....... جمالات: تمام ي باشا نفذت اللى قولته بالحرف
أيمن: برافو عليكى ال ٢٠ اللى هتاخديهم منها وال ١٠ منى حلال عليكى وزى ما وعدتك كل شهر ليكى ٥٠٠٠ جنيه اظن هيغنوكى عن اى شغل مش شريف
جمالات: ان شاء الله يا باشا
أيمن: هستناكى بكرة زى دلوقتى هنا اوعى تتأخرى
جمالات: من قبل الميعاد كمان ي باشا هكون ادامك عن اذنك
عند ريتال اللى كانت متوترة بشكل غريب ورايحة جاية ف الصالة وعيونها ع الباب وكل شويه تبص ع الساعة
ريتال بصوت عالى: وبعدين بقى انت اتأخرت كده ليه ي أيمن مش اتفقنا هترجع ع طول
لقت الباب بيتفتح وكان أيمن وجايب معاه حاجات كتير جريت عليه حضنته وقالت بلهفة: انت اتأخرت كده ليه؟!
أيمن: ايه ي حبيبى مالك بس متوترة كده ليه كنت بجيب الحاجات اللى طلبتيها
ريتال: هى الست دى كانت مين وعاوزة ايه وكدبت عليا ليه؟!
أيمن بمشاكسة: حيلك حيلك ايه كل الاسئلة دى ده وكيل النيابة لما بيجى يسأل مج*رم بيقوله سؤال بسؤال مش كله مع بعضه
ريتال بخوف: بلاش تتهرب من سؤالى لو سمحت وفهمنى ايه اللى بيحصل!
اخدها أيمن وقعدها ع رجله وطبطب عليها بحنان وقالها: هو انا مش وعدتك انى هخلى بالى منك ومش هسمح بأى حاجة تإذيكى
ريتال: ايوة بس ايه علاقة الكلام ده بسؤالى هى الست دى كان حد باعتها ليا؟!
أيمن: متخافيش انا هنا يبقى ازاى تخافى وانا جنبك
ريتال: طب ..طب هو مين اللى بعتها حد من اهلى هما عرفوا طريقنا؟!
أيمن: ممكن تهدى عشان خاطرى ومتفكريش ف اى حاجة والموضوع ملوش علاقة بأهلك اصلا اطمنى بقى ...المهم النونو حجى عامل ايه؟!
ريتال: الحمدلله بس انا عندى ميعاد بكرة مع الدكتورة المغرب
أيمن: فاكر ي قلبى وهكون معاكى ان شاء الله
ريتال بابتسامة: انت حنين اوى ي أيمن كل يوم بتثبتلى انى اختارت صح وانك عوضى ورزقى الحقيقى
أيمن: اوبا بقى ع الكلام اللى الواحد مبيعرفش يرد عليه ده
ريتال: ده مش كلام دى الحقيقة
أيمن: ربنا يقدرنى واكون دايما زى ما بتتمنى ي حبيبى يلا تعالى بقى عشان ناكل لانى واقع من الجوع اوى
ف بيت سامية ....سلوى بخوف: يعنى ايه عرفت عننا كل حاجة ازاى؟!
سامية: اكيد كانت بتراقبنا اومال هتعرف ازاى يعنى
سلوى: طب افرضى انها بتضحك علينا ومنفذتش هنعمل ايه؟!
سامية: ف كل الاحوال احنا مضطرين نعطيها الفلوس بدل ما تقلب الدنيا ع دماغنا دى بتهددنى انها تقول لابوكى او لايمن
سلوى: ايوة بس هنتأكد ازاى اذا كانت نفذت فعلا ولا لا؟!
سامية: رنى عليه كده وشوفيه فين واكيد هتفهمى من صوته
بالفعل مسكت سلوى فونها ورنت ع أيمن لكن كان فونه مقفول ...سامية: طب رنى ع مكتبه
رنت سلوى ع المكتب وردت مروة وقالت: الو مين؟!
سلوى: فين أيمن؟!
مروة: استاذ أيمن نزل من شويه راح ع البيت ولسه لحد الان مرجعش ي فندم لما يرجع اقوله مين سأل عنه؟!
قفلت سلوى السكة ف وشها بدون ما ترد ...سامية: راح ع البيت ومرجعش ودلوقتى فونه مقفول يمكن تكون الست دى نفذت فعلا
سلوى: طب واحنا ليه نمشى ورا ممكن لما نقدر نتأكد بنفسنا
سامية: ازاى بقى؟!
سلوى: نبعت اى حد من طرفنا يسأل البواب ولا حاجة ويديله قرشين
سامية: مينفعش لانه لو حصل فعلا أيمن هيحقق ف الموضوع ولازم نفضل بعيد وي خبر النهاردة بفلوس بكرة يبقى ببلاش
سلوى: نفسى اغمض وافتح الاقى البت دى خرجت من حياته للابد انا مش فاهمة دى طلعت ليا من اى داهية
سامية: اللى يسمعك يقول انك بتحبيه ولا حاجة بلاش الشويتين دول عليا ده انا ماما
سلوى: ما هو اللى احنا عاوزينه مش هيحصل طول ما هى عائق ادامنا
سامية: معليش كل حاجة وليها حل
تانى يوم وصلت جمالات وكان أيمن ف انتظارها وقالها: انتى عارفة هتعملى ايه صح؟!
جمالات: ايوة ي باشا
أيمن: طب يلا رنى عليها
اتصلت جمالات ع سامية وقالت: اهلا ي مدام سامية بصى بقى كمان نص ساعة من دلوقتى تيجى عند (.............) بس متتاخريش بقى عشان سايبة العيال لوحدهم
قفلت جمالات قبل ما سامية ترد حضرت الفلوس ونزلت لوحدها ووصلت ع المكان اللى قالتلها عليه جمالات وقالت: ايه المكان الغريب اللى جايبانى فيه ده وووو.......
بدل ماتدور وتبحث علي الروايات خليها علي تليفونك وحمل تطبيقنا
